ԳՈՐԾՔ ԱՌԱՔԵԼՈՑ Գլուխ ԺԵ
Գլուխ ԺԵ
ԴԴ.
1Եւ ոմանք իջեալ ի Հրէաստանէ ուսուցանէին զեղբարս. Եթէ ոչ թլփատիք ըստ օրինացն Մովսիսի՝ ոչ կարէք ապրել։ 2Եւ ի լինել ոչ սակաւ հակառակութեան եւ խնդրոյ Պաւղոսի եւ Բառնաբայ ընդ նոսա, եդին ելանել Պաւղոսի եւ Բառնաբայ եւ ոմանց ի նոցանէ առ առաքեալսն եւ երիցունս յԵրուսաղէմ վասն խնդրոյն այնորիկ։ 3Նոքա յուղարկեալք յեկեղեցւոյն՝ շրջեցան ընդ Փիւնիկէ եւ ընդ Սամարիա. պատմէին զդարձն հեթանոսաց, եւ առնէին ուրախութիւն մեծ ամենայն եղբարց։ 4Եւ հասեալ յԵրուսաղէմ, ընկալեալք յեկեղեցւոյն եւ յառաքելոցն եւ յերիցանց՝ պատմեցին որչափ ինչ արար ընդ նոսա Աստուած։ 5Յարեան ոմանք ի հերձուածոյն փարիսեցւոց հաւատացեալք, եւ ասէին թէ՝ Պարտ է թլփատել զդոսա, եւ պատուիրել պահել զօրէնսն Մովսիսի։
6Եւ ժողովեցան առաքեալքն եւ երիցունք տեսանել վասն բանիս այսորիկ։ 7Եւ յետ բազում խնդիր լինելոյ յոտն եկաց Պետրոս եւ ասէ ցնոսա. Արք եղբարք, դուք ինքնին գիտէք, զի յաւուրցն առաջնոց ի միջի ձերում ընտրեաց Աստուած բերանով իմով լսել հեթանոսաց բանին աւետարանի եւ հաւատալ։ 8Եւ սրտագէտն Աստուած վկայեաց նոցա, տալով նոցա զՀոգին Սուրբ որպէս եւ մեզ։ 9Եւ ոչինչ ընտրութիւն արար ի մէջ նոցա եւ մեր, հաւատովք սրբեալ զսիրտս նոցա։ 10Արդ ընդէ՞ր փորձէք զԱստուած, դնել լուծ ի վերայ պարանոցի աշակերտացն, զոր ոչ հարքն մեր եւ ոչ մեք կարացաք բառնալ։ 11Այլ շնորհօքն Տեառն Յիսուսի Քրիստոսի հաւատամք ապրել, զոր օրինակ եւ նոքա։
12Լռեաց ամենայն ժողովուրդն եւ լսէին Բառնաբայ եւ Պաւղոսի պատմելոյն, որչափ արար Աստուած նշանս եւ արուեստս ի հեթանոսս ի ձեռն նոցա։
ԴԵ.
13Եւ յետ լռելոյն նոցա պատասխանի ետ Յակովբոս եւ ասէ. Արք եղբարք, լուարուք ինձ. 14Շմաւոն պատմեաց որպէս յառաջագոյն Աստուած այց արար առնուլ ժողովուրդ ի հեթանոսաց անուան իւրոյ։ 15Եւ այնմ միաբանին բանք մարգարէիցն որպէս եւ գրեալ է. 16Յետ այսորիկ դարձայց եւ շինեցից զյարկն Դաւթի զանկեալն, եւ զկործանեալսն նորա վերստին շինեցից, եւ կանգնեցից զնա. 17որպէս զի խնդրեսցեն մնացորդք մարդկան զՏէր, եւ ամենայն հեթանոսք յորոց վերայ կոչեցեալ է անուն իմ, ասէ Տէր, որ առնէ զայս ամենայն. 18յայտնի #15։18 Ոմանք. են ի յաւիտենից Տեառն ամենայն գործք իւրէ ի յաւիտեանցն՝՝։ 19Վասն որոյ եւ ես իրաւունս համարիմ մի՛ նեղել զայնոսիկ ոյք ի հեթանոսացն դառնան առ Աստուած։ 20Այլ տալ թուղթս առ նոսա խորշել ի կերակրոց կռոց եւ ի պոռնկութենէ եւ ի մեռելոտւոյ եւ յարենէ։ 21Զի Մովսէս յազգացն առաջնոց ըստ քաղաքաց զքարոզիչսն իւր ունի՝ ի ժողովսն ըստ ամենայն շաբաթուց ընթերցեալ։
22Յայնժամ հաճոյ թուեցաւ առաքելոցն եւ երիցանցն ամենայն եկեղեցեաւն, արս ընտրեալս ի նոցանէ առաքել յԱնտիոք ընդ Պաւղոսի եւ ընդ Բառնաբայ, զՅուդա զկոչեցեալն Բարսաբա եւ զՇիղա՝ #15։22 Յոյնն. արս գլխաւորս ի մէջ եղբարց. (23) գրեալարս գլխաւորս. 23գրեալ առ եղբարս՝՝ ի ձեռն նոցա զայս ինչ.
