ԳՈՐԾՔ ԱՌԱՔԵԼՈՑ Գլուխ ԺԹ
Գլուխ ԺԹ
ԵԵ.
1Եւ եղեւ մինչդեռ Ապողոսն ի Կորնթոս էր, Պաւղոսի շրջեալ զվերին կողմամբքն եւ իջանել յԵփեսոս, եւ գտանել զոմանս զաշակերտս, 2ասէ ցնոսա, եթէ՝ Հոգի Սուրբ ընկալարո՞ւք ի հաւատալն. նոքա ասեն ցնա. Այլ եւ ոչ թէ Հոգի Սուրբ գուցէ՝ լուեալ է մեր։ 3Եւ ասէ. Իսկ յի՞նչ մկրտեցարուք։ Նոքա ասեն. Ի Յովհաննու մկրտութիւնն։ 4Եւ ասէ Պաւղոս. Յովհաննէս մկրտեաց մկրտութիւն ապաշխարութեան #19։4 Յոյնն. եւ ասէր ժողովրդեաննամենայն ժողովրդեանն եւ ասէր՝՝ զի որ գալոցն է յետ նորա՝ ի նա հաւատասցեն, այսինքն է ի Յիսուս Քրիստոս։ 5Եւ իբրեւ լուան, մկրտեցան յանուն Տեառն Յիսուսի։ 6Եւ ի դնել ի վերայ նոցա Պաւղոսի զձեռն՝ եկն Հոգին Սուրբ ի վերայ նոցա, խօսէին լեզուս եւ մարգարէանային։ 7Եւ էին ամենեքեան արք իբրեւ երկոտասան։ 8Եւ մտեալ ի ժողովուրդն՝ համարձակէր ամիսս երիս, խօսէր եւ հաւանեցուցանէր վասն արքայութեանն Աստուծոյ։ 9Իբրեւ ոմանք խստանային եւ ընդդէմ դառնային բամբասել զճանապարհն առաջի բազմութեանն, մեկնեալ ի նոցանէ՝ որոշեաց զաշակերտսն, հանապազօր խօսէր ի դիւանին Տիւրանեայ որումն։ 10Եւ այս եղեւ զերկեամ մի, մինչեւ ամենայն բնակչացն Ասիացւոց լսել զբանն Տեառն, Հրէից եւ հեթանոսաց։ 11Եւ զօրութիւնս ոչ սակաւս առնէր Աստուած ի ձեռն Պաւղոսի. 12մինչեւ ի հիւանդս տանել #19։12 Յոյնն. ի մարմնոյի քրտանէ նորա թաշկինակս կամ վարշամակս, եւ մերժել ի նոցանէ ախտիցն, եւ այսոց չարաց ելանել։ 13Յանդգնեցան ոմանք եւ ի շրջող Հրէիցն, որ երդմնեցուցիչքն էին, անուանել ի վերայ այնոցիկ որք ունէին այսս չարս՝ զանուն Տեառն Յիսուսի, եւ ասէին. Երդմնեցուցանեմ զձեզ ի Յիսուս զոր Պաւղոսն քարոզէ։ 14Էին որումն Սկեւեայ Հրէի քահանայապետի եւթն որդի, որ զայս առնէին։ 15Պատասխանի ետ այսն չար եւ ասէ ցնոսա. ԶՅիսուս գիտեմ եւ զՊաւղոս ճանաչեմ, բայց դուք ո՞վ էք։ 16Եւ վազեաց այրն յորում էր այսն չար՝ ըմբռնեալ #19։16 Ոմանք. զնոսազերկոսեան յաղթահարեաց զնոսա, մինչեւ մերկս եւ վիրաւորս փախչել ի տանէ անտի։ 17Եւ այս յայտնի եղեւ ամենայն Հրէից եւ հեթանոսաց որ բնակեալ էին յԵփեսոս. եւ անկաւ երկեւղ յամենեսեան ի նոսա, եւ մեծանայր անուն Տեառն Յիսուսի։ 18Եւ բազումք ի հաւատացելոցն գային, եւ խոստովան լինէին եւ պատմէին զգործս իւրեանց։ 19Եւ բազումք ի կախարդասարացն բերէին զգիրսն, այրէին առաջի ամենեցուն. եւ համարեցան զգինս նոցա եւ գտանէին արծաթոյ բեւրս հինգ։
ԵԶ.
