ԹԻՒՔ Գլուխ Գ
Գլուխ Գ
1 Եւ այս ազգք են Ահարոնի եւ Մովսիսի, յաւուր յորում խօսեցաւ Տէր ընդ Մովսիսի ի լերինն Սինայի։ 2Եւ այս են անուանք որդւոցն Ահարոնի. անդրանիկ՝ #3։2 Եբր. Նադաբ, այսպէս եւ այլուրՆաբադ եւ Աբիուդ եւ Եղիազար եւ Իթամար։ 3Եւ այս են անուանք որդւոցն Ահարոնի՝ քահանայիցն օծելոց, զորոց կատարեցին զձեռս իւրեանց քահանայանալ։ 4Եւ վախճանեցան Նաբադ եւ Աբիուդ առաջի Տեառն՝ մինչ մատուցանէին զհուրն օտար առաջի Տեառն յանապատին Սինայի, եւ որդիք ոչ էին նոցա. եւ քահանայացան Եղիազար եւ Իթամար ընդ Ահարոնի ընդ հօրն իւրեանց։
5Եւ խօսեցաւ Տէր ընդ Մովսիսի եւ ասէ. 6Ա՛ռ զազգն Ղեւեայ, եւ կացուսցես զնոսա առաջի Ահարոնի քահանայի, եւ պաշտեսցեն զնա։ 7Եւ պահեսցեն զպահպանութիւնս նորա եւ զպահպանութիւնս որդւոցն Իսրայելի առաջի խորանին #3։7 Եբր. ժողովոյվկայութեան՝ գործել զգործ խորանին։ 8Եւ պահեսցեն զամենայն սպաս խորանին #3։8 Եբր ժողովոյվկայութեան եւ զպահպանութիւնս որդւոցն Իսրայելի եւ զամենայն գործ խորանին։ 9Եւ տացես զՂեւտացիսն Ահարոնի #3։9 ՅԵբր. պակասէեղբօր քում՝՝ եւ որդւոց նորա #3։9 ՅԵբր. պակասէքահանայից. հատուցումն տուեալ իցեն նոքա յորդւոցն Իսրայելի։ 10Եւ զԱհարոն եւ զորդիս նորա կացուսցես #3։10 ՅԵբր. պակասէի վերայ խորանին վկայութեան՝՝, եւ պահեսցեն զքահանայութիւնն իւրեանց #3։10 ՅԵբր. պակասէեւ զամենայն ինչ զսեղանոյն, եւ որ ինչ ի ներքոյ քան զվարագոյրն ից՝՝. եւ այլազգի որ մերձենայցէ՝ մեռցի։
11Եւ խօսեցաւ Տէր ընդ Մովսիսի եւ ասէ. 12Եւ ես ահա առի զՂեւտացիսն ի միջոյ որդւոցն Իսրայելի փոխանակ ամենայն անդրանկան որ բանայ զարգանդ ի միջոյ որդւոցն Իսրայելի. #3։12 ՅԵբր. պակասէփրկանք նոցա լիցին,՝՝ եւ եղիցին ինձ Ղեւտացիքն։ 13Զի իմ է ամենայն անդրանիկ. յաւուր յորում հարի զամենայն անդրանիկ յերկրին Եգիպտացւոց, սրբեցի ինձ զամենայն անդրանիկս Իսրայելի ի մարդոյ մինչեւ յանասուն. իմ լիցին. #3։13 ՅԵբր. պակասէզի ես եմ Տէր։
14Եւ խօսեցաւ Տէր ընդ Մովսիսի յանապատին Սինայի եւ ասէ. 15Հանդէս արա որդւոցն Ղեւեայ ըստ տանց նահապետաց իւրեանց, #3։15 ՅԵբր. պակասէըստ գունդս իւրեանց,՝՝ ըստ ազգս իւրեանց, ամենայն արուի՝ յամսօրէից եւ ի վեր առնիցէք հանդէս։ 16Եւ #3։16 Եբր. արարարարին նոցա հանդէս Մովսէս #3։16 ՅԵբր. պակասէեւ Ահարոն՝՝ ըստ բարբառոյ Տեառն՝ որպէս եւ #3։16 