ԹԻՒՔ Գլուխ Ժ
Գլուխ Ժ
1 Եւ խօսեցաւ Տէր ընդ Մովսիսի եւ ասէ. 2Արա դու քեզ երկուս փողս արծաթիս. կռածոյս արասցես զնոսա, եւ եղիցին քեզ ազդ առնելոյ ժողովրդեանն, եւ չուելոյ բանակացն։ 3Եւ հարկանիցեն փող նոքօք, եւ #10։3 Եբր. ժողովեսցի առ քեզժողովեսցի ամենայն ժողովուրդն ի դուռն խորանին վկայութեան։ 4Եւ եթէ ի միումն հարկանիցեն փող, եկեսցեն առ քեզ իշխանքն, զօրավարքն Իսրայելի։ 5Եւ հարջիք փող ազդեցութեան, եւ չուեսցեն բանակքն բանակեալք ընդ արեւելս։ 6Եւ հարկանիցէք զերկրորդ փողն ազդեցութեան, եւ չուեսցեն բանակքն բանակեալք ընդ հարաւ։ #10։6 ՅԵբր. պակասէԵւ հարկանիցէք զերրորդ փողն ազդեցութեան, եւ չուեսցեն բանակքն բանակեալք ընդ ծովակողմն։ Եւ հարկանիցէք զչորրորդ փողն ազդեցութեան, եւ չուեսցեն բանակքն բանակեալք ընդ հիւսիսի.՝՝ ազդեցութեան փող հարկանիցեն ի չուելն իւրեանց։ 7Եւ յորժամ ժողովիցէք զժողովուրդն՝ հարկանիցէք փող, եւ ոչ ազդեցութեան։ 8Եւ որդիքն Ահարոնի քահանայք հարցեն փող, եւ եղիցի ձեզ օրէն յաւիտենական յազգս ձեր։ 9Եւ եթէ ելանիցէք ի պատարազմ յերկրի ձերում ընդդիմակացացն որ կայցեն ձեզ հակառակ, ազդեսջիք փողով եւ յիշատակեսջիք առաջի Տեառն#10։9 Եբրայեցին յաւելու՝ Աստուծոյ ձերոյ, եւ ապրիցէք ի թշնամեացն ձերոց։ 10Եւ յաւուրս ուրախութեան ձերոյ #10։10 Եբր. եւ ի տօնս ձեր եւեւ յամսագլուխս ձեր հարկանիցէք փող եւ ի վերայ ողջակիզացն եւ ի վերայ զոհիցն #10։10 Եբր. խաղաղականացփրկութեանց ձերոց. եւ եղիցի ձեզ յիշատակ առաջի Աստուծոյ ձերոյ. ես եմ Տէր՝ Աստուած ձեր։
11Եւ եղեւ յամին երկրորդի յամսեանն երկրորդում որ օր քսան էր ամսոյն, վերացաւ ամպն ի խորանէն վկայութեան։ 12Եւ չուեցին որդիքն Իսրայելի #10։12 Եբր. ըստ չուոցնհանդերձ աղխիւքն՝՝ իւրեանց յանապատէն Սինայի. եւ եկաց ամպն յանապատին Փառանու։ 13Եւ չուեցին #10։13 Եբր. զառաջիննորդիքն Իսրայելի՝՝ ըստ բանի Տեառն ի ձեռն Մովսիսի։ 14Եւ չուեցին նախ գունդք բանակի որդւոցն Յուդայ յառաջագոյն զօրուն իւրեանց. եւ ի վերայ զօրացն նոցա Նաասոն որդի Ամինադաբայ։ 15Եւ ի վերայ զօրաց որդւոցն Իսաքարայ՝ Նաթանայէլ որդի Սովգարայ։ 16Եւ ի վերայ զօրու ցեղի որդւոցն Զաբուղոնի՝ Եղիաբ որդի Քեղովնի։ 17Եւ իջուցանէին զխորանն, եւ չուէին. որդիքն Գերսոնի եւ որդիքն Մերարեայ բառնային զխորանն։ 18Եւ չուէին գունդք բանակի