Ndwuma 16
16
Timoti Bɛkaa Paul nye Silas ho
1Na okodur Derbe nye Listra so: na hwɛ, Osuanyi bi wɔ hɔ a ne dzin dze Timoti a ɔyɛ Jewnyi ɔbaa bi a ɔbɛyɛɛ gyedzinyi no ne ba, na n’egya dze, ɔyɛ Griiknyi. 2Oyi na enuanom a wɔwɔ Listra nye Ikonium no bɔɔ no dzin pa. 3Na Paul pɛɛ dɛ ɔnye no kɔ, na ɔfaa no twaa no twatsia osian Jewfo a wɔwɔ apaa mu hɔ no ntsi, osiandɛ hɔn nyina nyim dɛ n’egya yɛ Griiknyi. 4Na worutwa mu wɔ nkurow no mu no, wɔdze mbra a asomafo nye mpanyimfo a wɔwɔ Jerusalɛm hyɛe no maa hɔn dɛ wondzi do. 5Na asɔr horow no yɛɛ ndam wɔ gyedzi no mu, na hɔn dodow kɔr sor daa.
Paul N’enyido adzehu wɔ Troas
6Na wokotwaa mu wɔ Frigyia nye Galatia asaase do, na Sunsum Krɔnkrɔn no braa hɔn dɛ mma wɔnnka asɛm no wɔ Asia; 7na wɔbaa Misia tsentsendo no, wɔpɛɛ dɛ nkyɛ wɔbɔkɔ Bitinia; na Jesus no Sunsum amma hɔn kwan; 8na wɔpaa Misia ho baa Troas. 9Na anadwe no, Paul nyaa enyido adzehu dɛ Masidonia ɔbarimba bi gyina hɔ reserɛ no dɛ, Twa bra Masidonia bɔboa hɛn. 10Na ohun enyido adze no, ntsɛmara na yɛhyehyɛɛ dɛ yerisi mu akɔ Masidonia, osiandɛ yehun no ampa dɛ Ewuradze afrɛ hɛn dɛ yɛnkɛka asɛmpa no nkyerɛ hɔn.
Lidia Nye Fifo Gyee Ewuradze Dzii
11Dɛm ntsi yetui fii Troas tseen hɛnho baa Samotreesi, na adze kyee no yɛbaa Neapolis; 12na yefii hɔ baa Filipi a ɔyɛ kuropɔn wɔ Masidonia a ɔyɛ mansin no mu; na yedzii kurow yi mu nda kakra. 13Na ahomgyeda no yefii kuropɔn no mu kɔr esutsen ho wɔ beebi a yɛdween dɛ asɔryɛbea bi wɔ, na yɛtsenaa ase na yɛkasaa kyerɛɛ mbaa a woebehyia hɔ no. 14Na ɔbaa bi a ne dzin dze Lidia a ɔtɔn tam memen, nyamesuronyi a ofi Tiatira kurow mu no tsee: ɔno na Ewuradze buee n’akoma dɛ ontsie dza Paul kae no. 15Na wonumaa ɔno nye ne fiemba no, ɔserɛɛ dɛ, Sɛ hom ebu me dɛ megye Ewuradze dzi ara ampa a, hom mbra me fie mbɛtsena hɔ. Na ɔserɛɛ hɛn araa ma yɛnye no kɔree.
Abaawa bi N’ayarsa
16Na ɔbaa dɛ yɛrokɔ asɔryɛbea no, abaawa bi a ɔwɔ akɔm sunsum behyiaa hɛn, ɔno na ɔdze akɔm ama no wuranom enya hɔnho twom. 17Odzii Paul nye hɛn ekyir, na ɔtseaa mu dɛ, Nyimpa yi yɛ Ɔsorsor Nyankopɔn nkowaa a wɔkyerɛ hom nkwagye kwan. 18Na ɔyɛɛ iyi nda pii. Na ɔyɛɛ Paul ahomtsew na ɔdaan noho see sunsum no dɛ, Mehyɛ wo wɔ Jesus Kraest dzin mu dɛ fi no mu fi. Na ofiir edzi dɔn no ara mu.
