Ndwuma 24
24
Nkuro a Wɔbɔe Tsiaa Paul
1Nda enum ekyir no, ɔsɔfopanyin Ananias nye mpanyimfo no binom nye mbranyimnyi bi a wɔfrɛ no Tertulus sianee bae, na hɔn na wɔbɔbɔɔ Paul ho nkuro kyerɛɛ ambrado no. 2Na wɔfrɛɛ no no, Tertulus hyɛɛ ase bɔɔ nkuro dɛ: Ɔnam dɛ yɛnam wo do enya asomdwee pii, nye ɔmansesɛw a ɔnam wo nyimdzee do baa man yi mu, 3onyimnyamfo Feliks, yinom nyina yɛdze ndaase nyina gye daa wɔ mbea nyina. 4Na meremma asɛm no nnwar pii ntsi, meserɛ wo fa w’adom tsie hɛn kakra. 5Na yeehu ɔbarimba yi dɛ ɔyɛ obusuyɛfo, na ɔdze mansotwe ba Jewfo nyina mu wɔ wiadze nyina, na ɔyɛ Nazarene fɛkuw no mu ɔkandzifo; 6na ɔsɔe hwɛe so dɛ ɔdze fi bɛka asɔrfi no: ɔno na yɛkɛkyeer no: 7[na nkyɛ yɛpɛɛ dɛ yɛnam hɛn mbra no do bu no atsɛn; na safohen panyin Lisias baa hɛn do, na ɔdze enyimpi bohwiim no wɔ hɛn nsamu kɔree, na ɔhyɛɛ n’atoafo dɛ wɔmbra wo hɔ;]#24.7 Tsetse akyerɛwfo no bi mmfa nkyekyɛmu esuon yi nnka ho. 8na woara so ehwehwɛ mu a, ibotum ehu dza osian ntsi a yɛnye no robɔ nkuro nyina. 9Na Jewfo no so foaa no do dɛ nsɛm no nyina tse dɛm.
Paul Yi N’ano Wɔ Feliks Enyim
10Na ambrado no too Paul nsa dɛ ɔnkasa no, Paul buaa dɛ: Susuampa dɛ minyim dɛ ifitsii eyɛɛ ɔman yi tsɛmbuafo edzi mfe pii ntsi, medze akomatɔmu miyi m’ano: 11na ibotum ehu dɛ ɔmmbor dadu ndaebien na mokɔr Jerusalɛm dɛ morokɔsɔr; 12na woennhu me asɔrfi mu anaa nhyiamudan mu anaa kurow mu hɔ, dɛ menye bi rekasa anaadɛ meretan nyimpadodow enyi. 13Eso worunntum nnkyerɛ ndzɛmba a wɔrotoatoa m’ano wɔ ho yi. 14Na iyi dze, mepaa mu meka kyerɛ wo dɛ, Ɔkwan a wɔfrɛ no Fɛkuw no mu na mosom m’egyanom Nyankopɔn, dɛ megye ndzɛmba a wɔakyerɛw wɔ mbra no nye nkɔnhyɛfo no mu midzi; 15na mowɔ Nyankopɔn ho enyidado a hɔnara so hwɛ no kwan no, dɛ owusoɛr bi bɛba a hɔn a wɔtsen nye hɔn a wɔnntsen so bɔsoɛr. 16Na iyi mu na mo so mobɔ bra dɛ mibenya tsibowa a ntotoananmu nnyi mu wɔ Nyankopɔn nye nyimpa afamu daa. 17#Ndwu 21.17-28 Na mfe pii ekyir no, mebaa dɛ medze ayɛyɛdze merebrɛ me man, nye afɔrbɔdze; 18na iyi mu na wohun me wɔ asɔrfi mu dɛ meguar moho, eso menndze nyimpadodow anaa gyigyeegye bi; na Jewfo bi a wofi Asia, 19hɔn na ɔsɛ dɛ nkyɛ wɔba w’enyim, sɛ wɔnye me wɔ asɛm bi a wɔnye me bɔbɔ nkuro. 20Anaaso iyinom ara a wogyina ha yi nka dɛ, migyinaa baguafo no enyim no, wohun emumuyɛ bi wɔ mo ho 21ka asɛm kor yi ara a migyinaa hɔn mu no metseaa mu kaa dɛ, Ewufosoɛr ntsi na worubu me atsɛn ndɛ yi.
