ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ Է
Գլուխ Է
ԴԴ.
1Եթէ ո՞չ գիտէք, եղբարք, (զի ընդ գիտունս օրինացն խօսիմ,) զի օրէնք տիրեն մարդոյ որչափ ժամանակս կենդանի իցէ։ 2Քանզի կին առնակին ի կենդանի այր իւր կապեալ կայ օրինօք. իսկ եթէ մեռանիցի այրն, արձակեալ է յօրինաց առնն։ 3Ապա ուրեմն մինչ կենդանի է այրն, շուն կոչի, եթէ լինիցի առն այլում. եւ եթէ մեռանիցի այրն, ազատ է յօրինացն, չհամարեալ շուն՝ եթէ լինիցի առն այլում։ 4Այսուհետեւ եւ դուք, եղբարք, մեռարուք օրինացն մարմնովն Քրիստոսի, լինել այլում որ ի մեռելոցն յարուցեալ է, զի պտղաբերք լիցուք Աստուծոյ. 5քանզի մինչ էաքն մարմնով, կարիք մեղաց որ օրինօքն էին՝ զօրանային յանդամս մեր, առ ի պտղաբերս առնելոյ զմեզ մահու։ 6Բայց այժմ դատարկացաք յօրինաց անտի. քանզի մեռաք այնմիկ որով ըմբռնեալն էաք՝ առ ի ծառայել մեզ նորոգութեամբ Հոգւոյն եւ ոչ հնութեամբ գրոյն։
7Իսկ արդ զի՞նչ ասեմք. օրէնքն մե՞ղք իցեն. քաւ լիցի. այլ զմեղս ոչ գիտէի, եթէ ոչ օրինօքն. եւ զցանկութիւն ոչ ճանաչէի, եթէ ոչ օրինացն էր ասացեալ. Մի՛ ցանկանայցես։ 8Պատճառս առին մեղքն պատուիրանաւն, եւ գործեցին յիս զամենայն ցանկութիւն. զի առանց օրինաց մեղքն մեռեալ էին։ 9Եւ ես առանց օրինացն երբեմն էի կենդանի, այլ իբրեւ եհաս յիս պատուիրանն, մեղքն կենդանացան, 10եւ ես մեռայ. եւ գտաւ ինձ պատուիրանն որ ի կեանսն էր, նոյն ի մահ։ 11Զի մեղացն պատճառս առեալ պատուիրանաւն՝ խաբեցին զիս, եւ նովին սպանին։
ԴԶ.
12Այսուհետեւ օրէնքն սուրբ են, եւ պատուիրանն սուրբ եւ արդար եւ բարերար։
13Իսկ արդ ինձ բարի՞ն մահ եղեւ. քաւ լիցի. այլ մեղքն, զի երեւեսցին մեղքն բարեաւն գործել ինձ զմահ, զի եղիցին ըստ առաւելութեան մեղքն մեղաւոր ի ձեռն պատուիրանին։ 14Գիտեմ զի օրէնքն հոգեւոր են, այլ ես մարմնաւոր եմ ընդ մեղօք վաճառեալ։ 15Զի զոր գործեմն ոչ գիտեմ, ոչ եթէ զոր կամիմն զայն առնեմ, այլ զոր ատեամն՝ զայն գործեմ։ 16Ապա թէ զոր ոչն կամիմ՝ զայն առնեմ, վկայեմ օրինացն եթէ բարւոք են։ 17Այլ արդ՝ ոչ եթէ ես գործեմ զայն, այլ բնակեալ յիս մեղքն։ 18Գիտեմ զի ոչ բնակեալ է յիս, այսինքն է ի մարմնի իմում, բարի ինչ. զի կամքն առաջի կան ինձ, եւ առնել զբարին՝ ոչ։ 19Զի ոչ եթէ զոր կամիմ զբարին առնեմ, այլ զոր ոչն կամիմ զչարն՝ զայն գործեմ։ 20Ապա եթէ զոր ոչն կամիմ՝ զայն առնեմ, ոչ եւս ես առնեմ զայն՝ այլ բնակեալ յիս մեղքն։ 21#7։21 Յոյնն. Եւ արդ գտանեմ զօրէնս, զի յորժամ կամիմ առնել զբարին, ինձԵւ արդ՝ գտանեմ զօրէնս այնորիկ՝ որ կամիցին առնել յիս զբարին. եւ ինձ՝՝ չարն առաջի կայ։ 22Հաճեալ եմ ընդ օրէնսն Աստուծոյ ըստ ներքին մարդոյն. 23բայց տեսանեմ այլ օրէնս յանդամս իմ, զինեալ հակառակ օրինաց մտաց իմոց, եւ գերեալ զիս օրինօքն մեղաց՝ որ են յանդամս իմ։ 24Այր մի տառապեալ եմ ես. ո՞վ ապրեցուսցէ զիս ի մարմնոյ աստի մահու։ 25Այլ շնո՛րհք Աստուծոյ ի ձեռն Յիսուսի Քրիստոսի Տեառն մերոյ։
ԵԿ. Ապա ուրեմն ես ինքնին մտօք իմովք ծառայեմ օրինացն Աստուծոյ. եւ մարմնով՝ օրինացն մեղաց։
Currently Selected:
ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ Է: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ Է
Գլուխ Է
ԴԴ.