Եբր. հրամայեցաւհրամայեաց նոցա Տէր՝՝։ 17Եւ սոքա են որդիք Ղեւեայ ըստ անուանց իւրեանց. Գերսոն, Կահաթ եւ Մերարի։ 18Եւ այս են անուանք որդւոցն Գերսոնի ըստ գունդս իւրեանց. Ղոբենի եւ Սեմէի։ 19Եւ որդիք Կահաթու ըստ գունդս իւրեանց, Ամրամ եւ Իսահառ եւ Քեբրոն եւ Ոզիէլ։ 20Եւ որդիք Մերարեայ ըստ գունդս իւրեանց, Մոողի եւ Մուսի. սոքա են գունդք Ղեւտացւոց ըստ տանց նահապետաց իւրեանց։
21Գերսոնի՝ գունդն Ղոբենեայ եւ գունդն Սեմեայ. սոքա են գունդք Գերսոնի։ 22Եւ հանդէս նոցա ըստ թուոյ ամենայն արուի, յամսօրէից եւ ի վեր, հանդէս նոցա՝ եւթն հազար եւ հինգ հարեւր։ 23Եւ այս գունդք Գերսոնի՝ յետոյ խորանին ընդ ծովակողմն բանակեսցին։ 24Եւ իշխան տան նահապետաց գնդին Գերսոնի՝ Եղիսափան որդի Գեիղայ։ 25Եւ պահպանութիւն որդւոցն Գերսոնի ի խորանին վկայութեան՝ խորանն եւ #3։25 Եբր. վրանն, նուարտան նորա եւ վարագոյր դրան խորանին ժողովոյ, (26) եւ առագաստք գաւթին, եւ վարագոյր դրան գաւթին որ զխորանաւն եւ զսեղանովն շուրջանակի, եւ ապաւանդակք նորա վասնարտախուրակք եւ նուարտանք խորանին վկայութեան, 26եւ առագաստք սրահին, եւ վարագոյր դրան խորանին, եւ այլ եւս աւելորդ՝՝ ամենայն գործոյն նորա։
27Եւ Կահաթու՝ գունդ մի Ամրամայ, եւ գունդ մի Իսահառայ, եւ գունդ մի Քեբրոնի, եւ գունդ մի Ոզիելի. սոքա են գունդք Կահաթու. 28ըստ թուոյ ամենայն արուի յամսօրէից եւ ի վեր, ութ հազար եւ վեց հարեւր, որ պահիցեն զպահպանութիւն սրբութեանցն։ 29Եւ գունդք որդւոցն Կահաթու բանակեսցին ի կողմանէ խորանին ընդ հարաւ։ 30Եւ իշխան տան նահապետաց գնդին Կահաթու՝ Եղիսափան որդի Ոզիելի։ 31Եւ պահպանութիւն նոցա՝ տապանակն եւ սեղանն եւ աշտանակն եւ զոհանոցքն եւ կահ սրբութեանն որովք պաշտէինն, եւ #3։31 Կամ վարագոյրնսրսկապանն, եւ ամենայն գործի նոցա։ 32Եւ իշխան ի վերայ իշխանացն Ղեւտացւոցն՝ Եղիազար որդի Ահարոնի քահանայի կացցէ, պահել զպահպանութիւնս սրբութեանցն։
33Եւ Մերարեայ՝ գունդն Մոողեայ եւ գունդն Մուսեայ. սոքա են գունդք Մերարեայ։ 34Եւ հանդէս նոցա ըստ թուոյ ամենայն արուի յամսօրէից եւ ի վեր՝ վեց հազար եւ երկերիւր։ 35Եւ իշխան տան նահապետաց գնդին Մերարեայ՝ Սուրիէլ որդի Աբիքեայ, ի կողմանէ խորանին բանակեսցին ընդ հիւսիսի, #3։35 Եբր. (36) Եւ հանդէս պահպանութեանեւ հանդէս նոցա։ 36Եւ պահպանութիւն՝՝ որդւոցն Մերարեայ #3։36 Եբր. տախտակքխոյակք խորանին եւ նիգք նորա եւ սիւնակք նորա, խարիսխք նորա եւ ամենայն կահ նոցուն եւ գործի նոցին, 37եւ սիւնք #3։37 Եբր. գաւթինսրահին շուրջանակի եւ խարիսխք նոցա եւ ցիցք նոցա եւ ապաւանդակք նոցուն։