Առաքեալք եւ երիցունք եւ եղբարք, յԱնտիոք եւ ի Սիւրիա եւ ի Կիլիկիա եղբարցդ որ ի հեթանոսացդ էք, ողջոյն։
24Քանզի լուաք թէ ոմանք իբրեւ ի մէնջ խռովեցուցին զձեզ բանիւք՝ խախտել զանձինս ձեր, ասեն. Թլփատել եւ պահել զօրէնսն, որոց ոչ հրամայեցաք, 25հաճոյ թուեցաւ մեզ միաբան ժողովելոցս, արս ընտրեալս յղել առ ձեզ ընդ սիրելիս մեր, ընդ Բառնաբայ եւ ընդ Պաւղոսի, 26արք՝ որք մատնեցին զանձինս իւրեանց վասն անուան Տեառն մերոյ Յիսուսի Քրիստոսի։ 27Արդ՝ առաքեցաք զՅուդա եւ զՇիղա, եւ նոցա ի բանից զնոյն պատմել։ 28Զի հաճոյ թուեցաւ Հոգւոյն Սրբոյ եւ մեզ մի՛ ինչ աւելի բեռն դնել ձեզ, բայց միայն ի կարեւորացս յայսոցիկ. 29ի բաց կալ ի զոհելոյ կռոց եւ յարենէ եւ ի հեղձուցելոյ եւ ի պոռնկութենէ. յորոց պահեալ զանձինս բարւոք գործէք. ողջ լերուք։
30Եւ նոքա արձակեալք իջին յԱնտիոք, եւ ժողովեալ զժողովուրդն՝ ետուն զթուղթն։ 31Եւ ընթերցեալ ուրախ եղեն ի վերայ մխիթարութեանն։ 32Յուդա եւ Շիղա, զի եւ նոքա մարգարէք էին, բանիւք բազմօք մխիթարեցին զեղբարս եւ հաստատեցին։ 33Եւ եղեալ անդ ժամանակս՝ արձակեցան խաղաղութեամբ յեղբարց #15։33 Ոմանք. առ որս առաքեցինն զնոսաառ առաքեալսն՝՝։ 34#15։34 Յոմանս պակասէԵւ հաճոյ թուեցաւ Շիղայի մնալ անդէն։՝՝ 35Բայց Պաւղոս եւ Բառնաբաս շրջէին յԱնտիոք, ուսուցանել եւ աւետարանել եւ այլովք բազմօք զբանն Տեառն։
ԴԶ.
36Իսկ յետ աւուրց ինչ ասէ Պաւղոս ցԲառնաբաս. Դարձցուք եւ շրջեսցուք զեղբարբք ըստ ամենայն քաղաքաց յորս քարոզեցաք զբանն Տեառն թէ որպէս ունիցին։ 37Բառնաբաս կամէր առնուլ եւ զՅովհաննէս զկոչեցեալն Մարկոս. 38բայց Պաւղոս աղաչէր թէ զմեկնեալն ի նոցանէ ի Պամփիւլեայ եւ զչեկեալն ընդ նոսա ի գործն մի՛ առնուլ ընդ ինքեանս։ 39Եւ եղեւ գժտութիւն՝ մինչեւ մեկնել նոցա ի միմեանց, Բառնաբայ առնուլ զՄարկոս նաւել ի Կիպրոս։ 40Եւ Պաւղոսի ընտրեալ զՇիղայ ել՝ յանձն արարեալ շնորհացն Աստուծոյ յեղբարց անտի, 41եւ շրջէր ի կողմանս Ասորւոց եւ Կիլիկեցւոց, եւ հաստատէր զեկեղեցիսն։
Currently Selected:
ԳՈՐԾՔ ԱՌԱՔԵԼՈՑ Գլուխ ԺԵ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԳՈՐԾՔ ԱՌԱՔԵԼՈՑ Գլուխ ԺԵ
Գլուխ ԺԵ
ԴԴ.
