ԹԻՒՔ Գլուխ Բ
Գլուխ Բ
1 Եւ խօսեցաւ Տէր ընդ Մովսիսի եւ ընդ Ահարոնի եւ ասէ. 2Այր իւրաքանչիւր #2։2 Եբր. առ դրօշի իւրում ի նշանս տան հարց իւրոց, բանակեսցին որդիքն Իսրայելի. դէմ յանդիման շուրջ զխորանաւն ժողովոյ բանակեսցին։զհետ նշանի գնդի իւրոյ գնասցեն, ըստ տանց նահապետաց իւրեանց, ըստ բանակաց իւրեանց բանակեսցին որդիքն Իսրայելի՝՝։
3Եւ որ յառաջագոյնն բանակեսցին յարեւելից կողմանէ՝ ցեղ բանակին Յուդայ իցէ հանդերձ զօրուն իւրեանց. եւ իշխան որդւոցն Յուդայ՝ Նաասոն որդի Ամինադաբայ։ 4Եւ զօրք նորա անցեալք ի հանդիսի՝ եւթանասուն եւ չորք հազարք եւ վեց հարեւր։ 5Եւ որք բանակիցին զհետ նոցա՝ ցեղն Իսաքարայ իցէ. եւ իշխան որդւոցն Իսաքարայ՝ Նաթանայէլ որդի Սովգարայ։ 6Եւ զօրք նորա անցեալք ի հանդիսի՝ յիսուն եւ չորք հազար եւ չորեքհարեւր։ 7Եւ բանակեսցին առ նոքօք ցեղն Զաբուղոնի. եւ իշխան որդւոցն Զաբուղոնի՝ Եղիաբ որդի Քեղովնի։ 8Եւ զօրք նորա անցեալք ի հանդիսի՝ յիսուն եւ եւթն հազար եւ չորեքհարեւր։ 9Ամենեքին անցեալք ի հանդիսի բանակին Յուդայ, հարեւր ութսուն եւ վեց հազար եւ չորեքհարեւր, հանդերձ զօրուն իւրեանց յառաջագոյն չուեսցեն։
10Գունդ բանակին Ռուբենի ընդ հարաւակողմն, եւ զօրն նոցա. եւ իշխան որդւոցն Ռուբենի՝ Եղիսուր որդի Սադիուրայ։ 11Եւ զօրն նորա անցեալք ի հանդիսի՝ քառասուն եւ վեց հազար եւ հինգ հարեւր։ 12Եւ բանակեսցին առ նովաւ ցեղն Շմաւոնի. եւ իշխան որդւոցն Շմաւոնի Սաղամիէլ որդի Սուրիսադայի։ 13Եւ զօրն նորա անցեալք ի հանդիսի՝ յիսուն եւ ինն հազար եւ երեք հարեւր։ 14Եւ բանակեալք առ նովաւ ցեղն Գադայ. եւ իշխան որդւոցն Գադայ՝ Եղիսափան որդի Դագուելի։ 15Եւ զօր նորա անցեալք ի հանդիսի՝ քառասուն եւ հինգ հազար եւ վեց հարեւր եւ յիսուն։ 16Ամենեքին անցեալք ի հանդիսի ցեղին Ռուբենի, հարեւր յիսուն եւ մի հազար եւ չորեքհարեւր եւ յիսուն, հանդերձ զօրուն իւրեանց երկրորդ չուեսցեն։
17Եւ խաղասցէ խորանն #2։17 Եբր. ժողովոյվկայութեան եւ բանակ Ղեւտացւոցն ի մէջ բանակացն. որպէս բանակեսցին՝ նոյնպէս չուեսցեն, իւրաքանչիւր #2։17 Եբր. ի կայի իւրում ըստ դրօշու իւրեանցզհետ միմեանց ըստ պետութեան՝՝։
18Եւ գունդ բանակին Եփրեմի ընդ #2։18 Կամ արեւմուտսծովակողմն հանդերձ զօրուն իւրեանց. եւ իշխան որդւոցն Եփրեմի՝ Եղիսամա որդի Եմիուդայ։ 19Եւ զօրն նորա անցեալք ի հանդիսի՝ քառասուն հազար եւ հինգ հարեւր։ 20Եւ որ բանակիցին զհետ նոցա՝ ցեղն Մանասէի իցէ. եւ իշխան որդւոցն Մանասէի՝ Գամաղիէլ որդի Փադասուրայ։ 21Եւ զօրն նորա անցեալք ի հանդիսի՝ երեսուն եւ երկու հազարք եւ երկերիւր։ 22Եւ որ բանակիցին զհետ նոցա՝ գունդն Բենիամինի իցէ. եւ իշխան որդւոցն Բենիամինի՝ Աբիդան որդի Գեդէոնի։ 23Եւ զօր նորա անցեալք ի հանդիսի՝ երեսուն եւ հինգ հազար եւ չորեքհարեւր։ 24Ամենեքին անցեալք ի հանդիսի բանակին Եփրեմի, հարեւր եւ ութ հազար եւ #2։24 Եբր. հարեւրերկերիւր, հանդերձ զօրուն իւրեանց՝ երրորդք չուեսցեն։
25Եւ գունդ բանակին Դանայ ընդ հիւսիսի հանդերձ զօրուն իւրեանց. եւ իշխան որդւոցն Դանայ՝ Աքիեզեր որդի Ամիսադայի։ 26Եւ զօր նորա անցեալք ի հանդիսի՝ վաթսուն եւ երկու հազարք եւ եւթն հարեւր։ 27Եւ որ բանակեսցին զհետ նորա՝ ազգն Ասերայ իցէ. եւ իշխան որդւոցն Ասերայ՝ Փագիէլ որդի Եքրանայ։ 28Եւ զօր նորա անցեալք ի հանդիսի՝ քառասուն եւ մի հազար եւ հինգ հարեւր։ 29Եւ որ բանակեսցին զհետ նորա՝ ցեղն Նեփթաղեմի իցէ. եւ իշխան որդւոցն Նեփթաղեմի՝ Աքիրէ որդի Ենանայ։ 30Եւ զօրն նորա անցեալք ի հանդիսի՝ յիսուն եւ երեք հազարք եւ չորեքհարեւր։ 31Ամենեքին անցեալք ի հանդիսի բանակին Դանայ, հարեւր եւ յիսուն եւ եւթն հազար եւ վեց հարեւր. հանդերձ զօրուն իւրեանց յետոյ չուեսցեն ըստ գունդս իւրեանց։
32Այս է հանդէս որդւոցն Իսրայելի ըստ տանց նահապետաց իւրեանց. ամենայն հանդէս բանակացն հանդերձ զօրօք իւրեանց՝ վեց հարեւր հազար եւ երեք հազարք եւ հինգ հարեւր եւ յիսուն։ 33Բայց Ղեւտացիքն ոչ անցին #2։33 Եբր ի մէջ որդւոցն Իսրայելիընդ նոսա՝՝ ի հանդիսի, որպէս պատուիրեաց Տէր Մովսիսի։ 34Եւ արարին որդիքն Իսրայելի զամենայն՝ որպէս հրամայեաց Տէր Մովսիսի. այնպէս բանակէին ըստ #2։34 Եբր դրօշուցգունդս իւրեանց, եւ այնպէս չուէին իւրաքանչիւր զհետ ցեղից իւրեանց ըստ տանց նահապետաց իւրեանց։
Currently Selected:
ԹԻՒՔ Գլուխ Բ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018