ԱՌ ԳԱՂԱՏԱՑԻՍ ԹՈՒՂԹ Գլուխ Դ
Գլուխ Դ
ԶԿ.
1Զայս ասեմ, ցորքան ժամանակս ժառանգն տղայ է՝ չէ ինչ առաւել քան զծառայն, թէպէտ եւ Տէր իցէ ամենեցուն. 2այլ ընդ հազարապետօք է եւ ընդ գաւառապետօք մինչեւ ի ժամանակակէտ հօրն։ 3Նոյնպէս եւ մեք մինչ տղայքն էաք, ընդ տարերբք աշխարհիս ի ծառայութեան կայաք։ 4Այլ իբրեւ եկն լրումն ժամանակին, առաքեաց Աստուած զՈրդին իւր որ եղեւ ի կնոջէ, եւ եմուտ ընդ օրինօք. 5զի զնոսա որ ընդ օրինօքն իցեն՝ գնեսցէ, զի մեք զորդեգրութիւն ընկալցուք։ 6Եւ զի էք դուք որդիք, առաքեաց Աստուած զՀոգի Որդւոյն իւրոյ ի սիրտս #4։6 Ոմանք. ձերմեր՝ որ աղաղակէ Աբբա, Հայր։ 7Այսուհետեւ չես ծառայ, այլ որդի. եթէ որդի, եւ ժառանգ #4։7 Ոմանք. Աստուծոյ ի ՔրիստոսԱստուծոյ։
8Այլ յայնժամ մինչ ոչն գիտէիք զԱստուած՝ ծառայէիք այնոցիկ որ ոչն էին ի բնէ աստուածք։ 9Այլ այժմիկ ծաներուք զԱստուած, մանաւանդ թէ ծանուցայք իսկ յԱստուծոյ, զիա՞րդ դառնայք միւսանգամ ի տարերս տկարս եւ յաղքատս, որոց միւսանգամ զանձինս ծառայեցուցանել կամիք։ 10Զաւուրս խտրէք եւ զամիսս եւ զժամանակս եւ զտարիս։ 11Երկնչիմ ի ձէնջ, գուցէ թէ ի զուր ինչ վաստակեցի ի ձեզ։
12Եղերուք իբրեւ զիս, քանզի եւ ես իբրեւ զձեզդ էի. եղբարք, աղաչեմ զձեզ, չիք ինչ ձեր մեղուցեալ առ իս։ 13Գիտէք դուք զի տկարութեամբ մարմնոյ աւետարանեցի ձեզ զառաջինն. եւ զփորձանսն որ ի մարմնի իմում էին՝ 14ոչ անարգեցէք եւ ոչ անգոսնեցէք, այլ իբրեւ զհրեշտակ Աստուծոյ ընկալարուք զիս, իբրեւ զՔրիստոս Յիսուս։ 15Իսկ արդ ո՞ւր է երանութիւնն ձեր. վկայեմ ձեզ, եթէ հնար ինչ էր, զաչս ձեր հանէիք եւ տայիք ինձ։ 16Արդ զի՞ թշնամի իմն եղէ ձեզ, զի զստոյգն խօսեցայ։ 17Այլ նախանձեցուցանեն զձեզ ոչ ի բարի, եւ արգելուլ կամին զձեզ զի նոցա նախանձաւորք լինիցիք։ 18Բայց լաւ է նախանձաւոր լինել ի բարիս յամենայն ժամ, եւ ոչ միայն յորժամ ի ձերում միջի իցեմ։
ԶԴ.
