DIHA 14
14
Ba dahali ura dedi na banjaru Ihirailu
1Da-kanjupu-ya na rudungu ba la - ladada da tau Ihirailu ba dahii. 2Da-hoputu-nya i Muha dàngu i Harungu hi dapanii, “Marihi hàmu-kipa làti ka mbàda metinda la Mehiru jàka ndiakai la maràda telangu yiana! Màta ka tameti biawa! 3Nggàra linguna ba na-karia-nda i MIRI nu la tana nuna? Napa nyuta tameti-du la pabera tàka hi tanawa-nja da papaha dàngu da anada. Narihi hamupa làti ka tabeli bia la Mehiru!” wàda. 4Hi dapanii dàngga anguda, “Màlawa ka tapindi haàtu ma-kapipi-ta ka tabeli la Mehiru!” wàda.
5Ka marubuku-danyaka i Muha dàngu i Harungu la hangga mbutana na rayatu. 6Ka bàriku-dahaka da pakida nyuda i Yuhua anana i Nungu dàngu i Kalipu anana i Yapuni nu da tau madua welingu la malua pa-pakapilitu, paraï pa-handuka. 7Dapanii-nya mbutana na rayatu, “Na tana palua pa-kanuturu-ma nda ningu hama hàmuna. 8Jàka naora-nda eti i MIRI, napa na-karia-nda lai nu hi nawua-ndanya nyuta na tana wulu dàngu na ma-kamboka. 9Àmbu ndubaku-duya i MIRI, dàngu àmbu mangàdatu-nja da tau da mangia-nya na tana nuna, nadu ba nawàngu pamuda-ma-a ba ta-pakàku-ha napa. Na maopa-nja nyuda mbàda dunjaku-nanjaka, tàka i MIRI naangu-nda nyuta. Ba tuna, àmbu mangàdatu-du,” wàda. 10Mbutana na rayatu da-pangàdungu pa-nàhaku-nja watu ka lundu metida. Na nyuna hi jia ita bia-danya na handaraku-na i MIRI ba na-kawudaku la dita Maüna.
Ba na-hamaya-nya tungguna na banjaru i Muha
11I MIRI napanii-nya i Muha, “Lundu pirangu-mapa da tau yiada ba da ndubaku-ka Nyungga? Lundu pirangu-mapa ba nda dabihu pawaika Nyungga? Jiapakai ba dira dangu bia-haka da pa-hangàtarungu pawunda-nggu la hanggada nyuda? 12Napa ku-patàlaru-ha ba kuwàngu pa-patàkanja hidu pala. Tàka nyumu ku-panjadi-kau kawunga amana na hau banjaru marihi pa-bokulu dàngu marihi pa-kapingatu welingu lai nyuda!” wàna.
13Tàka i Muha napanii lai MIRI, “Ou MIRI, napa napii-dunya tau Mehiru na rukuna nuna! Tàka làti ba wàngu kawaha pàku dumu bau luhu ngàndi-kama welingu la Mehiru, 14dàngu napa dapeka-nja da tau la tana yiana da mbambàda ronguya ba Nyumu, MIRI mambàda angu-nggama nyuma. Mbàda rongu-mbudaka nyuda ba mbàda pa-wuwangu-muka wikimu lai nyuma bau mangilu-nggama nyuma daa la tandai karumangu la lodu, dàngu la tandai epi la rudungu. 15Jàkau pameti ndàbaya yiana na banjaru-mu, napa dapanii wàngudu da banjaru da mambàda ronguya na kawulangu-mu 16ba ruku nda duluku-dumupa pa-karia-nja la tana na pambàda njanjimu-nja, tàka hiu pameti-ya na banjaru-mu la maràda telangu. 17Jia ba tuna, MIRI, ku-kamahi-nggau pa-itangu-ya na mbihamu lai nyuma dàngu pahàra-nyawa na pambàda njanjimu. Ba mbàda panii-dumuka, 18‘Nyungga yia MIRI, nda namuda-a na mbeninggu. Ku-paitangu-ya na mbuhanggu dàngu na tuturu-nggu na mabundu làndangu. Kujàma-nya na tau na manjala dàngu na ma-ndubaku-ka. Jiapa-kai ba tuna nu da njalada da ma-kaweda napa ku-palimba-nja la a - anada dàngu la u - umbuku-da, lundu la ndalaru tailu dàngu patu, ba wàmu-duka.’ 19Nàhu, MIRI, rukuna ba ma-kanjupu pa-aïngu dàngu ma-tuturu-kau la pa-njanjingu-mu, ku-kamahi-nggau, jàma àru-kinja da njalada da tau yiada hama tuna ba mbàda jàma-munja nyuda piti welingu ba da-dunjaku-nya na Mehiru,” wàna.
