ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ Գլուխ Ա
Գլուխ Ա
ԳԿ.
1Պաւղոս, առաքեալ Յիսուսի Քրիստոսի կամօքն Աստուծոյ, ըստ աւետեաց կենացն որ ի Քրիստոս Յիսուս, 2Տիմոթեայ որդւոյ սիրելւոյ շնորհք, ողորմութիւն եւ խաղաղութիւն յԱստուծոյ Հօրէ եւ ի Քրիստոսէ Յիսուսէ Տեառնէ մերմէ։
3Շնորհ ունիմ Աստուծոյ զոր պաշտեմն ի նախնեաց մտօք սրբովք, իբրեւ զի անպակաս ունիմ զքէն յիշատակ յաղօթս իմ զցայգ եւ զցերեկ. 4ցանկացեալ եմ տեսանել զքեզ՝ յիշատակեալ զարտասուսն քո, զի լցայց ուրախութեամբ. 5զմտաւ ածեալ զանխիղճ հաւատսն որ են ի քեզ, որ յառաջագոյն բնակեցաւ ի հանոյ քում Լաւոդեայ, եւ ի մօր քում Եւնիկեայ. հաստատեալ եմ թէ եւ ի քեզ է։ 6Վասն որոյ յիշեցուցանեմ քեզ արծարծել զշնորհսն Աստուծոյ որ են ի քեզ ի ձեռնադրութենէ իմմէ։ 7Զի ոչ ետ մեզ Աստուած հոգի վհատութեան, այլ զօրութեան եւ սիրոյ եւ զգաստութեան։ 8Մի՛ այսուհետեւ ամօթ համարիցիս զվկայութիւն Տեառն մերոյ, եւ մի՛ զիս զկապեալ նորա. այլ կցորդ լեր չարչարանաց աւետարանին ըստ զօրութեանն Աստուծոյ. 9որ փրկեացն զմեզ եւ կոչեաց ի կոչումն սուրբ, ոչ ըստ գործոց մերոց, այլ ըստ իւրում յառաջադրութեանն եւ շնորհաց, որ տուաւ մեզ ի Քրիստոս Յիսուս յառաջ քան զժամանակսն յաւիտենից։
ԳԴ.
10Բայց յայտնեցաւ այժմիկ յերեւել Փրկչին մերոյ Յիսուսի Քրիստոսի. որ խափանեաց զմահ եւ լուսաւոր արար զկեանս եւ զանեղծութիւն ի ձեռն աւետարանին. 11որոյ եդայ ես քարոզ եւ առաքեալ եւ վարդապետ հեթանոսաց։ 12Վասն որոյ եւ զայս չարչարանս կրեմ, այլ ոչինչ ամօթ համարիմ, քանզի գիտեմ յո հաւատացեալն եմ, եւ հաստատեալ եմ թէ կարող է զաւանդն իմ պահել յօրն յայն։ 13Ունիցիս օրինակ ողջմտութեան բանիցն զորս յինէն լուար, հաւատովք եւ սիրով որ ի Քրիստոս Յիսուս։ 14Զբարւոք աւանդն պահեսջիր ի ձեռն Հոգւոյն Սրբոյ ի մեզ բնակելոյ։
15Զայս գիտասջիր զի մեկնեցան ի մէնջ ամենեքին որ էին յԱսիա, որոց սակի են Փիգեղոս եւ Հերմոգենէս։ 16Տացէ Աստուած ողորմութիւն տանն Ոնեսիփորայ, զի բազում անգամ հանգոյց զիս, եւ զկապանս իմ ոչ ամօթ համարեցաւ. 17այլ իբրեւ եկն ի Հռովմ, պնդագոյնս խնդրեաց զիս եւ եգիտ. 18(տացէ նմա Տէր ողորմութիւն գտանել ի Տեառնէ յաւուրն յայնմիկ.) եւ որչափ ինչ միանգամ յԵփեսոս սպաս կալաւ #1։18 Ի բազումս պակասէինձ՝ զայն դու ինքնին քաջ գիտես։
Currently Selected:
ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ Գլուխ Ա: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ Գլուխ Ա
Գլուխ Ա
ԳԿ.
