Eksodɔs 19
19
Israelmba No Ba Sinai
1Bosoom a otsia ebiasa a Israelmba sii mu fii Egypt asaase do no, da no ara na wɔbaa Sinai sar do. 2Na aber a wotui fii Refidim, na wɔbaa Sinai sar do no, wɔkyeer nsera wɔ sar no do; na hɔ na Israel kyeer nsera wɔ bepɔw no enyim. 3Na Moses fowee kɔr Nyankopɔn nkyɛn, na EWURADZE fii bepɔw no do frɛɛ no see dɛ, Dɛm na se Jakob fi, na ka kyerɛ Israelmba; 4Hom ehu dza medze mayɛ Egyptfo, na mbrɛ mosoaa hom nkɔr ntsaban do, na medze hom baa mara me nkyɛn. 5#1 Pet 2.9 #Deut 4.20; 7.6; 14.2; 26.18; Tit 2.14 Dɛm ntsi afei, sɛ hom betsie me ndze ara ampa, na woedzi m’ahyɛmu do a, ɔnodze, hom bɛyɛ egyapadze a ɔsom bo efi aman nyinara mu ama me: osiandɛ asaase nyinara yɛ medze: 6#Nyi 1.6; 5.10 na hom bɛyɛ asɔfo ahendzi, nye ɔman krɔnkrɔn ama me. Iyinom nye nsɛm a fa ka kyerɛ Israelmba no. 7Na Moses bae na ɔbɛfrɛɛ ɔman mpanyimfo no, na ɔdze nsɛm yi a EWURADZE dze hyɛɛ no nyinara too hɔn enyim. 8Na ɔman no nyinara bɔɔ mu buae, na wɔsee dɛ, Dza EWURADZE aka nyinara, yɛbɛyɛ. Na Moses kɛkaa ɔman no hɔn nsɛm no kyerɛɛ EWURADZE. 9Na EWURADZE see Moses dɛ, Hwɛ, mereba wo nkyɛn wɔ mununkum kebii mu, ama sɛ menye wo kasa a ɔman no aatse, na eso wɔaagye wo edzi daa. Na Moses kaa ɔman no hɔn nsɛm no kyerɛɛ EWURADZE. 10Na EWURADZE see Moses dɛ, Kɔ ɔman no nkyɛn, na tsew hɔn ho ndɛ nye ɔkyena, na ma wɔnhohor hɔn ntar, 11na wonsiesie hɔnho nsie da a otsia ebiasa no: na da a otsia ebiasa no EWURADZE besian wɔ ɔman no nyinara enyim aba bepɔw Sinai do. 12#Heb 12.18-20 Na bɔ ɔman no ho ɔheban hyia, se dɛ, Hom nhwɛ homho yie, ma hom aammfow bepɔw no, anaa hom annkɛka ne he: obiara a ɔbɛka bepɔw no oku na woboku no: 13nsa biara nnka no, mbom abo na wonsiw no, anaa tow na wɔntow no ma onhwira mu; sɛ abowa o, nyimpa o, orinnya nkwa: sɛ abɛn no hɛn kyɛr a, wɔmfow bepɔw no. 14Na Moses sianee fi bepɔw no do kɔr ɔman no nkyɛn, na ɔtseew ɔman no ho; na wɔhohoor hɔn ntar. 15Na ɔsee ɔman no dɛ, Hom nsiesie homho nsie da a otsia ebiasa no: mma wɔnnkɔ ɔbaa biara ho. 16#Nyi 4.5 #Deut 4.11, 12 Na ɔbaa dɛ da a otsia ebiasa no, anapa no, asenaman nye enyinam, nye mununkum kebii baa bepɔw no do, na abɛn ndze dzendzen mbordo; na ɔman a wɔwɔ nseraban no mu nyinara ho popoe. 17Na Moses dze ɔman no fir edzi fii nseraban no mu dɛ worikehyia Nyankopɔn; na wokegyinagyinaa bepɔw no ase afamu. 18Na bepɔw Sinai no nyinara rupun wusiw, osiandɛ EWURADZE nam gya mu sianee baa do: na no wusiw no tui kɔr sor dɛ fononoo mu wusiw, na bepɔw no nyinara wosoow kɛsenara. 19Na abɛn no ne ndze yɛɛ dzendzenndzen dodow no, Moses kasae, na Nyankopɔn dze ndze gyee no do. 20Na EWURADZE sianee baa bepɔw Sinai do, wɔ bepɔw no etsifi: na EWURADZE frɛɛ Moses dɛ ɔnkɔ bepɔw no etsifi: na Moses fowee kɔree. 21Na EWURADZE see Moses dɛ, Sian famu behyia ɔman no, amma wɔaanntsetsew mu ammba EWURADZE nkyɛn ammbɔhwɛ, ma hom mu pii aanntotɔ. 22Na ma asɔfo no so a wɔba EWURADZE nkyɛn no ntsew hɔnho, amma EWURADZE eenntu annhyɛ hɔn do. 23Na Moses see EWURADZE dɛ, Ɔman no runntum mmfow mmba bepɔw Sinai do: osiandɛ woara hyɛɛ hɛn dɛ, Bɔ bepɔw no ho ɔheban hyia, na tsew ho. 24Na EWURADZE see no dɛ, Kɔ, sian famu; na fow bra, ɔwo, nye Aaron ka wo ho: na mma asɔfo no nye ɔman no nntsetsew mu mmfow mmba EWURADZE nkyɛn, amma oeenntu annhyɛ hɔn do. 25Nna Moses sianee kɔr ɔman no nkyɛn, na ɔkɛkaa kyerɛɛ hɔn.
