PILIPI 2
2
Na wawana dàngu na bokulu-na i Karitu
1Mi-àtalu nyimi, rukuna bai pa-mbulungu dàngu i Karitu. Dàngu ninggai la omba eti rukuna ba nambuha-nggai i Karitu! Na-kapipi-kai paraïna Ngahuna i Ala,#Na-kapipi-kai paraïna Ngahuna i Ala; jàka ndia: na Ngahuna i Ala naraïya hi na-jorutu na luri panggolumi dua wikimi. dàngu bai maràngga pa-mbuhangu dàngu bai maràngga pangàdangu ngera dua wikimi. 2Màla naa, ka tuna yia bai li langatàka-ya na etinggu: Kai pahama eti ba dàngu pahama-na na pa-mbuhangu-mi, ba dàngu pahama-na na kanandingu-mi dàngu pahama-na na pawuku-mi. 3Àmbu nggàradu pawunda-mi lumuna na-kehangu-mi ngera wikimi, jàka ndia la pa-ngànjangu wàngu. Tàka làti duna màtawa kai maràngga wawa etimi bai maràngga kakaya ba narihi na tau hawiangu welingu lai nyimi wiki. 4Eti wànyawa na nduma tau hawiangu; àmbu jia biaya na nduma wikimi. 5Màtawa na huri etimi ka hama tuna na huri etina i Karitu:
6Làti duna nahama hadanya i Ala,
tàka lupangu-ma bàdi kupàtu-ya na hada Alanggu nda wàna-a.#Na ndalaru 6b pekuna la pa-haleli-ya tuna yia: tàka nda napàda-anya ba lupangu-ma na-pamukarungu la pahama-nya i Ala.
7Tàka na nyuna napuli ndàbanja nuda
hi hama tuna haàtu ataya.
Hama tuna haàtu tauya,
dàngu hi itaya na lurina ba hama tuna luri tauya.
8Na-pawawangu wikina, hi na-karadaku lai Ala la ngala lurina lundu metina –
nu na meti la ai harikangu.
9Tuna nuduka hi dira pajangga-nanya paraïna i Ala,
hi na-pakata-nya kawaha marihi ndàbanja da kawaha hawiangu.
10Ka tembi wànya i Yehu,
napa na-marubuku ndàba mbutana na maninya la awangu,
dàngu la pinu tana,
hamangui na maninja la unu tana#la unu tana; na kanandingu tau la rehi nu da tau mameti da-ngiangu la ma-kapàtangu la unu tana. ba datembi-ya Nyuna.
11Napa dapeka ndàba mbutada ba Miriya i Yehu Karitu;
tuna nuduka hi pa-mangunju-ya i Ala Ama.
Handaraku hama tuna na hambila na maharii-nya na pinu tana
12Jia ba tuna, dou da angu dedi pambuha-nggu duku, hama tuna ba naingu manundu-mi lai nyungga ba ninggapa àmangu la pahiku-mi, tàka ri - rihipa nàhu ba ta-pamaraungu, màtawa ka pa-daingu manundu-mi lai nyungga. Mbàda pamàna-nanggaika i Ala ba tuna pa-ringgitu pangalangu-ma ka na-lànyapu na peku hàmumi. Wunda-yawa nuna ba wàngu pa-maraku dàngu manundu-mi lai Ala, 13nadu ba i Ala wikima duna na maràma la wikimi nyimi ka peku mbuhangu dàngu ka peku ngalangu-mi paliya na etina i Ala.
14Ràma-yawa mbuu ndàbana dàngu nda hoputu-mi jàka ndia dàngu nda pa-lumungu-mi. 15-16Nu ba timi nu jakaru-minya ba ana Ala manda ningu nyurangu-kai, matànji mola dàngu ma-padeningu la lurimi la pahiku tau akatu dàngu tau njala. Dàngu la rehi patàka-minya lai nyuda na lii langu paluri wàngu, màtawa ka hama tuna handaraku-kai lai nyuda na ma-hambila hi naharii na pinu tana. Jàka tuna nu na lurimi ràka-manaka duku la pa-hamemu wànggai nyimi la rehi mai belina i Yehu Karitu. Nuna nu mbuti-duyaka ba nda kahewa-na na paringgitungu-nggu dàngu ba ningu ngalana na pamukarungunggu.
17Talànga wanguna pa-pameti-ka ihu napa, tàka na wai rianggu hi beri mangejingu pa-paliringu-ya la pinu pa-mangeji-mi lai Ala na tanda pawaimi lai Nyuna. Jàka lupangu-ma ba tuna nu, ku-pamalangungu rukuna nuna, dàngu kumbaha eti dànggai nyimi. 18Màta àruki ka tuna numbu nyimi bai mbaha eti, dàngu bai mbaha eti dàngga nyungga.
