ԳՈՐԾՔ ԱՌԱՔԵԼՈՑ Գլուխ Ժ
Գլուխ Ժ
ԳԱ.
1Այր մի էր ի Կեսարիա անուն Կոռնելիոս, հարիւրապետ ի գնդէ որ կոչէր Իտալացի. 2բարեպաշտօն եւ երկիւղած յԱստուծոյ ամենայն տամբ իւրով, առնէր ողորմութիւնս բազումս ի ժողովրդեանն, եւ յաղօթս կայր առ Աստուած յամենայն ժամ։ 3Ետես ի տեսլեան յայտնապէս զիններորդ ժամու աւուրն զհրեշտակ Աստուծոյ, զի մտանէր առ նա եւ ասէր ցնա. Կոռնելիէ։ 4Եւ նա հայեցեալ ընդ նա՝ զարհուրեցաւ եւ ասէ. Զի՞ է, Տէր։ Եւ ասէ ցնա. Աղօթք քո եւ ողորմութիւնք քո ելին յիշատակաւ առաջի Աստուծոյ։ 5Եւ արդ յղեա արս ի Յոպպէ եւ կոչեա զՍիմովն զոմն որ կոչի Պետրոս. 6նա մտեալ է առ Սիմովնի ումեմն խաղախորդի, որոյ է տունն մերձ ի ծով#10։6 Ոմանք յաւելուն. նա խօսեսցի քեզ զինչ պարտ իցէ քեզ առնել։ 7Եւ իբրեւ գնաց հրեշտակն որ խօսէր ընդ նմա, կոչեաց երկուս ի ծառայիցն եւ զինուոր մի բարեպաշտօն ի սպասաւորացն իւրոց, 8եւ պատմեալ նոցա զամենայն՝ առաքեաց զնոսա ի Յոպպէ։
9Եւ ի վաղիւ անդր ի ճանապարհ անկանել նոցա եւ մօտ ի քաղաքն լինել, ել Պետրոս ի տանիսն կալ յաղօթս զվեցերորդ ժամուն։ 10Քաղցեաւ եւ կամէր ճաշակել. եւ ի պատրաստելն նոցա՝ եղեւ ի վերայ նորա զարմացումն։ 11Եւ տեսանէ զերկինս բացեալ, եւ զչորեցունց տտնոց կախեալ անօթ ինչ իբրեւ զկտաւոյ մեծի, իջեալ նստեալ ի վերայ երկրի. 12յորում էին ամենայն #10։12 Ոմանք. չորքոտանիք երկրի եւ գազանք եւ սողունքչորքոտանիք եւ սողունք երկրի՝՝ եւ թռչունք երկնից։ 13Եւ եղեւ ձայն առ նա. Արի, Պետրոս, զեն եւ կեր։ 14Եւ Պետրոս ասէ. Քաւ լիցի, Տէր, զի ոչ երբեք կերայ խառնակ ինչ եւ անսուրբ։ 15Ձայն եղեւ կրկին անգամ առ նա. Զոր Աստուած սրբեաց՝ դու մի՛ պղծեր։ 16Այս եղեւ երկիցս, եւ վերացաւ անօթն յերկինս։ 17Եւ մինչդեռ զարմացեալ էր ընդ միտս Պետրոս թէ զի՛նչ իցէ տեսիլն զոր ետես, ահա արքն առաքեալք ի Կոռնելեայ հարցին զապարանիցն Սիմովնի, կացին առ դրանն. 18կոչեցին եւ հարցանէին, եթէ Սիմովն որ կոչի Պետրոս աստ մտեա՞լ իցէ։ 19Եւ մինչդեռ Պետրոս զմտաւ ածէր վասն տեսլեանն, ասէ Հոգին ցնա. Ահաւասիկ #10։19 Բազումք. արք երեքարք ոմանք՝՝ խնդրեն զքեզ։ 20Այլ արի էջ եւ երթ ընդ նոսա առանց իրիք խղճելոյ, զի ես առաքեցի զնոսա։ 21Եւ իբրեւ էջ Պետրոս առ նոսա, ասէ. Ահաւասիկ ես եմ զոր խնդրէքն. զի՞նչ իրք են վասն որոյ եկիքդ։ 22Եւ նոքա ասեն. Կոռնելիոս հարիւրապետ, այր արդար եւ երկիւղած յԱստուծոյ, վկայեալ յամենայն ազգէն Հրէից, հրաման առ ի հրեշտակէ սրբոյ կոչել զքեզ ի տուն իւր եւ լսել բանս ի քէն։ 23Կոչեաց զնոսա ի ներքս եւ առ իւր ագոյց։
Եւ ի վաղիւ անդր յարուցեալ Պետրոս գնաց ընդ նոսա, եւ ոմանք յեղբարց անտի որ ի Յոպպէ էին՝ եկին ընդ նմա։
24Եւ ի վաղիւ անդր մտին ի Կեսարիա. եւ Կոռնելիոս մնայր նոցա, կոչեցեալ զազգատոհմն իւր եւ զկարեւոր բարեկամսն։
ԳԲ.