20Եւ այսպէս բանն Աստուծոյ աճէր եւ զօրանայր։
21Եւ իբրեւ կատարեցաւ այս, եդ Պաւղոս ի մտի շրջել ընդ Մակեդոնիա եւ ընդ Աքայիայ եւ գալ յԵրուսաղէմ. ասէր եթէ՝ Յետ երթալոյն իմ անդր՝ պարտ է ինձ եւ զՀռովմ տեսանել։ 22Առաքեաց ի Մակեդոնիա երկուս ի պաշտօնէիցն իւրոց, զՏիմոթէոս եւ զԵրաստոս, եւ ինքն մնաց ժամանակս ինչ յԱսիա։
23Եւ եղեւ ի ժամանակին յայնմիկ խռովութիւն ոչ սակաւ վասն ճանապարհին։ 24Իսկ Դեմետրիոս ոմն անուն արծաթագործ գործէր մեհեանս արծաթիս Արտեմիս դից, եւ տայր ճարտարացն լինել ոչ սակաւ շահ. 25որ ժողովեաց իսկ եւ զձեռագէտս արուեստին եւ ասէ. Արք, դուք ձեզէն իսկ գիտէք, զի յայսմ գործոյ է շահ մեզ։ 26Եւ տեսանէք եւ լսէք եթէ ոչ միայն զԵփեսացւոց, այլ գրեթէ զամենայն իսկ Ասիացւոց, Պաւղոսս այս հաւանեցուցեալ շրջեաց բազում ժողովս ասել թէ՝ Ոչ են աստուածք ձեռագործք։ 27Եւ ոչ միայն այս ճգնէ զմեր կողմնս գալ ի յանդիմանութիւն, այլ եւ զմեծին աստուածոյ Արտեմեայ զմեհեանն յոչինչ համարել. նա եւ քակելոց եւս իցէ մեծութիւն նորա, զոր ամենայն Ասիա եւ տիեզերք պաշտեն։ 28Եւ զայս իբրեւ լուան, լի եղեն բարկութեամբ. աղաղակէին եւ ասէին. Մեծ է Արտեմիս Եփեսացւոց։ 29Եւ լցաւ քաղաքն խռովութեամբ, դիմեցին առ հասարակ ի թէատրոնն, յափշտակեցին զԳայիոս եւ զԱրիստարքոս Մակեդոնացի, զուղղեկիցսն Պաւղոսի։ 30Բայց Պաւղոս իբրեւ կամեցաւ մտանել յամբոխն, ոչ թողին զնա աշակերտքն։ 31Ոմանք եւ յԱսիապետացն որ էին նորա բարեկամք՝ յղէին առ նա եւ աղաչէին, մի՛ տալ զանձն ի թէատրոնն։ 32Այլք այլ իմն աղաղակէին, զի էր ժողովն նոցա խռովեալ. եւ բազումք ի նոցանէ ոչ գիտէին թէ վասն ոյր ժողովեալ իցեն։ 33Եւ յամբոխէն բազմութենէ յառաջ կալան զԱղեքսանդրոս. եւ իբրեւ ածին զնա յառաջ Հրեայքն, Աղեքսանդրոս շարժեաց զձեռն եւ կամէր պատասխանի առնել ամբոխին։ 34Իբրեւ գիտացին թէ այրն Հրեայ է, միաբարբառ եղեալ յամենեցունց՝ իբրեւ ժամս երկուս աղաղակել թէ՝ Մեծ է Արտեմիս Եփեսացւոց։ 35Լռեցոյց դպրապետն զամբոխն եւ ասէ. Արք Եփեսացիք, իսկ ո՞վ է ի մարդկանէ որ ոչ գիտէ զԵփեսացւոց քաղաքս մեհենազարդ մեծին Արտեմեայ դիցն եւ Դիոպետեայ։ 36Եւ զի այդ այդպէս է անշուշտ, ձեզ պարտ է հանդարտել եւ մի՛ ինչ յանդգնութեամբ գործել։ 37Ածէք զարսդ զայդոսիկ այսր, ոչ մեհենակապուտս եւ ոչ հայհոյիչս աստուածոյն մերոյ։ 38Զի եթէ Դեմետրիոս եւ որք ընդ նմա ճարտարք ունիցին ինչ ընդ ումեք բանս, յատեան երթիցեն, եւ դատաւորք գոն, եւ ամբաստան լիցին զմիմեանց։ 39Ապա եթէ վասն այլ իրիք խնդիր իցէ, յօրինաւոր ժողովն վճարեսցի։ 40Քանզի եւ մեզ վիշտ վտանգի է ընդ կռուոյս այսր աւուր՝ առանց իրիք յանցանաց լինելոյ, զորմէ ոչ կարասցուք պատասխանի տալ վասն ժողովոյս այսորիկ։ Եւ զայս ասացեալ՝ արձակեաց զժողովսն։
Currently Selected:
ԳՈՐԾՔ ԱՌԱՔԵԼՈՑ Գլուխ ԺԹ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԳՈՐԾՔ ԱՌԱՔԵԼՈՑ Գլուխ ԺԹ
Գլուխ ԺԹ
ԵԵ.
