1 Korintefo 14
14
Sunsum mu Ndzɛmba bi so
1Hom nhwehwɛ ɔdɔ ekyir kwan, na hom mbɔ mbɔdzen so wɔ sunsum mu ndzɛmba ho, na ne kɛse no nye dɛ hom bɛhyɛ nkɔm. 2Na nyia ɔka kasa bi no, ɔnnkasa nnkyerɛ nyimpa, mbom ɔdze kyerɛ Nyankopɔn; na obi nntse ase, na sunsum mu na ɔka esumasɛm. 3Na nyia ɔhyɛ nkɔm no, ɔka ntowdo nye afotu nye awerɛkyekyer nsɛm kyerɛ nyimpa. 4Nyia ɔka kasa bi no, ɔtow nankasa noho do, na nyia ɔhyɛ nkɔm no ɔma asɔr no nya ntowdo. 5Mepɛ dɛ nkyɛ hom nyina ka kasa horow dze, naaso oye dɛ hom bɛhyɛ nkɔm: osiandɛ nyia ɔhyɛ nkɔm so sen nyia ɔka kasa horow, gyedɛ ɔkyerɛ ase ama asɔr no eenya ntowdo.
6Na afei, enuanom, sɛ meba hom nkyɛn mebɛkasa kasa horow, na sɛ mannkasa annkyerɛ hom wɔ nyikyerɛ mu, anaa nyimdzee mu, anaa nkɔnhyɛ mu, anaa nkyerɛkyerɛ mu a, mfaso bɛn na mebɛyɛ ama hom? 7Na ndzɛmba a wonnyi nkwa mpo, dɛ atɛntɛbɛn anaa nsanku, sɛ wɔanngyegye ndze horow a, wɔbɛyɛ dɛn ehu dza wɔrehɛn anaa dza wɔrobɔ? 8Na sɛ totorobɛnto no annhɛn yie a, woana besiesie noho akɔ akono? 9Dɛmara na hom so, sɛ hom ammfa hom tɛkyerɛma annka asɛm a wɔtse ase a, wɔbɛyɛ dɛn atse dza hom ka? Hom bɛyɛ dɛ hɔn a wɔkasa gu mframa mu. 10Annyɛ a, ndze horow pii wɔ wiadze, naaso no mu biara nnyi hɔ a onnyi nkyerɛase. 11Na sɛ menntse kasa no ase a, mubobu nyia ɔkasa no dɛ ɔpɔtɔnyi, na nyia ɔkasa no so ebu me dɛ ɔpɔtɔnyi. 12Dɛmara na hom so robɔ sunsum mu nsɛm ho mbɔdzen yi, hom nhwehwɛ dɛ hom bɔbor do ama asɔr no ntowdo.
13Dɛm ntsi nyia ɔka kasa bi no ɔmbɔ mpaa dɛ ɔbɛkyerɛ ase. 14Na sɛ mosɔr wɔ kasa bi mu a, mo sunsum sɔr dze, naaso m’adwen dze ɔnntse ase. 15Nna ɔtse dɛn nye no? Medze sunsum no bɔsɔr, na medze adwen so asɔr; medze sunsum bɔtow ndwom, na medze adwen so atow ndwom. 16Na sɛ edze sunsum hyira a, ɔbɛyɛ dɛn na nyia ɔnntse ase no bɛse Amen wɔ wo ndaase no ekyir, ber a onnyim dza aka no? 17Na ɔwo dze eda ase yie dze, na ɔnodze onnya ntowdo biara. 18Meda Nyankopɔn ase dɛ meka ɔkasa horow sen hom nyina: 19naaso, asɔr mu dze, mepɛ dɛ medze me ntseasee ka nsɛmfua enum ama maakyerɛkyerɛ binom so, kyɛn dɛ mebɛka nsɛm mpemdu wɔ ɔkasa bi mu.
20Enuanom, mma hom nnyɛ mbofra wɔ adwen mu, na mbom bɔn mu na hom nyɛ mbofraba, na adwen mu dze hom nyɛ dɛ hɔn a woewie nyin. 21#Isa 28.11, 12 Na wɔakyerɛw no mbra no mu dɛ,
Medze ananaben gyirama,
nye ananaben ano
na mebɛkasa akyerɛ ɔman yi,
na iyi so mpo na wonnketsie me,
Ewuradze na ɔse.