25Եւ եղեւ ի մտանելն Պետրոսի՝ ընդ առաջ եղեւ նմա Կոռնելիոս, անկեալ առ ոտսն երկիր պագանէր։ 26Եւ Պետրոս կանգնեաց զնա եւ ասէ. Յոտն կաց, եւ ես ինքն մարդ եմ։ 27Եւ խօսելով ընդ նմա եմուտ ի ներքս. եւ գտանէր անդ ժողովեալ զբազումս։ 28Եւ ասէ ցնոսա. Դուք ինքնին գիտէք ո՛րպէս անմարթ է առն Հրէի հպել կամ մերձենալ առ այլազգի. եւ ինձ Աստուած եցոյց մի՛ զոք խառնակ կամ անսուրբ ասել ի մարդկանէ։ 29Վասն այսորիկ եւ առանց ընդ բանս ինչ ածելոյ եկի կոչեցեալ. բայց արդ հարցանեմ. Յի՞նչ պէտս կոչեցէք զիս։ 30Եւ Կոռնելիոս ասէ. Յառաջ քան զչորս աւուրս մինչ ցայս #10։30 Ոմանք. ժամ պահէի եւժամ կայի յաղօթս յինն ժամն ի տան իմում. եւ ահա այր մի եկն եկաց առաջի իմ ի հանդերձս սպիտակս, եւ ասէ. 31Կոռնելիէ, լսելի եղեն աղօթք քո, եւ ողորմութիւնք քո յիշեցան առաջի Աստուծոյ. 32եւ արդ յղեա ի Յոպպէ եւ կոչեա զՍիմովն որ կոչեցեալն է Պետրոս. սա մտեալ է ի տուն Սիմոնվի որումն խաղախորդի մերձ ի ծովն. #10։32 Յոմանս պակասէոր եկեսցէ եւ խօսեսցի ընդ քեզ։՝՝ 33Եւ ես իսկ եւ իսկ յղեցի առ քեզ, դու բարւոք արարեր զի եկիր. արդ ամենեքին մեք առաջի Աստուծոյ կամք լսել զամենայն, որ հրամայեալ է քեզ ի Տեառնէ։
34Եբաց Պետրոս զբերան իւր եւ ասէ. Ճշմարտութեամբ հասեալ եմ, զի ոչ գոյ ակնառութիւն առ ի յԱստուծոյ. 35այլ յամենայն ազգս որ երկնչին ի նմանէ եւ գործէ զարդարութիւն, ընդունելի է նմա։ 36#10։36 Ոմանք. Զբանն զորԶբանն առաքեաց որդւոցն Իսրայելի աւետարանել զխաղաղութիւն ի ձեռն Յիսուսի Քրիստոսի. (սա է ամենայնի Տէր.) 37դուք ինքնին գիտէք զբանն որ եղեւ ընդ ամենայն Հրէաստան սկսեալ ի Գալիլէէ, յետ մկրտութեանն զոր քարոզեաց Յովհաննէս. 