1Եւ եղեւ մինչդեռ Ապողոսն ի Կորնթոս էր, Պաւղոսի շրջեալ զվերին կողմամբքն եւ իջանել յԵփեսոս, եւ գտանել զոմանս զաշակերտս, 2ասէ ցնոսա, եթէ՝ Հոգի Սուրբ ընկալարո՞ւք ի հաւատալն. նոքա ասեն ցնա. Այլ եւ ոչ թէ Հոգի Սուրբ գուցէ՝ լուեալ է մեր։ 3Եւ ասէ. Իսկ յի՞նչ մկրտեցարուք։ Նոքա ասեն. Ի Յովհաննու մկրտութիւնն։ 4Եւ ասէ Պաւղոս. Յովհաննէս մկրտեաց մկրտութիւն ապաշխարութեան #19։4 Յոյնն. եւ ասէր ժողովրդեաննամենայն ժողովրդեանն եւ ասէր՝՝ զի որ գալոցն է յետ նորա՝ ի նա հաւատասցեն, այսինքն է ի Յիսուս Քրիստոս։ 5Եւ իբրեւ լուան, մկրտեցան յանուն Տեառն Յիսուսի։ 6Եւ ի դնել ի վերայ նոցա Պաւղոսի զձեռն՝ եկն Հոգին Սուրբ ի վերայ նոցա, խօսէին լեզուս եւ մարգարէանային։ 7Եւ էին ամենեքեան արք իբրեւ երկոտասան։ 8Եւ մտեալ ի ժողովուրդն՝ համարձակէր ամիսս երիս, խօսէր եւ հաւանեցուցանէր վասն արքայութեանն Աստուծոյ։ 9Իբրեւ ոմանք խստանային եւ ընդդէմ դառնային բամբասել զճանապարհն առաջի բազմութեանն, մեկնեալ ի նոցանէ՝ որոշեաց զաշակերտսն, հանապազօր խօսէր ի դիւանին Տիւրանեայ որումն։ 10Եւ այս եղեւ զերկեամ մի, մինչեւ ամենայն բնակչացն Ասիացւոց լսել զբանն Տեառն, Հրէից եւ հեթանոսաց։ 11Եւ զօրութիւնս ոչ սակաւս առնէր Աստուած ի ձեռն Պաւղոսի. 12մինչեւ ի հիւանդս տանել #19։12 Յոյնն. ի մարմնոյի քրտանէ նորա թաշկինակս կամ վարշամակս, եւ մերժել ի նոցանէ ախտիցն, եւ այսոց չարաց ելանել։ 13Յանդգնեցան ոմանք եւ ի շրջող Հրէիցն, որ երդմնեցուցիչքն էին, անուանել ի վերայ այնոցիկ որք ունէին այսս չարս՝ զանուն Տեառն Յիսուսի, եւ ասէին. Երդմնեցուցանեմ զձեզ ի Յիսուս զոր Պաւղոսն քարոզէ։ 14Էին որումն Սկեւեայ Հրէի քահանայապետի եւթն որդի, որ զայս առնէին։ 15Պատասխանի ետ այսն չար եւ ասէ ցնոսա. ԶՅիսուս գիտեմ եւ զՊաւղոս ճանաչեմ, բայց դուք ո՞վ էք։ 16Եւ վազեաց այրն յորում էր այսն չար՝ ըմբռնեալ #19։16 Ոմանք. զնոսազերկոսեան յաղթահարեաց զնոսա, մինչեւ մերկս եւ վիրաւորս փախչել ի տանէ անտի։ 17Եւ այս յայտնի եղեւ ամենայն Հրէից եւ հեթանոսաց որ բնակեալ էին յԵփեսոս. եւ անկաւ երկեւղ յամենեսեան ի նոսա, եւ մեծանայր անուն Տեառն Յիսուսի։ 18Եւ բազումք ի հաւատացելոցն գային, եւ խոստովան լինէին եւ պատմէին զգործս իւրեանց։ 19Եւ բազումք ի կախարդասարացն բերէին զգիրսն, այրէին առաջի ամենեցուն. եւ համարեցան զգինս նոցա եւ գտանէին արծաթոյ բեւրս հինգ։
ԵԶ.
