ՂԵՒՏԱԿԱՆ Գլուխ ԺԳ
Գլուխ ԺԳ
1 Խօսեցաւ Տէր ընդ Մովսիսի եւ ընդ Ահարոնի եւ ասէ. 2Մարդոյ ուրուք եթէ լինիցի ի մորթ մարմնոյ իւրոյ նշան սպւոյ, կամ պալար, կամ պաղպաջ, եւ լինիցի ի մորթ մարմնոյ նորա արած բորոտութեան, եկեսցէ առ Ահարոն քահանայ, կամ առ մի յորդւոց նորա քահանայից։ 3Եւ տեսցէ քահանայն զարածն ի մորթ մարմնոյ նորա, եւ #13։3 ՅԵբր. պակասէկամ թէ՝՝ մազ արածին ի սպիտակ դարձեալ իցէ, եւ տեսիլ արածին զնստագոյն իցէ քան զմորթ մարմնոյն, արած բորոտութեան է. եւ տեսցէ քահանայն եւ #13։3 Իմա՝ ծանուսցէ թէ պիղծ էպղծեսցէ զնա՝՝։ 4Ապա թէ պաղպաջն սպիտակ իցէ ի մորթ մարմնոյ նորա, եւ զնստագոյն չիցէ տեսիլ նորա քան զմորթն, եւ մազն ի սպիտակ չիցէ դարձեալ, #13։4 ՅԵբր. պակասէեւ ինքն շլագոյն իցէ,՝՝ զատուսցէ քահանայն զարածն զեւթն օր։ 5Եւ տեսցէ քահանայն յաւուրն եւթներորդի, եթէ կայցէ նոյնպէս արածն առաջի նորա, եւ չիցէ #13։5 Եբր. տարածեալփոխեալ արածն ի մորթն, զատուսցէ զնա քահանայն այլ եւս աւուրս եւթն։ 6Եւ տեսցէ քահանայն յաւուրն եւթներորդի մեւս անգամ, եւ ահա շլագոյն իցէ արածն, եւ #13։6 ՅԵբր. պակասէյայլագոյն չիցէ #13։6 Եբր. տարածեալփոխեալ ի մորթն, #13։6 Իմա՝ ծանուսցէ թէ սուրբ էսրբեսցէ զնա՝՝ քահանայն. զի #13։6 Եբր. քոսնշան ինչ՝՝ է այն. եւ լուացեալ զձորձս իւր եղիցի սուրբ։ 7Ապա թէ #13։7 Եբր. տարածելով տարածեսցի քոսնշրջելով շրջեսի նշանն՝՝ ի մորթն յետ տեսանելոյ զնա քահանային եւ սրբելոյ, եւ երեւեսցի մեւս անգամ քահանային։ 8Եւ տեսցէ քահանայն, եւ ահա #13։8 Եբր. տարածեալ իցէ քոսնայլագունեալ իցէ նշանն՝՝ ի մորթն, պղծեսցէ զնա քահանայն, զի բորոտութիւն է։
9Եւ արած բորոտութեան եթէ լինիցի մարդոյ, #13։9 Եբր. տարցի առ քահանայնեկեսցէ առ Ահարոն քահանայ՝՝. 10եւ տեսցէ քահանայն. եւ ահա պալար սպիտակ իցէ ի մորթն, եւ մազ նորա ի սպիտակ դարձեալ իցէ, եւ #13։10 Եբր. առոգութիւն մսոյ կենդանւոյ ի պալարի անդյառողջ եւ ի կենդանի մարմնոյ ի պալար՝՝, 11բորոտութիւն հնացեալ իցէ ի մորթ մարմնոյ նորա. պղծեսցէ զնա քահանայն, եւ #13։11 Եբր. մի՛ փակեսցէզատուսցէ զնա զի պիղծ է։