22Na Feliks nyim Ɔkwan no ho asɛm yie no ntsi, ɔkaa kyerɛɛ hɔn dɛ, Hom ntwentweɔn do kakra na sɛ safohen panyin Lisias ba a, nna mibetsie asɛm no mu yie. 23Na ɔhyɛɛ ɔhamupanyin no dɛ ɔmfa Paul nsie, na ɔmma ondzi noho, na mma onnsiw n’amanyimfo bi kwan dɛ wɔbɔsom no.
Paul Wɔ Feliks na Drusila Enyim
24Na nda bi ekyir Feliks nye ne yer Drusila a ɔyɛ Jewnyi no bae, na ɔsomae kɛfrɛɛ Paul, na otsiee gyedzi a ɔwɔ Kraest Jesus mu ho asɛm. 25Na ɔreka tsenenee, nye enyidahɔ, nye atsɛmbu a ɔreba ho asɛm no, Feliks bɔɔ hu na obuaa dɛ, Sesei dze kɔ; na minya ho adagyer a, mebɛma wɔabɛfrɛ wo. 26Na n’enyi daa kwan so dɛ Paul bɛma no sika: dɛm ntsi daa ɔmaa wɔkɛfrɛɛ no, na ɔnye no twetwee nkɔmbɔ. 27Na mfe ebien durii no, Porkius Festus bedzii Feliks ananmu; na Feliks pɛɛ dɛ ɔsɔ Jewfo enyi ntsi, ɔdaan Paul gyaa efiadze hɔ.
Currently Selected:
Ndwuma 24: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 24
24
Nkuro a Wɔbɔe Tsiaa Paul
1Nda enum ekyir no, ɔsɔfopanyin Ananias nye mpanyimfo no binom nye mbranyimnyi bi a wɔfrɛ no Tertulus sianee bae, na hɔn na wɔbɔbɔɔ Paul ho nkuro kyerɛɛ ambrado no. 2Na wɔfrɛɛ no no, Tertulus hyɛɛ ase bɔɔ nkuro dɛ: Ɔnam dɛ yɛnam wo do enya asomdwee pii, nye ɔmansesɛw a ɔnam wo nyimdzee do baa man yi mu, 3onyimnyamfo Feliks, yinom nyina yɛdze ndaase nyina gye daa wɔ mbea nyina. 4Na meremma asɛm no nnwar pii ntsi, meserɛ wo fa w’adom tsie hɛn kakra. 5Na yeehu ɔbarimba yi dɛ ɔyɛ obusuyɛfo, na ɔdze mansotwe ba Jewfo nyina mu wɔ wiadze nyina, na ɔyɛ Nazarene fɛkuw no mu ɔkandzifo; 6na ɔsɔe hwɛe so dɛ ɔdze fi bɛka asɔrfi no: ɔno na yɛkɛkyeer no: 7[na nkyɛ yɛpɛɛ dɛ yɛnam hɛn mbra no do bu no atsɛn; na safohen panyin Lisias baa hɛn do, na ɔdze enyimpi bohwiim no wɔ hɛn nsamu kɔree, na ɔhyɛɛ n’atoafo dɛ wɔmbra wo hɔ;]#24.7 Tsetse akyerɛwfo no bi mmfa nkyekyɛmu esuon yi nnka ho. 8na woara so ehwehwɛ mu a, ibotum ehu dza osian ntsi a yɛnye no robɔ nkuro nyina. 9Na Jewfo no so foaa no do dɛ nsɛm no nyina tse dɛm.
Paul Yi N’ano Wɔ Feliks Enyim
10Na ambrado no too Paul nsa dɛ ɔnkasa no, Paul buaa dɛ: Susuampa dɛ minyim dɛ ifitsii eyɛɛ ɔman yi tsɛmbuafo edzi mfe pii ntsi, medze akomatɔmu miyi m’ano: 11na ibotum ehu dɛ ɔmmbor dadu ndaebien na mokɔr Jerusalɛm dɛ morokɔsɔr; 12na woennhu me asɔrfi mu anaa nhyiamudan mu anaa kurow mu hɔ, dɛ menye bi rekasa anaadɛ meretan nyimpadodow enyi. 13Eso worunntum nnkyerɛ ndzɛmba a wɔrotoatoa m’ano wɔ ho yi. 14Na iyi dze, mepaa mu meka kyerɛ wo dɛ, Ɔkwan a wɔfrɛ no Fɛkuw no mu na mosom m’egyanom Nyankopɔn, dɛ megye ndzɛmba a wɔakyerɛw wɔ mbra no nye nkɔnhyɛfo no mu midzi; 15na mowɔ Nyankopɔn ho enyidado a hɔnara so hwɛ no kwan no, dɛ owusoɛr bi bɛba a hɔn a wɔtsen nye hɔn a wɔnntsen so bɔsoɛr. 16Na iyi mu na mo so mobɔ bra dɛ mibenya tsibowa a ntotoananmu nnyi mu wɔ Nyankopɔn nye nyimpa afamu daa. 17#Ndwu 21.17-28 Na mfe pii ekyir no, mebaa dɛ medze ayɛyɛdze merebrɛ me man, nye afɔrbɔdze; 18na iyi mu na wohun me wɔ asɔrfi mu dɛ meguar moho, eso menndze nyimpadodow anaa gyigyeegye bi; na Jewfo bi a wofi Asia, 19hɔn na ɔsɛ dɛ nkyɛ wɔba w’enyim, sɛ wɔnye me wɔ asɛm bi a wɔnye me bɔbɔ nkuro. 20Anaaso iyinom ara a wogyina ha yi nka dɛ, migyinaa baguafo no enyim no, wohun emumuyɛ bi wɔ mo ho 21ka asɛm kor yi ara a migyinaa hɔn mu no metseaa mu kaa dɛ, Ewufosoɛr ntsi na worubu me atsɛn ndɛ yi.
22Na Feliks nyim Ɔkwan no ho asɛm yie no ntsi, ɔkaa kyerɛɛ hɔn dɛ, Hom ntwentweɔn do kakra na sɛ safohen panyin Lisias ba a, nna mibetsie asɛm no mu yie. 23Na ɔhyɛɛ ɔhamupanyin no dɛ ɔmfa Paul nsie, na ɔmma ondzi noho, na mma onnsiw n’amanyimfo bi kwan dɛ wɔbɔsom no.
Paul Wɔ Feliks na Drusila Enyim
24Na nda bi ekyir Feliks nye ne yer Drusila a ɔyɛ Jewnyi no bae, na ɔsomae kɛfrɛɛ Paul, na otsiee gyedzi a ɔwɔ Kraest Jesus mu ho asɛm. 25Na ɔreka tsenenee, nye enyidahɔ, nye atsɛmbu a ɔreba ho asɛm no, Feliks bɔɔ hu na obuaa dɛ, Sesei dze kɔ; na minya ho adagyer a, mebɛma wɔabɛfrɛ wo. 26Na n’enyi daa kwan so dɛ Paul bɛma no sika: dɛm ntsi daa ɔmaa wɔkɛfrɛɛ no, na ɔnye no twetwee nkɔmbɔ. 27Na mfe ebien durii no, Porkius Festus bedzii Feliks ananmu; na Feliks pɛɛ dɛ ɔsɔ Jewfo enyi ntsi, ɔdaan Paul gyaa efiadze hɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.