ԵԼՔ Գլուխ ԺԶ
Գլուխ ԺԶ
1 Չուեցին յԵղիմայ, եւ եկին ամենայն ժողովուրդ որդւոցն Իսրայելի յանապատն ի Սին, որ է ընդ Եղիմ եւ ընդ Սինա, յաւուր հնգետասաներորդի յերկրորդի ամսեան ելանելոյ նոցա յերկրէն Եգիպտացւոց։ 2Տրտնջեաց ամենայն ժողովուրդ որդւոցն Իսրայելի զՄովսիսէ եւ զԱհարոնէ յանապատի անդ։ 3Եւ ասեն ցնոսա որդիքն Իսրայելի. Լաւ էր թէ մեռեալ էաք #16։3 Եբր. ձեռամբ Տեառնհարուածովքն ի Տեառնէ՝՝ յերկրին Եգիպտացւոց, մինչ նստէաք առ կաթսայս մսոյն եւ ուտէաք հաց յագ, քան հանէք զմեզ յանապատս յայս՝ սպանանել զամենայն ժողովուրդս ի սովոյ։
4Եւ ասէ Տէր ցՄովսէս. Ահա ես տեղացից ձեզ հաց յերկնից, եւ ելցէ ժողովուրդ #16։4 ՅԵբր. պակասէիմ եւ ժողովեսցեն զօրըստօրէն, զի փորձեցից զնոսա եթէ գնայցե՞ն յօրէնս իմ եթէ ոչ։ 5Եւ եղիցի յաւուրն վեցերորդի պատրաստեսցեն զոր ինչ բերիցենն, եւ եղիցի կրկին քան զայն զոր օրըստօրէն ժողովիցեն։
6Եւ ասեն Մովսէս եւ Ահարոն ցամենայն ժողովուրդ որդւոցն Իսրայելի. Ընդ երեկոյս գիտասջիք եթէ Տէր եհան զձեզ յերկրէն Եգիպտացւոց։ 7Եւ առաւօտուց տեսջիք զփառսն Տեառն, ի լսել նորա զտրտունջ ձեր #16։7 Եբր. զՏեառնէզԱստուծոյ. այլ մեք ո՞վ եմք զի տրտնջէք զմէնջ։ 8Եւ ասէ Մովսէս. Ի տալ ձեզ Տեառն ընդ երեկոյս միս ուտելոյ, եւ ընդ առաւօտս հաց յագ, վասն լսելոյ Տեառն զտրտունջ ձեր զոր դուք տրտնջեցէք #16։8 Եբր. զնմանէզմէնջ. քանզի մեք ո՞վ եմք. զի ոչ զմէնջ է տրտունջդ ձեր, այլ #16։8 Եբր. զՏեառնէզԱստուծոյ։ 9Եւ ասէ Մովսէս ցԱհարոն. Ասա ցամենայն ժողովուրդ որդւոցդ Իսրայելի. Մատերուք առաջի Տեառն, քանզի լուաւ զտրտունջ ձեր։
10Մինչդեռ խօսէր Ահարոն ընդ ամենայն ժողովրդեան որդւոցն Իսրայելի, դարձան յանապատն, եւ ահա փառք Տեառն երեւեցան ամպով։ 11Եւ խօսեցաւ Տէր ընդ Մովսիսի եւ ասէ. 12Լուայ զտրտունջ որդւոցն Իսրայելի. արդ խօսեաց ընդ նոսա եւ ասասցես. Ընդ երեկոյս միս կերիջիք, եւ ընդ առաւօտս հացիւ յագեսջիք. եւ ծանիջիք թէ ես եմ Տէր Աստուած ձեր։
13Եւ եղեւ ընդ երեկոյսն, եւ ել լորամարգին եւ ծածկեաց զբանակն. եւ եղեւ ընդ առաւօտն՝ #16։13 Եբր. հանգեաւ ցօղնընդ արկանել ցօղոյն՝՝ շուրջ զբանակաւն, 14#16։14 Եբր. Եւ իբրեւ վերացաւ ցօղն որ հանգեաւ, ահա էրեւ ահա՝՝ ի վերայ երեսաց անապատին մանր #16։14 Եբր. թեփաձեւ ինչ, մանրիբրեւ զգինձ, սպիտակ՝՝ իբրեւ զեղեամն ի վերայ երկրին։ 15Իբրեւ տեսին զայն որդիքն Իսրայելի, ասեն ընկեր ցընկեր. #16։15 Եբր. Մանհու (յորմէ Մանանայ)Զի՞նչ է այս՝՝։ Քանզի ոչ գիտէին զինչ իցէ։ Եւ ասէ ցնոսա Մովսէս. Այդ է հացն զոր ետ ձեզ Տէր ուտելոյ։ 16Եւ այս բան է զոր պատուիրեաց Տէր. Ժողովեցէք ի դմանէ իւրաքանչիւր ըստ բաւականի իւրում, #16։16 Եբր. օմէրչափով ըստ գլուխ, ըստ թուոյ անձանց ձերոց, ըստ իւրաքանչիւր ըստ վրանս ձեր ժողովեցէք։ 17Եւ արարին այնպէս որդիքն Իսրայելի. եւ ժողովեցին, որ շատ եւ որ սակաւ։ 18Եւ չափեցին #16։18 Եբր. օմէրիւչափովն. որոյ շատն էր՝ ոչ յաւելաւ, եւ որոյ սակաւն էր՝ ոչ պակասեաց. իւրաքանչիւր ըստ բաւականի իւրում ժողովեցին։ 19Եւ ասէ ցնոսա Մովսէս. Մի՛ ոք թողուցու այտի յայգ։ 20Եւ ոչ լուան Մովսիսի, այլ թողին ոմանք ի նմանէ յայգ, եւ եռաց ի նմա որդն եւ նեխեցաւ. եւ դառնացաւ ի նոսա Մովսէս։ 21Եւ քաղէին այգուն այգուն իւրաքանչիւր ըստ բաւականի իւրում. եւ իբրեւ արեւն ջեռնոյր, հալէր։
22Եւ եղեւ յաւուրն վեցերորդի ժողովեցին զպէտսն կրկին՝ երկուս #16։22 Եբր. օմէրսչափս առ մի մի. եւ մտին ամենայն իշխանք ժողովրդեանն եւ պատմեցին Մովսիսի։ 23Ասէ ցնոսա Մովսէս. Այս բան է զոր խօսեցաւ Տէր. Շաբաթ հանգիստ սուրբ Տեառն վաղիւ, որ ինչ եփելոց էք՝ եփեցէք, եւ որ ինչ հասուցանելոց էք՝ հասուցէք, եւ զամենայն զաւելորդն թողուցուք յամանս մինչեւ ցառաւօտ։ 24Եւ թողին ի նմանէ յայգ, որպէս հրամայեաց նոցա Մովսէս. եւ ոչ նեխեցաւ, եւ ոչ եղեւ ի նմա որդն։ 25Եւ ասէ Մովսէս. Կերայք զայդ այսօր, քանզի շաբաթ Տեառն է այսօր. ոչ գտանէք այսօր զայդ ի դաշտի։ 26Զվեց օր ժողովեցէք զայդ, եւ յաւուրն եւթներորդի շաբաթ, ոչ լինիցի ի նմա։ 27Եւ եղեւ յաւուրն եւթներորդի ելին ոմանք ի ժողովրդենէ անտի քաղել, եւ ոչ գտին։ 28Եւ ասէ Տէր ցՄովսէս. Մինչեւ յե՞րբ ոչ կամիք լսել պատուիրանաց իմոց եւ օրինաց։ 29Տեսէք զի Տէր ետ ձեզ զօրս զայս շաբաթ, վասն այնորիկ ինքն ետ ձեզ յաւուրն վեցերորդի հաց երկուց աւուրց. նստարուք իւրաքանչիւր #16։29 Եբր. ի տեղւոջ իւրումի տունս ձեր,՝՝ եւ մի՛ ոք ելանիցէ ի տեղւոջէ իւրմէ յաւուրն եւթներորդի։ 30Եւ շաբաթացաւ ժողովուրդն յաւուրն եւթներորդի։ 31Եւ անուանեցին որդիքն Իսրայելի զանուն նորա Ման. եւ նա էր իբրեւ զսերմն գնձոյ՝ սպիտակ, եւ համ նորա իբրեւ զխորիսխ մեղու։
32Եւ ասէ Մովսէս. Այս բան է զոր հրաման ետ Տէր. Լցէք #16։32 Եբր. զօմէրն անտի պահելլի չափով զմանանայդ յաման մի, եւ պահեցէք՝՝ յազգս ձեր, զի #16։32 Եբր. տեսանիցենտեսանիցէք զհացդ զոր #16։32 Եբր. ետու ձեզ ուտելկերայք դուք՝՝ յանապատի աստ ի ժամանակի իբրեւ #16։32 Եբր. հանի զձեզեհան զմեզ Տէր՝՝ յերկրէն Եգիպտացւոց։ 33Եւ ասէ Մովսէս ցԱհարոն. Առ սափոր մի #16։33 ՅԵբր. պակասէոսկի, եւ արկցես ի նա լի #16։33 Եբր. օմէրիւչափովդ մանանայ, եւ դիցես զդա առաջի #16։33 Եբր. ՏեառնԱստուծոյ ի պահեստ յազգս ձեր։ 34Որպէս հրաման ետ Տէր Մովսիսի, եւ եդ զայն Ահարոն առաջի Վկայութեանն ի պահեստ։ 35Եւ որդիքն Իսրայելի կերան զմանանայն զքառասուն ամ, մինչեւ եկին ի շէն երկիրն զմանանայն ուտէին, մինչեւ հասին #16։35 Եբր. ի սահմանս երկրին Քանանացւոցի կողմն Փիւնիկեցւոց՝՝։ 36Եւ #16։36 Եբր. օմէրնչափն էր տասներորդ #16։36 Կամ արդուիերից գրուաց՝՝։
Currently Selected:
ԵԼՔ Գլուխ ԺԶ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