12Ապա թէ սփռելով սփռեսցի բորոտութիւնն ընդ մորթն, եւ ծածկեսցէ բորոտութիւնն զամենայն մորթ իրանացն ի գլխոյ մինչեւ ցոտս, ըստ ամենայն տեսոյ#13։12 Եբրայեցին յաւելու՝ աչաց քահանային, 13եւ տեսանիցէ քահանայն եւ ահա ծածկեաց բորոտութիւնն զամենայն մորթ մարմնոյն, #13։13 Իմա՝ ծանուսցէ թէ սուրբ է, այսպէս եւ այլուրսրբեսցէ քահանայն զարածն. քանզի ամենայն ի սպիտակ դարձաւ, սուրբ է։ 14Եւ յորում աւուր երեւեսցի ի նմա մարմին կենդանի, պղծեսցի։ 15Եւ տեսցէ քահանայն զմարմինն կենդանի, եւ պղծեսցէ զողջ մարմինն. եւ պիղծ լիցի, քանզի բորոտութիւն է։ 16Ապա թէ անդրէն հաստատեսցի մարմինն ողջ եւ դարձցի ի սպիտակ, եկեսցէ առ քահանայն. 17եւ տեսանիցէ զնա քահանայն, եւ ահա դարձեալ իցէ արածն նորա ի սպիտակ, սրբեսցէ քահանայն զարածն. քանզի սուրբ է։
18Եւ մարդոյ եթէ լինիցի ի մորթ նորա կեղ եւ ողջասցի, 19եւ եղիցի ի տեղի կեղոյն սպիտակ փայլուն, լսնացեալ կամ կարմրացեալ, եւ երեւեսցի քահանային։ 20Եւ տեսանիցէ քահանայն, եւ ահա տեսիլն խորագոյն քան զմորթն իցէ, եւ մազն ի սպիտակ դարձեալ իցէ, պղծեսցէ զնա քահանայն. զի բորոտութիւն է ընդ կեղոյն բորբոքեալ։ 21Իսկ եթէ տեսանիցէ քահանայն եւ չիցէ ի նմա մազ սպիտակ, եւ ոչ խորագոյն իցէ քան զմարմինն, եւ ինքն շլագոյն իցէ, զատուսցէ զնա քահանայն զեւթն օր։ 22Եթէ սփռեսցի ընդ մորթն, պղծեսցէ զնա քահանայն. զի արած #13։22 Եբր. է այնբորոտութեան ընդ կեղոյն բորբոքեցաւ՝՝։ 23Ապա եթէ անդէն ի տեղւոջ կացցէ փայլիւնն եւ ոչ տարածեսցի, սպի կեղոյն է. սրբեսցէ զնա քահանայն։
24Եւ մարմնոյ եթէ լինիցի ի մորթ նորա այրեցած հրոյ, եւ լինիցի ողջացեալ մորթ նորա յայրեցածէ անտի, եւ լինիցի տեղի այրեցածին փայլուն կամ պաղպաջ սպիտակ, կամ կարմրացեալ, կամ լսնացեալ, 25եւ տեսանիցէ զնա քահանայն, եւ ահա փոխեալ իցէ մազն ի սպիտակ ի փայլուն, եւ տեսիլ նորա զիջագոյն իցէ քան զմորթն, բորոտութիւն է ընդ այրեցածին բորբոքեալ. եւ պղծեսցէ զնա քահանայն, զի արած բորոտութեան է։ 26Եւ եթէ տեսանիցէ քահանայն, եւ ահա չիցէ ի նմա փայլիւն ինչ կամ մազ սպիտակ, եւ ոչ զնստագոյն քան զմորթն, բայց շլագոյն իցէ, զատուսցէ զնա քահանայն զեւթն օր։ 27Եւ տեսցէ զնա քահանայն յաւուրն եւթներորդի, եթէ սփռելով սփռեալ իցէ ընդ մորթն, պղծեսցէ զնա քահանայն. զի արած բորոտութեան է #13։27 ՅԵբր. պակասէընդ կեղոյն բորբոքեալ՝՝։ 28Եւ եթէ ի նմին տեղւոջ կացցէ փայլիւնն եւ ոչ սփռեսցի ընդ մորթն, եւ ինքն շլագոյն իցէ, սպի այրեցածոյն է. սրբեսցէ զնա քահանայն. զի դրոշմ այրեցածոյն է։
