DIHA 3
3
Da anana i Harungu
1Yiada-ha da ihi umana i Harungu dàngu i Muha la rehi panii-dànanya i Muha la pinu Palindi Hinai i MIRI. 2Tau mapatu-ha da anana mini i Harungu: i Nandàpu na ma-maaya dehi hi mangupa i Ambihu, i Eliahàru dàngu i Itamàru.
3Pawotu-ha panjadi ratu nyuda wàngu lii pa-liringu lonahu la pinu katiku. 4Na nyuna mbàda meti-daka la maràda telangu Hinai i Nandàpu dàngu i Ambihu ba talànga hurungu-da lai MIRI ba dàngu ngàndida epi manda hida. Nda ningua anada pa-kadua-da. Jia ba tuna jiaha i Eliahàru dàngu i Itamàru da mapawai-ngaba ratu la ngala lurina i Harungu.
Da tau Lewi pa-pandumangu-ha la palumu-nja da ratu
5Napanii i MIRI lai Muha, 6“Paràha-nya na kabihu Lewi ka na-hurungu la hangga, dàngu panduma-nja nyuda la palumu-nya i Harungu. 7Nyuda dapawai ngaba la Maünggu dàngu lupangu-ma dalumu-nja ba hapajia-ha da ratu, hamangui nggubulu-na na banjaru wàngu paràma-da nu la Maünggu. 8Na wai ngabada nyuda jiaya la pa-paloku-ha mbuu ndàbada da pamàtu wàna na Maünggu dàngu la paràma-ha da paràma la Maünggu ka hiluda da tau Ihirailu-ha. 9Welingu la banjaru Ihirailu didi-aya na kabihu Lewi na pawua-nggu wai ngaba ka da-padaingu palumu-nja i Harungu dàngu wàla wuana. 10Tàka i Harungu dàngu da anana lupangu-ma kuwotu-ha la pa-palaku-ya na wai ngaba ratu; hinggilu-da nyuda, jiapa ka nggamu-yakai na ma-kamangu pawunda-ya nuna lupangu-ma pa-hukungu metiya,” wàna.
11Napanii i MIRI lai Muha, 12-13“Nàhu da tau Lewi kupindi-ha la panjadi mangunggu. Ba ku-pameti-ha mbuu ndàbada da kawunga ana banjaru Mehiru, ku-pahinggilu-haka da kawunga anana mini na tau Ihirailu ka nduma-ngguha dàngu da banda mbuu ndàbada da ma-kawunga dedi. Mbuu ndàbada nuda mangu-nggunja. Hiluda da kawunga anana mini na Ihirailu, kupiti-ha da tau Lewi ndumanggu; nyuda jia-mahaka da ndumanggu. Nyungga MIRI-ka,” wàna.
Ba dihaya na tau Lewi
14La maràda telangu Hinai na-paràha-nya i Muha paraïna i MIRI 15pa-pandoi-nja huratu tamuda da tau Lewi pa-namatu-nya na kalibaru dàngu na biliku-da nimbihu-da; nimbihu-da da anakeda mini da mahau wulada lupa da marihi-ka lupangu tulihu-maha da tamuda. 16Ka pahàra-nanjaka nu da pareta-na i MIRI paraïna i Muha. 17-20Tau matailu-ha da anana mini i Lewi: i Nggerihongu, i Kehàtu dàngu i Marari. Jia-mahaka nyuda, yiada da boku la mangilu-da da kalibaru matamu-nja da tamuda nyuda. Tau madua-ha da anana mini i Nggerihongu: i Lipuni dàngu i Himei. Tau mapatu-ha da anana mini i Kehàtu: i Àmuràmu, i Yihàru, i Hemburungu dàngu i Uhialu. Tau madua-ha da anana mini i Marari: i Màhali dàngu i Muhi. Jia-mahaka nyuda yiada da boku la mangilu-da da biliku da matamu-nja nyuda.
21Na kalibaru Nggerihongu jiaha da biliku Lipuni dàngu Himei. 22Da mini la kalibaru Nggerihongu da mahau wulada hamangui da marihi welingu lai nu da pa-tulihu 7.500-ha nggubulu-da. 23-24I Eliyahàpu anana i Layilu jiaya na maliku urunya nuna na kalibaru. La ngia pa-pamaüngu-na na banjaru Ihirailu na kalibaru nuna la patama loduha la kajia Maüna i MIRI da-ngiangu ningu. 25Ba paloku-ya na Maüna i MIRI nyuda ma-hanobaku-ya pa-tanara-ya na Maü dàngu na ndàdana, na tera la pindu tamana, 26na tera dindi la talora na ma-winggiru-nya na Maü dàngu na ngia pawotu maraku, dàngu na tera dindi la pindu talora. Nyuda ma-hanobaku-ha mbuu ndàbada da paràma ba paloku-ha nuda da malanja.
