ՄԱՐԳԱՐԷՈՒԹԻՒՆ ՅՈՎԵԼԱՅ Գլուխ Գ
Գլուխ Գ
1 Զի ահաւասիկ ես յաւուրսն յայնոսիկ, եւ ի ժամանակին յայնմիկ՝ յորում դարձուցից զգերութիւն Հրէաստանի եւ զԵրուսաղեմի, 2եւ ժողովեցից զամենայն ազգս, եւ իջուցից զնոսա ի ձորն #3։2 Այսինքն՝ դատաստանի ՏեառնՅովսափատու. եւ դատեցայց զնոսա անդ, վասն ժողովրդեան իմոյ եւ ժառանգութեան իմոյ Իսրայելի, որ ցրուեցան ընդ ամենայն ազգս, եւ զերկիր իմ բաժանեցին. 3եւ ի վերայ ժողովրդեան իմոյ վիճակս արկանէին, եւ ետուն զպատանեակս կապէնս պոռնկաց, եւ զաղջկունս վաճառէին ընդ գինւոյ եւ ըմպէին։ 4Եւ #3։4 Եբր. զի՞ կայ իմ եւ ձերդուք եւս տակաւին ինձ՝՝, Ծուր եւ Ծայդան եւ ամենայն #3։4 Եբր. սահմանք ՓղշտացւոցԳալիլեա այլազգեաց՝՝, միթէ հատուցո՞ւմն ինչ հատուցանիցէք ինձ, #3։4 Եբր. եթէ հատուցանիցէք հատուցումնկամ ո՞խս պահիցէք՝՝ ինձ, վաղվաղակի տագնապաւ հատուցից զհատուցումն ձեր ի գլուխս ձեր։ 5Փոխանակ զի զարծաթն իմ եւ զոսկին առէք, եւ զընտիր #3։5 Եբր. ընտիրս իմընտիր եւ զգեղեցիկ անօթսն՝՝ տարայք ի մեհեանս ձեր, 6եւ զորդիսն Յուդայ եւ զորդիսն Երուսաղեմի վաճառեցէք որդւոցն Յունաց, զի մերժիցէք զնոսա ի սահմանաց իւրեանց. 7արդ ես #3։7 Եբր. զարթուցիցկանգնեցից զնոսա ի տեղւոջէ ուր վաճառեցէք զնոսա անդր, եւ հատուցից զհատուցումն ձեր ի գլուխս ձեր. 8եւ մատնեցից զուստերս ձեր եւ զդստերս ձեր ի ձեռս որդւոցն Յուդայ, եւ վաճառեսցեն զնոսա #3։8 Եբր. Սաբայեցւոց,ի գերութիւն յազգ հեռաւոր բացական. զի Տէր խօսեցաւ։
9Քարոզ կարդացէք զայդ յազգս. ժամ տուք մարտի, զարթուցէք զպատերազմողս. ժողովեցարուք եւ ելէք ամենայն արք պատերազմողք։ 10Կոտորեցէք զխոփս ձեր ի սուսերս, եւ զգերանդիս ձեր ի գեղարդունս. տկարն խրախուսեսցէ թէ՝ Հզօր եմ ես։ 11Ժողովեցարուք եւ մտէք, ազգք ամենայն շուրջանակի, անդր գումարեցարուք. #3։11 Եբր. անդր իջո, Տէր, զզօրաւորս քոհանդարտն պատերազմօղ եղիցի՝՝։ 12Զարթիցեն եւ ելցեն #3։12 ՅԵբր. պակասէամենայն ազգք ի ձորն Յովսափատու, զի անդ նստայց դատել զամենայն ազգս շուրջանակի։
13Արկէք մանգաղ, զի հասեալ են կութք. մտէք կոխեցէք, զի լցեալ է հնձան եւ զեղուն գուբք. զի բազմացան չարիք նոցա։ 14#3։14 Եբր. Ամբո՛խ, ամբո՛խՁայնք հնչեցին՝՝ ի Ձորն դատաստանի. զի մերձ է օր Տեառն ի Ձորն դատաստանի։ 15Արեգակն եւ լուսին խաւարեսցին, եւ աստեղք ծածկեսցեն զլոյս իւրեանց։ 16Եւ Տէր ի Սիոնէ գոչեսցէ, եւ յԵրուսաղեմէ տացէ զձայն իւր, եւ շարժեսցին երկինք եւ երկիր։ 17#3։17 Եբր. Եւ Տէր ապաւէն ժողովրդեան իւրոյ, եւ ամրութիւն որդւոցնԱյլ Տէր խնայեսցէ ի ժողովուրդ իւր եւ զօրացուսցէ զորդիսն՝՝ Իսրայելի։ 18Եւ ծանիջիք թէ ես եմ Տէր Աստուած#3։18 Եբրայեցին յաւելու՝ ձեր որ բնակեալ եմ ի Սիոն լերին սրբութեան իմոյ. եւ եղիցի Երուսաղէմ սուրբ, եւ այլազգիք այլ ոչ եւս անցցեն ընդ նա։
19Եւ եղիցի յաւուր յայնմիկ բղխեսցեն լերինք #3։19 Եբր. զքաղցուզքաղցրութիւն, եւ բլուրք յորդեսցեն զկաթն, եւ ամենայն #3։19 Եբր. ձորքաղբեւրք Յուդայ բղխեսցեն ջուրս. եւ աղբեւր ի տանէ Տեառն ելցէ, եւ արբուսցէ զձորն #3։19 Եբր. Սատտիմվիճակաց։ 20Եգիպտոս յապականութիւն եղիցի, եւ Եդովմ ի դաշտ ապականութեան յանիրաւութեանց որդւոցն Յուդայ. փոխանակ զի հեղին արիւն արդար #3։20 Եբր. յերկրին նոցաի մէջ իւրեանց՝՝։ 21Բայց Հրէաստան յաւիտեան բնակեսցէ, եւ Երուսաղէմ ազգաց յազգս։ 22Եւ #3։22 Կամ՝ սրբեցից զարիւն նոցա, զոր չէր իմ սրբեալխնդրեցից զարիւն նոցա, եւ ոչ արարից անպարտ՝՝. եւ Տէր բնակեսցէ ի Սիոն։
Currently Selected:
ՄԱՐԳԱՐԷՈՒԹԻՒՆ ՅՈՎԵԼԱՅ Գլուխ Գ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