29Եւ առն կամ կնոջ՝ եթէ լինիցի արած #13։29 ՅԵբր. պակասէբորոտութեան ի գլուխ կամ ի մօրուս, 30եւ տեսանիցէ քահանայն զարածն, եւ ահա տեսիլ նորա զնստագոյն իցէ քան զմորթն, եւ ի նմա մազ աղուամազ խարտեշացեալ, պղծեսցէ զնա քահանայն. քանզի #13։30 Եբր. գոնջութիւն, այսպէս իմա եւ ստորեւհարած է, բորոտութիւն գլխոյ է, կամ բորոտութիւն մօրուաց։ 31Եւ եթէ տեսանիցէ քահանայն զարած հարածոյն, եւ ահա չիցէ զնստագոյն տեսիլն քան զմորթն, եւ ոչ մազ #13։31 Եբր. թուխխարտեշացեալ ի նմա, զատուսցէ քահանայն զարած հարածին զեւթն օր։ 32Եւ տեսանիցէ քահանայն զարածն յաւուրն եւթներորդի. եւ ահա չիցէ տարածեալ հարածն ընդ մորթն, եւ մազ խարտեշացեալ չիցէ ի նմա, եւ ոչ տեսիլ հարածոյն զնստագոյն իցէ քան զմորթն, 33#13։33 Եբր. Գերծցիգերծցէ զնա՝՝, բայց զհարածն մի՛ գերծցէ. եւ զատուսցէ քահանայն զարածն զեւթն օր կրկին անգամ։ 34Եւ տեսանիցէ քահանայն զարածն յաւուրն եւթներորդի. եւ ահա չիցէ սփռեալ հարածն ընդ մորթն #13։34 ՅԵբր. պակասէյետ գերծանելոյն զնա՝՝, եւ տեսիլ հարածոյն չիցէ զնստագոյն քան զմորթն, սրբեսցէ զնա քահանայն. եւ լուացեալ զձորձս իւր՝ եղիցի սուրբ։ 35Ապա թէ սփռելով սփռեսցի հարածն ընդ մորթն յետ #13։35 Եբր. սրբելոյնգերծելոյն զնա, 36եւ տեսանիցէ զնա քահանայն. եւ ահա սփռեալ իցէ հարածն ընդ մորթն, մի՛ դարմանեսցէ քահանայն վասն խարտեաշ մազոյն, զի պիղծ է։ 37Իսկ եթէ կայցէ ի տեղւոջ հարածն, եւ մազ թուխ եկեսցէ ի նմա, ողջացաւ հարածն. սուրբ է, եւ սրբեսցէ զնա քահանայն։
38Եւ առն կամ կնոջ եթէ լինիցի ի մորթ մարմնոյ իւրոյ փայլուն ինչ փայլածիւն լսնացեալ, 39եւ տեսանիցէ քահանայն, եւ ահա ի մորթ մարմնոյ նորա փայլիւն փայլածուն լսնացեալ, թեփուկ է տարածեալ ի մորթ մարմնոյ իւրոյ. սուրբ է։
40Եւ եթէ մաշտեսցի գլուխ ուրուք՝ կունտ է, սուրբ է։ 41Եւ եթէ յերեսաց կողմանէ մաշտիցի գլուխ նորա՝ ճեղ է, սուրբ է։ 42Ապա թէ լինիցի ի կնտութեան նորա կամ ի ճեղութեան արած սպիտակ կամ կարմրացեալ, բորոտութիւն թաքուցեալ է ի կնտութեան նորա կամ ի ճեղութեան։ 43Եւ տեսանիցէ զայն քահանայն. եւ ահա տեսիլ արածին սպիտակ իցէ կամ կարմրագոյն ի կնտութեան նորա կամ ի ճեղութեան, իբրեւ զտեսիլ բորոտութեան ի մորթ մարմնոյ նորա, 44այր բորոտեալ է, պիղծ է. պղծելով պղծեսցէ զնա քահանայն. զի ի գլուխ իւրում է արածն իւր։
45Եւ բորոտ յորում իցէ արած, հանդերձ նորա քակեալ լիցի, եւ գլուխ նորա մերկ, եւ զբերան իւր պատեսցէ, եւ #13։45 Եբր. գոչեսցէ. Պիղծ, պիղծպիղծ կոչեսցի՝՝։ 46Զամենայն աւուրս որչափ իցէ ի նմա արածն, պիղծ եղիցի. եւ պիղծ է, մեկնեալ նստցի. եւ արտաքոյ բանակին եղիցի բնակութիւն նորա։