19Na no wuranom hun dɛ hɔn adzenya enyidado asa no wosusuoo Paul nye Silas mu twee hɔn kɔr gua do etsitsir no enyim, 20na wɔdze hɔn kɛmaa asɛndzifo no dɛ, Nyimpa yi a wɔyɛ Jewfo yi, wɔretan hɛn kurow yi enyi, 21na wɔrekyerɛkyerɛ amambra a yennyi ho kwan dɛ yɛgye anaadɛ yɛyɛ, ɔnam dɛ yɛyɛ Romefo ntsi. 22Na nyimpadodow no soɛree tsiaa hɔn; na asɛndzifo no tsetseew hɔn ntar mu fii hɔnho, na wɔhyɛɛ dɛ wɔmbɔ hɔn mbaa. 23Na wɔbɔɔ hɔn mbaa pii no, wɔdze hɔn koguu efiadze, na wɔhyɛɛ efiadzehwɛnyi no dɛ ɔmfa hɔn nsie yie; 24na ɔnodze, ɔgyee dɛm ahyɛdze yi no, ɔdze hɔn koguu efiadze a ɔwɔ ekyir no mu, na ɔbɔɔ hɔn anan dua mu. 25Na esuom no, Paul nye Silas bɔɔ mpaa na wɔtoow ndwom maa Nyankopɔn, na adaduafo no tsiee hɔn. 26Na awerɛfir mu ara asaasewosow kɛse bae ma efiadze no fapem hihimii, na amonmu hɔ ara mbobow no nyina buebuei, na hɔn nyina hɔn nkyehoma sansanee. 27Na efiadzehwɛnyi no nyanee fii nda mu, na ohun dɛ efiadze mbobow no ebuebue no, ɔtwee n’afona dɛ oribedzi noho ewu osiandɛ ɔdween dɛ adaduafo no eguanguan. 28Na Paul dze ndze kɛse tseaa mu dɛ, Mma nnyɛ woho bɔn bi, na hɛn nyina wɔ ha. 29Na obisaa kandzea dze ntsɛmpɛ kɔr mu, na ɔdze ahopopo kɔhwee Paul nye Silas enyim, 30na ɔdze hɔn fiir edzi, na ɔsee dɛ, Ewuranom, ebɛnadze na menyɛ ma wɔngye me nkwa? 31Na wɔsee no dɛ, Gye Ewuradze Jesus dzi, na wɔbɛgye ɔwo nye wo fifo nkwa. 32Na wɔkaa Ewuradze n’asɛm no kyerɛɛ ɔno nye hɔn a wɔwɔ ne fie nyina. 33Na ɔfaa hɔn anadwe dɔn no ara mu hohoor hɔn mbaa no ano, na ɔmaa wonumaa ɔno nye hɔn a wɔyɛ nedze nyina amonmu hɔ ara. 34Na ɔdze hɔn baa ne fie, na ɔtoo hɔn pon, na no ho sɛpɛɛw no, ɔnye ne fiemba nyina, osiandɛ ɔagye Nyankopɔn edzi.
35Na adze kyee no, asɛndzifo no somaa nsordaafo baa dɛ, Gyaa nyimpa no ma wɔnkɔ. 36Na efiadzehwɛnyi no kaa asɛm no kyerɛɛ Paul dɛ, Asɛndzifo no asoma dɛ wongyaa hom ma hom nkɔ: dɛm ntsi afei hom mpue nkɔ dwudwoodwo. 37Na Paul see hɔn dɛ, Woemmbu hɛn atsɛn, na wɔahwe hɛn a yɛyɛ Romefo wɔ gua do, na wɔdze hɛn egu efiadze, na afei worigyaa hɛn wɔ nsumaa mu anaa? Dabida! Na ma hɔnara mbra mbeyi hɛn. 38Na nsordaafo no kɛkaa asɛm no kyerɛɛ asɛndzifo no, na wɔtsee dɛ wɔyɛ Romefo no, wosuroi; 39na wɔbae bɛpaa hɔn kyɛw maa hɔn dzibem, na woyii hɔn na wɔserɛɛ hɔn dɛ womfi kurow no mu nkɔ. 40Na wofii efiadze hɔ kɔr Lidia fie, na wohun enuanom no, wɔhyɛɛ hɔn nkuran, na wofii hɔ kɔree.