38Եւ որ բանակիցին յանդիման խորանին վկայութեան յարեւելից կողմանէ՝ Մովսէս եւ Ահարոն իցեն, եւ որդիք նորա պահեսցեն զպահպանութիւնս սրբութեանցն ի պահպանութիւնս որդւոցն Իսրայելի, եւ այլազգի որ մերձենայցէ՝ մեռցի։ 39Ամենայն հանդէս Ղեւտացւոցն որոց արարին հանդէս Մովսէս եւ Ահարոն բանիւ Տեառն, ըստ գունդս իւրեանց, ամենայն արու յամսօրէից եւ ի վեր՝ քսան եւ երկու հազարք։
40Եւ խօսեցաւ Տէր ընդ Մովսիսի եւ ասէ. Հանդէս արա ամենայն անդրանկան արուի յորդւոցն Իսրայելի յամսօրէից եւ ի վեր, եւ կալ զթիւ նոցա յանուանէ։ 41Եւ առցես զՂեւտացիսն ինձ, զի ես եմ Տէր, փոխանակ ամենայն անդրանկաց որդւոցն Իսրայելի. եւ զանասուն Ղեւտացւոցն՝ փոխանակ անասնոց անդրանկաց որդւոցն Իսրայելի։ 42Եւ արար Մովսէս հանդէս, որպէս պատուիրեաց Տէր նմա, ամենայն անդրանկաց որդւոցն Իսրայելի։ 43Եւ եղեն ամենայն արուք անդրանիկք #3։43 ՅԵբր. պակասէորդւոցն Իսրայելի՝՝, ըստ թուոյ յանուանէ՝ յամսօրէից եւ ի վեր, ի հանդիսէ անտի նոցա՝ քսան եւ երկու հազարք եւ երկերիւր եւ եւթանասուն եւ երեք։
44Եւ խօսեցաւ Տէր ընդ Մովսիսի եւ ասէ. 45Առ զՂեւտացիսն փոխանակ ամենայն անդրանկաց որդւոցն Իսրայելի, եւ զանասուն Ղեւտացւոց՝ փոխանակ անասնոց նոցա, եւ եղիցին ինձ Ղեւտացիքն. #3։45 ՅԵբր. պակասէզի ես եմ Տէր։ 46Եւ զփրկանս զերկերիւրոց եւ զեւթանասնից եւ զերիցն՝ աւելորդաց քան զՂեւտացիսն՝ յանդրանկաց որդւոցն Իսրայելի՝ 47առցես հինգ սիկղ ըստ գլուխ, ըստ սրբութեան #3։47 Եբր. սկեղներկդրամենին առցես. քսան #3։47 Եբր. կերատդանգ առ սիկղ։ 48Եւ տացես զարծաթն Ահարոնի եւ որդւոց նորա փրկանս ընդ աւելորդացն ի նոցանէ։ 49Եւ ա՛ռ Մովսէս զարծաթն՝ զփրկանս աւելորդացն ի փրկանս Ղեւտացւոցն՝ 50յանդրանկաց որդւոցն Իսրայելի. եւ առ զարծաթն հազար եւ երեք հարեւր եւ վաթսուն եւ հինգ սիկղ ըստ սրբութեան սկեղն։ 51Եւ ետ Մովսէս #3։51 Եբր. զարծաթն փրկանաց ցԱհարոն եւ ցորդիսզփրկանս աւելորդացն Ահարոնի եւ որդւոց՝՝ նորա ըստ բանի Տեառն, որպէս հրամայեաց Տէր Մովսիսի։
Currently Selected:
ԹԻՒՔ Գլուխ Գ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԹԻՒՔ Գլուխ Գ