27Na kalibaru Kehàtu jiaha da biliku Àmuràmu, Yihàru, Hemburungu dàngu Uhialu. 28Da mini da mahau wulada hamangui da marihi welingu lai nu la kalibaru nuna nadangu-da tau 8.600-ha nggubulu-da. Nyuda da pawai ngaba pa-paloku-ha da malanja la Maüna i MIRI. 29-30I Elihapàngu anana i Uhialu jiaya na maliku urunya nuna na kalibaru. La ngia pa-pamaüngu, na kalibaru nuna la luru Maüna i MIRI-ya na-ngiangu ningu. 31Nyuda ma-hanobaku-ya la pa-tanara-ya na Pàti Pa-ràndingu, na menja, na tandai palita, da ngia pawotu maraku, da pakakahu da paràma wàda la Rowa Matua ba hapajia-ha da ratu, dàngu na tera dimbaku na ma-padira-nya na Rowa Matua. Nyuda ma-hanobaku-ha mbuu ndàbada da paràma ba paloku-ha nuda da malanja.
32Na liku uru kabihu Lewi jiaya i Eliahàru, anana i Harungu. Nyuna ma-hamata-ha da tau maràma la Rowa Matua.
33Na kalibaru Marari, jiaha da biliku Màhali dàngu Muhi. 34Da mini da mahau wulada hamangui da marihi welingu lai nu la kalibaru nuna na danguda tau 6.200-ha nggubulu-da. 35I Hurialu anana i Ambihaïlu jiaya na maliku urunya nuna na kalibaru. La ngia pa-pamaüngu, na kalibaru nuna la dia Maüna i MIRI-ya na-ngiangu ningu. 36Nyuda ma-hanobaku-ha da karangga-na na Maü, da patengangu-na, da kambaniru-na, da latana dàngu mbuu ndàbada da pakakahu-na dàngu mbuu ndàbada da paràma ba paloku-ha nuda da malanja. 37Jia-mbuha da kambaniru, da lata, da pandiku dàngu da liku ndumana na talora la hambeli.
38La ngia pa-pamaüngu, i Muha dàngu i Harungu hamangui da anada lupangu-ma la hangga Maüna i MIRI-ha da-ngiangu ningu, la pahunga loduna. Nyuda ma-hanobaku-ya na lii lumungu nduma banjaru Ihirailu la Rowa Matua. Hinggilu-da nyuda nggamu biaya na ma-kamangu pa-paloku-ya na paràma nuna lupangu-ma pa-hukungu metiya. 39Mbuu ndàbada da mini la kabihu Lewi da mahau wulada dàngu da marihi welingu lai nu da pa-tulihu-na i Muha pa-namatu-nya na kalibaru-da nimbihu-da nunjuya na pareta-na i MIRI, nggubulu-da tau 22.000-ha danguda.
Da tau Lewi jiaha da hiluda da mini kawunga ana Ihirailu
40-41I MIRI napanii-nya i Muha, “Mbutada da anakeda mini kawunga ana Ihirailu mangunggu Nyunggaha. Tulihu-ha da tamuda nyuda da mahau wulada hamangui da marihi welingu lai nu. Na nyuna na hiluda nyuda, paloha-nggunyaka ba mangunggu Nyunggaha mbuu ndàbada da tau Lewi. Nyungga MIRI-ka! Dàngu da banda tau Lewimbu ku-paloha-nya jiaha da mahilu-ha mbuu ndàbada da banda ma-kawunga dedi la banda banjaru Ihirailu,” wàna. 42Pahàra-nanyaka na pareta-na i MIRI paraïna i Muha; na-tulihu ndàbaha da tamu anakeda mini kawunga ana 43da mahau wulada hamangui da marihi welingu lai nu. Nggubulu-da tau 22.273-ha.
44Hàla hi napanii i MIRI lai Muha, 45“Pa-hinggilu-ha da tau Lewi ndumanggu Nyungga ka jiaha da hiluda mbuu ndàbada da kawunga anakeda mini Ihirailu; dàngumbu da banda tau Lewi ba hiluda da banda tau Ihirailu-ha. 46Rukuna ba darihi 273 da mini kawunga ana Ihirailu welingu la tau Lewi nggubulu-da, ipapuru-njaka bàdi nuda da rihida. 47Nduma nimbihu-da da ana, lupangu-ma imbayaru lima àmahu bara pa-namatu-nya na pa-bilangu pakàli wàngu la Maünggu; 48wuaha nuda da àmahu lai Harungu dàngu da anana,” wàna. 49Pahàra-nanyaka na pareta-na i MIRI paraïna i Muha. 50Napiti 1.365 àmahu bara, 51hi nawua-ha lai Harungu dàngu da anana.