Currently Selected:
Ndwuma 16: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 16
16
Timoti Bɛkaa Paul nye Silas ho
1Na okodur Derbe nye Listra so: na hwɛ, Osuanyi bi wɔ hɔ a ne dzin dze Timoti a ɔyɛ Jewnyi ɔbaa bi a ɔbɛyɛɛ gyedzinyi no ne ba, na n’egya dze, ɔyɛ Griiknyi. 2Oyi na enuanom a wɔwɔ Listra nye Ikonium no bɔɔ no dzin pa. 3Na Paul pɛɛ dɛ ɔnye no kɔ, na ɔfaa no twaa no twatsia osian Jewfo a wɔwɔ apaa mu hɔ no ntsi, osiandɛ hɔn nyina nyim dɛ n’egya yɛ Griiknyi. 4Na worutwa mu wɔ nkurow no mu no, wɔdze mbra a asomafo nye mpanyimfo a wɔwɔ Jerusalɛm hyɛe no maa hɔn dɛ wondzi do. 5Na asɔr horow no yɛɛ ndam wɔ gyedzi no mu, na hɔn dodow kɔr sor daa.
Paul N’enyido adzehu wɔ Troas
6Na wokotwaa mu wɔ Frigyia nye Galatia asaase do, na Sunsum Krɔnkrɔn no braa hɔn dɛ mma wɔnnka asɛm no wɔ Asia; 7na wɔbaa Misia tsentsendo no, wɔpɛɛ dɛ nkyɛ wɔbɔkɔ Bitinia; na Jesus no Sunsum amma hɔn kwan; 8na wɔpaa Misia ho baa Troas. 9Na anadwe no, Paul nyaa enyido adzehu dɛ Masidonia ɔbarimba bi gyina hɔ reserɛ no dɛ, Twa bra Masidonia bɔboa hɛn. 10Na ohun enyido adze no, ntsɛmara na yɛhyehyɛɛ dɛ yerisi mu akɔ Masidonia, osiandɛ yehun no ampa dɛ Ewuradze afrɛ hɛn dɛ yɛnkɛka asɛmpa no nkyerɛ hɔn.
Lidia Nye Fifo Gyee Ewuradze Dzii
11Dɛm ntsi yetui fii Troas tseen hɛnho baa Samotreesi, na adze kyee no yɛbaa Neapolis; 12na yefii hɔ baa Filipi a ɔyɛ kuropɔn wɔ Masidonia a ɔyɛ mansin no mu; na yedzii kurow yi mu nda kakra. 13Na ahomgyeda no yefii kuropɔn no mu kɔr esutsen ho wɔ beebi a yɛdween dɛ asɔryɛbea bi wɔ, na yɛtsenaa ase na yɛkasaa kyerɛɛ mbaa a woebehyia hɔ no. 14Na ɔbaa bi a ne dzin dze Lidia a ɔtɔn tam memen, nyamesuronyi a ofi Tiatira kurow mu no tsee: ɔno na Ewuradze buee n’akoma dɛ ontsie dza Paul kae no. 15Na wonumaa ɔno nye ne fiemba no, ɔserɛɛ dɛ, Sɛ hom ebu me dɛ megye Ewuradze dzi ara ampa a, hom mbra me fie mbɛtsena hɔ. Na ɔserɛɛ hɛn araa ma yɛnye no kɔree.
Abaawa bi N’ayarsa
16Na ɔbaa dɛ yɛrokɔ asɔryɛbea no, abaawa bi a ɔwɔ akɔm sunsum behyiaa hɛn, ɔno na ɔdze akɔm ama no wuranom enya hɔnho twom. 17Odzii Paul nye hɛn ekyir, na ɔtseaa mu dɛ, Nyimpa yi yɛ Ɔsorsor Nyankopɔn nkowaa a wɔkyerɛ hom nkwagye kwan. 18Na ɔyɛɛ iyi nda pii. Na ɔyɛɛ Paul ahomtsew na ɔdaan noho see sunsum no dɛ, Mehyɛ wo wɔ Jesus Kraest dzin mu dɛ fi no mu fi. Na ofiir edzi dɔn no ara mu.