1Եթէ ո՞չ գիտէք, եղբարք, (զի ընդ գիտունս օրինացն խօսիմ,) զի օրէնք տիրեն մարդոյ որչափ ժամանակս կենդանի իցէ։ 2Քանզի կին առնակին ի կենդանի այր իւր կապեալ կայ օրինօք. իսկ եթէ մեռանիցի այրն, արձակեալ է յօրինաց առնն։ 3Ապա ուրեմն մինչ կենդանի է այրն, շուն կոչի, եթէ լինիցի առն այլում. եւ եթէ մեռանիցի այրն, ազատ է յօրինացն, չհամարեալ շուն՝ եթէ լինիցի առն այլում։ 4Այսուհետեւ եւ դուք, եղբարք, մեռարուք օրինացն մարմնովն Քրիստոսի, լինել այլում որ ի մեռելոցն յարուցեալ է, զի պտղաբերք լիցուք Աստուծոյ. 5քանզի մինչ էաքն մարմնով, կարիք մեղաց որ օրինօքն էին՝ զօրանային յանդամս մեր, առ ի պտղաբերս առնելոյ զմեզ մահու։ 6Բայց այժմ դատարկացաք յօրինաց անտի. քանզի մեռաք այնմիկ որով ըմբռնեալն էաք՝ առ ի ծառայել մեզ նորոգութեամբ Հոգւոյն եւ ոչ հնութեամբ գրոյն։
7Իսկ արդ զի՞նչ ասեմք. օրէնքն մե՞ղք իցեն. քաւ լիցի. այլ զմեղս ոչ գիտէի, եթէ ոչ օրինօքն. եւ զցանկութիւն ոչ ճանաչէի, եթէ ոչ օրինացն էր ասացեալ. Մի՛ ցանկանայցես։ 8Պատճառս առին մեղքն պատուիրանաւն, եւ գործեցին յիս զամենայն ցանկութիւն. զի առանց օրինաց մեղքն մեռեալ էին։ 9Եւ ես առանց օրինացն երբեմն էի կենդանի, այլ իբրեւ եհաս յիս պատուիրանն, մեղքն կենդանացան, 10եւ ես մեռայ. եւ գտաւ ինձ պատուիրանն որ ի կեանսն էր, նոյն ի մահ։ 11Զի մեղացն պատճառս առեալ պատուիրանաւն՝ խաբեցին զիս, եւ նովին սպանին։
ԴԶ.
12Այսուհետեւ օրէնքն սուրբ են, եւ պատուիրանն սուրբ եւ արդար եւ բարերար։
13Իսկ արդ ինձ բարի՞ն մահ եղեւ. քաւ լիցի. այլ մեղքն, զի երեւեսցին մեղքն բարեաւն գործել ինձ զմահ, զի եղիցին ըստ առաւելութեան մեղքն մեղաւոր ի ձեռն պատուիրանին։ 14Գիտեմ զի օրէնքն հոգեւոր են, այլ ես մարմնաւոր եմ ընդ մեղօք վաճառեալ։ 15Զի զոր գործեմն ոչ գիտեմ, ոչ եթէ զոր կամիմն զայն առնեմ, այլ զոր ատեամն՝ զայն գործեմ։ 16Ապա թէ զոր ոչն կամիմ՝ զայն առնեմ, վկայեմ օրինացն եթէ բարւոք են։ 17Այլ արդ՝ ոչ եթէ ես գործեմ զայն, այլ բնակեալ յիս մեղքն։ 18Գիտեմ զի ոչ բնակեալ է յիս, այսինքն է ի մարմնի իմում, բարի ինչ. զի կամքն առաջի կան ինձ, եւ առնել զբարին՝ ոչ։ 19Զի ոչ եթէ զոր կամիմ զբարին առնեմ, այլ զոր ոչն կամիմ զչարն՝ զայն գործեմ։ 20Ապա եթէ զոր ոչն կամիմ՝ զայն առնեմ, ոչ եւս ես առնեմ զայն՝ այլ բնակեալ յիս մեղքն։ 21#7։21 Յոյնն. Եւ արդ գտանեմ զօրէնս, զի յորժամ կամիմ առնել զբարին, ինձԵւ արդ՝ գտանեմ զօրէնս այնորիկ՝ որ կամիցին առնել յիս զբարին. եւ ինձ՝՝ չարն առաջի կայ։ 22Հաճեալ եմ ընդ օրէնսն Աստուծոյ ըստ ներքին մարդոյն. 23բայց տեսանեմ այլ օրէնս յանդամս իմ, զինեալ հակառակ օրինաց մտաց իմոց, եւ գերեալ զիս օրինօքն մեղաց՝ որ են յանդամս իմ։ 24Այր մի տառապեալ եմ ես. ո՞վ ապրեցուսցէ զիս ի մարմնոյ աստի մահու։ 25Այլ շնո՛րհք Աստուծոյ ի ձեռն Յիսուսի Քրիստոսի Տեառն մերոյ։
ԵԿ. Ապա ուրեմն ես ինքնին մտօք իմովք ծառայեմ օրինացն Աստուծոյ. եւ մարմնով՝ օրինացն մեղաց։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018