TITU 3
3
Na huri tau Karitu
1Upanamu-manja da anggota-da da kabungguru-mu ka da-tangara la liku uru - liku uru dàngu la ma-kuaha la nanggara, ka da-karadaku dàngu ka da-ehingu padua pawunda mahàmu hangia - hangia. 2Paniinja nyuda ka àmbu dapawau tau hawiangu, ka àmbu da-palumu dànya nggamu bia na tau, na nyuna ka da-mambiru panggolu. Màta ka da-paita-nya na malijangu ju - juada la tau mbuu ndàbana. 3Nadu àmangu nyuta wikimbu ba tau ndubata, ta-njàrangu dàngu nda ta-karadaku. Na-paata-ta paraï ma - màtu pa-itirungu dàngu mangabangu; ma-akatu-maaya na pa-kanandi-nda dàngu nda ta-mbuhangu ka nahàmu na angunda, ta-maràngga pa-karaüngu eti dàngga angunda. 4Tàka i Ala, Ma-pamàna-nda na-pawuwa-ya na pa-namungu-na dàngu na màjangu etina lai nyuta. 5Hi na-pamàna-nda nyuta, nda ruku-ana ba mbàda wundanda mahàmu, na nyuna ba Nyuna wikima duna na mamila-nda eti. Nyuna na-pamàna-nda ruku ràmana na Ngahuna i Ala, na ma-padedi belita hi taluri bidi ba wàngu pabaha-ta. 6I Ala naburi-nda Ngahuna rukuna i Yehu Karitu, na Hanganji Ma-pamàna-nda, 7màta ruku pa-namungu-na i Yehu, ka ta-papeku beli dàngu i Ala hi tangala-nya na luri langatàka dàngu na ma-palupangu na pamo - monunda. 8Na pulungu yiana ma-tubangu langatàka-maya.
Ku-mbuhangu kau pa-mbangatu-manja yiada wànggu, màta da tau da mapawai lai Ala ka da-parukangu patuu mahàmu dàngu malingu la tau mbuu ndàbana. 9Wiliru-nya na pa-tayaku manda ningu lingungu, na lii ndalaru dedi, na pa-lumungu dàngu na pawunjingu rukuna na kalaratu anggama. Nuda mbutada nda ningua linguda dàngu nda ningumbu utungu. 10Na tau ma-pawiti-nya na pa-biwangu daa la kabungguru, màta kau kanyàngi-nya handàka panduangu; hàlaka nu àmbu hili panggolu dàdu-nyapa. 11Ba pi-dumunya na tau tungu nu ba iraku-nanya dàngu da njalana ba jiaha da mbuti ba njala-nanya.
Da lii panaungu la njàpuna
12Napa jàka ku-paràha-nggainjaka i Àratemahu jàka ndia i Tihiku, upamukarungu-ma paluu mai lai nyungga la Nikupoli, nadu ba engangu lai nu wànggu la wula maringu. 13Pamukaru langatàka-ma pandula-ya i Henàhu na ma-tanjiku la uku, dàngu i Apolu, ka peku hadangu-da palaku dàngu ka àmbu ningu manjaka-nja. 14Da-papekangu-ma bàdi patuu mahàmu da angunda ka peku patoma-na na manjaka-nja; ka àmbu kahewa lurida.
15Da angu dedi mbuu ndàbada da maninja la lihinggu, tambi wàdanggau. Tambi wànanggai ka wàmu hàlanja da angu pawainda.
Màtawa i Miri ka na-pakanyuru-kai nyimi angu dedi mbuu ndàbami.
Na tembi welingu lai nyuma, Paulu
Currently Selected:
TITU 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
TITU 3
3
Na huri tau Karitu
1Upanamu-manja da anggota-da da kabungguru-mu ka da-tangara la liku uru - liku uru dàngu la ma-kuaha la nanggara, ka da-karadaku dàngu ka da-ehingu padua pawunda mahàmu hangia - hangia. 2Paniinja nyuda ka àmbu dapawau tau hawiangu, ka àmbu da-palumu dànya nggamu bia na tau, na nyuna ka da-mambiru panggolu. Màta ka da-paita-nya na malijangu ju - juada la tau mbuu ndàbana. 3Nadu àmangu nyuta wikimbu ba tau ndubata, ta-njàrangu dàngu nda ta-karadaku. Na-paata-ta paraï ma - màtu pa-itirungu dàngu mangabangu; ma-akatu-maaya na pa-kanandi-nda dàngu nda ta-mbuhangu ka nahàmu na angunda, ta-maràngga pa-karaüngu eti dàngga angunda. 4Tàka i Ala, Ma-pamàna-nda na-pawuwa-ya na pa-namungu-na dàngu na màjangu etina lai nyuta. 5Hi na-pamàna-nda nyuta, nda ruku-ana ba mbàda wundanda mahàmu, na nyuna ba Nyuna wikima duna na mamila-nda eti. Nyuna na-pamàna-nda ruku ràmana na Ngahuna i Ala, na ma-padedi belita hi taluri bidi ba wàngu pabaha-ta. 6I Ala naburi-nda Ngahuna rukuna i Yehu Karitu, na Hanganji Ma-pamàna-nda, 7màta ruku pa-namungu-na i Yehu, ka ta-papeku beli dàngu i Ala hi tangala-nya na luri langatàka dàngu na ma-palupangu na pamo - monunda. 8Na pulungu yiana ma-tubangu langatàka-maya.
Ku-mbuhangu kau pa-mbangatu-manja yiada wànggu, màta da tau da mapawai lai Ala ka da-parukangu patuu mahàmu dàngu malingu la tau mbuu ndàbana. 9Wiliru-nya na pa-tayaku manda ningu lingungu, na lii ndalaru dedi, na pa-lumungu dàngu na pawunjingu rukuna na kalaratu anggama. Nuda mbutada nda ningua linguda dàngu nda ningumbu utungu. 10Na tau ma-pawiti-nya na pa-biwangu daa la kabungguru, màta kau kanyàngi-nya handàka panduangu; hàlaka nu àmbu hili panggolu dàdu-nyapa. 11Ba pi-dumunya na tau tungu nu ba iraku-nanya dàngu da njalana ba jiaha da mbuti ba njala-nanya.
Da lii panaungu la njàpuna
12Napa jàka ku-paràha-nggainjaka i Àratemahu jàka ndia i Tihiku, upamukarungu-ma paluu mai lai nyungga la Nikupoli, nadu ba engangu lai nu wànggu la wula maringu. 13Pamukaru langatàka-ma pandula-ya i Henàhu na ma-tanjiku la uku, dàngu i Apolu, ka peku hadangu-da palaku dàngu ka àmbu ningu manjaka-nja. 14Da-papekangu-ma bàdi patuu mahàmu da angunda ka peku patoma-na na manjaka-nja; ka àmbu kahewa lurida.
15Da angu dedi mbuu ndàbada da maninja la lihinggu, tambi wàdanggau. Tambi wànanggai ka wàmu hàlanja da angu pawainda.
Màtawa i Miri ka na-pakanyuru-kai nyimi angu dedi mbuu ndàbami.
Na tembi welingu lai nyuma, Paulu
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)