DIHA 7
7
Da hunggu maraku-da da liku uru
1Ba na-palundu-nyaka na pahada-nanya na Maüna i MIRI nyuna i Muha, na-katua-ya na Maü dàngu da pamàtu wàna ba nawàngu padoha wànja mina lii mbuu ndàbada. Tunanya numbu na ngia pawotu maraku dàngu mbuu ndàbada da pamàtu wàna. 2Hàla, ba hapajia-ha da ngora Ihirailu, nu ba hapajia-ha da liku uruda da kabihu-da ma-hanobaku-ya na ngera palaku-ya na diha, 3dawotu hungguda nomu mbua karobaku dàngu hakambulu dua ngiu hapi lai MIRI: nimbihu tau madua liku uru dahunggu wàngu hau karobaku dàngu heu hapi haàtu - haàtu. Ba dahàla ka nu pawotu-ha, 4napanii i MIRI lai Muha, 5“Keihawa nuda da hunggu ka ngàndi wànya na Maünggu; pakata-nja nuda la tau Lewi pa-namatu-nya na wai ngerada nyuda,” wàna. 6Hàla, hi nawua-ha i Muha nuda da karobaku dàngu da hapi la tau Lewi. 7Da dàmbu karobaku dàngu da patu ngiu hapi nawua-ha la tau Nggerihongu, 8da patu mbua karobaku dàngu da walu ngiu hapi la tau Marari-naha, pa-namatu-nya na paràma pa-palaku-da la kapipi-naha i Itamàru, anana i Ratu Harungu. 9Tàka da tau Kehàtu nda da-ngalangu-a karobaku jàka ndia hapikai welingu lai Muha, nadu da banda da malanja ma-matua da pa-tanara-da nyuda ba lupangu-ma dawàngu paduku-ha.
10Dangàndi ndàbambu hunggu maraku ba hapajia-ha da ma-pangora ka mbabu wànya na lii katua-ya na ngia pawotu maraku. Ba dawai rehingu-ka pangàndi-ha da hungguda la hangga ngia pawotu maraku, 11i MIRI napanii-nya i Muha, “Paniinja nyuda, nimbihu lodu la dalu hakambulu dàmbu lodu, haàtu welingu la hongada da liku uru, lupangu-ma nawotu hungguna ndumana ba katua-ya na ngia pawotu maraku,” wàna.
12-83Nimbihu-da dangàndi-ha da hunggu maraku-da tuna yia na-pandàkingu-da:
| Lodu | Kabihu | Liku Uru |
|---|---|---|
| 1 | Yahunda | i Nahahungu anana i Aminandàpu |
| 2 | Ihakàru | i Netaneyilu anana i Huaru |
| 3 | Hembulungu | i Eliapu anana i Helungu |
| 4 | Rumbingu | i Elihuru anana i Handiuru |
| 5 | Hamiungu | i Halumialu anana i Hurihandai |
| 6 | Nggàtu | i Eliyahàpu anana i Rehuilu |
| 7 | Epuraïmu | i Elihama anana i Amihutu |
| 8 | Manahi | i Nggamalialu anana i Pandahuru |
| 9 | Mbanyamingu | i Ambindàngu anana i Nggindioni |
| 10 | Ndàngu | i Ahiyehiru anana i Amihandai |
| 11 | Ahiaru | i Panggialu anana i Okuràngu |
| 12 | Nàputali | i Ahira anana i Enàngu. |
Da hunggu maraku nimbihu-da da-pahama: hau kaba julangu àmahu bara ma 1,5 kilu mbotuna, dàngu hau tobu robu àmahu bara ma 800 nggaràmu mbotuna, pa-namatungu la timbangu pakàli wàngu la Maüna i MIRI. Da kanaingu da madàmbu-da nuda da pinuha kanguta pa-haürungu lonahu ka hunggu maraku mangejingu-ha. Na-pangalangu-na hau kaba julangu àmahu rara ma 110 nggaràmu mbotuna pa-paihingu dupa; heu kamboka hapi mini, heu mbimbi bumbu dàngu heu ana mbimbi mahau ndauna ka kameti maraku patunu-ha, dàngumbu heu kamàmbi bumbu ka kameti maraku jàmangu njalaya; dua ngiu hapi, lima ngiu mbimbi bumbu, lima ngiu kamàmbi bumbu dàngu lima ngiu ana mbimbi mahau ndauda ka kameti maraku papeku-ha.
