Eksodɔs 17
17
Nsu Fi Bobaa Mu Ba
(Nkanee 20.1-13)
1 #
Nka 20.2-13
Na Israelmba mboanofo no nyinara tui fii Sin sar no do, wɔ hɔn akwantu mu, dɛ mbrɛ EWURADZE mbrasɛm tse, na wɔkɛkyekyeer nsera wɔ Refidim: na nsu nnyi hɔ mma ɔman no dɛ wɔbɔnom. 2Dɛm ntsi ɔman no nye Moses hamee, na wɔsee dɛ, Ma hɛn nsu ma yɛnnom. Na Moses see hɔn dɛ, Ebɛnadze ntsi na hom nye me reham? Ebɛnadze ntsi na hom rosɔ EWURADZE ahwɛ yi? 3Na nsukɔm dzee ɔman no wɔ hɔ; na ɔman no hwinhwiin Moses ho, na wɔsee dɛ, Ebɛnadze ntsi na iyii hɛn fii Egypt bae, dɛ edze nsukɔm ruboku hɛn nye hɛn mba nye hɛn mbowa yi? 4Na Moses sui frɛɛ EWURADZE see dɛ, Ebɛnadze na menyɛ memma ɔman yi? Aka kakra ma woeesiw me abo. 5Na EWURADZE see Moses dɛ, Pa ho kedzi ɔman no enyim, na fa Israel mpanyin no bi ka woho; na wo poma a edze bɔɔ esutsen no, fa kitsa wo nsamu, na kɔ. 6Hwɛ, mibegyina w’enyim wɔ hɔ wɔ Horeb ɔbotan no do; na bɔ ɔbotan no, na nsu befi mu aba, ma ɔman no aanom. Na Moses yɛɛ dɛm wɔ Israel mpanyin no enyim. 7Na ɔfrɛɛ bea no ne dzin Massa, nye Meriba, osian Israelmba hɔn ham no ntsi, na EWURADZE a wɔsɔɔ no hwɛe see dɛ, Ana EWURADZE wɔ hɛn mu, anaa onnyi mu ntsi a?
Israel nye Amalek Ko
8Nna Amalek bae, na ɔnye Israel bɔkoe wɔ Refidim. 9Na Moses see Josua dɛ, San mu yiyi mbanyin ma hɛn, na fir edzi kɔ, nye Amalek nkɔko: ɔkyena medze Nyankopɔn poma no bekitsa me nsamu mekegyina koko no etsifi. 10Nna Josua yɛɛ dɛ mbrɛ Moses see no no, na ɔnye Amalek kɔkoe: na Moses, Aaron, nye Hur fowee kɔr koko no etsifi. 11Na ɔbaa dɛ, sɛ Moses ma ne nsa do a, nna Israel edzi nyim: na sɛ ɔto ne nsa famu a, nna Amalek edzi nyim. 12Na Moses ne nsa gyenee; na wɔfaa ɔbo, na wɔdze too n’ase, na ɔtsenaa do; na Aaron nye Hur susuoo ne nsamu gyinae, ɔbaako dze afa, na ɔbaako so dze afa so; na ne nsa gyinaa dzinn kodur witɔree. 13Na Josua dwereew Amalek nye ne man afona ano. 14#Deut 25.17-19; 1 Sam 15.2-9 Na EWURADZE see Moses dɛ, Kyerɛw iyi wɔ nwoma mu fa yɛ nkaa, na ka hyɛ Josua n’asomu: dɛ pepa ara na mebɛpepa Amalek ho nkaa mefi ɔsor ase. 15Na Moses sii afɔrmbukyia, na ɔfrɛɛ ne dzin Yahweh-nissi, (a ase nye, EWURADZE nye me frankaa), 16na ɔsee dɛ, EWURADZE esua: EWURADZE nye Amalek bedzi ako fi ebusuasantsen do ekodu ebusuasantsen do.
