ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ Գլուխ Ա
Գլուխ Ա
ԱԿ.
1Պաւղոս, առաքեալ Յիսուսի Քրիստոսի ըստ հրամանի Փրկչին մերոյ Աստուծոյ եւ Քրիստոսի Յիսուսի յուսոյն մերոյ. 2Տիմոթեայ, որդւոյ սիրելւոյ հաւատովք, շնորհք, ողորմութիւն, խաղաղութիւն յԱստուծոյ Հօրէ եւ ի Տեառնէ մերմէ Յիսուսէ Քրիստոսէ։
3Որպէս աղաչեցի զքեզ կալ յԵփեսոս, մինչ երթայի ի Մակեդոնիա, զի պատուէր տացես ոմանց չլինել օտարուսմունս, 4եւ չհայել յառասպելս եւ ի տոհմաթիւս անչափս. որ մանաւանդ խնդիրս յուզեն, եւ ոչ #1։4 Ոմանք. զշինութիւնզտնտեսութիւն Աստուծոյ հաւատովք։ 5Քանզի գլուխ պատուիրանին սէր է, ի սուրբ սրտէ եւ ի մտաց բարեաց եւ յանկեղծաւոր հաւատոց. 6յորոց ոմանք վրիպեցան՝ խոտորեալք յունայնութիւն բանից. 7կամին լինել վարդապետք օրինաց, ինքեանք ոչ իմանան զինչ խօսին, եւ ոչ վասն որոց պնդեալն են։ 8Գիտեմք եթէ բարւոք են օրէնք, եթէ ոք զնոսա օրինօք կրեսցէ։ 9Բայց զայս գիտասցէ, զի ի վերայ արդարոց օրէնք ոչ կան, այլ ի վերայ անօրինաց եւ անհնազանդից, ամբարշտաց եւ մեղաւորաց, անսրբոց եւ պղծոց, զհայր եւ զմայր #1։9 Յոյնն. հարկանողացանարգողաց, մարդասպանաց, 10պոռնկաց, արուագիտաց, մարդելուզաց, ստոց, ստերդմանց, եւ եթէ այլ ինչ իցէ հակառակ ողջամիտ վարդապետութեանս, 11որ ըստ աւետարանի փառաց երանելւոյն Աստուծոյ է, որում եղէ ես հաւատարիմ։ ՎՋ
12Շնորհ ունիմ այնմիկ որ զօրացոյցն զիս, #1։12 Յոյնն. Քրիստոսի Յիսուսի Տեառն մերումի Քրիստոս Յիսուս ի Տէր մեր՝՝, զի հաւատարիմ համարեցաւ կարգել ի սպասաւորութիւն. 13որ յառաջագոյն հայհոյիչն էի եւ հալածիչ եւ թշնամանիչ, այլ գտի ողորմութիւն, զի զայն յանգիտութեան եւ յանհաւանութեան գործէի. 14եւ առաւել եղեն շնորհք Տեառն մերոյ հաւատովքն եւ սիրով որ ի Քրիստոս Յիսուս։ 15Հաւատարիմ է բանս եւ ամենայն ընդունելութեան արժանի է, զի Քրիստոս Յիսուս եկն յաշխարհ փրկել զմեղաւորս որոց գլուխն ես եմ։ 16Այլ վասն այնորիկ գտի ողորմութիւն, զի նախ յիս եցոյց Յիսուս Քրիստոս զամենայն երկայնմտութիւն յօրինակ այնոցիկ որ հաւատալոցն իցեն ի նա ի կեանսն յաւիտենից։ 17Այլ Թագաւորին յաւիտենից, անեղծի եւ աներեւութի, #1։17 Ոմանք. միայնոյ իմաստնոյն Աստուծոյմիոյն Աստուծոյ՝՝, փառք եւ պատիւ յաւիտեանս յաւիտենից։ Ամէն։
18Զայս պատուիրան աւանդեմ քեզ, որդեակ իմ Տիմոթէոս, ըստ կանխելոց ի քեզ մարգարէութեանցն, զի դու զինուորիցիս նոքօք զգեղեցիկ զինուորութիւնն. 19ունիցիս հաւատս սրբովք մտօք, զոր ոմանց մերժեալ յանձանց իւրեանց՝ նաւակոծեցան ի հաւատսն. 20որոց սակի են Հիմենոս եւ Աղեքսանդրոս, զորս մատնեցի Սատանայի, զի խրատեսցին չհայհոյել։
Currently Selected:
ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ Գլուխ Ա: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
