ՂԵՒՏԱԿԱՆ Գլուխ ԺԶ
Գլուխ ԺԶ
1 Խօսեցաւ Տէր ընդ Մովսիսի #16։1 ՅԵբր. պակասէեւ ասէ՝՝. Յետ վախճանելոյ #16։1 Եբր. երկուց որդւոցնորդւոցն Ահարոնի, #16։1 Եբր. ի մատչել նոցաի մատուցանել նոցա զհուրն օտար՝՝ առաջի Տեառն եւ սատակել։ 2Եւ ասէ Տէր ցՄովսէս. Խօսեաց ընդ Ահարոնի ընդ եղբօր քում, եւ մի՛ #16։2 Եբր. մտցէմտցեն յամենայն ժամ ի սրբութիւնն ի ներքս քան զվարագոյրն յանդիման քաւութեանն, որ է ի վերայ տապանակի վկայութեանն, եւ ոչ մեռանիցի. զի ամպով երեւեցայց ի վերայ քաւութեանն։ 3#16։3 Եբր. ԱյսուԵւ ապա՝՝ մտանիցէ Ահարոն ի սրբութիւնն. զուարակաւ յանդւոյ վասն մեղաց, եւ խոյիւ յողջակէզ։ 4Եւ #16։4 Եբր. շապիկպատմուճան կտաւի սրբեալ զգեցցի, եւ անդրավարտիս կտաւիս ունիցի յանդամս իւր, եւ գօտի կտաւի ածեալ ընդ մէջ իւր, եւ խոյր կտաւի եդեալ ի գլուխ, զի հանդերձ սրբութեան են. եւ լուասցէ ջրով զամենայն մարմին իւր, եւ զգեցցի զնոսա։ 5Եւ ի ժողովրդենէ որդւոցն Իսրայելի առցէ երկուս նոխազս յայծեաց վասն մեղաց, եւ խոյ մի յողջակէզ։ 6Եւ մատուսցէ Ահարոն զզուարակն վասն մեղաց իւրոց, եւ քաւեսցէ վասն իւր եւ վասն տան իւրոյ։ 7Եւ առցէ երկուս նոխազս եւ կացուսցէ զնոսա առաջի Տեառն առ դրան խորանին վկայութեան։ 8Եւ արկցէ Ահարոն ի վերայ երկուց նոխազացն վիճակս, վիճակ մի Տեառն եւ վիճակ մի արձակելոյ։ 9Եւ մատուսցէ Ահարոն զնոխազն յորոյ վերայ #16։9 Եբր. ել վիճակն Տեառն, եւ արասցէ զնա վասն մեղաց. (10) Եւ զնոխազն յորոյ վերայ ել վիճակն արձակելոյ՝ կացուսցէ կենդանի առաջի Տեառն, քաւելիցէ վիճակն արձակելոյ, եւ կացուսցէ զնա առաջի Տեառն կենդանի, 10քաւել՝՝ նովաւ՝ առ արձակելոյ զնա յարձակումն, եւ թողլոյ զնա յանապատ. #16։10 ՅԵբր. պակասէեւ առցէ նոխազն յինքն զանօրէնութիւնս նոցա յանկոխն՝՝։
11Եւ մատուսցէ Ահարոն զզուարակն զվասն մեղաց զիւրն, եւ քաւեսցէ վասն իւր եւ վասն տան իւրոյ, եւ սպանցէ զզուարակն զվասն մեղացն զիւր։ 12Եւ առցէ լի բուրուառաւ կայծակունս հրոյ ի սեղանոյ անտի որ է առաջի Տեառն, եւ լցցէ զձեռս իւր խնկով հանդերձանացն մանր աղացելով, եւ տարցի ի ներքս քան զվարագոյրն։ 13Եւ դիցէ զխունկն ի վերայ հրոյն առաջի Տեառն, եւ ծածկեսցէ ծուխ խնկոյն զքաւութիւնն որ իցէ ի վերայ վկայութեանցն, եւ ոչ մեռանիցի։ 14Եւ առցէ յարենէ զուարակին, եւ ցանեսցէ մատամբ իւրով ի վերայ քաւութեանն ընդ կողմն արեւելից ընդդէմ քաւութեանն, եւ ցանեսցէ եւթն անգամ յարենէ անտի մատամբ իւրով։
15Եւ սպանցէ զնոխազն զվասն մեղաց, որ վասն ժողովրդեանն իցէ #16։15 ՅԵբր. պակասէառաջի Տեառն՝՝. եւ տարցի յարենէ անտի ի ներքս քան զվարագոյրն, եւ արասցէ զարիւն նորա զոր օրինակ արար զարիւն զուարակին. եւ ցանեսցէ զարիւն նորա ի վերայ #16։15 Եբր. քաւութեանն եւսեղանոյն յանդիման քաւութեանն։ 16Եւ քաւեսցէ զսրբութիւնն ի պղծութեանց որդւոցն Իսրայելի եւ յանիրաւութեանց նոցա, վասն ամենայն մեղաց նոցա. եւ այսպէս արասցէ ի խորանին վկայութեան, #16։16 Եբր. բնակելոյստացելոյ ի նոսա ի մէջ պղծութեան նոցա։ 17Եւ ամենեւին մարդ ոչ լինիցի ի խորանին վկայութեան ի մտանել նորա քաւել ի սրբութեանն, մինչեւ ելանիցէ եւ քաւեսցէ վասն իւր եւ վասն տան իւրոյ, եւ վասն ամենայն ժողովրդեան որդւոցն Իսրայելի։ 18Եւ ելցէ ի սեղանն որ առաջի Տեառն, եւ քաւեսցէ ի վերայ նորա, եւ առցէ յարենէ զուարակին եւ յարենէ նոխազին, եւ դիցէ ի վերայ եղջերաց սեղանոյն շուրջանակի։ 19Եւ ցանեսցէ յարենէ անտի մատամբ իւրով ի վերայ նորա եւթն անգամ, եւ մաքրեսցէ զնա, եւ սրբեսցէ զնա ի պղծութեանց որդւոցն Իսրայելի։
