ԵԼՔ Գլուխ Խ
Գլուխ Խ
1 Եւ խօսեցաւ Տէր ընդ Մովսիսի եւ ասէ. 2Յամսեանն առաջնում յամսամտի ամսոյն կանգնեսցես զխորանն, զյարկ #40։2 Եբր. ժողովոյվկայութեանն։ 3Եւ դիցես անդ զտապանակն վկայութեան, եւ ծածկեսցես զտապանակն վարագուրաւն։ 4Եւ տարցիս ի ներքս զսեղանն, եւ յօրինեսցես զհացն ի վերայ նորա. եւ տարցիս ի ներքս զաշտանակն, եւ դիցես ի վերայ նորա զճրագարանս նորա։ 5Եւ դիցես զսեղանն ոսկի՝ արկանել խունկս առաջի տապանակի վկայութեանն, եւ ձգեսցես զպատրուակ #40։5 ՅԵբր. պակասէվարագուրին ի՝՝ դրան խորանին #40։5 ՅԵբր. պակասէվկայութեան։ 6Եւ դիցես զսեղան ողջակիզացն առ դրան խորանին, յարկի #40։6 Եբր. ժողովոյվկայութեանն. #40։6 ՅԵբր. պակասէեւ օծցես շուրջ զխորանն, եւ զամենայն ինչ որ ի նմա իցէ՝ սրբեսցես շուրջանակի։՝՝ 7Եւ դիցես զաւազանն ընդ խորանն վկայութեան եւ ընդ սեղանն, եւ արկցես անդ ջուր։ 8Եւ #40։8 Եբր. դիցեսօծցես #40։8 Եբր. զգաւիթնզսրահն շուրջանակի, եւ ձգեսցես զսրահակ դրան #40։8 Եբր. գաւթինսրահին։ 9Եւ առցես զեւղն օծութեան եւ օծցես զխորանն եւ զամենայն որ ինչ ի նմա է, եւ սրբեսցես զնա եւ զամենայն զկահ նորա, եւ եղիցին սրբութիւնք։ 10Եւ օծցես զսեղանն ողջակիզաց եւ զամենայն զկահ նորա, եւ սրբեսցես զսեղանն. եւ եղիցի սեղանն՝ սուրբ սրբութեանց։ 11Եւ օծցես զաւազանն եւ զխարիսխն նորա, եւ սրբեսցես զնա։ 12Եւ մատուսցես զԱհարոն եւ զորդիս նորա ի դուռն խորանին վկայութեան, եւ լուասցես զնոսա ջրով։ 13Եւ զգեցուսցես Ահարոնի զպատմուճանն սուրբ, եւ օծցես զնա եւ սրբեսցես զնա, եւ քահանայասցի ինձ։ 14Եւ մատուսցես զորդիս նորա, եւ զգեցուսցես նոցա #40։14 Եբր. շապիկսպատմուճանս։ 15Եւ օծցես զնոսա, զոր օրինակ օծեր զհայրն նոցա, եւ քահանայասցին ինձ. եւ եղիցի նոցա օծումն քահանայութեան ի յաւիտեան եւ յազգս նոցա։
16Եւ արար Մովսէս ըստ ամենայնի զոր միանգամ պատուիրեաց նմա Տէր. նոյնպէս եւ արար։ 17Եւ եղեւ յամսեանն առաջնում յամի երկրորդի #40։17 ՅԵբր. պակասէելանելոյ նոցա յերկրէն Եգիպտացւոց՝՝ յամսամտին կանգնեցաւ խորանն։ 18Եւ կանգնեաց Մովսէս զխորանն, եւ եդ զխարիսխս նորա, եւ կանգնեաց #40։18 Եբր. զտախտակսզսիւնս նորա, #40։18 ՅԵբր. պակասէեւ եդ ի վերայ զխոյակս նորա.