Currently Selected:
DIHA 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
DIHA 3
3
Da anana i Harungu
1Yiada-ha da ihi umana i Harungu dàngu i Muha la rehi panii-dànanya i Muha la pinu Palindi Hinai i MIRI. 2Tau mapatu-ha da anana mini i Harungu: i Nandàpu na ma-maaya dehi hi mangupa i Ambihu, i Eliahàru dàngu i Itamàru.
3Pawotu-ha panjadi ratu nyuda wàngu lii pa-liringu lonahu la pinu katiku. 4Na nyuna mbàda meti-daka la maràda telangu Hinai i Nandàpu dàngu i Ambihu ba talànga hurungu-da lai MIRI ba dàngu ngàndida epi manda hida. Nda ningua anada pa-kadua-da. Jia ba tuna jiaha i Eliahàru dàngu i Itamàru da mapawai-ngaba ratu la ngala lurina i Harungu.
Da tau Lewi pa-pandumangu-ha la palumu-nja da ratu
5Napanii i MIRI lai Muha, 6“Paràha-nya na kabihu Lewi ka na-hurungu la hangga, dàngu panduma-nja nyuda la palumu-nya i Harungu. 7Nyuda dapawai ngaba la Maünggu dàngu lupangu-ma dalumu-nja ba hapajia-ha da ratu, hamangui nggubulu-na na banjaru wàngu paràma-da nu la Maünggu. 8Na wai ngabada nyuda jiaya la pa-paloku-ha mbuu ndàbada da pamàtu wàna na Maünggu dàngu la paràma-ha da paràma la Maünggu ka hiluda da tau Ihirailu-ha. 9Welingu la banjaru Ihirailu didi-aya na kabihu Lewi na pawua-nggu wai ngaba ka da-padaingu palumu-nja i Harungu dàngu wàla wuana. 10Tàka i Harungu dàngu da anana lupangu-ma kuwotu-ha la pa-palaku-ya na wai ngaba ratu; hinggilu-da nyuda, jiapa ka nggamu-yakai na ma-kamangu pawunda-ya nuna lupangu-ma pa-hukungu metiya,” wàna.
11Napanii i MIRI lai Muha, 12-13“Nàhu da tau Lewi kupindi-ha la panjadi mangunggu. Ba ku-pameti-ha mbuu ndàbada da kawunga ana banjaru Mehiru, ku-pahinggilu-haka da kawunga anana mini na tau Ihirailu ka nduma-ngguha dàngu da banda mbuu ndàbada da ma-kawunga dedi. Mbuu ndàbada nuda mangu-nggunja. Hiluda da kawunga anana mini na Ihirailu, kupiti-ha da tau Lewi ndumanggu; nyuda jia-mahaka da ndumanggu. Nyungga MIRI-ka,” wàna.
Ba dihaya na tau Lewi
14La maràda telangu Hinai na-paràha-nya i Muha paraïna i MIRI 15pa-pandoi-nja huratu tamuda da tau Lewi pa-namatu-nya na kalibaru dàngu na biliku-da nimbihu-da; nimbihu-da da anakeda mini da mahau wulada lupa da marihi-ka lupangu tulihu-maha da tamuda. 16Ka pahàra-nanjaka nu da pareta-na i MIRI paraïna i Muha. 17-20Tau matailu-ha da anana mini i Lewi: i Nggerihongu, i Kehàtu dàngu i Marari. Jia-mahaka nyuda, yiada da boku la mangilu-da da kalibaru matamu-nja da tamuda nyuda. Tau madua-ha da anana mini i Nggerihongu: i Lipuni dàngu i Himei. Tau mapatu-ha da anana mini i Kehàtu: i Àmuràmu, i Yihàru, i Hemburungu dàngu i Uhialu. Tau madua-ha da anana mini i Marari: i Màhali dàngu i Muhi. Jia-mahaka nyuda yiada da boku la mangilu-da da biliku da matamu-nja nyuda.
21Na kalibaru Nggerihongu jiaha da biliku Lipuni dàngu Himei. 22Da mini la kalibaru Nggerihongu da mahau wulada hamangui da marihi welingu lai nu da pa-tulihu 7.500-ha nggubulu-da. 23-24I Eliyahàpu anana i Layilu jiaya na maliku urunya nuna na kalibaru. La ngia pa-pamaüngu-na na banjaru Ihirailu na kalibaru nuna la patama loduha la kajia Maüna i MIRI da-ngiangu ningu. 25Ba paloku-ya na Maüna i MIRI nyuda ma-hanobaku-ya pa-tanara-ya na Maü dàngu na ndàdana, na tera la pindu tamana, 26na tera dindi la talora na ma-winggiru-nya na Maü dàngu na ngia pawotu maraku, dàngu na tera dindi la pindu talora. Nyuda ma-hanobaku-ha mbuu ndàbada da paràma ba paloku-ha nuda da malanja.