84-88Da hunggu maraku da pangàndi-da da liku uru ba hakambulu madua-ha ka katua wànya nu na ngia pawotu maraku na danguda nggubulu-da:
– hakambulu dàmbu kaba julangu àmahu bara dàngu hakambulu dàmbu tobu robu àmahu bara, nggubulu-da 27,6 kilu mbotuda
– hakambulu dàmbu kaba julangu àmahu rara nggubulu-da 1,32 kilu mbotuda, dambinunja dupa
– hakambulu dua ngiu hapi mini, hakambulu dua ngiu mbimbi bumbu, dàngu hakambulu dua ngiu ana mbimbi mahau ndauda, papohu-nja da hunggu maraku mangejingu da pa-màtu wàda ka hunggu maraku patunu-ha
– hakambulu dua ngiu kamàmbi ka kameti maraku jàmangu njalaha
– dua kambulu patu hapi mini, nomu kambulu mbimbi bumbu, nomu kambulu kamàmbi, nomu kambulu ana mbimbi mahau ndauda, ka kameti maraku papeku-ha.
89Handàka tama - handàka tamana i Muha la Maüna i MIRI papanii dànya i MIRI, narongu-ya na talia liina i MIRI ba napanii dànya nyuna welingu la pinu ndàbi Pàti Pa-ràndingu la njongada da madua-da nu da patau awangu.#patau awangu: jiaha da kalibaru papalewa ba hama tuna dika maningu ruu kàpangu-ha, ba wàda dàngu da ma-paninu maünya na mangunju-na i Ala dàngu ba ninya la banjaru-na.
Currently Selected:
DIHA 7: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
DIHA 7
7
Da hunggu maraku-da da liku uru
1Ba na-palundu-nyaka na pahada-nanya na Maüna i MIRI nyuna i Muha, na-katua-ya na Maü dàngu da pamàtu wàna ba nawàngu padoha wànja mina lii mbuu ndàbada. Tunanya numbu na ngia pawotu maraku dàngu mbuu ndàbada da pamàtu wàna. 2Hàla, ba hapajia-ha da ngora Ihirailu, nu ba hapajia-ha da liku uruda da kabihu-da ma-hanobaku-ya na ngera palaku-ya na diha, 3dawotu hungguda nomu mbua karobaku dàngu hakambulu dua ngiu hapi lai MIRI: nimbihu tau madua liku uru dahunggu wàngu hau karobaku dàngu heu hapi haàtu - haàtu. Ba dahàla ka nu pawotu-ha, 4napanii i MIRI lai Muha, 5“Keihawa nuda da hunggu ka ngàndi wànya na Maünggu; pakata-nja nuda la tau Lewi pa-namatu-nya na wai ngerada nyuda,” wàna. 6Hàla, hi nawua-ha i Muha nuda da karobaku dàngu da hapi la tau Lewi. 7Da dàmbu karobaku dàngu da patu ngiu hapi nawua-ha la tau Nggerihongu, 8da patu mbua karobaku dàngu da walu ngiu hapi la tau Marari-naha, pa-namatu-nya na paràma pa-palaku-da la kapipi-naha i Itamàru, anana i Ratu Harungu. 9Tàka da tau Kehàtu nda da-ngalangu-a karobaku jàka ndia hapikai welingu lai Muha, nadu da banda da malanja ma-matua da pa-tanara-da nyuda ba lupangu-ma dawàngu paduku-ha.
