ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ Թ
Գլուխ Թ
ԵԴ.
1Ստուգութեամբ ասեմ ի Քրիստոս եւ ոչ ստեմ, վկայեն ինձ միտք իմ ի Հոգի Սուրբ, 2զի տրտմութիւն է ինձ յոյժ եւ անպակաս ցաւք սրտի իմոյ։ 3Զի ուխտիւք խնդրէի ես իսկ ինքնին նզով լինել ի Քրիստոսէ վասն եղբարց իմոց եւ ազգականաց ըստ մարմնոյ, 4որ են Իսրայելացիք. որոց որդեգրութիւնն եւ փառքն եւ կտակարանքն եւ օրէնսդրութիւնն եւ պաշտօնն եւ աւետիքն. 5որոց հարքն, յորոց եւ Քրիստոս ըստ մարմնոյն, որ է ի վերայ ամենեցուն Աստուած օրհնեալ յաւիտեանս։ Ամէն։ 6Ոչինչ է մարթ եթէ անկած լինիցի բանն Աստուծոյ. զի ոչ ամենեքեան որ յԻսրայելէն են, նոքա Իսրայելեանք իցեն. 7եւ ոչ որ զաւակն Աբրահամու են՝ ամենեքեան որդիք իցեն. այլ Իսահակաւ կոչեսցի քեզ զաւակ։ 8Այսինքն թէ ոչ որ որդիք մարմնոյն են՝ են որդիք Աստուծոյ, այլ՝ որդիք աւետեացն համարին ի զաւակ։ 9Քանզի աւետեաց իսկ է բանս այս, թէ՝ Ի ժամանակի յայսմիկ եկից, եւ եղիցի որդի Սառայի։ 10Եւ ոչ այնչափ միայն՝ այլ եւ ի Հռեբեկայ, ի միոջէ անկողնոյ Իսահակայ հօր մերոյ։ 11Զի մինչչեւ ծնեալ էին, եւ մինչչեւ բարի ինչ կամ չար գործեալ էր, (զի ըստ ընտրութեանն յառաջադրութիւնն Աստուծոյ հաստատեսցի, 12ոչ ի գործոց, այլ յայնմանէ որ կոչեացն,) ասացաւ նմա, թէ՝ 13Երէցն կրտսերոյն ծառայեսցէ. որպէս եւ գրեալ է թէ՝ ԶՅակովբ սիրեցի, եւ զԵսաւ ատեցի։
14Իսկ արդ զի՞նչ ասեմք. միթէ անիրաւութի՞ւն իցէ յԱստուծոյ. քաւ լիցի։ 15Զի Մովսիսի ասէ. Ողորմեցայց որում ողորմեցայցն, եւ գթացայց յոր գթացայցն։ 16Ապա ոչ ըստ այնմ ինչ է որ կամիցին, եւ ոչ ըստ այնմ՝ որ ընթանայցէ, այլ՝ ըստ Աստուծոյ որ ողորմի։
ԵԶ.
17Քանզի ասէ գիր ցփարաւոն թէ՝ Վասն այնորիկ գրգռեցի զքեզ, զի ի քեզ ցուցից զզօրութիւն իմ, եւ պատմեսցի անուն իմ ընդ ամենայն երկիր։ 18Ապա ուրեմն ում կամի ողորմի, եւ #9։18 Յոյնն. զոր կամի խստացուցանէում կամի խստանայ՝՝։ 19Իսկ արդ ասիցես թէ՝ Մեզ եւս զի՞ դնէ, զի կամաց նորա #9։19 Յոյնն. ո՞ եկացոչ ոք կայ՝՝ հակառակ։ 20Իսկ արդ դու ո՞վ ես, մարդ, որ #9։20 Յոյնն. հակառակ պատասխանիպատասխանի տաս Աստուծոյ. միթէ ասիցէ՞ ստեղծուածն ցստեղծիչն թէ՝ Ընդէ՞ր այդպէս արարեր զիս։ 21Եթէ ո՞չ ունիցի իշխանութիւն բրուտն կաւոյն, ի նմին զանգուածոյ առնել անօթ՝ զոմն ի պատիւ եւ զոմն յանարգանս։ 22Ապա եթէ կամէր Աստուած ցուցանել զբարկութիւն, եւ յայտնի առնել զզօրութիւն իւր, #9։22 Յոյնն. համբերզոր համբերն՝՝ բազում երկայնմտութեամբ անօթոցն բարկութեան՝ պատրաստելոցն ի կորուստ. 23զի յայտնի արասցէ զմեծութիւն փառաց իւրոց ի վերայ անօթոցն ողորմութեան, զոր #9։23 Յոյնն. յառաջագոյն պատրաստեացպատրաստեաց ի փառս։ 24Զորս եւ կոչեաց զմեզ, ոչ միայն ի Հրէից, այլ եւ ի հեթանոսաց։ 25Որպէս եւ յՈվսէէ ասէ. Կոչեցից զոր ոչ ժողովուրդն իմ՝ ժողովուրդ ինձ, եւ զչսիրեցեալն՝ սիրեցեալ։ 26Եւ եղիցի ի տեղւոջ յորում ասացաւ նոցա թէ՝ Ոչ ժողովուրդ իմ դուք, անդ կոչեսցին նոքա որդիք Աստուծոյ կենդանւոյ։ 27Եսայի աղաղակէ վասն Իսրայելի. Եթէ իցէ թիւ որդւոցն Իսրայելի իբրեւ զաւազ ծովու՝ #9։27 Յոյնն. մնացորդն ապրեսցիսակաւ ինչ մնացորդք մնասցեն՝՝։ 28Զի բան մի հակիրճ եւ համառօտ արդարութեամբ, զբանն հակիրճ արասցէ Տէր ի վերայ երկրի։ 29Եւ որպէս ասէ Եսայի. Եթէ ոչ Տեառն զօրութեանց թողեալ էր մեզ զաւակ, իբրեւ զՍոդոմ լինէաք եւ Գոմորոյ նմանէաք։
ԶԿ.
30Իսկ արդ զի՞նչ ասիցեմք. զի հեթանոսք որ ոչ երթային զհետ արդարութեան՝ հասին արդարութեան, այնմ արդարութեան՝ որ ի հաւատոց անտի. 31այլ Իսրայէլ երթայր զհետ օրինացն արդարութեան, եւ յօրէնս արդարութեանն ոչ ժամանեաց։ 32Ընդէ՞ր. զի ոչ ի հաւատոց այլ իբրեւ ի գործոց օրինաց. քանզի գթեցին նոքա առ վիմին գայթակղութեան. 33որպէս եւ գրեալ է. Ահաւասիկ դնեմ ի Սիովն քար գայթակղութեան եւ վէմ գլորման, եւ ամենայն որ հաւատասցէ ի նա մի ամաչեսցէ։
Currently Selected:
ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ Թ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