22Dɛm ntsi kasa horow nnyɛ asɛnkyerɛdze mma hɔn a wɔgye dzi, na mbom ɔdze ma hɔn a wɔnngye nndzi; na nkɔnhyɛ dze, ɔnnyɛ hɔn a wɔnngye nndzi dze, na mbom hɔn a wɔgye dzi a.
23Dɛm ntsi sɛ asɔr nyina behyia, na hɔn nyina ka kasa horow, na sɛ nyimpa bi a wonnyim ho bi, na wɔnngye nndzi ba mu a, wɔnnkɛse dɛ hom egyingyim anaa?
24Na sɛ hɔn nyina hyɛ nkɔm, na sɛ obi a ɔnngye nndzi anaa onnyim ho bi ba mu a, dza hom nyina reka no bɛka ne tsibowa ebu no atsɛn,
25na n’akoma mu esumasɛm bɛda edzi, na ɔdze n’enyim bobutuw famu asɔr Nyankopɔn aka dɛ, Nyankopɔn wɔ hom mu ampa.
Asɔryɛ mu Nhyehyɛɛ
26Nna, enuanom, ɔtse dɛm yi yɛbɛyɛ no dɛn? Sɛ hom behyia mu a, hom mu biara wɔ ndwom, wɔ nkyerɛkyerɛ, wɔ nyikyerɛsɛm, wɔ kasa bi, wɔ nkyerɛasee bi. Hom mma wɔnyɛ adze nyina mma ntowdo. 27Sɛ obi ka kasa bi a, wɔnyɛ beenu, na ɔtra dɛm a, baasa, na wondzi esiado, na ɔbaako nkyerɛ ase: 28na sɛ asekyerɛnyi nnyi hɔ a, ommua n’ano wɔ asɔr no mu, na ɔnkasa nkyerɛ nankasa noho nye Nyankopɔn. 29Na nkɔnhyɛfo no dze, beenu anaa baasa nkasa, na nkaa no nker nsɛm no. 30Na sɛ woyi biribi kyerɛ obi a ɔtse nkyɛn a, nyia odzi kan no mmua n’ano. 31Na hom nyina botum ahyɛ nkɔm nkorkor, na hom nyina eesua na hom nyina aafa mu afotu; 32na nkɔnhyɛfo hɔn esunsum no hyɛ nkɔnhyɛfo no ase; 33osiandɛ Nyankopɔn nnyɛ sakasaka Nyankopɔn, na mbom ɔyɛ asomdwee dze, dɛ mbrɛ ɔtse wɔ ahotseweefo asɔr nyina mu.
34Hom mma mbaa no mmua hɔn ano wɔ asɔrasɔr mu, na wɔmmaa hɔn kwan dɛ wɔkasa, na mbom wɔmbrɛ hɔnho adze dɛ mbrɛ mbra no so se. 35Na sɛ wɔpɛ biribi esua a, wombisa hɔnankasa hɔn kunnom wɔ fie, osiandɛ ɔyɛ enyito ma ɔbaa dɛ ɔbɛkasa wɔ asɔr mu. 36Wɔyɛ no dɛn? Hom mu na Nyankopɔn asɛm firii kɔree? Ana hom nkotsee na ɔbaa hom hɔ?
37Sɛ obi dwen noho dɛ ɔyɛ nkɔnhyɛnyi anaa sunsummunyi a, onhu dza merekyerɛw hom yi dɛ ɔyɛ Ewuradze ahyɛdze. 38Na sɛ obi nnyim adze a, mma onnhu dze so.
39Dɛm ntsi, mo nuanom, hom mbɔ mbɔdzen nhwehwɛ nkɔnhyɛ akyɛdze, na mma hom nnsiw kasa horow mu kasa kwan. 40Na hom mma wɔnyɛ adze nyina fɛfɛɛfɛw esiado esiado.