Գլուխ Գ
1 Եւ այս ազգք են Ահարոնի եւ Մովսիսի, յաւուր յորում խօսեցաւ Տէր ընդ Մովսիսի ի լերինն Սինայի։ 2Եւ այս են անուանք որդւոցն Ահարոնի. անդրանիկ՝ #3։2 Եբր. Նադաբ, այսպէս եւ այլուրՆաբադ եւ Աբիուդ եւ Եղիազար եւ Իթամար։ 3Եւ այս են անուանք որդւոցն Ահարոնի՝ քահանայիցն օծելոց, զորոց կատարեցին զձեռս իւրեանց քահանայանալ։ 4Եւ վախճանեցան Նաբադ եւ Աբիուդ առաջի Տեառն՝ մինչ մատուցանէին զհուրն օտար առաջի Տեառն յանապատին Սինայի, եւ որդիք ոչ էին նոցա. եւ քահանայացան Եղիազար եւ Իթամար ընդ Ահարոնի ընդ հօրն իւրեանց։
5Եւ խօսեցաւ Տէր ընդ Մովսիսի եւ ասէ. 6Ա՛ռ զազգն Ղեւեայ, եւ կացուսցես զնոսա առաջի Ահարոնի քահանայի, եւ պաշտեսցեն զնա։ 7Եւ պահեսցեն զպահպանութիւնս նորա եւ զպահպանութիւնս որդւոցն Իսրայելի առաջի խորանին #3։7 Եբր. ժողովոյվկայութեան՝ գործել զգործ խորանին։ 8Եւ պահեսցեն զամենայն սպաս խորանին #3։8 Եբր ժողովոյվկայութեան եւ զպահպանութիւնս որդւոցն Իսրայելի եւ զամենայն գործ խորանին։ 9Եւ տացես զՂեւտացիսն Ահարոնի #3։9 ՅԵբր. պակասէեղբօր քում՝՝ եւ որդւոց նորա #3։9 ՅԵբր. պակասէքահանայից. հատուցումն տուեալ իցեն նոքա յորդւոցն Իսրայելի։ 10Եւ զԱհարոն եւ զորդիս նորա կացուսցես #3։10 ՅԵբր. պակասէի վերայ խորանին վկայութեան՝՝, եւ պահեսցեն զքահանայութիւնն իւրեանց #3։10 ՅԵբր. պակասէեւ զամենայն ինչ զսեղանոյն, եւ որ ինչ ի ներքոյ քան զվարագոյրն ից՝՝. եւ այլազգի որ մերձենայցէ՝ մեռցի։
11Եւ խօսեցաւ Տէր ընդ Մովսիսի եւ ասէ. 12Եւ ես ահա առի զՂեւտացիսն ի միջոյ որդւոցն Իսրայելի փոխանակ ամենայն անդրանկան որ բանայ զարգանդ ի միջոյ որդւոցն Իսրայելի. #3։12 ՅԵբր. պակասէփրկանք նոցա լիցին,՝՝ եւ եղիցին ինձ Ղեւտացիքն։ 13Զի իմ է ամենայն անդրանիկ. յաւուր յորում հարի զամենայն անդրանիկ յերկրին Եգիպտացւոց, սրբեցի ինձ զամենայն անդրանիկս Իսրայելի ի մարդոյ մինչեւ յանասուն. իմ լիցին. #3։13 ՅԵբր. պակասէզի ես եմ Տէր։
14Եւ խօսեցաւ Տէր ընդ Մովսիսի յանապատին Սինայի եւ ասէ. 15Հանդէս արա որդւոցն Ղեւեայ ըստ տանց նահապետաց իւրեանց, #3։15 ՅԵբր. պակասէըստ գունդս իւրեանց,՝՝ ըստ ազգս իւրեանց, ամենայն արուի՝ յամսօրէից եւ ի վեր առնիցէք հանդէս։ 16Եւ #3։16 Եբր. արարարարին նոցա հանդէս Մովսէս #3։16 ՅԵբր. պակասէեւ Ահարոն՝՝ ըստ բարբառոյ Տեառն՝ որպէս եւ #3։16 Եբր. հրամայեցաւհրամայեաց նոցա Տէր՝՝։ 17Եւ սոքա են որդիք Ղեւեայ ըստ անուանց իւրեանց. Գերսոն, Կահաթ եւ Մերարի։ 18Եւ այս են անուանք որդւոցն Գերսոնի ըստ գունդս իւրեանց. Ղոբենի եւ Սեմէի։ 19Եւ որդիք Կահաթու ըստ գունդս իւրեանց, Ամրամ եւ Իսահառ եւ Քեբրոն եւ Ոզիէլ։ 20Եւ որդիք Մերարեայ ըստ գունդս իւրեանց, Մոողի եւ Մուսի. սոքա են գունդք Ղեւտացւոց ըստ տանց նահապետաց իւրեանց։
21Գերսոնի՝ գունդն Ղոբենեայ եւ գունդն Սեմեայ. սոքա են գունդք Գերսոնի։ 22Եւ հանդէս նոցա ըստ թուոյ ամենայն արուի, յամսօրէից եւ ի վեր, հանդէս նոցա՝ եւթն հազար եւ հինգ հարեւր։ 23Եւ այս գունդք Գերսոնի՝ յետոյ խորանին ընդ ծովակողմն բանակեսցին։ 24Եւ իշխան տան նահապետաց գնդին Գերսոնի՝ Եղիսափան որդի Գեիղայ։ 25Եւ պահպանութիւն որդւոցն Գերսոնի ի խորանին վկայութեան՝ խորանն եւ #3։25 Եբր. վրանն, նուարտան նորա եւ վարագոյր դրան խորանին ժողովոյ, (26) եւ առագաստք գաւթին, եւ վարագոյր դրան գաւթին որ զխորանաւն եւ զսեղանովն շուրջանակի, եւ ապաւանդակք նորա վասնարտախուրակք եւ նուարտանք խորանին վկայութեան, 26եւ առագաստք սրահին, եւ վարագոյր դրան խորանին, եւ այլ եւս աւելորդ՝՝ ամենայն գործոյն նորա։
27Եւ Կահաթու՝ գունդ մի Ամրամայ, եւ գունդ մի Իսահառայ, եւ գունդ մի Քեբրոնի, եւ գունդ մի Ոզիելի. սոքա են գունդք Կահաթու. 28ըստ թուոյ ամենայն արուի յամսօրէից եւ ի վեր, ութ հազար եւ վեց հարեւր, որ պահիցեն զպահպանութիւն սրբութեանցն։ 29Եւ գունդք որդւոցն Կահաթու բանակեսցին ի կողմանէ խորանին ընդ հարաւ։ 30Եւ իշխան տան նահապետաց գնդին Կահաթու՝ Եղիսափան որդի Ոզիելի։ 31Եւ պահպանութիւն նոցա՝ տապանակն եւ սեղանն եւ աշտանակն եւ զոհանոցքն եւ կահ սրբութեանն որովք պաշտէինն, եւ #3։31 Կամ վարագոյրնսրսկապանն, եւ ամենայն գործի նոցա։ 32Եւ իշխան ի վերայ իշխանացն Ղեւտացւոցն՝ Եղիազար որդի Ահարոնի քահանայի կացցէ, պահել զպահպանութիւնս սրբութեանցն։
33Եւ Մերարեայ՝ գունդն Մոողեայ եւ գունդն Մուսեայ. սոքա են գունդք Մերարեայ։ 34Եւ հանդէս նոցա ըստ թուոյ ամենայն արուի յամսօրէից եւ ի վեր՝ վեց հազար եւ երկերիւր։ 35Եւ իշխան տան նահապետաց գնդին Մերարեայ՝ Սուրիէլ որդի Աբիքեայ, ի կողմանէ խորանին բանակեսցին ընդ հիւսիսի, #3։35 Եբր. (36) Եւ հանդէս պահպանութեանեւ հանդէս նոցա։ 36Եւ պահպանութիւն՝՝ որդւոցն Մերարեայ #3։36 Եբր. տախտակքխոյակք խորանին եւ նիգք նորա եւ սիւնակք նորա, խարիսխք նորա եւ ամենայն կահ նոցուն եւ գործի նոցին, 37եւ սիւնք #3։37 Եբր. գաւթինսրահին շուրջանակի եւ խարիսխք նոցա եւ ցիցք նոցա եւ ապաւանդակք նոցուն։