1Եւ ոմանք իջեալ ի Հրէաստանէ ուսուցանէին զեղբարս. Եթէ ոչ թլփատիք ըստ օրինացն Մովսիսի՝ ոչ կարէք ապրել։ 2Եւ ի լինել ոչ սակաւ հակառակութեան եւ խնդրոյ Պաւղոսի եւ Բառնաբայ ընդ նոսա, եդին ելանել Պաւղոսի եւ Բառնաբայ եւ ոմանց ի նոցանէ առ առաքեալսն եւ երիցունս յԵրուսաղէմ վասն խնդրոյն այնորիկ։ 3Նոքա յուղարկեալք յեկեղեցւոյն՝ շրջեցան ընդ Փիւնիկէ եւ ընդ Սամարիա. պատմէին զդարձն հեթանոսաց, եւ առնէին ուրախութիւն մեծ ամենայն եղբարց։ 4Եւ հասեալ յԵրուսաղէմ, ընկալեալք յեկեղեցւոյն եւ յառաքելոցն եւ յերիցանց՝ պատմեցին որչափ ինչ արար ընդ նոսա Աստուած։ 5Յարեան ոմանք ի հերձուածոյն փարիսեցւոց հաւատացեալք, եւ ասէին թէ՝ Պարտ է թլփատել զդոսա, եւ պատուիրել պահել զօրէնսն Մովսիսի։
6Եւ ժողովեցան առաքեալքն եւ երիցունք տեսանել վասն բանիս այսորիկ։ 7Եւ յետ բազում խնդիր լինելոյ յոտն եկաց Պետրոս եւ ասէ ցնոսա. Արք եղբարք, դուք ինքնին գիտէք, զի յաւուրցն առաջնոց ի միջի ձերում ընտրեաց Աստուած բերանով իմով լսել հեթանոսաց բանին աւետարանի եւ հաւատալ։ 8Եւ սրտագէտն Աստուած վկայեաց նոցա, տալով նոցա զՀոգին Սուրբ որպէս եւ մեզ։ 9Եւ ոչինչ ընտրութիւն արար ի մէջ նոցա եւ մեր, հաւատովք սրբեալ զսիրտս նոցա։ 10Արդ ընդէ՞ր փորձէք զԱստուած, դնել լուծ ի վերայ պարանոցի աշակերտացն, զոր ոչ հարքն մեր եւ ոչ մեք կարացաք բառնալ։ 11Այլ շնորհօքն Տեառն Յիսուսի Քրիստոսի հաւատամք ապրել, զոր օրինակ եւ նոքա։
12Լռեաց ամենայն ժողովուրդն եւ լսէին Բառնաբայ եւ Պաւղոսի պատմելոյն, որչափ արար Աստուած նշանս եւ արուեստս ի հեթանոսս ի ձեռն նոցա։
ԴԵ.
13Եւ յետ լռելոյն նոցա պատասխանի ետ Յակովբոս եւ ասէ. Արք եղբարք, լուարուք ինձ. 14Շմաւոն պատմեաց որպէս յառաջագոյն Աստուած այց արար առնուլ ժողովուրդ ի հեթանոսաց անուան իւրոյ։ 15Եւ այնմ միաբանին բանք մարգարէիցն որպէս եւ գրեալ է. 16Յետ այսորիկ դարձայց եւ շինեցից զյարկն Դաւթի զանկեալն, եւ զկործանեալսն նորա վերստին շինեցից, եւ կանգնեցից զնա. 17որպէս զի խնդրեսցեն մնացորդք մարդկան զՏէր, եւ ամենայն հեթանոսք յորոց վերայ կոչեցեալ է անուն իմ, ասէ Տէր, որ առնէ զայս ամենայն. 18յայտնի #15։18 Ոմանք. են ի յաւիտենից Տեառն ամենայն գործք իւրէ ի յաւիտեանցն՝՝։ 19Վասն որոյ եւ ես իրաւունս համարիմ մի՛ նեղել զայնոսիկ ոյք ի հեթանոսացն դառնան առ Աստուած։ 20Այլ տալ թուղթս առ նոսա խորշել ի կերակրոց կռոց եւ ի պոռնկութենէ եւ ի մեռելոտւոյ եւ յարենէ։ 21Զի Մովսէս յազգացն առաջնոց ըստ քաղաքաց զքարոզիչսն իւր ունի՝ ի ժողովսն ըստ ամենայն շաբաթուց ընթերցեալ։
22Յայնժամ հաճոյ թուեցաւ առաքելոցն եւ երիցանցն ամենայն եկեղեցեաւն, արս ընտրեալս ի նոցանէ առաքել յԱնտիոք ընդ Պաւղոսի եւ ընդ Բառնաբայ, զՅուդա զկոչեցեալն Բարսաբա եւ զՇիղա՝ #15։22 Յոյնն. արս գլխաւորս ի մէջ եղբարց. (23) գրեալարս գլխաւորս. 23գրեալ առ եղբարս՝՝ ի ձեռն նոցա զայս ինչ.