38զՅիսուս որ ի Նազարեթէ, զոր օծն Աստուած Հոգւով Սրբով եւ զօրութեամբ, որ շրջեցաւ բարի առնել եւ բժշկել զամենայն ըմբռնեալսն ի Սատանայէ, զի Աստուած էր ընդ նմա։ 39Եւ մեք վկայ եմք ամենայնի զոր արար յերկրին Հրէաստանի եւ յԵրուսաղէմ. զոր եւ սպանին կախեալ զփայտէ։ 40Զնա Աստուած յարոյց յերրորդ աւուր, եւ ետ նմա յայտնի լինել, 41ոչ ամենայն ժողովրդեանն, այլ մեզ վկայիցս յառաջագոյն ընտրելոցս յԱստուծոյ, որք եւ կերաք եւ արբաք ընդ նմա յետ յարութեան նորա ի մեռելոց։ 42Եւ պատուիրեաց մեզ քարոզել ժողովրդեանն եւ վկայութիւն դնել, թէ նա է սահմանեալն յԱստուծոյ դատաւոր կենդանեաց եւ մեռելոց։ 43Նմա ամենայն մարգարէք վկայեն, թողութիւն մեղաց առնուլ անուամբ նորա ամենայն հաւատացելոց ի նա։
44Եւ մինչդեռ խօսէր Պետրոս զբանս զայս, հանգեաւ Հոգին Սուրբ ի վերայ ամենեցուն որ լսէին զբանն։ 45Զարմացան որք ի թլփատութենէ անտի հաւատացեալք եկեալ էին ընդ Պետրոսի, զի եւ ի հեթանոսս պարգեւք Հոգւոյն Սրբոյ զեղուին։ 46Քանզի լսէին ի նոցանէ խօսել լեզուս եւ մեծացուցանել զԱստուած։ 47Յայնժամ պատասխանի ետ Պետրոս. Միթէ զջուրն ոք արգելուլ կարէ՞ առ ի չմկրտելոյ զսոսա, որք եւ զՀոգին Սուրբ ընկալան որպէս եւ մեք։ 48Եւ հրամայեաց նոցա մկրտել յանուն #10։48 Ոմանք. ՏեառնՅիսուսի Քրիստոսի՝՝. յայնժամ աղաչեցին զնա լինել անդ աւուրս ինչ։
Currently Selected:
ԳՈՐԾՔ ԱՌԱՔԵԼՈՑ Գլուխ Ժ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԳՈՐԾՔ ԱՌԱՔԵԼՈՑ Գլուխ Ժ
Գլուխ Ժ
ԳԱ.
1Այր մի էր ի Կեսարիա անուն Կոռնելիոս, հարիւրապետ ի գնդէ որ կոչէր Իտալացի. 2բարեպաշտօն եւ երկիւղած յԱստուծոյ ամենայն տամբ իւրով, առնէր ողորմութիւնս բազումս ի ժողովրդեանն, եւ յաղօթս կայր առ Աստուած յամենայն ժամ։ 3Ետես ի տեսլեան յայտնապէս զիններորդ ժամու աւուրն զհրեշտակ Աստուծոյ, զի մտանէր առ նա եւ ասէր ցնա. Կոռնելիէ։ 4Եւ նա հայեցեալ ընդ նա՝ զարհուրեցաւ եւ ասէ. Զի՞ է, Տէր։ Եւ ասէ ցնա. Աղօթք քո եւ ողորմութիւնք քո ելին յիշատակաւ առաջի Աստուծոյ։ 5Եւ արդ յղեա արս ի Յոպպէ եւ կոչեա զՍիմովն զոմն որ կոչի Պետրոս. 6նա մտեալ է առ Սիմովնի ումեմն խաղախորդի, որոյ է տունն մերձ ի ծով#10։6 Ոմանք յաւելուն. նա խօսեսցի քեզ զինչ պարտ իցէ քեզ առնել։ 7Եւ իբրեւ գնաց հրեշտակն որ խօսէր ընդ նմա, կոչեաց երկուս ի ծառայիցն եւ զինուոր մի բարեպաշտօն ի սպասաւորացն իւրոց, 8եւ պատմեալ նոցա զամենայն՝ առաքեաց զնոսա ի Յոպպէ։