10Dangàndi ndàbambu hunggu maraku ba hapajia-ha da ma-pangora ka mbabu wànya na lii katua-ya na ngia pawotu maraku. Ba dawai rehingu-ka pangàndi-ha da hungguda la hangga ngia pawotu maraku, 11i MIRI napanii-nya i Muha, “Paniinja nyuda, nimbihu lodu la dalu hakambulu dàmbu lodu, haàtu welingu la hongada da liku uru, lupangu-ma nawotu hungguna ndumana ba katua-ya na ngia pawotu maraku,” wàna.
12-83Nimbihu-da dangàndi-ha da hunggu maraku-da tuna yia na-pandàkingu-da:
| Lodu | Kabihu | Liku Uru |
|---|---|---|
| 1 | Yahunda | i Nahahungu anana i Aminandàpu |
| 2 | Ihakàru | i Netaneyilu anana i Huaru |
| 3 | Hembulungu | i Eliapu anana i Helungu |
| 4 | Rumbingu | i Elihuru anana i Handiuru |
| 5 | Hamiungu | i Halumialu anana i Hurihandai |
| 6 | Nggàtu | i Eliyahàpu anana i Rehuilu |
| 7 | Epuraïmu | i Elihama anana i Amihutu |
| 8 | Manahi | i Nggamalialu anana i Pandahuru |
| 9 | Mbanyamingu | i Ambindàngu anana i Nggindioni |
| 10 | Ndàngu | i Ahiyehiru anana i Amihandai |
| 11 | Ahiaru | i Panggialu anana i Okuràngu |
| 12 | Nàputali | i Ahira anana i Enàngu. |
Da hunggu maraku nimbihu-da da-pahama: hau kaba julangu àmahu bara ma 1,5 kilu mbotuna, dàngu hau tobu robu àmahu bara ma 800 nggaràmu mbotuna, pa-namatungu la timbangu pakàli wàngu la Maüna i MIRI. Da kanaingu da madàmbu-da nuda da pinuha kanguta pa-haürungu lonahu ka hunggu maraku mangejingu-ha. Na-pangalangu-na hau kaba julangu àmahu rara ma 110 nggaràmu mbotuna pa-paihingu dupa; heu kamboka hapi mini, heu mbimbi bumbu dàngu heu ana mbimbi mahau ndauna ka kameti maraku patunu-ha, dàngumbu heu kamàmbi bumbu ka kameti maraku jàmangu njalaya; dua ngiu hapi, lima ngiu mbimbi bumbu, lima ngiu kamàmbi bumbu dàngu lima ngiu ana mbimbi mahau ndauda ka kameti maraku papeku-ha.
84-88Da hunggu maraku da pangàndi-da da liku uru ba hakambulu madua-ha ka katua wànya nu na ngia pawotu maraku na danguda nggubulu-da:
– hakambulu dàmbu kaba julangu àmahu bara dàngu hakambulu dàmbu tobu robu àmahu bara, nggubulu-da 27,6 kilu mbotuda
– hakambulu dàmbu kaba julangu àmahu rara nggubulu-da 1,32 kilu mbotuda, dambinunja dupa
– hakambulu dua ngiu hapi mini, hakambulu dua ngiu mbimbi bumbu, dàngu hakambulu dua ngiu ana mbimbi mahau ndauda, papohu-nja da hunggu maraku mangejingu da pa-màtu wàda ka hunggu maraku patunu-ha
– hakambulu dua ngiu kamàmbi ka kameti maraku jàmangu njalaha
– dua kambulu patu hapi mini, nomu kambulu mbimbi bumbu, nomu kambulu kamàmbi, nomu kambulu ana mbimbi mahau ndauda, ka kameti maraku papeku-ha.
89Handàka tama - handàka tamana i Muha la Maüna i MIRI papanii dànya i MIRI, narongu-ya na talia liina i MIRI ba napanii dànya nyuna welingu la pinu ndàbi Pàti Pa-ràndingu la njongada da madua-da nu da patau awangu.#patau awangu: jiaha da kalibaru papalewa ba hama tuna dika maningu ruu kàpangu-ha, ba wàda dàngu da ma-paninu maünya na mangunju-na i Ala dàngu ba ninya la banjaru-na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)