Currently Selected:
Eksodɔs 17: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Eksodɔs 17
17
Nsu Fi Bobaa Mu Ba
(Nkanee 20.1-13)
1 #
Nka 20.2-13
Na Israelmba mboanofo no nyinara tui fii Sin sar no do, wɔ hɔn akwantu mu, dɛ mbrɛ EWURADZE mbrasɛm tse, na wɔkɛkyekyeer nsera wɔ Refidim: na nsu nnyi hɔ mma ɔman no dɛ wɔbɔnom. 2Dɛm ntsi ɔman no nye Moses hamee, na wɔsee dɛ, Ma hɛn nsu ma yɛnnom. Na Moses see hɔn dɛ, Ebɛnadze ntsi na hom nye me reham? Ebɛnadze ntsi na hom rosɔ EWURADZE ahwɛ yi? 3Na nsukɔm dzee ɔman no wɔ hɔ; na ɔman no hwinhwiin Moses ho, na wɔsee dɛ, Ebɛnadze ntsi na iyii hɛn fii Egypt bae, dɛ edze nsukɔm ruboku hɛn nye hɛn mba nye hɛn mbowa yi? 4Na Moses sui frɛɛ EWURADZE see dɛ, Ebɛnadze na menyɛ memma ɔman yi? Aka kakra ma woeesiw me abo. 5Na EWURADZE see Moses dɛ, Pa ho kedzi ɔman no enyim, na fa Israel mpanyin no bi ka woho; na wo poma a edze bɔɔ esutsen no, fa kitsa wo nsamu, na kɔ. 6Hwɛ, mibegyina w’enyim wɔ hɔ wɔ Horeb ɔbotan no do; na bɔ ɔbotan no, na nsu befi mu aba, ma ɔman no aanom. Na Moses yɛɛ dɛm wɔ Israel mpanyin no enyim. 7Na ɔfrɛɛ bea no ne dzin Massa, nye Meriba, osian Israelmba hɔn ham no ntsi, na EWURADZE a wɔsɔɔ no hwɛe see dɛ, Ana EWURADZE wɔ hɛn mu, anaa onnyi mu ntsi a?
Israel nye Amalek Ko
8Nna Amalek bae, na ɔnye Israel bɔkoe wɔ Refidim. 9Na Moses see Josua dɛ, San mu yiyi mbanyin ma hɛn, na fir edzi kɔ, nye Amalek nkɔko: ɔkyena medze Nyankopɔn poma no bekitsa me nsamu mekegyina koko no etsifi. 10Nna Josua yɛɛ dɛ mbrɛ Moses see no no, na ɔnye Amalek kɔkoe: na Moses, Aaron, nye Hur fowee kɔr koko no etsifi. 11Na ɔbaa dɛ, sɛ Moses ma ne nsa do a, nna Israel edzi nyim: na sɛ ɔto ne nsa famu a, nna Amalek edzi nyim. 12Na Moses ne nsa gyenee; na wɔfaa ɔbo, na wɔdze too n’ase, na ɔtsenaa do; na Aaron nye Hur susuoo ne nsamu gyinae, ɔbaako dze afa, na ɔbaako so dze afa so; na ne nsa gyinaa dzinn kodur witɔree. 13Na Josua dwereew Amalek nye ne man afona ano. 14#Deut 25.17-19; 1 Sam 15.2-9 Na EWURADZE see Moses dɛ, Kyerɛw iyi wɔ nwoma mu fa yɛ nkaa, na ka hyɛ Josua n’asomu: dɛ pepa ara na mebɛpepa Amalek ho nkaa mefi ɔsor ase. 15Na Moses sii afɔrmbukyia, na ɔfrɛɛ ne dzin Yahweh-nissi, (a ase nye, EWURADZE nye me frankaa), 16na ɔsee dɛ, EWURADZE esua: EWURADZE nye Amalek bedzi ako fi ebusuasantsen do ekodu ebusuasantsen do.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.