38Եւ որ բանակիցին յանդիման խորանին վկայութեան յարեւելից կողմանէ՝ Մովսէս եւ Ահարոն իցեն, եւ որդիք նորա պահեսցեն զպահպանութիւնս սրբութեանցն ի պահպանութիւնս որդւոցն Իսրայելի, եւ այլազգի որ մերձենայցէ՝ մեռցի։ 39Ամենայն հանդէս Ղեւտացւոցն որոց արարին հանդէս Մովսէս եւ Ահարոն բանիւ Տեառն, ըստ գունդս իւրեանց, ամենայն արու յամսօրէից եւ ի վեր՝ քսան եւ երկու հազարք։
40Եւ խօսեցաւ Տէր ընդ Մովսիսի եւ ասէ. Հանդէս արա ամենայն անդրանկան արուի յորդւոցն Իսրայելի յամսօրէից եւ ի վեր, եւ կալ զթիւ նոցա յանուանէ։ 41Եւ առցես զՂեւտացիսն ինձ, զի ես եմ Տէր, փոխանակ ամենայն անդրանկաց որդւոցն Իսրայելի. եւ զանասուն Ղեւտացւոցն՝ փոխանակ անասնոց անդրանկաց որդւոցն Իսրայելի։ 42Եւ արար Մովսէս հանդէս, որպէս պատուիրեաց Տէր նմա, ամենայն անդրանկաց որդւոցն Իսրայելի։ 43Եւ եղեն ամենայն արուք անդրանիկք #3։43 ՅԵբր. պակասէորդւոցն Իսրայելի՝՝, ըստ թուոյ յանուանէ՝ յամսօրէից եւ ի վեր, ի հանդիսէ անտի նոցա՝ քսան եւ երկու հազարք եւ երկերիւր եւ եւթանասուն եւ երեք։
44Եւ խօսեցաւ Տէր ընդ Մովսիսի եւ ասէ. 45Առ զՂեւտացիսն փոխանակ ամենայն անդրանկաց որդւոցն Իսրայելի, եւ զանասուն Ղեւտացւոց՝ փոխանակ անասնոց նոցա, եւ եղիցին ինձ Ղեւտացիքն. #3։45 ՅԵբր. պակասէզի ես եմ Տէր։ 46Եւ զփրկանս զերկերիւրոց եւ զեւթանասնից եւ զերիցն՝ աւելորդաց քան զՂեւտացիսն՝ յանդրանկաց որդւոցն Իսրայելի՝ 47առցես հինգ սիկղ ըստ գլուխ, ըստ սրբութեան #3։47 Եբր. սկեղներկդրամենին առցես. քսան #3։47 Եբր. կերատդանգ առ սիկղ։ 48Եւ տացես զարծաթն Ահարոնի եւ որդւոց նորա փրկանս ընդ աւելորդացն ի նոցանէ։ 49Եւ ա՛ռ Մովսէս զարծաթն՝ զփրկանս աւելորդացն ի փրկանս Ղեւտացւոցն՝ 50յանդրանկաց որդւոցն Իսրայելի. եւ առ զարծաթն հազար եւ երեք հարեւր եւ վաթսուն եւ հինգ սիկղ ըստ սրբութեան սկեղն։ 51Եւ ետ Մովսէս #3։51 Եբր. զարծաթն փրկանաց ցԱհարոն եւ ցորդիսզփրկանս աւելորդացն Ահարոնի եւ որդւոց՝՝ նորա ըստ բանի Տեառն, որպէս հրամայեաց Տէր Մովսիսի։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018