ՂԵՒՏԱԿԱՆ Գլուխ Ի
Գլուխ Ի
1 Խօսեցաւ Տէր ընդ Մովսիսի եւ ասէ. 2Խօսեաց ընդ որդիսդ Իսրայելի եւ ասասցես. Եթէ ոք յորդւոցդ Իսրայելի կամ յեկելոց պանդխտացն Իսրայելի տացէ #20։2 Եբր. ի զաւակէ իւրմէ Մողոքայզսերմն իւր իշխանի՝՝, մահու մեռցի. եւ ազգք երկրին քարկոծ արասցեն զնա քարամբք։ 3Եւ ես հաստատեցից զերեսս իմ ի վերայ մարդոյն այնորիկ, եւ կորուսից զնա ի ժողովրդենէ իւրմէ. զի ետ #20։3 Եբր. ի զաւակէ իւրմէ Մողոքայի սերմանէ իւրմէ իշխանին՝՝ պղծել զսրբութիւն իմ, եւ գարշեցուցանել զանուն #20։3 Եբր. սրբութեան իմոյսրբեցելոցն իմոց՝՝։ 4Ապա թէ ակնածելով ակնածեսցեն բնակիչք երկրին աչօք իւրեանց յառնէն յայնմանէ՝ ի տալ նորա #20։4 Եբր. ի զաւակէ իւրմէ Մողոքայզսերմն իւր իշխանին՝՝ չսպանանել զնա, 5հաստատեցից զերեսս իմ ի վերայ առնն այնորիկ եւ ի վերայ ազգի նորա, եւ կորուսից զնա եւ զամենայն միաբանեալսն ընդ նմա առ ի պոռնկեցուցանելոյ զնոսա ընդ #20։5 Եբր. Մողոքայիշխանին՝ ի միջոյ ժողովրդեան իւրեանց։ 6Եւ անձն որ երթիցէ զհետ վհկաց կամ գիտաց՝ պոռնկել զկնի նոցա, հաստատեցից զերեսս իմ ի վերայ անձինն այնորիկ, եւ կորուսից զնա ի ժողովրդենէ իւրմէ։ 7Եւ սրբեսջիք եւ եղիջիք սուրբք, զի #20։7 Եբր. ես եմսուրբ եմ ես՝՝ Տէր Աստուած ձեր։ 8Եւ պահեսջիք զհրամանս իմ եւ արասջիք զնոսա. ես եմ Տէր #20։8 ՅԵբր. պակասէԱստուած ձեր՝՝ որ սրբեմ զձեզ։
9Մարդ ոք մարդ որ հայհոյեսցէ զհայր իւր կամ զմայր իւր՝ մահու մեռցի. զհայր իւր կամ զմայր իւր թէ բամբասեսցէ՝ մահապարտ է։ 10Եւ այր ոք եթէ շնասցի ընդ առնակնոջ կամ շնայցէ ընդ կնոջ ընկերի իւրոյ, մահու մեռցին եւ շնացօղն ե՛ւ շնացեալն։ 11Եւ այր ոք որ ննջիցէ ընդ կնոջ հօր իւրոյ, զառականս հօր իւրոյ յայտնեաց. մահու մեռցին երկոքին, զի ամպարշտեցան, եւ մահապարտք են։ 12Եւ եթէ ննջեսցէ ոք ընդ նուոյ իւրում, մահու մեռցին երկոքին, զի ամպարշտեցան եւ մահապարտք են։ 13Եւ այր ոք եթէ ննջեսցէ ընդ արուի զգործ կանացի, պղծութիւն գործեցին, մահու մեռցին երկոքին, զի մահապարտք են։ 14Եւ այր ոք որ առնուցու զկին եւ զմայր նորա, անօրէնութիւն է, հրով այրեսցեն զնա եւ զնոսա. եւ մի՛ լինիցի ի ձեզ անօրէնութիւն։ 15Եւ այր ոք որ տացէ զարութիւն իւր յանասուն՝ մահու մեռցի, եւ զանասունն սպանանիջիք։ 16Եւ կին որ մատչիցի յամենայն անասուն պղծել նմա ի նմանէ, սպանանիջիք զկինն եւ զանասունն. մահու մեռանիցին, զի մահապարտք են։ 17Եւ այր ոք որ առնուցու զքոյր իւր զառ ի հօրէ կամ զառ ի մօրէ, եւ տեսանիցէ զառականս նորա, եւ նա տեսանիցէ զառականս նորա, նախատինք են. սատակեսցին յերեսաց որդւոց ազգին իւրեանց. զի զառականս քեռ իւրոյ յայտնեաց. #20։17 Եբր. ընկալցի զմեղս իւրընկալցին զմեղս իւրեանց՝՝։ 18Եւ այր որ ննջիցէ ընդ կնոջ դաշտանի եւ յայտնեսցէ զառականս նորա, զի զաղբեւր արեան նորա յայտնեաց, եւ սա՝ յայտնեաց զբղխումն արեան իւրոյ, սատակեսցին երկոքեան յազգէ իւրեանց։ 19Եւ զառականս հօրաքեռ քո եւ զմօրաքեռ քո մի՛ յայտնեսցես. զի զընտանութեան առականս յայտնեցին, զմեղս իւրեանց տարցին, #20։19 ՅԵբր. պակասէեւ անորդիք մեռցին։՝՝
20Եւ մարդ ոք որ ննջիցէ ընդ կնոջ #20։20 Կամ հօրեղբօրքեռւոյ իւրոյ, զառականս #20։20 Կամ հօրեղբօրքեռւոյ իւրոյ յայտնեաց. զմեղս իւրեանց ընկալցին, եւ անորդիք մեռցին։ 21Եւ մարդ ոք որ առնուցու զկին եղբօր իւրոյ՝ պղծութիւն է. զառականս եղբօր իւրոյ յայտնեաց. անորդիք մեռցին։
22Եւ պահեսջիք զամենայն հրամանս իմ եւ զամենայն զիրաւունս իմ, եւ արասջիք զնոսա, եւ ոչ տաղտկասցի ձեւք երկիրն յոր ես տարայց զձեզ բնակել ի նմա։ 23Եւ մի՛ գնայցէք ըստ օրինաց ազգացն զորս մերժեցից ես ի ձէնջ զի զայն ամենայն արարին, եւ գարշեցայ ես ի նոցանէն. 24եւ ասացի ցձեզ. Դուք ժառանգեցէք զերկիրն զայն, եւ ես տաց ձեզ զնա ի ստացուած, երկիր որ բղխէ զկաթն եւ զմեղր. ես եմ Տէր Աստուած ձեր որ մեկնեցի զձեզ յամենայն ազգաց։ 25Եւ զատուսջիք #20։25 ՅԵբր. պակասէզանձինս ձեր՝՝ ի մէջ անասնոց սրբոց եւ անսրբոց, եւ ի մէջ թռչնոց սրբոց եւ անսրբոց. եւ մի՛ պղծիցէք զանձինս ձեր անասնովք եւ թռչնովք եւ ամենայն սողնովք երկրի, զոր ես զատուցի ձեզ ի պղծութիւն։ 26Եւ եղիջիք ինձ սուրբք, զի սուրբ եմ ես Տէր #20։26 ՅԵբր. պակասէԱստուած ձեր՝՝, որ զատուցի զձեզ յամենայն ազգաց լինել ինձ։
27Եւ այր կամ կին որ լինիցի վհուկ կամ գէտ, մահու մեռցի. քարամբք քարկոծեցէք զնոսա զի մահապարտք են։
Currently Selected:
ՂԵՒՏԱԿԱՆ Գլուխ Ի: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