9Եւ ի վաղիւ անդր ի ճանապարհ անկանել նոցա եւ մօտ ի քաղաքն լինել, ել Պետրոս ի տանիսն կալ յաղօթս զվեցերորդ ժամուն։ 10Քաղցեաւ եւ կամէր ճաշակել. եւ ի պատրաստելն նոցա՝ եղեւ ի վերայ նորա զարմացումն։ 11Եւ տեսանէ զերկինս բացեալ, եւ զչորեցունց տտնոց կախեալ անօթ ինչ իբրեւ զկտաւոյ մեծի, իջեալ նստեալ ի վերայ երկրի. 12յորում էին ամենայն #10։12 Ոմանք. չորքոտանիք երկրի եւ գազանք եւ սողունքչորքոտանիք եւ սողունք երկրի՝՝ եւ թռչունք երկնից։ 13Եւ եղեւ ձայն առ նա. Արի, Պետրոս, զեն եւ կեր։ 14Եւ Պետրոս ասէ. Քաւ լիցի, Տէր, զի ոչ երբեք կերայ խառնակ ինչ եւ անսուրբ։ 15Ձայն եղեւ կրկին անգամ առ նա. Զոր Աստուած սրբեաց՝ դու մի՛ պղծեր։ 16Այս եղեւ երկիցս, եւ վերացաւ անօթն յերկինս։ 17Եւ մինչդեռ զարմացեալ էր ընդ միտս Պետրոս թէ զի՛նչ իցէ տեսիլն զոր ետես, ահա արքն առաքեալք ի Կոռնելեայ հարցին զապարանիցն Սիմովնի, կացին առ դրանն. 18կոչեցին եւ հարցանէին, եթէ Սիմովն որ կոչի Պետրոս աստ մտեա՞լ իցէ։ 19Եւ մինչդեռ Պետրոս զմտաւ ածէր վասն տեսլեանն, ասէ Հոգին ցնա. Ահաւասիկ #10։19 Բազումք. արք երեքարք ոմանք՝՝ խնդրեն զքեզ։ 20Այլ արի էջ եւ երթ ընդ նոսա առանց իրիք խղճելոյ, զի ես առաքեցի զնոսա։ 21Եւ իբրեւ էջ Պետրոս առ նոսա, ասէ. Ահաւասիկ ես եմ զոր խնդրէքն. զի՞նչ իրք են վասն որոյ եկիքդ։ 22Եւ նոքա ասեն. Կոռնելիոս հարիւրապետ, այր արդար եւ երկիւղած յԱստուծոյ, վկայեալ յամենայն ազգէն Հրէից, հրաման առ ի հրեշտակէ սրբոյ կոչել զքեզ ի տուն իւր եւ լսել բանս ի քէն։ 23Կոչեաց զնոսա ի ներքս եւ առ իւր ագոյց։
Եւ ի վաղիւ անդր յարուցեալ Պետրոս գնաց ընդ նոսա, եւ ոմանք յեղբարց անտի որ ի Յոպպէ էին՝ եկին ընդ նմա։
24Եւ ի վաղիւ անդր մտին ի Կեսարիա. եւ Կոռնելիոս մնայր նոցա, կոչեցեալ զազգատոհմն իւր եւ զկարեւոր բարեկամսն։
ԳԲ.