որդւոցն Ռուբենի հանդերձ զօրուն իւրեանց. եւ ի վերայ զօրու նոցա Եղիսուր որդի Սեդիուրայ։ 19Եւ ի վերայ զօրու ցեղի որդւոցն Շմաւոնի՝ Սաղամիէլ որդի Սուրիսադայի։ 20Եւ ի վերայ զօրու ցեղի որդւոցն Գադայ՝ Եղիսափան որդի Դագուելի։ 21Եւ #10։21 Եբր. չուեցինչուեսցեն որդիքն Կահաթու բարձեալ զսրբութիւնսն. եւ #10։21 Եբր. կանգնեցինկանգնեսցեն զխորանն մինչեւ #10։21 Եբր. ի հասանել նոցաայլքն հասանիցեն՝՝։ 22Եւ չուեցին գունդք բանակին Եփրեմայ հանդերձ զօրուն իւրեանց. եւ ի վերայ զօրու նոցա Եղիսամա որդի Եմիուդա։ 23Եւ ի վերայ զօրու ցեղի որդւոցն Մանասէի՝ Գամաղիէլ որդի Փադասուրայ։ 24Եւ ի վերայ զօրու ցեղին որդւոցն Բենիամենի՝ Աբիդան որդի Գեդէոնի։ 25Եւ չուեցին գունդք բանակի որդւոցն Դանայ յետոյ քան զամենայն բանակսն հանդերձ զօրուն իւրեանց. եւ ի վերայ զօրու նոցա՝ Աքիեզեր որդի Ամիսադայի։ 26Եւ ի վերայ զօրու ցեղի որդւոցն Ասերայ՝ Փագիէլ որդի Եքրանայ։ 27Եւ ի վերայ զօրու ցեղի որդւոցն Նեփթաղիմայ՝ Աքիրէ որդի Ենանայ։ 28Այս են #10։28 Եբր. չուքզօրք որդւոցն Իսրայելի. եւ չուեցին հանդերձ զօրուն իւրեանց։
29Եւ ասէ Մովսէս ցՅոբաբ որդի Հռագուելի Մադիանացի, ցաներն Մովսիսի. Ահա մեք չուեմք ի տեղին զոր ասաց Տէր տալ զնա մեզ. եկ ընդ մեզ, եւ բարի արասցուք քեզ. զի Տէր խոստացաւ բարութիւնս Իսրայելի։ 30Եւ նա ասէ. Ոչ երթայց անդր, այլ յերկիրն իմ եւ յազգն իմ գնացից։ 31Եւ ասէ ցնա. Մի՛ թողուր զմեզ. քանզի #10։31 Եբր. գիտես ուր ագցուք յանապատին, եւ եղիցես մեզ փոխանակ աչացէիր ընդ մեզ յանապատին. եւ եղիցես ընդ մեզ ծեր՝՝։ 32Եւ եղիցի թէ երթայցես ընդ մեզ, եւ լինիցին բարութիւնքն զոր ինչ արասցէ մեզ Տէր, բարի արասցուք եւ քեզ։
33Եւ չուեցին ի լեռնէ անտի Տեառն երեքօրեայ ճանապարհ. եւ տապանակ ուխտին Տեառն յառաջագոյն քան զնոսա երթայր երեքօրեայ ճանապարհաւ, դիտել նոցա հանգիստ։ 34Եւ #10։34 Եբր. ամպն Տեառնամպն հովանի ունէր ի վերայ նոցա ի տուէ ի չուել նոցա ի բանակէ անտի։
35Եւ եղեւ ի չուել տապանակին՝ ասէ Մովսէս. Արի, Տէր, եւ ցրուեսցին թշնամիք քո, փախիցեն #10։35 Եբր. ատելիք քո յերեսաց քոցամենայն ատելիք քո՝՝։ 36Եւ ի դադարելն ասէ. Դարձիր, Տէր, ի հազարաւորս եւ ի բիւրաւորս Իսրայելի։
Currently Selected:
ԹԻՒՔ Գլուխ Ժ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