19Na no wuranom hun dɛ hɔn adzenya enyidado asa no wosusuoo Paul nye Silas mu twee hɔn kɔr gua do etsitsir no enyim, 20na wɔdze hɔn kɛmaa asɛndzifo no dɛ, Nyimpa yi a wɔyɛ Jewfo yi, wɔretan hɛn kurow yi enyi, 21na wɔrekyerɛkyerɛ amambra a yennyi ho kwan dɛ yɛgye anaadɛ yɛyɛ, ɔnam dɛ yɛyɛ Romefo ntsi. 22Na nyimpadodow no soɛree tsiaa hɔn; na asɛndzifo no tsetseew hɔn ntar mu fii hɔnho, na wɔhyɛɛ dɛ wɔmbɔ hɔn mbaa. 23Na wɔbɔɔ hɔn mbaa pii no, wɔdze hɔn koguu efiadze, na wɔhyɛɛ efiadzehwɛnyi no dɛ ɔmfa hɔn nsie yie; 24na ɔnodze, ɔgyee dɛm ahyɛdze yi no, ɔdze hɔn koguu efiadze a ɔwɔ ekyir no mu, na ɔbɔɔ hɔn anan dua mu. 25Na esuom no, Paul nye Silas bɔɔ mpaa na wɔtoow ndwom maa Nyankopɔn, na adaduafo no tsiee hɔn. 26Na awerɛfir mu ara asaasewosow kɛse bae ma efiadze no fapem hihimii, na amonmu hɔ ara mbobow no nyina buebuei, na hɔn nyina hɔn nkyehoma sansanee. 27Na efiadzehwɛnyi no nyanee fii nda mu, na ohun dɛ efiadze mbobow no ebuebue no, ɔtwee n’afona dɛ oribedzi noho ewu osiandɛ ɔdween dɛ adaduafo no eguanguan. 28Na Paul dze ndze kɛse tseaa mu dɛ, Mma nnyɛ woho bɔn bi, na hɛn nyina wɔ ha. 29Na obisaa kandzea dze ntsɛmpɛ kɔr mu, na ɔdze ahopopo kɔhwee Paul nye Silas enyim, 30na ɔdze hɔn fiir edzi, na ɔsee dɛ, Ewuranom, ebɛnadze na menyɛ ma wɔngye me nkwa? 31Na wɔsee no dɛ, Gye Ewuradze Jesus dzi, na wɔbɛgye ɔwo nye wo fifo nkwa. 32Na wɔkaa Ewuradze n’asɛm no kyerɛɛ ɔno nye hɔn a wɔwɔ ne fie nyina. 33Na ɔfaa hɔn anadwe dɔn no ara mu hohoor hɔn mbaa no ano, na ɔmaa wonumaa ɔno nye hɔn a wɔyɛ nedze nyina amonmu hɔ ara. 34Na ɔdze hɔn baa ne fie, na ɔtoo hɔn pon, na no ho sɛpɛɛw no, ɔnye ne fiemba nyina, osiandɛ ɔagye Nyankopɔn edzi.
35Na adze kyee no, asɛndzifo no somaa nsordaafo baa dɛ, Gyaa nyimpa no ma wɔnkɔ. 36Na efiadzehwɛnyi no kaa asɛm no kyerɛɛ Paul dɛ, Asɛndzifo no asoma dɛ wongyaa hom ma hom nkɔ: dɛm ntsi afei hom mpue nkɔ dwudwoodwo. 37Na Paul see hɔn dɛ, Woemmbu hɛn atsɛn, na wɔahwe hɛn a yɛyɛ Romefo wɔ gua do, na wɔdze hɛn egu efiadze, na afei worigyaa hɛn wɔ nsumaa mu anaa? Dabida! Na ma hɔnara mbra mbeyi hɛn. 38Na nsordaafo no kɛkaa asɛm no kyerɛɛ asɛndzifo no, na wɔtsee dɛ wɔyɛ Romefo no, wosuroi; 39na wɔbae bɛpaa hɔn kyɛw maa hɔn dzibem, na woyii hɔn na wɔserɛɛ hɔn dɛ womfi kurow no mu nkɔ. 40Na wofii efiadze hɔ kɔr Lidia fie, na wohun enuanom no, wɔhyɛɛ hɔn nkuran, na wofii hɔ kɔree.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.