20Եւ վախճանեսցէ առ ի քաւելոյ զսրբութիւնն, եւ զխորանն վկայութեան եւ զսեղանն, #16։20 ՅԵբր. պակասէեւ վասն քահանայիցն սրբեսցէ,՝՝ եւ մատուսցէ զնոխազն կենդանի. 21եւ դիցէ Ահարոն զձեռս իւր ի վերայ գլխոյ նոխազին կենդանւոյ, եւ խոստովան լիցի ի վերայ նորա զամենայն անօրէնութիւնս որդւոցն Իսրայելի, եւ զամենայն անիրաւութիւնս նոցա եւ զամենայն զմեղս նոցա. եւ դիցէ զնոսա ի վերայ գլխոյ նոխազին կենդանւոյ. եւ արձակեսցէ ի ձեռն առն պատրաստելոյ՝ յանապատ։ 22Եւ առցէ նոխազն յանձն իւր զանօրէնութիւնս նոցա յերկիր անկոխ. եւ արձակեսցէ զնոխազն յանապատ։
23Եւ մտցէ Ահարոն ի խորանն վկայութեան, եւ մերկասցի զպատմուճանն կտաւի զոր զգենոյր ի մտանելն իւրում ի սրբութիւնն, եւ դիցէ զայն անդ։ 24Եւ լուասցէ զմարմին իւր ջրով ի տեղւոջն սրբութեան, եւ զգեցցի զպատմուճանն իւր. եւ ելեալ արասցէ զողջակէզն իւր եւ զողջակէզ ժողովրդեանն, եւ քաւեսցէ վասն իւր եւ #16։24 ՅԵբր. պակասէվասն տան իւրոյ եւ՝՝ վասն ժողովրդեանն #16։24 ՅԵբր. պակասէորպէս վասն քահանայիցն՝՝։ 25Եւ զճարպն որ վասն մեղացն իցէ՝ #16։25 Եբր. այրեսցէ ի վերայ սեղանոյնհանցեն ի սեղանն՝՝։
26Եւ որ արձակիցէ զնոխազն #16։26 ՅԵբր. պակասէուխտեալ յարձակումն, ողողեսցէ զձորձս իւր, եւ լուասցէ զմարմին իւր ջրով, եւ ապա մտցէ ի բանակն։
27Եւ զզուարակն որ վասն մեղաց, եւ զնոխազն զվասն մեղաց, որոց արիւնն մուծաւ քաւել ի սրբութեանն, հանցեն արտաքոյ բանակին եւ այրեսցեն զնոսա հրով, եւ զմորթս նոցա եւ զմիս նոցա եւ զապաւառ նոցա։ 28Եւ որ այրիցէն զնոսա՝ ողողեսցէ զհանդերձս իւր, եւ լուասցէ զմարմին իւր ջրով. եւ ապա մտցէ ի բանակն։
29Եւ եղիցի ձեզ այն օրէն յաւիտենական, յամսեանն եւթներորդի ի տասն ամսոյն, լլկեսջիք զանձինս ձեր, եւ զամենայն գործ մի՛ գործիցէք. բնակն եւ պանդուխտն որ յեցեալ իցէ ի ձեզ։ 30Զի յաւուրն յայնմիկ լինիցի քաւութիւն վասն ձեր՝ առ ի սրբելոյ զձեզ յամենայն մեղաց ձերոց առաջի Տեառն. եւ սրբեսջիք։ 31Զի շաբաթ շաբաթուց է, եւ եղիցի ձեզ այն ի հանգիստ. եւ լլկեսջիք զանձինս ձեր, զի օրէն յաւիտենական է։ 32Եւ քաւեսցէ քահանայն զոր օծանիցեն, եւ զորոյ կատարիցեն զձեռս նորա քահանայանալ յետ հօր իւրոյ, եւ զգեցցի զպատմուճանն կտաւի՝ պատմուճան սուրբ. 33եւ քաւեսցէ զսրբութիւն սրբութեանցն, եւ զխորանն վկայութեան եւ զսեղանն. եւ քաւեսցէ վասն քահանայիցն, եւ վասն ամենայն ժողովրդեանն քաւեսցէ։ 34Եւ եղիցի ձեզ այն օրէն յաւիտենական՝ քաւել վասն որդւոցն Իսրայելի յամենայն մեղաց նոցա մի անգամ #16։34 Եբր. ի տարւոջ։ Եւ արարի տարւոջ առնիցի,՝՝ որպէս հրամայեաց Տէր Մովսիսի։
Currently Selected:
ՂԵՒՏԱԿԱՆ Գլուխ ԺԶ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
