ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ ԺԵ
Գլուխ ԺԵ
ԷԳ.
1Պարտ է մեզ որ կարողս եմք՝ զտկարութիւն տկարացն բառնալ, եւ մի՛ անձանց եւեթ հաճոյ լինել։ 2Այլ իւրաքանչիւր ոք ի մէնջ ընկերին հաճոյ լիցի ի բարիս վասն շինութեան։ 3Քանզի եւ Քրիստոս ոչ եթէ անձին հաճոյ եղեւ, այլ որպէս եւ գրեալ է. Նախատինք նախատչաց քոց անկան ի վերայ իմ։ 4Բայց որ ինչ գրեցաւն՝ ի մեր վարդապետութիւն գրեցաւ, զի համբերութեամբ եւ մխիթարութեամբ գրոց զյոյսն ընկալցուք։ 5Այլ Աստուած համբերութեան եւ #15։5 Ի Յունին պակասէամենայն մխիթարութեան՝ տացէ ձեզ զնոյն խորհել ընդ միմեանս ըստ Յիսուսի Քրիստոսի. 6զի միաբանութեամբ ի մի բերան փառաւոր առնիցէք զԱստուած եւ զՀայր Տեառն մերոյ Յիսուսի Քրիստոսի։ 7Վասն որոյ ընկալարուք զմիմեանս, որպէս եւ Քրիստոս ընկալաւ #15։7 Ոմանք. զմեզզձեզ ի փառս Աստուծոյ։
8Այլ ասեմ թէ #15։8 Ոմանք. Յիսուսի ՔրիստոսիՔրիստոսի սպասաւոր թլփատութեանն լինել վասն ճշմարտութեանն Աստուծոյ էր, առ ի հաստատուն առնելոյ զաւետիս հարցն։ 9Այլ հեթանոսք վասն ողորմութեան փառաւոր առնեն զԱստուած. որպէս եւ գրեալ է. Վասն այսորիկ գոհացայց զքէն ի հեթանոսս, եւ անուան քում սաղմոս ասացից։ 10Եւ դարձեալ ասէ թէ՝ Ուրախ լերուք, հեթանոսք, ընդ ժողովրդեան նորա։ 11Եւ դարձեալ թէ՝ Օրհնեցէք, ամենայն հեթանոսք, զՏէր, եւ գովեցէք զնա, ամենայն ժողովուրդք։ 12Եւ դարձեալ Եսայի ասէ. Եղիցի արմատն Յեսսեայ, եւ որ կանգնելոցն է իշխան հեթանոսաց, ի նա հեթանոսք յուսասցին։ 13Այլ Աստուած յուսոյ լի արասցէ զձեզ ամենայն խնդութեամբ եւ խաղաղութեամբ, առաւելուլ ձեզ յուսով զօրութեամբ Հոգւոյն Սրբոյ։
ԷԴ.
14Հաստատեալ եմ եւ ես ինքնին, եղբարք իմ, վասն ձեր, զի եւ դուք լի էք բարութեամբ, լի էք ամենայն գիտութեամբ, կարող էք եւ զմիմեանս խրատել։ 15Այլ համարձակագոյնս գրեցի առ ձեզ, #15։15 Ի բազումս պակասէեղբարք, փոքր ի շատէ, իբրեւ յիշեցուցանելով ձեզ վասն շնորհացն որ տուեալ են ինձ յԱստուծոյ. 16լինել ինձ սպասաւոր Յիսուսի Քրիստոսի ի հեթանոսս, ըղձակերտս առնել զաւետարանն Աստուծոյ, զի եղիցի պատարագն հեթանոսաց ընդունելի՝ սրբեալ Հոգւովն Սրբով։ 17Ունիմ այսուհետեւ պարծանս ի Քրիստոս Յիսուս առ Աստուած։ 18Քանզի ոչ իշխեմ խօսել ինչ զոր ոչ գործեաց Քրիստոս ինեւ ի հնազանդութիւն հեթանոսաց բանիւք եւ արդեամբք, 19զօրութեամբ նշանաց եւ արուեստից, զօրութեամբ Հոգւոյն #15։19 Ոմանք. ԱստուծոյՍրբոյ, որպէս ինձ յԵրուսաղեմէ եւ շուրջ մինչեւ ի կողմանս Լիւրիկացւոց լնուլ զաւետարանն Քրիստոսի։ 20Այնպէս առատացեալ յաւետարանել, ոչ ուր անուանեցաւ Քրիստոս, զի մի՛ իբրեւ յայլոյ հիման վերայ շինիցեմ, այլ որպէս եւ գրեալ է թէ՝ 21որոց ոչ պատմեցաւ վասն նորա՝ տեսցեն, եւ որոց ոչ իցէ լուեալ՝ ի միտ առցեն։ 22Վասն որոյ շատ խափանեցայ գալ առ ձեզ։ 23Բայց արդ ոչ եւս գոյ ինձ տեղի ի կողմանս յայսոսիկ, եւ անձուկ յոյժ ունիմ ի բազում ամաց գալ առ ձեզ։ 24Յորժամ անցանիցեմ ի Սպանիա, ակն ունիմ յանցանելն առ նոսա՝ տեսանել զձեզ, եւ ի ձէնջ յուղարկել անդր, եթէ նախ իսկ փոքր ի շատէ ձեւք լցայց։ 25Բայց այժմ երթամ յԵրուսաղէմ պաշտել զսուրբսն։ 26Քանզի հաճոյ թուեցաւ Մակեդոնացւոցն եւ Աքայեցւոցն հաղորդութիւն ինչ առնել ընդ աղքատս սրբոցն որ ենն յԵրուսաղէմ։ 27Հաճոյ թուեցաւ, քանզի եւ պարտապան իսկ են նոցա. զի եթէ հոգեւորացն նոցա հաղորդ եղեն հեթանոսք, պարտին եւ մարմնաւորացն կցորդ լինել։ 28Արդ զայս կատարեալ եւ կնքեալ զպտուղ նոցա, անցից առ ձեւք ի Սպանիա։ 29Զայս գիտեմ, զի ի գալն իմում առ ձեզ՝ լրութեամբ օրհնութեան #15։29 Յոմանս պակասէաւետարանին Քրիստոսի եկից։
ԷԵ.
30Աղաչեմ զձեզ, եղբարք, ի ձեռն Տեառն մերոյ Յիսուսի Քրիստոսի եւ սիրով Հոգւոյն, պատերազմակից լինել ինձ յաղօթս վասն իմ առ Աստուած. 31զի ապրեցայց յապստամբացն որ ի Հրէաստանի են. եւ պաշտօնն իմ որ յԵրուսաղէմ՝ ընդունելի լիցի սրբոցն. 32զի խնդութեամբ եկեալ առ ձեզ ի կամս Աստուծոյ, հանգեայց ընդ ձեզ։ 33Եւ Աստուած խաղաղութեան եղիցի ընդ ձեզ ամենեսեան։ Ամէն։
Currently Selected:
ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ ԺԵ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ ԺԵ
Գլուխ ԺԵ
ԷԳ.
1Պարտ է մեզ որ կարողս եմք՝ զտկարութիւն տկարացն բառնալ, եւ մի՛ անձանց եւեթ հաճոյ լինել։ 2Այլ իւրաքանչիւր ոք ի մէնջ ընկերին հաճոյ լիցի ի բարիս վասն շինութեան։ 3Քանզի եւ Քրիստոս ոչ եթէ անձին հաճոյ եղեւ, այլ որպէս եւ գրեալ է. Նախատինք նախատչաց քոց անկան ի վերայ իմ։ 4Բայց որ ինչ գրեցաւն՝ ի մեր վարդապետութիւն գրեցաւ, զի համբերութեամբ եւ մխիթարութեամբ գրոց զյոյսն ընկալցուք։ 5Այլ Աստուած համբերութեան եւ #15։5 Ի Յունին պակասէամենայն մխիթարութեան՝ տացէ ձեզ զնոյն խորհել ընդ միմեանս ըստ Յիսուսի Քրիստոսի. 6զի միաբանութեամբ ի մի բերան փառաւոր առնիցէք զԱստուած եւ զՀայր Տեառն մերոյ Յիսուսի Քրիստոսի։ 7Վասն որոյ ընկալարուք զմիմեանս, որպէս եւ Քրիստոս ընկալաւ #15։7 Ոմանք. զմեզզձեզ ի փառս Աստուծոյ։
8Այլ ասեմ թէ #15։8 Ոմանք. Յիսուսի ՔրիստոսիՔրիստոսի սպասաւոր թլփատութեանն լինել վասն ճշմարտութեանն Աստուծոյ էր, առ ի հաստատուն առնելոյ զաւետիս հարցն։ 9Այլ հեթանոսք վասն ողորմութեան փառաւոր առնեն զԱստուած. որպէս եւ գրեալ է. Վասն այսորիկ գոհացայց զքէն ի հեթանոսս, եւ անուան քում սաղմոս ասացից։ 10Եւ դարձեալ ասէ թէ՝ Ուրախ լերուք, հեթանոսք, ընդ ժողովրդեան նորա։ 11Եւ դարձեալ թէ՝ Օրհնեցէք, ամենայն հեթանոսք, զՏէր, եւ գովեցէք զնա, ամենայն ժողովուրդք։ 12Եւ դարձեալ Եսայի ասէ. Եղիցի արմատն Յեսսեայ, եւ որ կանգնելոցն է իշխան հեթանոսաց, ի նա հեթանոսք յուսասցին։ 13Այլ Աստուած յուսոյ լի արասցէ զձեզ ամենայն խնդութեամբ եւ խաղաղութեամբ, առաւելուլ ձեզ յուսով զօրութեամբ Հոգւոյն Սրբոյ։
ԷԴ.