1Պաւղոս, առաքեալ Յիսուսի Քրիստոսի կամօքն Աստուծոյ, ըստ աւետեաց կենացն որ ի Քրիստոս Յիսուս, 2Տիմոթեայ որդւոյ սիրելւոյ շնորհք, ողորմութիւն եւ խաղաղութիւն յԱստուծոյ Հօրէ եւ ի Քրիստոսէ Յիսուսէ Տեառնէ մերմէ։
3Շնորհ ունիմ Աստուծոյ զոր պաշտեմն ի նախնեաց մտօք սրբովք, իբրեւ զի անպակաս ունիմ զքէն յիշատակ յաղօթս իմ զցայգ եւ զցերեկ. 4ցանկացեալ եմ տեսանել զքեզ՝ յիշատակեալ զարտասուսն քո, զի լցայց ուրախութեամբ. 5զմտաւ ածեալ զանխիղճ հաւատսն որ են ի քեզ, որ յառաջագոյն բնակեցաւ ի հանոյ քում Լաւոդեայ, եւ ի մօր քում Եւնիկեայ. հաստատեալ եմ թէ եւ ի քեզ է։ 6Վասն որոյ յիշեցուցանեմ քեզ արծարծել զշնորհսն Աստուծոյ որ են ի քեզ ի ձեռնադրութենէ իմմէ։ 7Զի ոչ ետ մեզ Աստուած հոգի վհատութեան, այլ զօրութեան եւ սիրոյ եւ զգաստութեան։ 8Մի՛ այսուհետեւ ամօթ համարիցիս զվկայութիւն Տեառն մերոյ, եւ մի՛ զիս զկապեալ նորա. այլ կցորդ լեր չարչարանաց աւետարանին ըստ զօրութեանն Աստուծոյ. 9որ փրկեացն զմեզ եւ կոչեաց ի կոչումն սուրբ, ոչ ըստ գործոց մերոց, այլ ըստ իւրում յառաջադրութեանն եւ շնորհաց, որ տուաւ մեզ ի Քրիստոս Յիսուս յառաջ քան զժամանակսն յաւիտենից։
ԳԴ.
10Բայց յայտնեցաւ այժմիկ յերեւել Փրկչին մերոյ Յիսուսի Քրիստոսի. որ խափանեաց զմահ եւ լուսաւոր արար զկեանս եւ զանեղծութիւն ի ձեռն աւետարանին. 11որոյ եդայ ես քարոզ եւ առաքեալ եւ վարդապետ հեթանոսաց։ 12Վասն որոյ եւ զայս չարչարանս կրեմ, այլ ոչինչ ամօթ համարիմ, քանզի գիտեմ յո հաւատացեալն եմ, եւ հաստատեալ եմ թէ կարող է զաւանդն իմ պահել յօրն յայն։ 13Ունիցիս օրինակ ողջմտութեան բանիցն զորս յինէն լուար, հաւատովք եւ սիրով որ ի Քրիստոս Յիսուս։ 14Զբարւոք աւանդն պահեսջիր ի ձեռն Հոգւոյն Սրբոյ ի մեզ բնակելոյ։
15Զայս գիտասջիր զի մեկնեցան ի մէնջ ամենեքին որ էին յԱսիա, որոց սակի են Փիգեղոս եւ Հերմոգենէս։ 16Տացէ Աստուած ողորմութիւն տանն Ոնեսիփորայ, զի բազում անգամ հանգոյց զիս, եւ զկապանս իմ ոչ ամօթ համարեցաւ. 17այլ իբրեւ եկն ի Հռովմ, պնդագոյնս խնդրեաց զիս եւ եգիտ. 18(տացէ նմա Տէր ողորմութիւն գտանել ի Տեառնէ յաւուրն յայնմիկ.) եւ որչափ ինչ միանգամ յԵփեսոս սպաս կալաւ #1։18 Ի բազումս պակասէինձ՝ զայն դու ինքնին քաջ գիտես։
Currently Selected:
:
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018