ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ Գլուխ Ա
Գլուխ Ա
ԲԿ.
1Պաւղոս եւ Սիղուանոս եւ Տիմոթէոս, եկեղեցւոյդ Թեսաղոնիկեցւոց յԱստուած Հայր մեր եւ ի Տէր Յիսուս Քրիստոս. 2շնորհք ընդ ձեզ եւ խաղաղութիւն#1։2 Ոմանք յաւելուն. յԱստուծոյ Հօրէ մերմէ եւ ի Տեառնէ Յիսուսէ Քրիստոսէ։
Գոհանամք զԱստուծոյ յամենայն ժամ վասն ձեր ամենեցուն յիշատակ առնել յաղօթս մեր, 3անդադար յիշել զձեր գործն հաւատոց եւ զվաստակ սիրոյ եւ զհամբերութիւն յուսոյ Տեառն մերոյ Յիսուսի Քրիստոսի առաջի Աստուծոյ եւ Հօր մերոյ. 4գիտէք, եղբարք սիրեցեալք յԱստուծոյ, զընտրութիւնն ձեր. 5զի աւետարանն մեր ոչ եղեւ առ ձեզ միայն բանիւ, այլ եւ զօրութեամբ եւ Հոգւով Սրբով եւ լրութեամբ բազմաւ, որպէս եւ գիտէք իսկ թէ որպիսիք եղեաք ի միջի ձերում վասն ձեր։ 6Եւ դուք նմանեալք մեզ եւ Տեառն՝ ընկալայք զբանն ի բազում նեղութեան խնդութեամբ Հոգւոյն Սրբոյ. 7լինել ձեզ օրինակ ամենայն հաւատացելոց որ են ի Մակեդոնիա եւ յԱքայիա։ 8Զի ի ձէնջ հնչեաց բանն #1։8 Բազումք. ՏեառնԱստուծոյ, ոչ միայն ի Մակեդոնիա եւ յԱքայիա, այլ յամենայն տեղիս հաւատքն ձեր որ առ Աստուած են՝ սփռեցան, զի այսուհետեւ ոչինչ է պիտոյ մեզ եւ խօսել ինչ։ 9Զի նոքին իսկ պատմեն վասն մեր, թէ որպէս եղեւ մեզ մուտ առ ձեզ, եւ որպէս դարձայք առ Աստուած ի կռոց անտի՝ ծառայել Աստուծոյ կենդանւոյ եւ ճշմարտի, 10եւ ակն ունել Որդւոյ նորա յերկնից, զոր յարոյցն ի մեռելոց, զՅիսուս, որ #1։10 Յոյնն. փրկէնփրկելոցն է՝՝ զմեզ ի բարկութենէ անտի որ գալոցն է։
Currently Selected:
ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ Գլուխ Ա: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
