ԱՌ ԳԱՂԱՏԱՑԻՍ ԹՈՒՂԹ Գլուխ Ա
Գլուխ Ա
ԴԴ.
1Պաւղոս, առաքեալ ոչ ի մարդկանէ եւ ոչ ի ձեռն մարդոյ, այլ ի ձեռն Յիսուսի Քրիստոսի եւ Աստուծոյ Հօր որ յարոյց զնա ի մեռելոց, 2եւ որ ընդ իս են եղբարք ամենեքին, եկեղեցեացդ Գաղատացւոց. 3շնորհք ընդ ձեզ եւ խաղաղութիւն յԱստուծոյ ի Հօրէ եւ ի Տեառնէ մերմէ Յիսուսէ Քրիստոսէ, 4որ ետ զանձն իւր վասն մեղաց մերոց, զի զմեզ փրկեսցէ յաշխարհէ աստի չարէ ըստ կամացն Աստուծոյ եւ Հօր մերոյ. 5որում փառք յաւիտեանս յաւիտենից։ Ամէն։
6Զարմանամ զի այդպէս վաղվաղակի փոփոխիք յայնմանէ որ կոչեացն զձեզ ի շնորհսն Քրիստոսի յայլ աւետարան. 7որ ոչ գոյ այլ, բայց եթէ իցեն ոմանք որ խռովեցուցանիցեն զձեզ, եւ կամիցին շրջել զաւետարանն Քրիստոսի։ 8Այլ թէ մեք կամ հրեշտակ յերկնից աւետարանեսցէ ձեզ աւելի քան զոր աւետարանեցաքն ձեզ, նզովեալ լիցի։ 9Որպէս յառաջագոյնն ասացաք, եւ արդ դարձեալ ասեմ. Եթէ ոք աւետարանեսցէ ձեզ աւելի քան զոր առէքն, նզովեալ լիցի։ 10Արդ մարդկա՞ն հաճոյ լինիցիմ, թէ՝ Աստուծոյ. կամ խնդրիցեմ մարդկա՞ն հաճոյ լինել. եթէ տակաւին մարդկան հաճոյ լինէի, ապա Քրիստոսի ծառայ ոչ էի։
ԴԶ.
11Ցուցանեմ ձեզ, եղբարք, զաւետարանն որ աւետարանեցաւ յինէն, զի ոչ է ըստ մարդոյ. 12քանզի եւ ոչ ես ի մարդոյ առի, եւ ոչ ուսայ յումեքէ, այլ ի յայտնութենէն Յիսուսի Քրիստոսի։ 13Քանզի լուեալ իսկ է ձեր զիմ գնացսն որ երբեմն ի Հրէութեան անդ, զի անչափ հալածէի զեկեղեցին Աստուծոյ, եւ աւար հարկանէի զնա։ 14Եւ յառաջադէմ էի ի Հրէութեանն քան զբազում հասակակիցս իմ որ յազգին իմում էին. առաւել նախանձախնդիր էի իմոյ հայրենի աւանդութեանցն։ 15Այլ յորժամ կամեցաւ Աստուած (որոշեաց զիս յորովայնէ մօր իմոյ, եւ կոչեաց ի ձեռն շնորհաց իւրոց,) 16յայտնել զՈրդին իւր #1։16 Կամ՝ յիսինեւ, զի աւետարանեցից զնա ի հեթանոսս, անդէն վաղվաղակի ոչինչ զգացուցի մարմնոյ եւ արեան, 17եւ ոչ ելի յԵրուսաղէմ առ որ յառաջագոյն քան զիս առաքեալքն էին, այլ չոգայ յԱրաբիա, եւ դարձեալ դարձայ ի Դամասկոս։ 18Ապա յետ երից ամաց ելի յԵրուսաղէմ տեսանել զՊետրոս, եւ եղէ առ նմա աւուրս հնգետասան։ 19Զայլ ոք յառաքելոց անտի ոչ տեսի, բայց միայն զՅակովբոս զեղբայրն Տեառն։ 20Այլ զոր գրեմս առ ձեզ, ահաւասիկ առաջի Աստուծոյ, զի ոչ ստեմ։ 21Ապա եկի ի կողմանս Ասորւոց եւ Կիլիկեցւոց։ 22Եւ յանծանօթս էի երեսօք եկեղեցեացն #1։22 Յոյնն. Հրէաստանի որոր ի թլփատութենէ անտի էին՝՝ ի Քրիստոս։ 23Բայց զի լսելով լուեալ էր թէ՝ Որ հալածէրն զմեզ յայնժամ, արդ աւետարանէ զհաւատսն զոր երբեմն խախտէր. 24եւ փառաւոր առնէին ինեւ զԱստուած։
Currently Selected:
ԱՌ ԳԱՂԱՏԱՑԻՍ ԹՈՒՂԹ Գլուխ Ա: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