25Եւ եղեւ ի մտանելն Պետրոսի՝ ընդ առաջ եղեւ նմա Կոռնելիոս, անկեալ առ ոտսն երկիր պագանէր։ 26Եւ Պետրոս կանգնեաց զնա եւ ասէ. Յոտն կաց, եւ ես ինքն մարդ եմ։ 27Եւ խօսելով ընդ նմա եմուտ ի ներքս. եւ գտանէր անդ ժողովեալ զբազումս։ 28Եւ ասէ ցնոսա. Դուք ինքնին գիտէք ո՛րպէս անմարթ է առն Հրէի հպել կամ մերձենալ առ այլազգի. եւ ինձ Աստուած եցոյց մի՛ զոք խառնակ կամ անսուրբ ասել ի մարդկանէ։ 29Վասն այսորիկ եւ առանց ընդ բանս ինչ ածելոյ եկի կոչեցեալ. բայց արդ հարցանեմ. Յի՞նչ պէտս կոչեցէք զիս։ 30Եւ Կոռնելիոս ասէ. Յառաջ քան զչորս աւուրս մինչ ցայս #10։30 Ոմանք. ժամ պահէի եւժամ կայի յաղօթս յինն ժամն ի տան իմում. եւ ահա այր մի եկն եկաց առաջի իմ ի հանդերձս սպիտակս, եւ ասէ. 31Կոռնելիէ, լսելի եղեն աղօթք քո, եւ ողորմութիւնք քո յիշեցան առաջի Աստուծոյ. 32եւ արդ յղեա ի Յոպպէ եւ կոչեա զՍիմովն որ կոչեցեալն է Պետրոս. սա մտեալ է ի տուն Սիմոնվի որումն խաղախորդի մերձ ի ծովն. #10։32 Յոմանս պակասէոր եկեսցէ եւ խօսեսցի ընդ քեզ։՝՝ 33Եւ ես իսկ եւ իսկ յղեցի առ քեզ, դու բարւոք արարեր զի եկիր. արդ ամենեքին մեք առաջի Աստուծոյ կամք լսել զամենայն, որ հրամայեալ է քեզ ի Տեառնէ։
34Եբաց Պետրոս զբերան իւր եւ ասէ. Ճշմարտութեամբ հասեալ եմ, զի ոչ գոյ ակնառութիւն առ ի յԱստուծոյ. 35այլ յամենայն ազգս որ երկնչին ի նմանէ եւ գործէ զարդարութիւն, ընդունելի է նմա։ 36#10։36 Ոմանք. Զբանն զորԶբանն առաքեաց որդւոցն Իսրայելի աւետարանել զխաղաղութիւն ի ձեռն Յիսուսի Քրիստոսի. (սա է ամենայնի Տէր.) 37դուք ինքնին գիտէք զբանն որ եղեւ ընդ ամենայն Հրէաստան սկսեալ ի Գալիլէէ, յետ մկրտութեանն զոր քարոզեաց Յովհաննէս. 38զՅիսուս որ ի Նազարեթէ, զոր օծն Աստուած Հոգւով Սրբով եւ զօրութեամբ, որ շրջեցաւ բարի առնել եւ բժշկել զամենայն ըմբռնեալսն ի Սատանայէ, զի Աստուած էր ընդ նմա։ 39Եւ մեք վկայ եմք ամենայնի զոր արար յերկրին Հրէաստանի եւ յԵրուսաղէմ. զոր եւ սպանին կախեալ զփայտէ։ 40Զնա Աստուած յարոյց յերրորդ աւուր, եւ ետ նմա յայտնի լինել, 41ոչ ամենայն ժողովրդեանն, այլ մեզ վկայիցս յառաջագոյն ընտրելոցս յԱստուծոյ, որք եւ կերաք եւ արբաք ընդ նմա յետ յարութեան նորա ի մեռելոց։ 42Եւ պատուիրեաց մեզ քարոզել ժողովրդեանն եւ վկայութիւն դնել, թէ նա է սահմանեալն յԱստուծոյ դատաւոր կենդանեաց եւ մեռելոց։ 43Նմա ամենայն մարգարէք վկայեն, թողութիւն մեղաց առնուլ անուամբ նորա ամենայն հաւատացելոց ի նա։
44Եւ մինչդեռ խօսէր Պետրոս զբանս զայս, հանգեաւ Հոգին Սուրբ ի վերայ ամենեցուն որ լսէին զբանն։ 45Զարմացան որք ի թլփատութենէ անտի հաւատացեալք եկեալ էին ընդ Պետրոսի, զի եւ ի հեթանոսս պարգեւք Հոգւոյն Սրբոյ զեղուին։ 46Քանզի լսէին ի նոցանէ խօսել լեզուս եւ մեծացուցանել զԱստուած։ 47Յայնժամ պատասխանի ետ Պետրոս. Միթէ զջուրն ոք արգելուլ կարէ՞ առ ի չմկրտելոյ զսոսա, որք եւ զՀոգին Սուրբ ընկալան որպէս եւ մեք։ 48Եւ հրամայեաց նոցա մկրտել յանուն #10։48 Ոմանք. ՏեառնՅիսուսի Քրիստոսի՝՝. յայնժամ աղաչեցին զնա լինել անդ աւուրս ինչ։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018