ԱՌ ԵՓԵՍԱՑԻՍ ԹՈՒՂԹ Գլուխ Ե
Գլուխ Ե
1 Եղերուք նմանողք Աստուծոյ իբրեւ որդիք սիրելիք. 2եւ գնացէք սիրով, որպէս եւ Քրիստոս սիրեաց զմեզ, եւ մատնեաց զանձն իւր վասն մեր պատարագ եւ զենումն Աստուծոյ ի հոտ անուշից։ 3Այլ պոռնկութիւն եւ ամենայն պղծութիւն կամ ագահութիւն եւ անուանեսցի մի՛ ի միջի ձերում, որպէս եւ վայելէ սրբոց, 4եւ զազրութիւն կամ խօսք յիմարութեան կամ խեղկատակութիւն որ ոչ վայելէ, այլ մանաւանդ գոհութիւն։ 5Զայս տեղեկացեալ գիտասջիք թէ ամենայն պոռնիկ կամ պիղծ կամ ագահ որ է կռապարիշտ՝ ոչ ունի ժառանգութիւն յարքայութեանն Քրիստոսի եւ Աստուծոյ։ 6Մի՛ ոք զձեզ խաբեսցէ բանիւք սնոտւովք, զի վասն այսորիկ իսկ գայ բարկութիւն Աստուծոյ ի վերայ որդւոցն անհաւանութեան։ 7Մի՛ այսուհետեւ լինիք բաժանորդք նոցա։ 8Զի թէպէտ եւ երբեմն էիք խաւար, արդ լոյս էք ի Տէր. իբրեւ զորդիս լուսոյ գնացէք. 9զի պտուղ #5։9 Ոմանք. Հոգւոյնլուսոյ ամենայն բարութեամբ է եւ արդարութեամբ եւ ճշմարտութեամբ։ 10Փորձեցէք զինչ է հաճոյ Տեառն. 11եւ մի՛ կցորդ լինիք անպտղութեան գործոցն խաւարի, այլ մանաւանդ յանդիմանեցէք։ 12Զի որ ի ծածուկ ինչ գործի ի նոսա՝ զայն եւ խօսել աղտեղի է։ 13Այլ ամենայն ինչ յանդիմանեալ՝ ի լուսոյ յայտնի լինի. զի ամենայն ինչ որ յայտնի է՝ լոյս է։ 14Վասն որոյ եւ ասէ. Արի որ ննջեսդ, եւ կանգնեաց ի մեռելոց, եւ լուսատու լիցի քեզ Քրիստոս։
ԹԿ.
15Տեսջիք ո՛րպէս ճշմարտիւ գնայցէք. մի՛ իբրեւ անիմաստք, 16այլ իբրեւ իմաստունք. գնեցէք զժամանակս, զի աւուրքս չարութեան են։ 17Վասն այնորիկ մի՛ լինիք անմիտք, այլ իմացարուք զինչ են կամք Տեառն։ 18Եւ մի՛ արբենայք գինւով յորում զեղխութիւն է, այլ մանաւանդ լցարուք Հոգւով. 19խօսել #5։19 Կամ՝ ընդ միմեանսի սիրտս ձեր՝՝ սաղմոսիւք եւ օրհնութեամբք եւ երգովք հոգեւորօք, երգել եւ սաղմոս ասել ի սիրտս ձեր Տեառն։ 20Գոհացարուք յամենայն ժամ ի վերայ ամենայնի յանուն Տեառն մերոյ Յիսուսի Քրիստոսի #5։20 Յոյնն. զԱստուծոյ եւ զՀօրէՀօրն եւ Աստուծոյ՝՝։
21Հնազանդ լերուք միմեանց երկիւղիւն #5։21 Ոմանք. ԱստուծոյՔրիստոսի։ 22Կանայք իւրեանց արանց հնազանդ լիցին իբրեւ Տեառն. 23զի այր է գլուխ կնոջ, որպէս եւ Քրիստոս գլուխ է եկեղեցւոյ, եւ ինքն է Փրկիչ մարմնոյ։ 24Այլ որպէս եկեղեցին հնազանդ լինի Քրիստոսի, նոյնպէս եւ կանայք՝ իւրեանց արանց յամենայնի։ 25Արք, սիրեցէք զկանայս ձեր, որպէս եւ Քրիստոս սիրեաց զեկեղեցի, եւ զանձն իւր մատնեաց վասն նորա. 26զի զնա սրբեսցէ սրբութեամբ #5։26 Յոյնն. աւազանին ջրոյաւազանին՝ բանիւ. 27զի կացուսցէ ինքն իւր յանդիման փառաւոր զեկեղեցի, զի մի՛ ունիցի ինչ արատ կամ #5։27 Կամ՝ խորշաղտեղութիւն կամ այլ ինչ յայսպիսեաց, այլ զի իցէ սուրբ եւ անարատ։ 28Նոյնպէս պարտին արք սիրել զիւրեանց կանայս իբրեւ զիւրեանց մարմինս. որ սիրէ զկին իւր՝ զանձն իւր սիրէ. 29զի ոչ ոք երբեք ատեայ զանձն իւր, այլ սնուցանէ եւ դարմանէ զնա, որպէս եւ #5։29 Ոմանք. ՏէրՔրիստոս զեկեղեցի. 30զի անդամք եմք մարմնոյ նորա, ի մարմնոյ նորա եւ յոսկերաց նորա։ 31Վասն այսորիկ թողցէ այր զհայր եւ զմայր իւր, եւ երթիցէ զհետ կնոջ իւրոյ, եւ եղիցին երկոքին ի մարմին մի։ 32Խորհուրդս այս մեծ է, բայց ես ասեմ ի Քրիստոս եւ յեկեղեցի։ 33Այլ եւ դուք #5։33 Ի Յունին պակասէնոյնպէս մի ըստ միոջէ, զի՝՝ իւրաքանչիւր ոք զիւր կին այնպէս սիրեսցէ իբրեւ զիւր անձն, եւ կին երկնչիցի յառնէ իւրմէ։
Currently Selected:
ԱՌ ԵՓԵՍԱՑԻՍ ԹՈՒՂԹ Գլուխ Ե: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
