ԱՌ ԿՈՂՈՍԱՑԻՍ ԹՈՒՂԹ Գլուխ Ա
Գլուխ Ա
ԱԲ.
1Պաւղոս, առաքեալ Յիսուսի Քրիստոսի կամօքն Աստուծոյ, եւ Տիմոթէոս եղբայր, 2առ Կողոսացիս սուրբս եւ հաւատացեալս եղբարս ի Քրիստոս. շնորհք ընդ ձեզ եւ խաղաղութիւն յԱստուծոյ Հօրէ մերմէ #1։2 Յոմանս պակասէեւ ի Տեառնէ Յիսուսէ Քրիստոսէ՝՝։ 3Գոհանամք զԱստուծոյ եւ զՀօրէ Տեառն մերոյ Յիսուսի Քրիստոսի, յամենայն ժամ վասն ձեր աղօթս #1։3 Յոյնն. արարեալ, (4) լուեալառնեմ, 4իբրեւ լուաք՝՝ զհաւատսն ձեր որ ի Քրիստոս Յիսուս #1։4 Ի Յունին պակասէի Տէր մեր՝՝, եւ զսէրն զոր ընդ ամենայն սուրբս ունիք. 5վասն յուսոյն որ պահի ձեզ յերկինս, զորմէ յառաջագոյն լուարուք բանիւն ճշմարտութեան աւետարանին, 6որ եհաս առ ձեզ, որպէս ընդ ամենայն աշխարհ աճէ եւ պտղաբերէ, որպէս եւ ի ձերում միջի, յօրէ յորմէ լուարուք եւ ծանեայք զշնորհսն Աստուծոյ ճշմարտութեամբ. 7որպէս եւ ուսարուք յԵպափրեայ սիրելւոյ ծառայակցէ մերմէ, որ է հաւատարիմ վասն ձեր պաշտօնեայ #1։7 Յոյնն. ՔրիստոսիՅիսուսի. 8որ եւ պատմեաց մեզ զձեր սէրն Հոգւով։
9Վասն այնորիկ եւ մեք, յօրէ յորմէ լուաք, ոչ դադարեմք վասն ձեր աղօթս առնել եւ խնդրուածս մատուցանել, զի լնուցուք #1։9 Կամ՝ գիտութեամբզգիտութիւն կամաց նորա ամենայն իմաստութեամբ եւ հոգեւոր հանճարով. 10գնալ ձեզ արժանի Տեառն յամենայն հաճութեան, յամենայն գործս բարութեան պտղաբերք եւ աճեցունք գիտութեամբն Աստուծոյ. 11ամենայն զօրութեամբ զօրացեալք ըստ զօրութեան փառաց նորա յամենայն համբերութիւն եւ երկայնմտութիւն ուրախութեամբ։
ԱԳ.
12Գոհանալ #1։12 Ոմանք. զԱստուծոյ ՀօրէզՀօրէ որ #1։12 Բազումք. բաւականս արարկոչեացն #1։12 Ոմանք. զձեզզմեզ ի մասն վիճակի սրբոցն ի լոյս. 13որ փրկեացն զմեզ յիշխանութենէ խաւարի, եւ փոխեաց #1։13 Ի Յունին պակասէզմեզ յարքայութիւն Որդւոյն իւրոյ սիրելւոյ. 14որով ունիմք զփրկութիւն արեամբն նորա, #1։14 Ի Յունին պակասէեւ զթողութիւն մեղաց՝ #1։14 Ի Յունին պակասէմարմնովն նորա.՝՝ 15որ է պատկեր աներեւութին Աստուծոյ, անդրանիկ ամենայն արարածոց. 16զի նովաւ հաստատեցաւ ամենայն որ ինչ յերկինս եւ որ ինչ յերկրի, որ երեւին եւ որ ոչն երեւին, եթէ՛ աթոռք, եթէ՛ տէրութիւնք, եթէ՛ պետութիւնք, եթէ՛ իշխանութիւնք. ամենայն ինչ նովաւ եւ ի նոյն հաստատեցաւ. 17եւ նա է յառաջ քան զամենայն, եւ ամենայն ինչ նովաւ եկաց բովանդակ. 18եւ նա է գլուխ մարմնոյ, եկեղեցւոյ. որ է սկիզբն, անդրանիկ ի մեռելոց, զի եղիցի ինքն յամենայնի յառաջացեալ. 19զի ի նմա հաճեցաւ ամենայն լրումն #1։19 Ի Յունին պակասէԱստուածութեանն բնակել. 20եւ նովաւ հաշտեցուցանել զամենայն ի նոյն, արար խաղաղութիւն արեամբ խաչին իւրոյ, #1։20 Յոյնն. նովաւ, որոր ինչ յերկրի եւ որ ինչ յերկինս։
21Եւ զձեզ որ երբեմն օտարացեալքն էիք եւ թշնամիք խորհրդովք ի գործսն չարութեան, 22այժմ աւադիկ հաշտեցոյց անդամովք մարմնոյ իւրոյ ի ձեռն մահուան #1։22 Յոմանս պակասէիւրոյ, յանդիման կացուցանել զձեզ սուրբս եւ ամբիծս եւ անարատս առաջի նորա. 23եթէ կայցէք ի հաւատսն արմատացեալք եւ հաստատեալք, եւ անշարժք ի յուսոյ աւետարանին զոր լուարուք, քարոզելոյ ընդ ամենայն արարածս ի ներքոյ երկնից, որոյ եղէ ես Պաւղոս պաշտօնեայ։
ԱԴ.
24Եւ արդ ուրախ եմ ի չարչարանս իմ վասն ձեր, եւ լնում զպակասութիւն նեղութեանցն Քրիստոսի ի մարմնի իմում վասն մարմնոյ նորա, որ է եկեղեցի. 25որոյ եղէ ես #1։25 Ի բազումս պակասէՊաւղոս պաշտօնեայ ըստ տնտեսութեանն Աստուծոյ, որ տուեալ է ինձ ի ձեզ կատարել զբանն Աստուծոյ, 26զխորհուրդն որ ծածկեալ էր ի յաւիտեանցն եւ յազգաց, որ այժմ յայտնեցաւ սրբոց իւրոց. 27որոց կամեցաւ Աստուած ցուցանել թէ զինչ է մեծութիւն փառաց խորհրդոյն նորա ի հեթանոսս, որ է Քրիստոս ի ձեզ, յոյսն փառաց. 28զոր մեքն քարոզեմք, եւ խրատեմք զամենայն մարդ, եւ ուսուցանեմք զամենայն մարդ ամենայն #1։28 Ի բազումս պակասէհոգեւոր իմաստութեամբ, զի կացուսցուք զամենայն մարդ կատարեալ ի Քրիստոս Յիսուս. 29յոր եւ աշխատիմ պատերազմեալ ըստ յաջողութեան նորա որ աջողեալ է յիս զօրութեամբ։
Currently Selected:
ԱՌ ԿՈՂՈՍԱՑԻՍ ԹՈՒՂԹ Գլուխ Ա: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