19Որդեակք իմ, զորս դարձեալ վերստին երկնեմ, մինչեւ նկարեսցի Քրիստոս ի ձեզ։ 20Կամէի այժմ գալ առ ձեզ եւ փոխել զբարբառ իմ, զի տարակուսեալ եմ ես վասն ձեր։
21Ասէք ինչ ինձ՝ որ ընդ օրինօքն կամիք լինել, չիցէ՞ #4։21 Յոյնն. լուեալընթերցեալ ձեր զօրէնս։ 22Զի գրեալ է թէ Աբրահամու երկու որդիք էին, մի՝ յաղախնոյ անտի, եւ մի՝ յազատէն։ 23Այլ որ յաղախնոյն էր՝ ըստ մարմնոյ ծնեալ էր, եւ որ յազատէն՝ ըստ աւետեացն. 24որ է առակ օրինակի. զի այս ինքն են երկու կտակարանք, մի՝ ի լեռնէ Սինեայ ի ծառայութիւն ծնեալ, որ է Հագար. 25քանզի Հագարն լեառն Սինայ է յԱրաբիա, հաւասար է #4։25 Յոյնն. այժմուայսմ Երուսաղեմի, զի ծառայէ որդւովք իւրովք հանդերձ։ 26Այլ վերինն Երուսաղէմ ազատ է, որ է մայր մեր #4։26 Յոմանս պակասէամենեցուն։ 27Զի գրեալ է. Ուրախ լեր, ամուլ, որ ոչ ծնանէիր. գոչեա եւ աղաղակեա որ ոչդ երկնէիր. զի բազում են որդիք սկնդկիդ առաւել քան զարամբւոյն։ 28Այլ մեք, եղբարք, ըստ Իսահակայ աւետեացն որդիք եմք։ 29Այլ որպէս յայնժամ, որ ըստ մարմնոյն ծնեալ էր՝ հալածէր զայն որ ըստ հոգւոյն, նոյնպէս եւ այժմ։ 30Այլ զի՞նչ ասէ գիր. Ի բաց հան զաղախինդ եւ զորդի դորա, զի մի՛ ժառանգեսցէ որդի աղախնոյդ ընդ որդւոյ ազատին։ 31Վասն որոյ, եղբարք, չեմք որդիք աղախնոյն, այլ ազատին, #4։31 Ի բազումս աստէն սկսանի յաջորդ գլուխնազատութեամբն, որով Քրիստոս զմեզ ազատեցոյց։
Currently Selected:
ԱՌ ԳԱՂԱՏԱՑԻՍ ԹՈՒՂԹ Գլուխ Դ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԱՌ ԳԱՂԱՏԱՑԻՍ ԹՈՒՂԹ Գլուխ Դ
Գլուխ Դ
ԶԿ.
1Զայս ասեմ, ցորքան ժամանակս ժառանգն տղայ է՝ չէ ինչ առաւել քան զծառայն, թէպէտ եւ Տէր իցէ ամենեցուն. 2այլ ընդ հազարապետօք է եւ ընդ գաւառապետօք մինչեւ ի ժամանակակէտ հօրն։ 3Նոյնպէս եւ մեք մինչ տղայքն էաք, ընդ տարերբք աշխարհիս ի ծառայութեան կայաք։ 4Այլ իբրեւ եկն լրումն ժամանակին, առաքեաց Աստուած զՈրդին իւր որ եղեւ ի կնոջէ, եւ եմուտ ընդ օրինօք. 5զի զնոսա որ ընդ օրինօքն իցեն՝ գնեսցէ, զի մեք զորդեգրութիւն ընկալցուք։ 6Եւ զի էք դուք որդիք, առաքեաց Աստուած զՀոգի Որդւոյն իւրոյ ի սիրտս #4։6 Ոմանք. ձերմեր՝ որ աղաղակէ Աբբա, Հայր։ 7Այսուհետեւ չես ծառայ, այլ որդի. եթէ որդի, եւ ժառանգ #4։7 Ոմանք. Աստուծոյ ի ՔրիստոսԱստուծոյ։
