ԳՈՐԾՔ ԱՌԱՔԵԼՈՑ Գլուխ ԺԴ
Գլուխ ԺԴ
1 Եւ եղեւ յԻկոնիոն ի միասին մտանել նոցա ի ժողովուրդ Հրէիցն եւ խօսել նոյնպէս, մինչեւ հաւատալ Հրէից եւ Յունաց բազմաց յոյժ։ 2Բայց անհաւան Հրեայքն յարուցին եւ չարացուցին զանձինս հեթանոսացն ի վերայ եղբարց։ 3Բազում ժամանակս շրջէին, համարձակեալք #14։3 Յոյնն. ի Տէր որ վկայէր բանի շնորհաց իւրոց, տուեալՏեառն վկայութեամբ, բանի շնորհաց իւրոց, եւ տալ՝՝ նշանս եւ արուեստս լինելոյ ի ձեռս նոցա։ 4Եւ եղեն հերձուածք բազմութեան քաղաքին, ոմանք էին ի Հրեայսն, եւ ոմանք յառաքեալսն։ 5Իբրեւ եղեւ դիմել հեթանոսացն եւ Հրէից իշխանօքն իւրեանց ի թշնամանել եւ ի քարկոծել զնոսա, 6ազդ եղեալ նոցա՝ փախեան ի քաղաքսն Լիկայոնացւոց ի Լիւստրա եւ ի Դերբէ եւ շուրջ զգաւառաւն, եւ անդ աւետարանէին։
ԴԲ.
7Եւ այր մի Լիւստրացի տկար յոտից նստէր՝ կաղ յորովայնէ մօր իւրոյ, որոյ երբեք չէր գնացեալ։ 8Սա լուաւ զխօսսն Պաւղոսի, որոյ հայեցեալ ի նա եւ տեսեալ թէ ունի հաւատս փրկութեան, 9ասէ մեծաձայն. #14։9 Ի բազումս պակասէՔեզ ասեմ յանուն Տեառն մերոյ Յիսուսի Քրիստոսի.՝՝ Յոտն կաց ի վերայ ոտից քոց ուղիղ։ Եւ վազվազէր եւ գնայր։ 10Եւ ժողովրդոցն տեսեալ զոր արարն Պաւղոս՝ բարձին զձայնս իւրեանց Լիկայոնարէն եւ ասեն. Աստուածք նմանեալք մարդկան իջին առ մեզ։ 11Եւ կոչէին զԲառնաբաս Դիոս, եւ զՊաւղոս՝ Հերմէս, քանզի նա էր առաջնորդ բանին։ 12Իսկ քուրմն Դիայ որ կայր առաջի քաղաքին, ցուլս եւ պսակս հասուցեալ ի դուռնն՝ հանդերձ բազմութեամբքն կամէր զոհել։ 13Եւ լուեալ առաքելոցն Բառնաբայ եւ Պաւղոսի, պատառեալ զհանդերձս իւրեանց՝ արտաքս վազեցին #14։13 Յոյնն. յամբոխնյամբոխէն. աղաղակէին 14եւ ասէին. Արք, զի՞նչ գործէք զայդ. մեք ձեզ նմանողք կարեօք մարդիկ եմք, աւետարանել ձեզ յայդպիսի ունայնութեանց դառնալ յԱստուած կենդանի, որ արար զերկինս եւ զերկիր եւ զծով եւ զամենայն որ ի նոսա։ 15Որ յանցեալ ազգսն թոյլ ետ ամենայն հեթանոսաց գնալ ի ճանապարհս իւրեանց։ 16Եւ սակայն ոչ եթէ առանց վկայութեան զինքն եթող՝ բարերարութեամբն տալ յերկնից ձեզ անձրեւս եւ ժամանակս պտղաբերս, լնուլ կերակրովք եւ ուրախութեամբ զսիրտս ձեր։ 17Եւ զայս ասացեալ՝ հազիւ լռեցուցանէին զժողովուրդսն ի չզոհելոյ նոցա. #14։17 Ի բազումս պակասէայլ գնալ յիւրաքանչիւր տեղիս։՝՝
ԴԳ.
18Եւ ի շրջելն նոցա եւ յուսուցանել, եկին հասին յԱնտիոքէ եւ յԻկոնիոնէ Հրեայք. #14։18 Ի բազումս պակասէեւ ի վիճել նոցա համարձակութեամբ,՝՝ պատրեցին զժողովուրդսն #14։18 Ի բազումս պակասէի բաց կալ ի նոցանէ, եւ ասէին թէ՝ Ոչինչ ճշմարտութիւն ասեն, այլ զամենայն ստեն՝՝. եւ քարկոծեալ զՊաւղոս՝ քարշեցին արտաքս քան զքաղաքն, եւ համարէին զնա մեռեալ։ 19Եւ ի պատել զնովաւ աշակերտացն՝ յարեաւ եմուտ ի քաղաքն, եւ ի վաղիւ անդր ել Բառնաբաւ հանդերձ ի Դերբէ։ 20Աւետարանեալ ի քաղաքին յայնմիկ եւ աշակերտեալ զբազումս՝ դարձան ի Լիւստրա եւ յԻկոնիոն եւ յԱնտիոքիա, 21հաստատել զանձինս աշակերտելոցն եւ մխիթարել կալ հաստատուն ի հաւատսն. եւ թէ՝ Բազում նեղութեամբք պարտ է մեզ մտանել յարքայութիւնն Աստուծոյ։ 22Ձեռնադրեցին նոցա ըստ եկեղեցւոյ՝ երիցունս, աղօթս արարեալ հանդերձ պահովք՝ յանձն արարին զնոսա Տեառն յոր հաւատացեալ էին։ 23Եւ շրջեալ ընդ Պիսիդիայ եկին ի Պամփիւլիա։ 24Եւ խօսեցեալ ի Պերգէ զբանն Տեառն՝ իջին յԱտտալիա։ 25Եւ անտի նաւարկեալ գնացին յԱնտիոք, ուստի էին յանձն արարեալ շնորհացն Աստուծոյ ի գործն զոր կատարեցին։ 26Եկեալ եւ ժողովեալ զեկեղեցին՝ պատմեցին որչափ արար Աստուած ընդ նոսա. եւ զի եբաց հեթանոսաց դուռն հաւատոց։ 27Շրջէին ժամանակս ոչ սակաւս ընդ աշակերտսն։
Currently Selected:
ԳՈՐԾՔ ԱՌԱՔԵԼՈՑ Գլուխ ԺԴ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
