1 Korintefo 1
1
1Paul a wɔnam Nyankopɔn ne pɛ do wɔafrɛ no ayɛ no Jesus Kraest ɔsomafo, nye onua Sostenes, 2#Ndwu 18.1 dze kɛma Nyankopɔn asɔr a ɔwɔ Korinte, wɔ hɔn a wɔatsew hɔn ho wɔ Kraest Jesus mu afrɛ hɔn dɛ wɔmbɛyɛ ahotseweefo, nye hɔn a wɔbɔ yɛnye hɔn nyina Ewuradze Jesus Kraest dzin wɔ mbea nyina no. 3Adom nye asomdwee a ofi hɛn Egya Nyankopɔn nye Ewuradze Jesus Kraest no nka hom.
Kraest mu Nhyira
4Meda me Nyankopɔn ase daa wɔ hom ho, wɔ Nyankopɔn adom a wɔdze adom hom wɔ Kraest Jesus mu ntsi, 5dɛ adze nyina mu wɔama hom enya hom ho wɔ no mu, wɔ kasahom nye nyimdzee nyina mu, 6dɛ mbrɛ Kraest ho dasedzi no etsim wɔ hom mu no; 7ama hom annka ekyir wɔ adom akyɛdze biara mu; ber a hom rotweɔn hɛn Ewuradze Jesus Kraest ne nyikyerɛ no: 8ɔno so na ɔbɛma hom etsim ekodu ewiei amma woeennhu mfom bi wɔ hom ho wɔ Ewuradze Jesus Kraest da no mu. 9Nyankopɔn a wɔnam no do afrɛ hom aba ne Ba hɛn Ewuradze Jesus Kraest anyɛnkoyɛ mu no, ɔyɛ nokwafo.
Asɔr mu Mpaapaamu
10Afei, enuanom, menam hɛn Ewuradze Jesus Kraest ne dzin do meserɛ hom dɛ hom nyina nka asɛnkor, na mma mpaapaamu mmba hom mu, na mbom hom nyina ndzi mu wɔ adwen kor nye tsirmsɛm kor mu. 11Na, mo nuanom, hɔn a wofi Kloe fie ebeyi me hom ho asotsiw dɛ wentwiwentwi wɔ hom mu. 12#Ndwu 18.24 Dza mekyerɛ nye yi, hom nyina keka dɛ, Emi dze, meyɛ Paul dze, Emi dze, meyɛ Apollos dze, Emi dze, meyɛ Siifas dze, Emi dze, meyɛ Kraest dze. 13Ana wɔapaapaa Kraest mu? Ana Paul na wɔbɔɔ no mbeamudua mu maa hom? Anaa Paul dzin mu na wonumaa hom hyɛe? 14#Ndwu 18.8; Ndwu 19.29; Rom 16.23 Meda Nyankopɔn ase dɛ mennuma hom mu bi gyedɛ dɛ Krispus nye Gaius, 15amma obi aannka dɛ wonumaa hom hyɛɛ mankasa me dzin mu. 16#1 Kor 16.15 (Ɛhɛɛ, mekaa dɛ munumaa Stefanas fiefo: na nkaa no dze, sɛ munumaa bi dze a, ɔno minnyim.) 17Na nnyɛ dɛ Kraest somaa me dɛ mumbonuma ara bi, na mbom dɛ membɛka asɛmpa no, nnyɛ dɛ ɔkasanyansa mu ara bi, amma Kraest mbeamudua no aannyɛ kwa.
Kraest Yɛ Nyankopɔn no Tum Nye ne Nyansaa
18Na mbeamudua no ho asɛm no yɛ nkwaseasɛm ma hɔn a wɔrehera, na hɛn a wɔregye hɛn nkwa no dze, ɔyɛ Nyankopɔn no tum ma hɛn. 19#Isa 29.14 Osiandɛ wɔakyerɛw no dɛ,
Mebɛsɛɛ enyansafo nyansaa,
Na enyimdzefo nyimdzee no meyi no tokyen.
20 #
Job 12.17; Isa 19.12; 33.18; Isa 44.25 Onyansafo wɔ hen? Ɔkyerɛwfo wɔ hen? Wiadze yi mu okyingyefo wɔ hen? Ana Nyankopɔn nndaan wiadze nyansaa nkwaseasɛm bi? 21Na Nyankopɔn nyansaa mu no, wiadze ammfa nyansa do ennhu Nyankopɔn no, ɔsɔɔ Nyankopɔn enyi dɛ ɔnam asɛnka no nkwaseasɛm no do bɛgye hɔn a wɔgye dzi nkwa. 22Osiandɛ Jewfo rohwehwɛ asɛnkyerɛdze, na Griikfo dze, wɔhwehwɛ nyansa; 23na hɛn dze, yɛka Kraest a wɔbɔɔ no mbeamudua mu ho asɛm, dza ɔyɛ fintsidua ma Jewfo, na nkwaseasɛm ma amanamamfo no. 24Na hɔn a wɔafrɛ hɔn no dze, Jewfo o, Griikfo o, Kraest yɛ Nyankopɔn no tum na Nyankopɔn ne nyansaa ma hɔn. 25Osiandɛ dza ɔyɛ dɛ Nyankopɔn nkwaseadze yi yɛ nyansa kyɛn nyimpa ne nyansaa, na Nyankopɔn n’adze a ɔyɛ mberɛw yɛ dzen kyɛn nyimpa dze.
26Na, enuanom, hom nhwɛ hom frɛ no ara mpo ɛ, dɛ hom nnyɛ honam afamu enyansafo pii, nnyɛ etumfo pii, nnyɛ adehye pii: 27na wiadze nkwaseadze na Nyankopɔn apa dɛ ɔdze bɛhyɛ enyansafo enyito, na wiadze mu dza ɔyɛ mberɛw na Nyankopɔn apa dɛ ɔdze bɛhyɛ dza ɔyɛ dzen enyito; 28na wiadze mu dza onnyi dzin, nye dza wommbu no hwee na Nyankopɔn apa, ndzɛmba a onnyi hɔ mpo, dɛ ɔdze bɛma dza ɔwɔ hɔ ayɛ kwa; 29amma honam biara aannhyehyɛ noho wɔ Nyankopɔn enyim. 30Na Nyankopɔn mu na ofi na hom wɔ Kraest Jesus mu, ɔno na wofi Nyankopɔn mu ayɛ no nyansa nye tsenenee, nye ahotsew, nye ɔgye ama hɛn: 31#Jer 9.24 dɛ mbrɛ wɔakyerɛw no dɛ, Nyia ɔhyehyɛ noho, wɔmma ɔnhyehyɛ noho wɔ Ewuradze mu no.
Currently Selected:
1 Korintefo 1: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
1 Korintefo 1
1
1Paul a wɔnam Nyankopɔn ne pɛ do wɔafrɛ no ayɛ no Jesus Kraest ɔsomafo, nye onua Sostenes, 2#Ndwu 18.1 dze kɛma Nyankopɔn asɔr a ɔwɔ Korinte, wɔ hɔn a wɔatsew hɔn ho wɔ Kraest Jesus mu afrɛ hɔn dɛ wɔmbɛyɛ ahotseweefo, nye hɔn a wɔbɔ yɛnye hɔn nyina Ewuradze Jesus Kraest dzin wɔ mbea nyina no. 3Adom nye asomdwee a ofi hɛn Egya Nyankopɔn nye Ewuradze Jesus Kraest no nka hom.
Kraest mu Nhyira
4Meda me Nyankopɔn ase daa wɔ hom ho, wɔ Nyankopɔn adom a wɔdze adom hom wɔ Kraest Jesus mu ntsi, 5dɛ adze nyina mu wɔama hom enya hom ho wɔ no mu, wɔ kasahom nye nyimdzee nyina mu, 6dɛ mbrɛ Kraest ho dasedzi no etsim wɔ hom mu no; 7ama hom annka ekyir wɔ adom akyɛdze biara mu; ber a hom rotweɔn hɛn Ewuradze Jesus Kraest ne nyikyerɛ no: 8ɔno so na ɔbɛma hom etsim ekodu ewiei amma woeennhu mfom bi wɔ hom ho wɔ Ewuradze Jesus Kraest da no mu. 9Nyankopɔn a wɔnam no do afrɛ hom aba ne Ba hɛn Ewuradze Jesus Kraest anyɛnkoyɛ mu no, ɔyɛ nokwafo.
