ԾՆՈՒՆԴՔ Գլուխ Խ
Գլուխ Խ
1 Եւ եղեւ յետ բանիցս այսոցիկ, յանցեաւ տակառապետ արքային Եգիպտացւոց, եւ մատակարար տեառն նոցա արքային Եգիպտացւոց։ 2Եւ բարկացաւ փարաւոն ի վերայ երկոցունց ներքինեացն իւրոց, ի վերայ տակառապետին եւ ի վերայ մատակարարին։ 3Եւ եդ զնոսա ի բանտի առ դահճապետին, յայնմ բանտի ի տեղւոջ ուր Յովսէփն կայր։ 4Եւ յանձն արար զնոսա դահճապետն Յովսեփայ, եւ կայր նոցա ի սպասու. եւ էին աւուրս ինչ ի բանտի անդ։
5Եւ տեսին երազ երկոքին, զիւրաքանչիւր երազ ի միում գիշերի, #40։5 Եբր. իւրաքանչիւր ըստ մեկնութեան երազոյ իւրոյ, տակառապետն եւ մատակարարնտեսիլ երազոյ տակառապետին եւ մատակարարին՝՝ որ էին արքային Եգիպտացւոց, մինչ էին ի բանտի անդ։ 6Եմուտ առ նոսա Յովսէփ ընդ առաւօտն, եւ ետես զնոսա, եւ էին խռովեալք։ 7Եհարց ցներքինիսն փարաւոնի որ էին ընդ նմա ի բանտի անդ առ տեառն նորա եւ ասէ. Ընդէ՞ր տրտում են երեսք ձեր այսօր։ 8Եւ նոքա ասեն ցնա. Երազ տեսաք, եւ ոչ ոք է որ մեկնիցէ զնա։ Եւ ասէ ցնոսա Յովսէփ. Ո՞չ ապաքէն ի ձեռս Աստուծոյ իցէ մեկնութիւն նոցա. պատմեցէք ինձ։
9Եւ պատմեաց տակառապետն զերազն իւր Յովսեփայ եւ ասէ. Թուէր ինձ ի տեսլեան իմում որթ մի առաջի իմ։ 10Եւ յորթն երեք #40։10 Եբր. ուռք. եւ ընդ բողբոջելն ել ի վեր ծաղիկ նորա. հասուցին ողկոյզք նորա խաղողսուռք կանաչք յոյժ. եւ ունէր երիս ողկոյզս հասեալ, ողկոյզ խաղողոյ՝՝։ 11Եւ բաժակն փարաւոնի ի ձեռին իմում. առնուի զխաղողն եւ ճմլէի ի բաժակն փարաւոնի, եւ տայի զբաժակն ի ձեռս փարաւոնի։ 12Եւ ասէ ցնա Յովսէփ. Այս է մեկնութիւն նորա. երեք ուռքն՝ երեք աւուրք են։ 13Այլ եւս երեք աւուրք, #40։13 Եբր. բարձրացուսցէ փարաւոն զգլուխ քո, եւ դարձուսցէ զքեզ ի բարձ քոեւ յիշեսցէ փարաւոն զիշխանութիւնն քո, եւ անդէն ի նմին տակառապետութեան քում կացուսցէ զքեզ՝՝. եւ տացես զբաժակն փարաւոնի ի ձեռս նորա, ըստ առաջնոյ #40։13 Եբր. օրինակինիշխանութեանն քո՝՝ որպէս եւ էիրն տակառապետ#40։13 Եբր. յաւելու՝ նորա։ 14Այլ զիս յիշեսջիր յորժամ բարի լինիցի քեզ, եւ արասցես ինձ ողորմութիւն. եւ յիշեսցես զիս առաջի փարաւոնի, եւ հանցես զիս ի բանտէ աստի յայսմանէ. 15զի գողանալով գողացան զիս յերկրէն Եբրայեցւոց. եւ աստ ինչ ոչ արարի, եւ արկին զիս ի տուն գբոյս այսորիկ։
16Իբրեւ ետես մատակարարն եթէ #40։16 Եբր. բարւոքուղիղ մեկնեաց, ասէ ցՅովսէփ. Եւ ես տեսանէի յերազի, եւ թուէր ինձ թէ երիս խանս #40։16 Եբր. գերմակ հացինաշհոյ ունէի ի գլուխ իմ։ 17Եւ ի վերնում խանին յամենայնէ զոր ուտէր արքայ փարաւոն՝ գործ մատակարարաց. եւ թռչունք ուտէին զնա ի խանէ անտի որ էր ի վերայ գլխոյ իմոյ։ 18Պատասխանի ետ Յովսէփ եւ ասէ ցնա. Այս է մեկնութիւն նորա. երեք խանքն՝ երեք աւուրք են։ 19Յետ երից աւուրց բարձցէ փարաւոն զգլուխ քո ի քէն, եւ կախեսցէ զքեզ զփայտէ. եւ կերիցեն թռչունք երկնից զմարմինս քո ի քէն։
20Եւ եղեւ յաւուրն երրորդի, օր ծննդոց էր փարաւոնի, եւ առնէր ուրախութիւն ամենայն ծառայից իւրոց. եւ #40։20 Եբր. բարձրացոյց զգլուխյիշեաց զիշխանութիւն՝՝ տակառապետին եւ #40։20 Եբր. զգլուխզիշխանութիւն մատակարարին ի մէջ ծառայից իւրոց։ 21Եւ կացոյց զտակառապետն անդէն #40։21 Եբր. ի մատռուակութեանյիշխանութեան իւրում, եւ ետ զբաժակն ի ձեռն փարաւոնի։ 22Եւ զմատակարարն կախեաց զփայտէ, որպէս մեկնեացն Յովսէփ։
23Եւ ոչ յիշեաց տակառապետն զՅովսէփ, այլ մոռացաւ զնա։
Currently Selected:
ԾՆՈՒՆԴՔ Գլուխ Խ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