I Timutiu dàngu i Epaporunditu
19Ku-monungu ba wàngu pa-ndulangu-na i Miri Yehu, peku lu palewa-nggunya i Timutiu lai nyimi ka peku halembiru-na na etinggu jàka kurongu-ya na ngerami nyimi. 20Didi meha-ma-aya i Timutiu na mahama etingga nyungga, dàngu na maweli etingu pa-pangàda-nya na pahàmu wàmi nyimi. 21Mbuu ndàbada hawiangu jiaya na nduma wiki-ma-ada na palumu-da, nda jia-aya na ndumana i Yehu Karitu. 22Mbàda ita wiki-mami-nyaka na mbutina ba ningu linguna i Timutiu. Mbàda ràma pa-mbangatungu-naka ba na-pambapa dàngga la ngera bobaru-ya na Lii Mànangu welingu lai Ala. Hama tuna ana dàngu ama bia-kama. 23Jia ba tuna, jàka kupi-nyaka, jàka nggi - nggikina na hupu njàpuna napa na ngeranggu, lu paràha-manggunya lai nyimi. 24Ku-monungu ba wàngu pa-ndulangu-na i Miri, lu mai wiki-manggunya duku napa pa-tadalu-kai nyimimbu.
25Jàka jia-yaka i Epaporunditu na papalewa-mi la pa-pambapa dàngga, ku-paràha-nyaka bàdi lai nyimi wànggu. Mbàda karaha-mana-nggaka la paràma-nggu dàngu la pa-ringgitungu-nggu. 26Dira rinju ndàba-mananggai, dàngu nda nangudu-a na etina rukuna bai ronguya hiduna. 27Deningu-mana ba nahidu tika pameti-ka-amangu. Na nyuna namila-nya eti paraïna i Ala; tàka nda didi mehaya nyuna bia, nyunggambu namila-ngga eti i Ala ka àmbu hama huka hawina-nggu. 28Tuna nuduka hi hama huka rinjungu-nggu pa-paràha-nya pabeli lai nyimi, kai hawola beli bai itaya, dàngu ka nangudu-mbui duku na etinggu. 29Ba tuna nggepi mbaha eti-yawa ba haàtu angu dedi angu pawaiya. Tembi-yawa mbuu ndàbana na tau tungu nu. 30Lumuna na paràma-na i Karitu, natika pameti-ka-amaka; nda nawaia wikina ba na-pambapa dàngga nyungga hurumi nyimi.
Currently Selected:
PILIPI 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PILIPI 2
2
Na wawana dàngu na bokulu-na i Karitu
1Mi-àtalu nyimi, rukuna bai pa-mbulungu dàngu i Karitu. Dàngu ninggai la omba eti rukuna ba nambuha-nggai i Karitu! Na-kapipi-kai paraïna Ngahuna i Ala,#Na-kapipi-kai paraïna Ngahuna i Ala; jàka ndia: na Ngahuna i Ala naraïya hi na-jorutu na luri panggolumi dua wikimi. dàngu bai maràngga pa-mbuhangu dàngu bai maràngga pangàdangu ngera dua wikimi. 2Màla naa, ka tuna yia bai li langatàka-ya na etinggu: Kai pahama eti ba dàngu pahama-na na pa-mbuhangu-mi, ba dàngu pahama-na na kanandingu-mi dàngu pahama-na na pawuku-mi. 3Àmbu nggàradu pawunda-mi lumuna na-kehangu-mi ngera wikimi, jàka ndia la pa-ngànjangu wàngu. Tàka làti duna màtawa kai maràngga wawa etimi bai maràngga kakaya ba narihi na tau hawiangu welingu lai nyimi wiki. 4Eti wànyawa na nduma tau hawiangu; àmbu jia biaya na nduma wikimi. 5Màtawa na huri etimi ka hama tuna na huri etina i Karitu:
6Làti duna nahama hadanya i Ala,
tàka lupangu-ma bàdi kupàtu-ya na hada Alanggu nda wàna-a.#Na ndalaru 6b pekuna la pa-haleli-ya tuna yia: tàka nda napàda-anya ba lupangu-ma na-pamukarungu la pahama-nya i Ala.
7Tàka na nyuna napuli ndàbanja nuda
hi hama tuna haàtu ataya.
Hama tuna haàtu tauya,
dàngu hi itaya na lurina ba hama tuna luri tauya.
8Na-pawawangu wikina, hi na-karadaku lai Ala la ngala lurina lundu metina –
nu na meti la ai harikangu.
9Tuna nuduka hi dira pajangga-nanya paraïna i Ala,
hi na-pakata-nya kawaha marihi ndàbanja da kawaha hawiangu.
10Ka tembi wànya i Yehu,
napa na-marubuku ndàba mbutana na maninya la awangu,
dàngu la pinu tana,
hamangui na maninja la unu tana#la unu tana; na kanandingu tau la rehi nu da tau mameti da-ngiangu la ma-kapàtangu la unu tana. ba datembi-ya Nyuna.