Asɔr mu Mpaapaamu
10Afei, enuanom, menam hɛn Ewuradze Jesus Kraest ne dzin do meserɛ hom dɛ hom nyina nka asɛnkor, na mma mpaapaamu mmba hom mu, na mbom hom nyina ndzi mu wɔ adwen kor nye tsirmsɛm kor mu. 11Na, mo nuanom, hɔn a wofi Kloe fie ebeyi me hom ho asotsiw dɛ wentwiwentwi wɔ hom mu. 12#Ndwu 18.24 Dza mekyerɛ nye yi, hom nyina keka dɛ, Emi dze, meyɛ Paul dze, Emi dze, meyɛ Apollos dze, Emi dze, meyɛ Siifas dze, Emi dze, meyɛ Kraest dze. 13Ana wɔapaapaa Kraest mu? Ana Paul na wɔbɔɔ no mbeamudua mu maa hom? Anaa Paul dzin mu na wonumaa hom hyɛe? 14#Ndwu 18.8; Ndwu 19.29; Rom 16.23 Meda Nyankopɔn ase dɛ mennuma hom mu bi gyedɛ dɛ Krispus nye Gaius, 15amma obi aannka dɛ wonumaa hom hyɛɛ mankasa me dzin mu. 16#1 Kor 16.15 (Ɛhɛɛ, mekaa dɛ munumaa Stefanas fiefo: na nkaa no dze, sɛ munumaa bi dze a, ɔno minnyim.) 17Na nnyɛ dɛ Kraest somaa me dɛ mumbonuma ara bi, na mbom dɛ membɛka asɛmpa no, nnyɛ dɛ ɔkasanyansa mu ara bi, amma Kraest mbeamudua no aannyɛ kwa.
Kraest Yɛ Nyankopɔn no Tum Nye ne Nyansaa
18Na mbeamudua no ho asɛm no yɛ nkwaseasɛm ma hɔn a wɔrehera, na hɛn a wɔregye hɛn nkwa no dze, ɔyɛ Nyankopɔn no tum ma hɛn. 19#Isa 29.14 Osiandɛ wɔakyerɛw no dɛ,
Mebɛsɛɛ enyansafo nyansaa,
Na enyimdzefo nyimdzee no meyi no tokyen.
20 #
Job 12.17; Isa 19.12; 33.18; Isa 44.25 Onyansafo wɔ hen? Ɔkyerɛwfo wɔ hen? Wiadze yi mu okyingyefo wɔ hen? Ana Nyankopɔn nndaan wiadze nyansaa nkwaseasɛm bi? 21Na Nyankopɔn nyansaa mu no, wiadze ammfa nyansa do ennhu Nyankopɔn no, ɔsɔɔ Nyankopɔn enyi dɛ ɔnam asɛnka no nkwaseasɛm no do bɛgye hɔn a wɔgye dzi nkwa. 22Osiandɛ Jewfo rohwehwɛ asɛnkyerɛdze, na Griikfo dze, wɔhwehwɛ nyansa; 23na hɛn dze, yɛka Kraest a wɔbɔɔ no mbeamudua mu ho asɛm, dza ɔyɛ fintsidua ma Jewfo, na nkwaseasɛm ma amanamamfo no. 24Na hɔn a wɔafrɛ hɔn no dze, Jewfo o, Griikfo o, Kraest yɛ Nyankopɔn no tum na Nyankopɔn ne nyansaa ma hɔn. 25Osiandɛ dza ɔyɛ dɛ Nyankopɔn nkwaseadze yi yɛ nyansa kyɛn nyimpa ne nyansaa, na Nyankopɔn n’adze a ɔyɛ mberɛw yɛ dzen kyɛn nyimpa dze.
26Na, enuanom, hom nhwɛ hom frɛ no ara mpo ɛ, dɛ hom nnyɛ honam afamu enyansafo pii, nnyɛ etumfo pii, nnyɛ adehye pii: 27na wiadze nkwaseadze na Nyankopɔn apa dɛ ɔdze bɛhyɛ enyansafo enyito, na wiadze mu dza ɔyɛ mberɛw na Nyankopɔn apa dɛ ɔdze bɛhyɛ dza ɔyɛ dzen enyito; 28na wiadze mu dza onnyi dzin, nye dza wommbu no hwee na Nyankopɔn apa, ndzɛmba a onnyi hɔ mpo, dɛ ɔdze bɛma dza ɔwɔ hɔ ayɛ kwa; 29amma honam biara aannhyehyɛ noho wɔ Nyankopɔn enyim. 30Na Nyankopɔn mu na ofi na hom wɔ Kraest Jesus mu, ɔno na wofi Nyankopɔn mu ayɛ no nyansa nye tsenenee, nye ahotsew, nye ɔgye ama hɛn: 31#Jer 9.24 dɛ mbrɛ wɔakyerɛw no dɛ, Nyia ɔhyehyɛ noho, wɔmma ɔnhyehyɛ noho wɔ Ewuradze mu no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.