ԱՌ ՓԻԼԻՊԵՑԻՍ ԹՈՒՂԹ Գլուխ Դ
Գլուխ Դ
1 Այսուհետեւ, եղբարք իմ սիրելիք եւ անձկալիք, ուրախութիւն իմ եւ պսակ, այսպէս հաստատուն կացէք ի Տէր, սիրելիք։
2ՅԵւոդիա աղաչեմ եւ զՍիւնտիք աղաչեմ, զնոյն խորհել ի Տէր։ 3Այո, աղաչեմ եւ զքեզ, մտերիմ իմ եւ լծակից, եւ դու օգնական լինիջիր նոցա որք յաւետարանին նահատակեցան ընդ իս Կղեմաւ հանդերձ եւ այլովք գործակցօք իմովք, որոց անուանքն ի դպրութեան կենաց։ 4Ուրախ լերուք ի Տէր յամենայն ժամ. դարձեալ ասեմ. Ուրախ լերուք։ 5Հեզութիւն ձեր յայտնի լիցի ամենայն մարդկան. Տէր մերձ է։ 6Մի՛ ինչ հոգայք, այլ #4։6 Յոյնն. յամենայնիամենայն աղօթիւք եւ խնդրուածովք, գոհութեամբ խնդրուածք ձեր յայտնի լիցին առ Աստուած։ 7Եւ խաղաղութիւնն Աստուծոյ որ ի վեր է քան զամենայն միտս՝ պահեսցէ զսիրտս ձեր եւ զմիտս ի Քրիստոս Յիսուս։
ԱԿ.
8Այսուհետեւ, եղբարք, որ ինչ ճշմարտութեամբ է, որ ինչ պարկեշտութեամբ, որ ինչ արդարութեամբ, որ ինչ սրբութեամբ, որ ինչ սիրով, որ ինչ համբաւ բարեաց, որ ինչ քաջութեամբ, որ ինչ գովութեամբ՝ զայն խորհիջիք։ 9Զոր ուսարուքն եւ ընկալարուք եւ լուայք եւ տեսէք յիս՝ զայն արարէք. եւ Աստուած խաղաղութեան եղիցի ընդ ձեզ։
10Ուրախ եղէ ես ի Տէր յոյժ, զի եւ դուք զմտաւ ածէք հոգալ ինչ վասն իմ, որպէս եւ հոգայիքն, բայց #4։10 Այսինքն՝ չէր մարթբարբարէիք իմնէ՝՝։ 11Իբր ոչ առ կարօտութեան ինչ ասեմ, զի ես ուսայ որովք կարեմ բաւական լինել։ 12Գիտեմ նուազել, գիտեմ առաւելուլ. յամենայնի ամենեւին խելամուտ եմ ե՛ւ յագել ե՛ւ քաղցենալ, ե՛ւ առաւելուլ ե՛ւ նուազել։ 13Յամենայնի կարօղ եմ #4։13 Ոմանք. Քրիստոսիւայնու որ զօրացոյցն զիս։ 14Բայց բարւոք արարէք զի կցորդ եղերուք ինձ ի նեղութեանս։ 15Գիտէք եւ դուք, Փիլիպեցիք, զի ի սկզբան աւետարանին իբրեւ ելի ես ի Մակեդոնիայ, եւ ոչ մի եկեղեցի հաղորդեաց ինձ յաղագս տալոյ եւ առնլոյ, բայց միայն դուք. 16զի եւ ի Թեսաղոնիկ միանգամ եւ երկիցս զպէտս իմ ետուք բերել։ 17Իբր ոչ եթէ խնդրեմ զտուրսն, այլ խնդրեմ զպտուղն որ յաճախէ ի բան ձեր։ 18Այլ իմ առեալ զամենայն եւ առաւելեալ եմ. ընկալայ, եւ լի եմ ի ձեռն Եպափրոդիտեայ, որ է ի ձէնջ հոտ անուշից, պատարագ ընդունելի՝ հաճոյ Աստուծոյ։ 19Եւ Աստուած իմ լի արասցէ զամենայն պէտս ձեր ըստ իւրում մեծութեանն փառօք ի Քրիստոս Յիսուս։ 20Այլ Աստուծոյ եւ Հօր մերում փառք յաւիտեանս յաւիտենից։ Ամէն։
21Ողջոյն տաջիք ամենայն սրբոց ի Քրիստոս Յիսուս։ 22Ողջոյն տան ձեզ որ ընդ իս են եղբարք։ 23Ողջոյն տան ձեզ ամենայն սուրբք, մանաւանդ որ ի տանէ կայսեր են։ 24Շնորհք Տեառն Յիսուսի Քրիստոսի #4։24 Ոմանք. ընդ ձեզ ընդ ամենեսինընդ ոգւոյդ ձերում՝՝։ Ամէն։
Առ Փիլիպեցիս գրեցաւ ի Հռովմէ ի ձեռն Եպափրոդիտեայ։
Currently Selected:
ԱՌ ՓԻԼԻՊԵՑԻՍ ԹՈՒՂԹ Գլուխ Դ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԱՌ ՓԻԼԻՊԵՑԻՍ ԹՈՒՂԹ Գլուխ Դ