Currently Selected:
1 Korintefo 14: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
1 Korintefo 14
14
Sunsum mu Ndzɛmba bi so
1Hom nhwehwɛ ɔdɔ ekyir kwan, na hom mbɔ mbɔdzen so wɔ sunsum mu ndzɛmba ho, na ne kɛse no nye dɛ hom bɛhyɛ nkɔm. 2Na nyia ɔka kasa bi no, ɔnnkasa nnkyerɛ nyimpa, mbom ɔdze kyerɛ Nyankopɔn; na obi nntse ase, na sunsum mu na ɔka esumasɛm. 3Na nyia ɔhyɛ nkɔm no, ɔka ntowdo nye afotu nye awerɛkyekyer nsɛm kyerɛ nyimpa. 4Nyia ɔka kasa bi no, ɔtow nankasa noho do, na nyia ɔhyɛ nkɔm no ɔma asɔr no nya ntowdo. 5Mepɛ dɛ nkyɛ hom nyina ka kasa horow dze, naaso oye dɛ hom bɛhyɛ nkɔm: osiandɛ nyia ɔhyɛ nkɔm so sen nyia ɔka kasa horow, gyedɛ ɔkyerɛ ase ama asɔr no eenya ntowdo.
6Na afei, enuanom, sɛ meba hom nkyɛn mebɛkasa kasa horow, na sɛ mannkasa annkyerɛ hom wɔ nyikyerɛ mu, anaa nyimdzee mu, anaa nkɔnhyɛ mu, anaa nkyerɛkyerɛ mu a, mfaso bɛn na mebɛyɛ ama hom? 7Na ndzɛmba a wonnyi nkwa mpo, dɛ atɛntɛbɛn anaa nsanku, sɛ wɔanngyegye ndze horow a, wɔbɛyɛ dɛn ehu dza wɔrehɛn anaa dza wɔrobɔ? 8Na sɛ totorobɛnto no annhɛn yie a, woana besiesie noho akɔ akono? 9Dɛmara na hom so, sɛ hom ammfa hom tɛkyerɛma annka asɛm a wɔtse ase a, wɔbɛyɛ dɛn atse dza hom ka? Hom bɛyɛ dɛ hɔn a wɔkasa gu mframa mu. 10Annyɛ a, ndze horow pii wɔ wiadze, naaso no mu biara nnyi hɔ a onnyi nkyerɛase. 11Na sɛ menntse kasa no ase a, mubobu nyia ɔkasa no dɛ ɔpɔtɔnyi, na nyia ɔkasa no so ebu me dɛ ɔpɔtɔnyi. 12Dɛmara na hom so robɔ sunsum mu nsɛm ho mbɔdzen yi, hom nhwehwɛ dɛ hom bɔbor do ama asɔr no ntowdo.
13Dɛm ntsi nyia ɔka kasa bi no ɔmbɔ mpaa dɛ ɔbɛkyerɛ ase. 14Na sɛ mosɔr wɔ kasa bi mu a, mo sunsum sɔr dze, naaso m’adwen dze ɔnntse ase. 15Nna ɔtse dɛn nye no? Medze sunsum no bɔsɔr, na medze adwen so asɔr; medze sunsum bɔtow ndwom, na medze adwen so atow ndwom. 16Na sɛ edze sunsum hyira a, ɔbɛyɛ dɛn na nyia ɔnntse ase no bɛse Amen wɔ wo ndaase no ekyir, ber a onnyim dza aka no? 17Na ɔwo dze eda ase yie dze, na ɔnodze onnya ntowdo biara. 18Meda Nyankopɔn ase dɛ meka ɔkasa horow sen hom nyina: 19naaso, asɔr mu dze, mepɛ dɛ medze me ntseasee ka nsɛmfua enum ama maakyerɛkyerɛ binom so, kyɛn dɛ mebɛka nsɛm mpemdu wɔ ɔkasa bi mu.