՝՝ եւ պարզեաց զպարզունակս #40։18 Եբր. նորա, եւ կանգնեաց զսիւնս նորանորա։ 19Եւ տարածեաց զվերնափեղկն ի վերայ խորանին, եւ արկ զվիժակս խորանին ի վերայ նորա ի վերուստ, #40։19 ՅԵբր. պակասէեւ յօրինեաց զարտախուրակս նորա,՝՝ որպէս հրամայեաց Տէր Մովսիսի։ 20Եւ առ զվկայութիւնն եւ եդ ի տապանակի անդ. եւ #40։20 Եբր. ագոյց զլծակսն ընդ տապանակնեդ զնիգսն ընդ տապանակաւն՝՝, եւ եդ զքաւութիւնն ի վերայ տապանակին ի վերուստ։ 21Եւ տարաւ ի ներքս զտապանակն ի խորանն, եւ ձգեաց զպատրուակ վարագուրին եւ ծածկեաց զտապանակ վկայութեանն, զոր օրինակ հրամայեաց Տէր Մովսիսի։ 22Եւ եդ զսեղանն ի խորանին վկայութեան ի հիւսիսոյ կողմանէ խորանին, արտաքոյ վարագուրի խորանին։ 23Եւ յօրինեաց ի վերայ նորա զհացն երեսաց առաջի Տեառն, զոր օրինակ հրամայեաց Տէր Մովսիսի։ 24Եւ եդ զաշտանակն ի խորանին վկայութեան յանդիման սեղանոյն, ի հարաւոյ կողմանէ խորանին։ 25Եւ եդ զճրագարանսն ի վերայ նորա առաջի Տեառն, զոր օրինակ հրամայեաց Տէր Մովսիսի։ 26Եւ եդ զսեղանն ոսկի ի խորանին վկայութեան՝ յանդիման վարագուրին։ 27Եւ արկ խունկ ի վերայ նորա ի խնկոց հանդերձանացն, որպէս հրամայեաց Տէր Մովսիսի։ 28Եւ ձգեաց զսրահակ դրան խորանին։ 29Եւ զսեղանն ողջակիզաց եդ առ դրան խորանին, յարկի վկայութեանն. եւ եհան ի վերայ նորա ողջակէզս եւ զոհս, որպէս պատուիրեաց Տէր Մովսիսի։ 30Եւ եդ զաւազանն ընդ խորանն վկայութեան եւ ընդ սեղանն, եւ արկ ի նա #40։30 Եբր. ջուր առ ի լուանալ։ (31) Եւ լուանայինջուր։ 31Զի լուասցեն՝՝ ի նմանէ Մովսէս եւ Ահարոն եւ որդիք նորա զձեռս եւ զոտս իւրեանց. 32յորժամ #40։32 Եբր. մտանէինմտանիցեն ի խորանն վկայութեան, կամ յորժամ #40։32 Եբր. մերձենայինմերձենայցեն ի սեղանն #40։32 ՅԵբր. պակասէպաշտել. եւ՝՝ լուանային ի նմանէ, որպէս եւ հրամայեաց Տէր Մովսիսի։ 33Եւ կանգնեաց #40։33 Եբր. զգաւիթնզսրահն շուրջ զխորանաւն եւ զսեղանովն, եւ ձգեաց զսրահակ դրան #40։33 Եբր. գաւթինսրահին։ Եւ կատարեաց Մովսէս զամենայն զգործն։
34Եւ ծածկեաց ամպն զխորանն վկայութեան, եւ լի եղեւ փառօք Տեառն խորանն։ 35Եւ ոչ կարէր Մովսէս մտանել ի խորանն վկայութեան, զի ծածկեաց զնա ամպն, եւ լի եղեւ փառօք Տեառն խորանն։ 36Յորժամ վերանայր ամպն ի խորանէ անտի, չուէին որդիքն Իսրայելի #40։36 Եբր. յամենայն ի չուսհանդերձ ամենայն աղխիւ՝՝ իւրեանց։ 37Եւ եթէ ոչ վերանայր ամպն, ոչ չուէին մինչեւ ցօրն վերանալոյ։ 38Զի ամպն Տեառն էր ի վերայ խորանին ի տուէ, եւ հուր կայր ի վերայ նորա ի գիշերի, առաջի ամենայն տանն Իսրայելի, յամենայն ի չուս իւրեանց։
Currently Selected:
ԵԼՔ Գլուխ Խ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