14Հաստատեալ եմ եւ ես ինքնին, եղբարք իմ, վասն ձեր, զի եւ դուք լի էք բարութեամբ, լի էք ամենայն գիտութեամբ, կարող էք եւ զմիմեանս խրատել։ 15Այլ համարձակագոյնս գրեցի առ ձեզ, #15։15 Ի բազումս պակասէեղբարք, փոքր ի շատէ, իբրեւ յիշեցուցանելով ձեզ վասն շնորհացն որ տուեալ են ինձ յԱստուծոյ. 16լինել ինձ սպասաւոր Յիսուսի Քրիստոսի ի հեթանոսս, ըղձակերտս առնել զաւետարանն Աստուծոյ, զի եղիցի պատարագն հեթանոսաց ընդունելի՝ սրբեալ Հոգւովն Սրբով։ 17Ունիմ այսուհետեւ պարծանս ի Քրիստոս Յիսուս առ Աստուած։ 18Քանզի ոչ իշխեմ խօսել ինչ զոր ոչ գործեաց Քրիստոս ինեւ ի հնազանդութիւն հեթանոսաց բանիւք եւ արդեամբք, 19զօրութեամբ նշանաց եւ արուեստից, զօրութեամբ Հոգւոյն #15։19 Ոմանք. ԱստուծոյՍրբոյ, որպէս ինձ յԵրուսաղեմէ եւ շուրջ մինչեւ ի կողմանս Լիւրիկացւոց լնուլ զաւետարանն Քրիստոսի։ 20Այնպէս առատացեալ յաւետարանել, ոչ ուր անուանեցաւ Քրիստոս, զի մի՛ իբրեւ յայլոյ հիման վերայ շինիցեմ, այլ որպէս եւ գրեալ է թէ՝ 21որոց ոչ պատմեցաւ վասն նորա՝ տեսցեն, եւ որոց ոչ իցէ լուեալ՝ ի միտ առցեն։ 22Վասն որոյ շատ խափանեցայ գալ առ ձեզ։ 23Բայց արդ ոչ եւս գոյ ինձ տեղի ի կողմանս յայսոսիկ, եւ անձուկ յոյժ ունիմ ի բազում ամաց գալ առ ձեզ։ 24Յորժամ անցանիցեմ ի Սպանիա, ակն ունիմ յանցանելն առ նոսա՝ տեսանել զձեզ, եւ ի ձէնջ յուղարկել անդր, եթէ նախ իսկ փոքր ի շատէ ձեւք լցայց։ 25Բայց այժմ երթամ յԵրուսաղէմ պաշտել զսուրբսն։ 26Քանզի հաճոյ թուեցաւ Մակեդոնացւոցն եւ Աքայեցւոցն հաղորդութիւն ինչ առնել ընդ աղքատս սրբոցն որ ենն յԵրուսաղէմ։ 27Հաճոյ թուեցաւ, քանզի եւ պարտապան իսկ են նոցա. զի եթէ հոգեւորացն նոցա հաղորդ եղեն հեթանոսք, պարտին եւ մարմնաւորացն կցորդ լինել։ 28Արդ զայս կատարեալ եւ կնքեալ զպտուղ նոցա, անցից առ ձեւք ի Սպանիա։ 29Զայս գիտեմ, զի ի գալն իմում առ ձեզ՝ լրութեամբ օրհնութեան #15։29 Յոմանս պակասէաւետարանին Քրիստոսի եկից։
ԷԵ.
30Աղաչեմ զձեզ, եղբարք, ի ձեռն Տեառն մերոյ Յիսուսի Քրիստոսի եւ սիրով Հոգւոյն, պատերազմակից լինել ինձ յաղօթս վասն իմ առ Աստուած. 31զի ապրեցայց յապստամբացն որ ի Հրէաստանի են. եւ պաշտօնն իմ որ յԵրուսաղէմ՝ ընդունելի լիցի սրբոցն. 32զի խնդութեամբ եկեալ առ ձեզ ի կամս Աստուծոյ, հանգեայց ընդ ձեզ։ 33Եւ Աստուած խաղաղութեան եղիցի ընդ ձեզ ամենեսեան։ Ամէն։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018