20Enuanom, mma hom nnyɛ mbofra wɔ adwen mu, na mbom bɔn mu na hom nyɛ mbofraba, na adwen mu dze hom nyɛ dɛ hɔn a woewie nyin. 21#Isa 28.11, 12 Na wɔakyerɛw no mbra no mu dɛ,
Medze ananaben gyirama,
nye ananaben ano
na mebɛkasa akyerɛ ɔman yi,
na iyi so mpo na wonnketsie me,
Ewuradze na ɔse.
22Dɛm ntsi kasa horow nnyɛ asɛnkyerɛdze mma hɔn a wɔgye dzi, na mbom ɔdze ma hɔn a wɔnngye nndzi; na nkɔnhyɛ dze, ɔnnyɛ hɔn a wɔnngye nndzi dze, na mbom hɔn a wɔgye dzi a.
23Dɛm ntsi sɛ asɔr nyina behyia, na hɔn nyina ka kasa horow, na sɛ nyimpa bi a wonnyim ho bi, na wɔnngye nndzi ba mu a, wɔnnkɛse dɛ hom egyingyim anaa?
24Na sɛ hɔn nyina hyɛ nkɔm, na sɛ obi a ɔnngye nndzi anaa onnyim ho bi ba mu a, dza hom nyina reka no bɛka ne tsibowa ebu no atsɛn,
25na n’akoma mu esumasɛm bɛda edzi, na ɔdze n’enyim bobutuw famu asɔr Nyankopɔn aka dɛ, Nyankopɔn wɔ hom mu ampa.
Asɔryɛ mu Nhyehyɛɛ
26Nna, enuanom, ɔtse dɛm yi yɛbɛyɛ no dɛn? Sɛ hom behyia mu a, hom mu biara wɔ ndwom, wɔ nkyerɛkyerɛ, wɔ nyikyerɛsɛm, wɔ kasa bi, wɔ nkyerɛasee bi. Hom mma wɔnyɛ adze nyina mma ntowdo. 27Sɛ obi ka kasa bi a, wɔnyɛ beenu, na ɔtra dɛm a, baasa, na wondzi esiado, na ɔbaako nkyerɛ ase: 28na sɛ asekyerɛnyi nnyi hɔ a, ommua n’ano wɔ asɔr no mu, na ɔnkasa nkyerɛ nankasa noho nye Nyankopɔn. 29Na nkɔnhyɛfo no dze, beenu anaa baasa nkasa, na nkaa no nker nsɛm no. 30Na sɛ woyi biribi kyerɛ obi a ɔtse nkyɛn a, nyia odzi kan no mmua n’ano. 31Na hom nyina botum ahyɛ nkɔm nkorkor, na hom nyina eesua na hom nyina aafa mu afotu; 32na nkɔnhyɛfo hɔn esunsum no hyɛ nkɔnhyɛfo no ase; 33osiandɛ Nyankopɔn nnyɛ sakasaka Nyankopɔn, na mbom ɔyɛ asomdwee dze, dɛ mbrɛ ɔtse wɔ ahotseweefo asɔr nyina mu.
34Hom mma mbaa no mmua hɔn ano wɔ asɔrasɔr mu, na wɔmmaa hɔn kwan dɛ wɔkasa, na mbom wɔmbrɛ hɔnho adze dɛ mbrɛ mbra no so se. 35Na sɛ wɔpɛ biribi esua a, wombisa hɔnankasa hɔn kunnom wɔ fie, osiandɛ ɔyɛ enyito ma ɔbaa dɛ ɔbɛkasa wɔ asɔr mu. 36Wɔyɛ no dɛn? Hom mu na Nyankopɔn asɛm firii kɔree? Ana hom nkotsee na ɔbaa hom hɔ?
37Sɛ obi dwen noho dɛ ɔyɛ nkɔnhyɛnyi anaa sunsummunyi a, onhu dza merekyerɛw hom yi dɛ ɔyɛ Ewuradze ahyɛdze. 38Na sɛ obi nnyim adze a, mma onnhu dze so.
39Dɛm ntsi, mo nuanom, hom mbɔ mbɔdzen nhwehwɛ nkɔnhyɛ akyɛdze, na mma hom nnsiw kasa horow mu kasa kwan. 40Na hom mma wɔnyɛ adze nyina fɛfɛɛfɛw esiado esiado.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.