27Na kalibaru Kehàtu jiaha da biliku Àmuràmu, Yihàru, Hemburungu dàngu Uhialu. 28Da mini da mahau wulada hamangui da marihi welingu lai nu la kalibaru nuna nadangu-da tau 8.600-ha nggubulu-da. Nyuda da pawai ngaba pa-paloku-ha da malanja la Maüna i MIRI. 29-30I Elihapàngu anana i Uhialu jiaya na maliku urunya nuna na kalibaru. La ngia pa-pamaüngu, na kalibaru nuna la luru Maüna i MIRI-ya na-ngiangu ningu. 31Nyuda ma-hanobaku-ya la pa-tanara-ya na Pàti Pa-ràndingu, na menja, na tandai palita, da ngia pawotu maraku, da pakakahu da paràma wàda la Rowa Matua ba hapajia-ha da ratu, dàngu na tera dimbaku na ma-padira-nya na Rowa Matua. Nyuda ma-hanobaku-ha mbuu ndàbada da paràma ba paloku-ha nuda da malanja.
32Na liku uru kabihu Lewi jiaya i Eliahàru, anana i Harungu. Nyuna ma-hamata-ha da tau maràma la Rowa Matua.
33Na kalibaru Marari, jiaha da biliku Màhali dàngu Muhi. 34Da mini da mahau wulada hamangui da marihi welingu lai nu la kalibaru nuna na danguda tau 6.200-ha nggubulu-da. 35I Hurialu anana i Ambihaïlu jiaya na maliku urunya nuna na kalibaru. La ngia pa-pamaüngu, na kalibaru nuna la dia Maüna i MIRI-ya na-ngiangu ningu. 36Nyuda ma-hanobaku-ha da karangga-na na Maü, da patengangu-na, da kambaniru-na, da latana dàngu mbuu ndàbada da pakakahu-na dàngu mbuu ndàbada da paràma ba paloku-ha nuda da malanja. 37Jia-mbuha da kambaniru, da lata, da pandiku dàngu da liku ndumana na talora la hambeli.
38La ngia pa-pamaüngu, i Muha dàngu i Harungu hamangui da anada lupangu-ma la hangga Maüna i MIRI-ha da-ngiangu ningu, la pahunga loduna. Nyuda ma-hanobaku-ya na lii lumungu nduma banjaru Ihirailu la Rowa Matua. Hinggilu-da nyuda nggamu biaya na ma-kamangu pa-paloku-ya na paràma nuna lupangu-ma pa-hukungu metiya. 39Mbuu ndàbada da mini la kabihu Lewi da mahau wulada dàngu da marihi welingu lai nu da pa-tulihu-na i Muha pa-namatu-nya na kalibaru-da nimbihu-da nunjuya na pareta-na i MIRI, nggubulu-da tau 22.000-ha danguda.
Da tau Lewi jiaha da hiluda da mini kawunga ana Ihirailu
40-41I MIRI napanii-nya i Muha, “Mbutada da anakeda mini kawunga ana Ihirailu mangunggu Nyunggaha. Tulihu-ha da tamuda nyuda da mahau wulada hamangui da marihi welingu lai nu. Na nyuna na hiluda nyuda, paloha-nggunyaka ba mangunggu Nyunggaha mbuu ndàbada da tau Lewi. Nyungga MIRI-ka! Dàngu da banda tau Lewimbu ku-paloha-nya jiaha da mahilu-ha mbuu ndàbada da banda ma-kawunga dedi la banda banjaru Ihirailu,” wàna. 42Pahàra-nanyaka na pareta-na i MIRI paraïna i Muha; na-tulihu ndàbaha da tamu anakeda mini kawunga ana 43da mahau wulada hamangui da marihi welingu lai nu. Nggubulu-da tau 22.273-ha.
44Hàla hi napanii i MIRI lai Muha, 45“Pa-hinggilu-ha da tau Lewi ndumanggu Nyungga ka jiaha da hiluda mbuu ndàbada da kawunga anakeda mini Ihirailu; dàngumbu da banda tau Lewi ba hiluda da banda tau Ihirailu-ha. 46Rukuna ba darihi 273 da mini kawunga ana Ihirailu welingu la tau Lewi nggubulu-da, ipapuru-njaka bàdi nuda da rihida. 47Nduma nimbihu-da da ana, lupangu-ma imbayaru lima àmahu bara pa-namatu-nya na pa-bilangu pakàli wàngu la Maünggu; 48wuaha nuda da àmahu lai Harungu dàngu da anana,” wàna. 49Pahàra-nanyaka na pareta-na i MIRI paraïna i Muha. 50Napiti 1.365 àmahu bara, 51hi nawua-ha lai Harungu dàngu da anana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)