11Napa dapeka ndàba mbutada ba Miriya i Yehu Karitu;
tuna nuduka hi pa-mangunju-ya i Ala Ama.
Handaraku hama tuna na hambila na maharii-nya na pinu tana
12Jia ba tuna, dou da angu dedi pambuha-nggu duku, hama tuna ba naingu manundu-mi lai nyungga ba ninggapa àmangu la pahiku-mi, tàka ri - rihipa nàhu ba ta-pamaraungu, màtawa ka pa-daingu manundu-mi lai nyungga. Mbàda pamàna-nanggaika i Ala ba tuna pa-ringgitu pangalangu-ma ka na-lànyapu na peku hàmumi. Wunda-yawa nuna ba wàngu pa-maraku dàngu manundu-mi lai Ala, 13nadu ba i Ala wikima duna na maràma la wikimi nyimi ka peku mbuhangu dàngu ka peku ngalangu-mi paliya na etina i Ala.
14Ràma-yawa mbuu ndàbana dàngu nda hoputu-mi jàka ndia dàngu nda pa-lumungu-mi. 15-16Nu ba timi nu jakaru-minya ba ana Ala manda ningu nyurangu-kai, matànji mola dàngu ma-padeningu la lurimi la pahiku tau akatu dàngu tau njala. Dàngu la rehi patàka-minya lai nyuda na lii langu paluri wàngu, màtawa ka hama tuna handaraku-kai lai nyuda na ma-hambila hi naharii na pinu tana. Jàka tuna nu na lurimi ràka-manaka duku la pa-hamemu wànggai nyimi la rehi mai belina i Yehu Karitu. Nuna nu mbuti-duyaka ba nda kahewa-na na paringgitungu-nggu dàngu ba ningu ngalana na pamukarungunggu.
17Talànga wanguna pa-pameti-ka ihu napa, tàka na wai rianggu hi beri mangejingu pa-paliringu-ya la pinu pa-mangeji-mi lai Ala na tanda pawaimi lai Nyuna. Jàka lupangu-ma ba tuna nu, ku-pamalangungu rukuna nuna, dàngu kumbaha eti dànggai nyimi. 18Màta àruki ka tuna numbu nyimi bai mbaha eti, dàngu bai mbaha eti dàngga nyungga.
I Timutiu dàngu i Epaporunditu
19Ku-monungu ba wàngu pa-ndulangu-na i Miri Yehu, peku lu palewa-nggunya i Timutiu lai nyimi ka peku halembiru-na na etinggu jàka kurongu-ya na ngerami nyimi. 20Didi meha-ma-aya i Timutiu na mahama etingga nyungga, dàngu na maweli etingu pa-pangàda-nya na pahàmu wàmi nyimi. 21Mbuu ndàbada hawiangu jiaya na nduma wiki-ma-ada na palumu-da, nda jia-aya na ndumana i Yehu Karitu. 22Mbàda ita wiki-mami-nyaka na mbutina ba ningu linguna i Timutiu. Mbàda ràma pa-mbangatungu-naka ba na-pambapa dàngga la ngera bobaru-ya na Lii Mànangu welingu lai Ala. Hama tuna ana dàngu ama bia-kama. 23Jia ba tuna, jàka kupi-nyaka, jàka nggi - nggikina na hupu njàpuna napa na ngeranggu, lu paràha-manggunya lai nyimi. 24Ku-monungu ba wàngu pa-ndulangu-na i Miri, lu mai wiki-manggunya duku napa pa-tadalu-kai nyimimbu.
25Jàka jia-yaka i Epaporunditu na papalewa-mi la pa-pambapa dàngga, ku-paràha-nyaka bàdi lai nyimi wànggu. Mbàda karaha-mana-nggaka la paràma-nggu dàngu la pa-ringgitungu-nggu. 26Dira rinju ndàba-mananggai, dàngu nda nangudu-a na etina rukuna bai ronguya hiduna. 27Deningu-mana ba nahidu tika pameti-ka-amangu. Na nyuna namila-nya eti paraïna i Ala; tàka nda didi mehaya nyuna bia, nyunggambu namila-ngga eti i Ala ka àmbu hama huka hawina-nggu. 28Tuna nuduka hi hama huka rinjungu-nggu pa-paràha-nya pabeli lai nyimi, kai hawola beli bai itaya, dàngu ka nangudu-mbui duku na etinggu. 29Ba tuna nggepi mbaha eti-yawa ba haàtu angu dedi angu pawaiya. Tembi-yawa mbuu ndàbana na tau tungu nu. 30Lumuna na paràma-na i Karitu, natika pameti-ka-amaka; nda nawaia wikina ba na-pambapa dàngga nyungga hurumi nyimi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)