Առաքեալք եւ երիցունք եւ եղբարք, յԱնտիոք եւ ի Սիւրիա եւ ի Կիլիկիա եղբարցդ որ ի հեթանոսացդ էք, ողջոյն։
24Քանզի լուաք թէ ոմանք իբրեւ ի մէնջ խռովեցուցին զձեզ բանիւք՝ խախտել զանձինս ձեր, ասեն. Թլփատել եւ պահել զօրէնսն, որոց ոչ հրամայեցաք, 25հաճոյ թուեցաւ մեզ միաբան ժողովելոցս, արս ընտրեալս յղել առ ձեզ ընդ սիրելիս մեր, ընդ Բառնաբայ եւ ընդ Պաւղոսի, 26արք՝ որք մատնեցին զանձինս իւրեանց վասն անուան Տեառն մերոյ Յիսուսի Քրիստոսի։ 27Արդ՝ առաքեցաք զՅուդա եւ զՇիղա, եւ նոցա ի բանից զնոյն պատմել։ 28Զի հաճոյ թուեցաւ Հոգւոյն Սրբոյ եւ մեզ մի՛ ինչ աւելի բեռն դնել ձեզ, բայց միայն ի կարեւորացս յայսոցիկ. 29ի բաց կալ ի զոհելոյ կռոց եւ յարենէ եւ ի հեղձուցելոյ եւ ի պոռնկութենէ. յորոց պահեալ զանձինս բարւոք գործէք. ողջ լերուք։
30Եւ նոքա արձակեալք իջին յԱնտիոք, եւ ժողովեալ զժողովուրդն՝ ետուն զթուղթն։ 31Եւ ընթերցեալ ուրախ եղեն ի վերայ մխիթարութեանն։ 32Յուդա եւ Շիղա, զի եւ նոքա մարգարէք էին, բանիւք բազմօք մխիթարեցին զեղբարս եւ հաստատեցին։ 33Եւ եղեալ անդ ժամանակս՝ արձակեցան խաղաղութեամբ յեղբարց #15։33 Ոմանք. առ որս առաքեցինն զնոսաառ առաքեալսն՝՝։ 34#15։34 Յոմանս պակասէԵւ հաճոյ թուեցաւ Շիղայի մնալ անդէն։՝՝ 35Բայց Պաւղոս եւ Բառնաբաս շրջէին յԱնտիոք, ուսուցանել եւ աւետարանել եւ այլովք բազմօք զբանն Տեառն։
ԴԶ.
36Իսկ յետ աւուրց ինչ ասէ Պաւղոս ցԲառնաբաս. Դարձցուք եւ շրջեսցուք զեղբարբք ըստ ամենայն քաղաքաց յորս քարոզեցաք զբանն Տեառն թէ որպէս ունիցին։ 37Բառնաբաս կամէր առնուլ եւ զՅովհաննէս զկոչեցեալն Մարկոս. 38բայց Պաւղոս աղաչէր թէ զմեկնեալն ի նոցանէ ի Պամփիւլեայ եւ զչեկեալն ընդ նոսա ի գործն մի՛ առնուլ ընդ ինքեանս։ 39Եւ եղեւ գժտութիւն՝ մինչեւ մեկնել նոցա ի միմեանց, Բառնաբայ առնուլ զՄարկոս նաւել ի Կիպրոս։ 40Եւ Պաւղոսի ընտրեալ զՇիղայ ել՝ յանձն արարեալ շնորհացն Աստուծոյ յեղբարց անտի, 41եւ շրջէր ի կողմանս Ասորւոց եւ Կիլիկեցւոց, եւ հաստատէր զեկեղեցիսն։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018