PANGERANGU 22
22
1Na tamu hàmu narihi pa-wilingu-pa welingu la banda la malanja dangu;
na namu-nanda tau narihi-pa pahàmu welingu ba wuanda àmahu bara dàngu àmahu rara.
2Na tau wulu dàngu na tau mila hangia-na na pa-pahama wàda:
i MIRI-ma na ma-padika ndàbanja nyuda.
3Na tau manggàna na-hinggilu jàka na-itangu pa-hanggàmaru wàngu;
na tau nduba nalaku pa-ngalangu hi nanggàna-ya ura dedi.
4Na tau na ma-tuturu lai MIRI dàngu na ma-pawawangu wikina,
naluri lànyapu, naluri mbokaru dàngu patembi-ya.
5Na oka kahili dàngu na pokatu la ànda tau akatu-ha;
màtawa kau maraunja nuda mbuu ndàbada jàkau rinjungu pamara.
6Papeka-nyawa na haàtu ana la huri luri pahàmu wàna nyuna,
lundu la rehi kaweda-na jiangu-ma naluri tuna nu.
7Na tau mila na-kuaha-ya paraï tau mawulu;
na tau kei parutangu na-kuaha-ya tau mawua parutangu.
8Na tau na ma-hàbarungu na nda patutungu, napa namuti pa-hanggàmaru wàngu;
hi lupa na-mbulangu na kuaha la pawàngu àtalu etina.
9Na tau hàmu eti na-pakanyuru-ya paraïna i MIRI,
maa ba na-paberingu-du pangangu la tau manda patoma lurina.
10Wàngga-yawa na tau ma-mbuhangu pa-paakangu,
ka pànjangu duna-nyaka na pa-lumungu, na pa-muhungu dàngu na maràngga payudi.
11Na tau na mambuha-nya na patutungu dàngu na ma-mànjaku kareuku-na,
jiaya na manjadi kandua hanganji.
12Ba na-lunggaru-ya na kambàliku tau kaputingu,
mangga-nanya paraïna i MIRI ka pa-daingu opanya na papingu wàngu ma-padeningu.
13Na tau mayau na-mbuhangu pandàdiku la uma;
napanii, “Ningu hinga la hambeli, napa na-njàkilu-duka la ngarangia,” wàna.
14Na pamandangu-na na kawini pahunda beri lambongu kahili-ya;
na tau na pahàngga-na i MIRI na-hanjubulu lai nu.
15Ràka-mada da ana jàka dawunda manda jiaya,
tàka na iwi namàka pa-papeka-nja ka da-panjilu-nya na hurida.
16Nggamu na ma-mbuhangu pawulu ba nawàngu pa-kapidihu tau mamila
dàngu na mawua juangu la tau ma-ningungu
napa la hupu njàpuna namila tanjàriku.
Da tailu kambulu lii panaungu tau kaminaku manggàna
17Patingingu-wa, ku-papeka-nggau lii panaungu tau kaminaku manggàna! Katana-yawa na lii papekangu-nggu. 18Napa umbaha eti wànya jàkau kakomba kambuya. Nu ba tumu nu mbàda ehingu-mamuka la pawànya. 19Ku-papeka-nggaunya nuna nàhu ba rinju-nggunya ka jiaya i MIRI na ngia pamonu-mu. 20Da tailu kambulu lii panaungu mbàda tulihu-nggunggau-njaka – da lii panaungu papingu wàngu dàngu da lii panaungu mahàmu; 21dàngu da ma-papeka-nggaunya nggàraha da ma-tubangu pa-langatàkangu. Napa, jàka paàra-nggau pekumu la pahema pa-deningu.
– 1 –
22Àmbu parunggi-duya na tau mila, rukuna ba nda na-patoma; hamanai la kabungguru ma-patandangu ngera àmbu rumbaku-ya na hàku tau manda payatangu. 23Nadu i MIRI na-kahiri-maha da palakara-da nyuda dàngu hi na-butuhu-ya na luri tau ma-kapidihu-ha nyuda.
– 2 –
24Àmbu panggolu dàdunja na tau kàli mbeni dàngu na marengga haroputu. 25Napa mukiku-dunya, dàngu ndau màka-a pawàru-nya jàka làpahu ndàmangu-muka.
– 3 –
26Àmbu pa-ràndingu-du patanggu dukuha da wutangu tau hawiangu. 27Napa jàka ndau màka pahiulu-ha, na ngia pa-katuda-mbumu papiti lerangu-ya.
– 4 –
28Àmbu jia paleli dumunja da padira tana pambàda tuda da boku la mangilu-mu.
– 5 –
29Mbàda itangu-muka nu tau ma-nggàhungu ba naràma paràma-na? Napa pa-wuangu paràma la uma hanganji - hanganji-ya na tau nuna, nda la uma tau kudua.
Currently Selected:
PANGERANGU 22: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)