47Եւ ձորձ յորում լինիցի արած բորոտութեան, եթէ ի ձորձ ասուի, եթէ ի ձորձ կտաւի, 48եթէ յառէջ, եթէ ի թեզան, եթէ ի կտաւիս եւ եթէ յասուիս, եթէ ի մորթ եւ եթէ յամենայն մաշկ գործոյ, 49եւ լինիցի արած կանաչացեալ կամ կարմրացեալ՝ ի մորթ կամ ի հանդերձ, կամ յառէջ կամ ի թեզան, կամ յամենայն մորթ գործոյ, կամ յանօթ ինչ, արած բորոտութեան իցէ, եւ ցուցցէ քահանային։ 50Եւ տեսցէ քահանայն զարածն, եւ զատուսցէ քահանայն զարածն զեւթն օր։ 51Եւ տեսցէ քահանայն զարածն յաւուրն եւթներորդի. եթէ սփռեալ իցէ արածն ընդ ձորձն կամ ընդ առէջ կամ ընդ թեզան կամ #13։51 ՅԵբր. պակասէընդ կտաւիս կամ ընդ ասուիս կամ՝՝ ընդ մորթ, ըստ ամենայնի որպէս եւ գործիցի մորթ ի գործ, #13։51 Եբր. զայրացեալբնակ բորոտութիւն է արածն. պիղծ է։ 52Եւ այրեսցէ զձորձսն եթէ առէջ իցէ, եւ եթէ թեզան, յասուեաց կամ ի կտաւեաց կամ յամենայն մաշկեղէն նիւթոյ, յորում իցէ արածն. քանզի #13։52 Եբր. զայրացեալբնակ բորոտութիւն է, հրով այրեսցի։ 53Ապա թէ տեսանիցէ քահանայն եւ չիցէ սփռեալ հարածն ընդ հանդերձն կամ ընդ առէջն կամ ընդ թեզանն կամ ընդ #13։53 ՅԵբր. պակասէասրն կամ ընդ կտաւն կամ ընդ՝՝ ամենայն անօթ մաշկեղէն, 54հրաման տացէ քահանայն, եւ լուասցեն յորում իցէ արածն. եւ զատուսցէ քահանայն զարածն զեւթն օր երկիցս անգամ։ 55Եւ տեսցէ քահանայն յետ լուանալոյ զարածն. եթէ չիցէ փոխեալ տեսիլ արածին, եւ ոչ սփռեալ իցէ արածն, պիղծ է, հրով այրեսցի. #13։55 Եբր. փտութիւն է ի ներքոյ նորա, կամ արտաքոյ նորազի հաստատեալ է ի հանդերձին կամ յառէջն կամ ի թեզան՝՝։ 56Եւ եթէ տեսանիցէ քահանայն եւ շլագոյն իցէ արածն յետ լուանալոյն զնա, պատառեսցէ զայն ի հանդերձէ անտի կամ ի մորթոյն կամ յառիջէ կամ ի թեզանոյ։ 57Ապա թէ դարձեալ երեւեսցի ի հանդերձին կամ յառէջ կամ ի թեզան կամ յամենայն անօթ մաշկեղէն, բորոտութիւն բորբոքեալ է. հրով այրեսցի յորում իցէ արածն։ 58Եթէ հանդերձ իցէ, եւ եթէ առէջ, եւ եթէ թեզան, եւ եթէ ամենայն անօթ մաշկեղէն որ լուանայցի եւ ելանիցէ ի նմանէ արածն, կրկին լուասցի եւ սուրբ լիցի։ 59Այս օրէն իցէ արածի բորոտութեան ասուեայ հանդերձի կամ կտաւոյ կամ առիջոյ կամ թեզանոյ կամ ամենայն մաշկեղէն անօթոյ, ի սրբել կամ ի պղծել զնա։
Currently Selected:
ՂԵՒՏԱԿԱՆ Գլուխ ԺԳ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