20Եւ այսպէս բանն Աստուծոյ աճէր եւ զօրանայր։
21Եւ իբրեւ կատարեցաւ այս, եդ Պաւղոս ի մտի շրջել ընդ Մակեդոնիա եւ ընդ Աքայիայ եւ գալ յԵրուսաղէմ. ասէր եթէ՝ Յետ երթալոյն իմ անդր՝ պարտ է ինձ եւ զՀռովմ տեսանել։ 22Առաքեաց ի Մակեդոնիա երկուս ի պաշտօնէիցն իւրոց, զՏիմոթէոս եւ զԵրաստոս, եւ ինքն մնաց ժամանակս ինչ յԱսիա։
23Եւ եղեւ ի ժամանակին յայնմիկ խռովութիւն ոչ սակաւ վասն ճանապարհին։ 24Իսկ Դեմետրիոս ոմն անուն արծաթագործ գործէր մեհեանս արծաթիս Արտեմիս դից, եւ տայր ճարտարացն լինել ոչ սակաւ շահ. 25որ ժողովեաց իսկ եւ զձեռագէտս արուեստին եւ ասէ. Արք, դուք ձեզէն իսկ գիտէք, զի յայսմ գործոյ է շահ մեզ։ 26Եւ տեսանէք եւ լսէք եթէ ոչ միայն զԵփեսացւոց, այլ գրեթէ զամենայն իսկ Ասիացւոց, Պաւղոսս այս հաւանեցուցեալ շրջեաց բազում ժողովս ասել թէ՝ Ոչ են աստուածք ձեռագործք։ 27Եւ ոչ միայն այս ճգնէ զմեր կողմնս գալ ի յանդիմանութիւն, այլ եւ զմեծին աստուածոյ Արտեմեայ զմեհեանն յոչինչ համարել. նա եւ քակելոց եւս իցէ մեծութիւն նորա, զոր ամենայն Ասիա եւ տիեզերք պաշտեն։ 28Եւ զայս իբրեւ լուան, լի եղեն բարկութեամբ. աղաղակէին եւ ասէին. Մեծ է Արտեմիս Եփեսացւոց։ 29Եւ լցաւ քաղաքն խռովութեամբ, դիմեցին առ հասարակ ի թէատրոնն, յափշտակեցին զԳայիոս եւ զԱրիստարքոս Մակեդոնացի, զուղղեկիցսն Պաւղոսի։ 30Բայց Պաւղոս իբրեւ կամեցաւ մտանել յամբոխն, ոչ թողին զնա աշակերտքն։ 31Ոմանք եւ յԱսիապետացն որ էին նորա բարեկամք՝ յղէին առ նա եւ աղաչէին, մի՛ տալ զանձն ի թէատրոնն։ 32Այլք այլ իմն աղաղակէին, զի էր ժողովն նոցա խռովեալ. եւ բազումք ի նոցանէ ոչ գիտէին թէ վասն ոյր ժողովեալ իցեն։ 33Եւ յամբոխէն բազմութենէ յառաջ կալան զԱղեքսանդրոս. եւ իբրեւ ածին զնա յառաջ Հրեայքն, Աղեքսանդրոս շարժեաց զձեռն եւ կամէր պատասխանի առնել ամբոխին։ 34Իբրեւ գիտացին թէ այրն Հրեայ է, միաբարբառ եղեալ յամենեցունց՝ իբրեւ ժամս երկուս աղաղակել թէ՝ Մեծ է Արտեմիս Եփեսացւոց։ 35Լռեցոյց դպրապետն զամբոխն եւ ասէ. Արք Եփեսացիք, իսկ ո՞վ է ի մարդկանէ որ ոչ գիտէ զԵփեսացւոց քաղաքս մեհենազարդ մեծին Արտեմեայ դիցն եւ Դիոպետեայ։ 36Եւ զի այդ այդպէս է անշուշտ, ձեզ պարտ է հանդարտել եւ մի՛ ինչ յանդգնութեամբ գործել։ 37Ածէք զարսդ զայդոսիկ այսր, ոչ մեհենակապուտս եւ ոչ հայհոյիչս աստուածոյն մերոյ։ 38Զի եթէ Դեմետրիոս եւ որք ընդ նմա ճարտարք ունիցին ինչ ընդ ումեք բանս, յատեան երթիցեն, եւ դատաւորք գոն, եւ ամբաստան լիցին զմիմեանց։ 39Ապա եթէ վասն այլ իրիք խնդիր իցէ, յօրինաւոր ժողովն վճարեսցի։ 40Քանզի եւ մեզ վիշտ վտանգի է ընդ կռուոյս այսր աւուր՝ առանց իրիք յանցանաց լինելոյ, զորմէ ոչ կարասցուք պատասխանի տալ վասն ժողովոյս այսորիկ։ Եւ զայս ասացեալ՝ արձակեաց զժողովսն։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018