RUTU 3
3
Ba na-ngalangu leina i Rutu
1Ndedi nggi tuna mandaina, panii-nanyaka lai Rutu i Naomi, “Lupangu-ma ku-pamukarungu kau hili mangoma dàngu kau pa-ohangu. 2Hi angu ràma-dumunja da kawini la wokana i Mbowàhu, wàngguka? Ka ni hi kalembi-ndanya ni i Mbowàhu. Ba tuna pa-tingingu! La malingu nàhu lua-nanyaka nyuna paràma pa-pàmbalungu uhu nggàndumu la wokana. 3Muihu-wa nàhu, tunguwa mina mbii kati#tunguwa mina mbii kati; Pa-namatu-nya na pakàli wàngu la tau Yahundi dadoha ndàbanja mina mbii kati da ihida. (Hama tuna nyuta Humba ba ta-dohangu karanu). dàngu hau-hawa da pakimu da mahàmu halawàla. Hàlaka nu kau lua la ngia paràma-na i Mbowàhu ba na-pàmbalungu uhu nggàndumu. Ndàdiku lai nu lundu hàla pangangu pa-ngunungu, na nyuna àmbu jia pi-dunanya ba ninggau lai nu. 4Hamata-maya jàka nggiya na-katuda ningu. Jàka na-katuda-ka, luawa lai nu dàngu tiwaya na hinggi lumburu-na, kau katuda la lihi wihina.#tiwaya ... wihina: Pa-namatu-nya na huri Yahundi na ngera tiwa hinggi lumburu hi mahuru la lihi wihi haàtu tau mini, ninu maüya ba karaiya na opangu-na. (Tàngaru-ya la 3:9). Napa na panii-nggaunya jàka nggàraya bàdi na pawunda-mu,” wànanya.
5“Tu biana duna Ina,” wàna ba nahema i Rutu, “napa kuwunda ndàbaya na papanii-mu,” wàna.
6Ka laku-nanyaka i Rutu la ngia pa-pàmbalungu-da uhu nggàndumu da tau. Lainu nawunda ndàbaha da papanii-nanya na ina yenuna. 7Ba nahàla-ka pangangu pa-ngunungu i Mbowàhu, nali hàmuya na etina hi na-hawola. Hàla ka lua-nanyaka pa-katuda la lihi kanguku uhu nggàndumu. Mai kangunguhu-nanyaka i Rutu patiwa-ya na hinggi ma-lumburuna-na i Mbowàhu hi na-katuda la lihi wihina. 8Hi jia pawàla biana la paduaka rudungu i Mbowàhu. Ka ku-pambelingu ba wàna. Ka katàtaku-nanyaka la rehi nu ba naita-ya na haàtu kawini ma-katuda la lihi wihina. 9“Nggamukau?” wàna ba na-paàra-nya.
“Nyungga Rutu, dumu Ama,” wàna ba na hema i Rutu. “Nyumu Ama, jiakau kalembi nditaku-ma nyuma mangaba-nya na luringgu. Ba tuna piti-kaka bàdi, Ama kau tuka papaha-mu,” wànanya.
10“Màla aruki i MIRI ka na-pakanyuru-nggau nyumu dou ananggu,” wàna i Mbowàhu. “Pamenja-nya na pambàda wundamu la ina yenumu, tàka na pawunda-mu nàhu paloha-nanya na mbuhangu-mu na marihi-pa pa-bokulu. Peku biana dumu làti pahimbu ningu bidi tau la honga tau mawulu jàka ndia la tau mamila-kai kau tuu leimu, tàka na nyuna ndau wunda-aya nuna. 11Jia ba tuna ndii wàmuka, Rutu. Mbuu ndàbada da papanii-mu kuwunda maha duku napa, ba mbàda pi ndàba-mana-nyaka tau la paraingu ba haàtu kawini hàmukau nyumu. 12Deningu-mana ba nyunggama mangera-nya pa-hamata-ya na lurimu, ba kalembi nditaku dumungga. Na nyuna ningu-mbupa haàtu mangera-manya pa-hamata-ya na lurimu nyumu. Tàka narihi kalembi nditaku-nggaupa duna nyuna welingu lai nyungga. 13La rudungu nàhu undàdiku bia yiahu, napa haromu la mbaru ku-kanuturu-ya jàka na-mbuhangu pa-pahàra-nya nu na ngerana lai nyumu jàka ndia. Jàka na-mbuhangu hàmu duka, tàka jàka ndia, parongu-na i Ala maluri ku-panjanjingu ba ku-pahàra-manya duku napa nuna na ngeranggu lai nyumu. Ba tuna, katuda pangalangu-wa yiahu lundu mbaru,” wànanya.
14Ka katuda-nanyaka i Rutu lai nu la lihi wihina i Mbowàhu. Na nyuna nahada mba - mbaru hada rudungu i Rutu ka àmbu naita-ya tau. Ba nda na-mbuhangu-a i Mbowàhu ka napinya tau na maina i Rutu lai nu. 15Ka panii-nanyaka i Mbowàhu lai Rutu, “Àlinya na halenda-mu kau wàlahu-ya lai yia,” wànanya. Ka àli-nanyaka na halenda-na i Rutu hi na-wàlahu-ya. Tunaka nu buri-nanyaka ràkangu dua kambulu kilu uhu nggàndumu na halenda i Mbowàhu, hina-pambapa dànya pawotuya la kunduna i Rutu. Tunaka nu beli-nanyaka la paraingu i Mbowàhu,
16Ba natàka-ka la uma paàrangu-nanyaka na ina yenuna, “Màla nggiki-naka nu, ananggu?” wàna.
Ka panii-nanyaka mbuu ndàba na pawunda-nanya paraïna i Mbowàhu. 17“Dàngu nyuna-maka mawua ndàba-nggaha yiada da uhu nggàndumu, nadu ka àmbu ubeli lima jua la ina yenumu, wànangga,” hi hili wàna i Rutu.
18Hi napanii i Naomi, “Pa-tiangu bia hi ananggu, lundu uitaya jàka nggikina napa na hupu njàpuna yiana. Nda jia ngudu-ana i Mbowàhu jàka ndedima na-palundu-nya la lodu nàhu na rukuna yiana,” wàna.
Currently Selected:
RUTU 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)