ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ Գլուխ Ե
Գլուխ Ե
1 Քանզի գիտեմք զի եթէ երկրաւոր տաճար շինուածոյս մերոյ քակտեսցի, շինած յԱստուծոյ ունիմք՝ տաճար առանց ձեռագործի յաւիտենական, յերկինս։ 2Եւ ընդ այս տաղտկամք, քանզի զբնակութիւնն երկնից փափագեմք զգենուլ. 3միայն թէ յորժամ զգենուցումքն՝ ոչ մերկ գտանիցիմք։ 4Քանզի որ եմք ընդ յարկաւս ընդ այսուիկ՝ տաղտկամք ծանրացեալք. զի ոչ կամիմք մերկանալ, այլ զայն ի վերայ այսր զգենուլ, զի ընկղմեսցի մահկանացուս ի կենաց անտի։ 5Այլ որ յաջողէն մեզ ի սոյն՝ Աստուած է, որ ետ մեզ զառհաւատչեայ Հոգւոյն։
ԳԶ.
6Արդ համարձակիմք յամենայն ժամ, եւ գիտեմք եթէ որչափ յամեմք ի մարմնի աստ, օտարանամք ի Տեառնէ։ 7(Զի հաւատովք գնամք եւ ոչ կարծեօք.) 8այլ համարձակիմք, եւ առաւել եւս հաճեալ եմք ելանել ի մարմնոյ աստի եւ մտանել առ #5։8 Բազումք. ՏէրԱստուած։ 9Վասն որոյ եւ առատանամք, զի եթէ՛ յամիցեմք եւ եթէ՛ ելանիցեմք, հաճոյ եւեթ իցեմք նմա։ 10Քանզի ամենեցուն մեզ յանդիման լինել կայ առաջի ատենին Քրիստոսի, զի ընկալցի #5։10 Յոյնն. իւրաքանչիւր ըստ որոց գործեացն իւրով մարմնովիւրաքանչիւր իւրով մարմնով զոր ինչ գործեաց յառաջ՝՝ եթէ՛ բարի եւ եթէ՛ չար։
11Իսկ արդ զահ Տեառն գիտելով չափ՝ զմարդկան ինչ զմիտս հաճեմք. սակայն առաջի Աստուծոյ #5։11 Յոյնն. յայտնիյայտնելոց եմք. բայց ես յուսամ եւ ի ձեր միտս յայտնի լինել։ 12Իբր ոչ եթէ միւսանգամ զանձինս ինչ ընծայեցուցանեմք ձեզ, այլ պատճառս տամք ձեզ պարծանաց վասն մեր. զի ունիցիք առ այնոսիկ որ առ աչսն պարծիցին եւ ոչ սրտիւք։ 13Զի եթէ առանցաք ինչ՝ այն Աստուծոյ է. եւ եթէ զգաստանամք՝ այն ձեր է. 14զի սէրն Քրիստոսի ստիպէ զմեզ. #5։14 Յոյնն. դատիմքքննել զայս, զի եթէ մին փոխանակ ամենեցուն մեռաւ, ապա ուրեմն ամենեքեան մեռեալ էին. 15եւ ի վերայ ամենեցուն մեռաւ, զի որ կենդանիքն իցեն՝ մի՛ անձանց իցեն կենդանիք, այլ այնմ որ ի վերայ նոցայն մեռաւ եւ յարեաւ։ 16Այսուհետեւ մեք ոչ զոք գիտեմք մարմնով. զի թէպէտ եւ գիտէաք մարմնով զՔրիստոս, այլ արդ ոչ եւս նոյնպէս գիտեմք։ 17Բայց եթէ #5։17 Յոյնն. ոքինչ ի Քրիստոս, նոր արարած իցէ. զի հինն անց, եւ արդ նոր եղեւ #5։17 Յոմանս պակասէամենայն։ 18Այլ ամենայն ինչ յԱստուծոյ որ հաշտեցոյցն զմեզ ընդ իւր ի ձեռն #5։18 Ոմանք. Յիսուսի ՔրիստոսիՔրիստոսի, եւ ետ մեզ զպաշտօնն հաշտութեան։ ՎՋ
19Եւ քանզի Աստուած էր #5։19 Յոյնն. որ Քրիստոսիւ զաշխարհս հաշտեցոյց ընդ իւր, եւ չհամարեցաւՔրիստոսիւ զաշխարհս հաշտեցուցանել ընդ իւր, եւ չհամարել՝՝ նոցա զմեղս իւրեանց, եւ եդ ի մեզ զբանն հաշտութեան։ 20Արդ վասն Քրիստոսի պատգամաւորիմք, որպէս եւ Աստուծոյ բարեխօսութեամբ մեւք. աղաչեմք վասն Քրիստոսի հաշտեցարուք ընդ Աստուծոյ։ 21Զի զայն որ ոչն գիտէր զմեղս՝ վասն մեր մեղս արար, զի մեք եղիցուք նովաւ արդարութիւն Աստուծոյ։
Currently Selected:
ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ Գլուխ Ե: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