Currently Selected:
Eksodɔs 19: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Eksodɔs 19
19
Israelmba No Ba Sinai
1Bosoom a otsia ebiasa a Israelmba sii mu fii Egypt asaase do no, da no ara na wɔbaa Sinai sar do. 2Na aber a wotui fii Refidim, na wɔbaa Sinai sar do no, wɔkyeer nsera wɔ sar no do; na hɔ na Israel kyeer nsera wɔ bepɔw no enyim. 3Na Moses fowee kɔr Nyankopɔn nkyɛn, na EWURADZE fii bepɔw no do frɛɛ no see dɛ, Dɛm na se Jakob fi, na ka kyerɛ Israelmba; 4Hom ehu dza medze mayɛ Egyptfo, na mbrɛ mosoaa hom nkɔr ntsaban do, na medze hom baa mara me nkyɛn. 5#1 Pet 2.9 #Deut 4.20; 7.6; 14.2; 26.18; Tit 2.14 Dɛm ntsi afei, sɛ hom betsie me ndze ara ampa, na woedzi m’ahyɛmu do a, ɔnodze, hom bɛyɛ egyapadze a ɔsom bo efi aman nyinara mu ama me: osiandɛ asaase nyinara yɛ medze: 6#Nyi 1.6; 5.10 na hom bɛyɛ asɔfo ahendzi, nye ɔman krɔnkrɔn ama me. Iyinom nye nsɛm a fa ka kyerɛ Israelmba no. 7Na Moses bae na ɔbɛfrɛɛ ɔman mpanyimfo no, na ɔdze nsɛm yi a EWURADZE dze hyɛɛ no nyinara too hɔn enyim. 8Na ɔman no nyinara bɔɔ mu buae, na wɔsee dɛ, Dza EWURADZE aka nyinara, yɛbɛyɛ. Na Moses kɛkaa ɔman no hɔn nsɛm no kyerɛɛ EWURADZE. 9Na EWURADZE see Moses dɛ, Hwɛ, mereba wo nkyɛn wɔ mununkum kebii mu, ama sɛ menye wo kasa a ɔman no aatse, na eso wɔaagye wo edzi daa. Na Moses kaa ɔman no hɔn nsɛm no kyerɛɛ EWURADZE. 10Na EWURADZE see Moses dɛ, Kɔ ɔman no nkyɛn, na tsew hɔn ho ndɛ nye ɔkyena, na ma wɔnhohor hɔn ntar, 11na wonsiesie hɔnho nsie da a otsia ebiasa no: na da a otsia ebiasa no EWURADZE besian wɔ ɔman no nyinara enyim aba bepɔw Sinai do. 12#Heb 12.18-20 Na bɔ ɔman no ho ɔheban hyia, se dɛ, Hom nhwɛ homho yie, ma hom aammfow bepɔw no, anaa hom annkɛka ne he: obiara a ɔbɛka bepɔw no oku na woboku no: 13nsa biara nnka no, mbom abo na wonsiw no, anaa tow na wɔntow no ma onhwira mu; sɛ abowa o, nyimpa o, orinnya nkwa: sɛ abɛn no hɛn kyɛr a, wɔmfow bepɔw no. 14Na Moses sianee fi bepɔw no do kɔr ɔman no nkyɛn, na ɔtseew ɔman no ho; na wɔhohoor hɔn ntar. 15Na ɔsee ɔman no dɛ, Hom nsiesie homho nsie da a otsia ebiasa no: mma wɔnnkɔ ɔbaa biara ho. 16#Nyi 4.5 #Deut 4.11, 12 Na ɔbaa dɛ da a otsia ebiasa no, anapa no, asenaman nye enyinam, nye mununkum kebii baa bepɔw no do, na abɛn ndze dzendzen mbordo; na ɔman a wɔwɔ nseraban no mu nyinara ho popoe. 17Na Moses dze ɔman no fir edzi fii nseraban no mu dɛ worikehyia Nyankopɔn; na wokegyinagyinaa bepɔw no ase afamu. 18Na bepɔw Sinai no nyinara rupun wusiw, osiandɛ EWURADZE nam gya mu sianee baa do: na no wusiw no tui kɔr sor dɛ fononoo mu wusiw, na bepɔw no nyinara wosoow kɛsenara. 19Na abɛn no ne ndze yɛɛ dzendzenndzen dodow no, Moses kasae, na Nyankopɔn dze ndze gyee no do. 20Na EWURADZE sianee baa bepɔw Sinai do, wɔ bepɔw no etsifi: na EWURADZE frɛɛ Moses dɛ ɔnkɔ bepɔw no etsifi: na Moses fowee kɔree. 21Na EWURADZE see Moses dɛ, Sian famu behyia ɔman no, amma wɔaanntsetsew mu ammba EWURADZE nkyɛn ammbɔhwɛ, ma hom mu pii aanntotɔ. 22Na ma asɔfo no so a wɔba EWURADZE nkyɛn no ntsew hɔnho, amma EWURADZE eenntu annhyɛ hɔn do. 23Na Moses see EWURADZE dɛ, Ɔman no runntum mmfow mmba bepɔw Sinai do: osiandɛ woara hyɛɛ hɛn dɛ, Bɔ bepɔw no ho ɔheban hyia, na tsew ho. 24Na EWURADZE see no dɛ, Kɔ, sian famu; na fow bra, ɔwo, nye Aaron ka wo ho: na mma asɔfo no nye ɔman no nntsetsew mu mmfow mmba EWURADZE nkyɛn, amma oeenntu annhyɛ hɔn do. 25Nna Moses sianee kɔr ɔman no nkyɛn, na ɔkɛkaa kyerɛɛ hɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.