8Այլ յայնժամ մինչ ոչն գիտէիք զԱստուած՝ ծառայէիք այնոցիկ որ ոչն էին ի բնէ աստուածք։ 9Այլ այժմիկ ծաներուք զԱստուած, մանաւանդ թէ ծանուցայք իսկ յԱստուծոյ, զիա՞րդ դառնայք միւսանգամ ի տարերս տկարս եւ յաղքատս, որոց միւսանգամ զանձինս ծառայեցուցանել կամիք։ 10Զաւուրս խտրէք եւ զամիսս եւ զժամանակս եւ զտարիս։ 11Երկնչիմ ի ձէնջ, գուցէ թէ ի զուր ինչ վաստակեցի ի ձեզ։
12Եղերուք իբրեւ զիս, քանզի եւ ես իբրեւ զձեզդ էի. եղբարք, աղաչեմ զձեզ, չիք ինչ ձեր մեղուցեալ առ իս։ 13Գիտէք դուք զի տկարութեամբ մարմնոյ աւետարանեցի ձեզ զառաջինն. եւ զփորձանսն որ ի մարմնի իմում էին՝ 14ոչ անարգեցէք եւ ոչ անգոսնեցէք, այլ իբրեւ զհրեշտակ Աստուծոյ ընկալարուք զիս, իբրեւ զՔրիստոս Յիսուս։ 15Իսկ արդ ո՞ւր է երանութիւնն ձեր. վկայեմ ձեզ, եթէ հնար ինչ էր, զաչս ձեր հանէիք եւ տայիք ինձ։ 16Արդ զի՞ թշնամի իմն եղէ ձեզ, զի զստոյգն խօսեցայ։ 17Այլ նախանձեցուցանեն զձեզ ոչ ի բարի, եւ արգելուլ կամին զձեզ զի նոցա նախանձաւորք լինիցիք։ 18Բայց լաւ է նախանձաւոր լինել ի բարիս յամենայն ժամ, եւ ոչ միայն յորժամ ի ձերում միջի իցեմ։
ԶԴ.
19Որդեակք իմ, զորս դարձեալ վերստին երկնեմ, մինչեւ նկարեսցի Քրիստոս ի ձեզ։ 20Կամէի այժմ գալ առ ձեզ եւ փոխել զբարբառ իմ, զի տարակուսեալ եմ ես վասն ձեր։
21Ասէք ինչ ինձ՝ որ ընդ օրինօքն կամիք լինել, չիցէ՞ #4։21 Յոյնն. լուեալընթերցեալ ձեր զօրէնս։ 22Զի գրեալ է թէ Աբրահամու երկու որդիք էին, մի՝ յաղախնոյ անտի, եւ մի՝ յազատէն։ 23Այլ որ յաղախնոյն էր՝ ըստ մարմնոյ ծնեալ էր, եւ որ յազատէն՝ ըստ աւետեացն. 24որ է առակ օրինակի. զի այս ինքն են երկու կտակարանք, մի՝ ի լեռնէ Սինեայ ի ծառայութիւն ծնեալ, որ է Հագար. 25քանզի Հագարն լեառն Սինայ է յԱրաբիա, հաւասար է #4։25 Յոյնն. այժմուայսմ Երուսաղեմի, զի ծառայէ որդւովք իւրովք հանդերձ։ 26Այլ վերինն Երուսաղէմ ազատ է, որ է մայր մեր #4։26 Յոմանս պակասէամենեցուն։ 27Զի գրեալ է. Ուրախ լեր, ամուլ, որ ոչ ծնանէիր. գոչեա եւ աղաղակեա որ ոչդ երկնէիր. զի բազում են որդիք սկնդկիդ առաւել քան զարամբւոյն։ 28Այլ մեք, եղբարք, ըստ Իսահակայ աւետեացն որդիք եմք։ 29Այլ որպէս յայնժամ, որ ըստ մարմնոյն ծնեալ էր՝ հալածէր զայն որ ըստ հոգւոյն, նոյնպէս եւ այժմ։ 30Այլ զի՞նչ ասէ գիր. Ի բաց հան զաղախինդ եւ զորդի դորա, զի մի՛ ժառանգեսցէ որդի աղախնոյդ ընդ որդւոյ ազատին։ 31Վասն որոյ, եղբարք, չեմք որդիք աղախնոյն, այլ ազատին, #4։31 Ի բազումս աստէն սկսանի յաջորդ գլուխնազատութեամբն, որով Քրիստոս զմեզ ազատեցոյց։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018