Գլուխ Դ
1 Այսուհետեւ, եղբարք իմ սիրելիք եւ անձկալիք, ուրախութիւն իմ եւ պսակ, այսպէս հաստատուն կացէք ի Տէր, սիրելիք։
2ՅԵւոդիա աղաչեմ եւ զՍիւնտիք աղաչեմ, զնոյն խորհել ի Տէր։ 3Այո, աղաչեմ եւ զքեզ, մտերիմ իմ եւ լծակից, եւ դու օգնական լինիջիր նոցա որք յաւետարանին նահատակեցան ընդ իս Կղեմաւ հանդերձ եւ այլովք գործակցօք իմովք, որոց անուանքն ի դպրութեան կենաց։ 4Ուրախ լերուք ի Տէր յամենայն ժամ. դարձեալ ասեմ. Ուրախ լերուք։ 5Հեզութիւն ձեր յայտնի լիցի ամենայն մարդկան. Տէր մերձ է։ 6Մի՛ ինչ հոգայք, այլ #4։6 Յոյնն. յամենայնիամենայն աղօթիւք եւ խնդրուածովք, գոհութեամբ խնդրուածք ձեր յայտնի լիցին առ Աստուած։ 7Եւ խաղաղութիւնն Աստուծոյ որ ի վեր է քան զամենայն միտս՝ պահեսցէ զսիրտս ձեր եւ զմիտս ի Քրիստոս Յիսուս։
ԱԿ.
8Այսուհետեւ, եղբարք, որ ինչ ճշմարտութեամբ է, որ ինչ պարկեշտութեամբ, որ ինչ արդարութեամբ, որ ինչ սրբութեամբ, որ ինչ սիրով, որ ինչ համբաւ բարեաց, որ ինչ քաջութեամբ, որ ինչ գովութեամբ՝ զայն խորհիջիք։ 9Զոր ուսարուքն եւ ընկալարուք եւ լուայք եւ տեսէք յիս՝ զայն արարէք. եւ Աստուած խաղաղութեան եղիցի ընդ ձեզ։
10Ուրախ եղէ ես ի Տէր յոյժ, զի եւ դուք զմտաւ ածէք հոգալ ինչ վասն իմ, որպէս եւ հոգայիքն, բայց #4։10 Այսինքն՝ չէր մարթբարբարէիք իմնէ՝՝։ 11Իբր ոչ առ կարօտութեան ինչ ասեմ, զի ես ուսայ որովք կարեմ բաւական լինել։ 12Գիտեմ նուազել, գիտեմ առաւելուլ. յամենայնի ամենեւին խելամուտ եմ ե՛ւ յագել ե՛ւ քաղցենալ, ե՛ւ առաւելուլ ե՛ւ նուազել։ 13Յամենայնի կարօղ եմ #4։13 Ոմանք. Քրիստոսիւայնու որ զօրացոյցն զիս։ 14Բայց բարւոք արարէք զի կցորդ եղերուք ինձ ի նեղութեանս։ 15Գիտէք եւ դուք, Փիլիպեցիք, զի ի սկզբան աւետարանին իբրեւ ելի ես ի Մակեդոնիայ, եւ ոչ մի եկեղեցի հաղորդեաց ինձ յաղագս տալոյ եւ առնլոյ, բայց միայն դուք. 16զի եւ ի Թեսաղոնիկ միանգամ եւ երկիցս զպէտս իմ ետուք բերել։ 17Իբր ոչ եթէ խնդրեմ զտուրսն, այլ խնդրեմ զպտուղն որ յաճախէ ի բան ձեր։ 18Այլ իմ առեալ զամենայն եւ առաւելեալ եմ. ընկալայ, եւ լի եմ ի ձեռն Եպափրոդիտեայ, որ է ի ձէնջ հոտ անուշից, պատարագ ընդունելի՝ հաճոյ Աստուծոյ։ 19Եւ Աստուած իմ լի արասցէ զամենայն պէտս ձեր ըստ իւրում մեծութեանն փառօք ի Քրիստոս Յիսուս։ 20Այլ Աստուծոյ եւ Հօր մերում փառք յաւիտեանս յաւիտենից։ Ամէն։
21Ողջոյն տաջիք ամենայն սրբոց ի Քրիստոս Յիսուս։ 22Ողջոյն տան ձեզ որ ընդ իս են եղբարք։ 23Ողջոյն տան ձեզ ամենայն սուրբք, մանաւանդ որ ի տանէ կայսեր են։ 24Շնորհք Տեառն Յիսուսի Քրիստոսի #4։24 Ոմանք. ընդ ձեզ ընդ ամենեսինընդ ոգւոյդ ձերում՝՝։ Ամէն։
Առ Փիլիպեցիս գրեցաւ ի Հռովմէ ի ձեռն Եպափրոդիտեայ։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018