20Ka hema-nanyaka i MIRI, “Tu biana duna, napa kujàma-nja da njalada hama tuna na pakarai-mu. 21Na nyuna ku-panjanjingu wànya na wikinggu, Nyungga maluri dàngu ma-hanggubu-nya yiana na pinu tana, 22ba nda haàtu-a maluri pangalangu welingu la tau yiada la patama-nya na tana pambàda njanji-nggunja da boku la mangilu-da. Nadu, ba nda dabihu pa-karadaku-ngga Nyungga, dàngu ba da-nutakungu pakama-ngga Nyungga. Tàka làti mbàda ita paku-dudanya na handaraku-nggu ba ningga, na panda tara, dàngu da pa-hangàtarungu da pawunda-nggu la Mehiru dàngu la maràda telangu. 23Ndia-a! Nda jia tama-adanya nuna na tana. Nda jia haàtu-a welingu lai nyuda, da ma-ndubaku-ka Nyungga majia diliya nuna na tana. 24-25Na nyuna nda tuna nua na atanggu i Kalipu. Nyuna duna pa-daingu tuturu-na duku lai Nyungga. Tuna nuduka napa hi ku-karia-nya la tana na pambàda njadana. Nàhu tau Kanaàngu dàngu tau Amaliku ma-ndàdiku la ma-ndidaru nuna. Tàka napa na ngabana lai nu damangu-nya ana umbuku-na i Kalipu na atanggu. Haromu lupangu-maka bàdi kai punjilungu pabeli la maràda telangu na ma-hanggangu la Njobu wai Akamba,” wàna.
I MIRI nahuku-nya na banjaru Ihirailu rukuna ba da-hoputu
26I MIRI napanii-nya i Muha dàngu i Harungu, 27“Lundu pirangu-mapa bàdi ba da-hoputu yiada da tau akatu pa-katanggaru ka Nyungga? Hoda-nggunyaka parongu-ya nahali-da ura dedi. 28Màta ka tuna yia bàdi bai hemaha nyuda: Napanii i MIRI, ‘Kuhara wànya na wikunggu na maluri ba ku-palua-nggai lima napa, pa-namatu-nya na-pakarai wikimi. Nyungga yia, MIRI mambàda panii. 29Mbàda hoputu-miki lai Nyungga. Jia ba tuna napa imeti hi da-taneparu da metimi la maràda telangu yiana. 30Hinggilu-da i Kalipu dàngu i Yuhua, nda haàtu-mbupa napa la hongami nyimi da marihi welingu la dua kambulu ndaungu lurida matama-nya na tana pambàda njanji-nggunggai nyimi. 31Pa-tanawangu-ha napa da anama wàmi. Na nyuna napa ku-karia-nja la tana na pa-tulaku-mi nyimi, hi tana paraingu wiki-danya nuna na tana. 32Tàka nyimi napa imeti la maràda telangu yiana. 33Napa patu kambulu ndaungu mandaina ba da-lindingu la maràda telangu da anami. Rukuna ba ndai tuturu, napa da mayila da anami, hi lupa nameti na ma-malamiri dehi lai nyimi. 34Patu kambulu ndaungu mandaina, napa bai pàdanya da injada da njalami; hau ndaungu nduma nimbihu lodu welingu la patu kambulu lodu na pa-kanuturu wàminya nuna na tana. Napa ipiinya nggiki-ina na papàda-mi jàka ku-ndubaku-kai nyimi! 35Ku-harangu ba jiangu-ma napa kuwunda-ya nuna lai nyimi, tau akatu ma-pahamangu la pa-ndubaku-ka Nyungga. La maràda telangu yiana napa imeti ningu nyimi mbuu ndàbami. Nyungga yia, MIRI mambàda panii,’ ” wàna.
36-37Da tau pambàda palewa-na i Muha pa-kanuturu-ya nuna na tana, dabeli ngàndi pulungu mànda pa-deningu, hi kiri hoputu wànguda da tau Ihirailu lai MIRI. Tuna nuduka nyuda hi nahuku-nja i MIRI hi kiri metida la panyaki. 38Welingu la tau hakambulu madua da malua pa-kapilitu, didi-aha i Yuhua dàngu i Kalipu da ma-padaingu paluri.
Na kawunga pitingu ba hadanya nuna na tana
(Bel. 1:41-46)
39Ba na-patàka-nyaka i Muha la banjaru Ihirailu na papanii-na i MIRI, ka ringu langu-nanyaka nuna na banjaru ba dàngu hawina-na. 40La haromu-na la mbaru hada rudungu, hawa - waritu danyaka nyuda pa-kandekalu la pinu palindi. Dapanii nyuda, “Deningu-mana ba mbàda njala-maka. Na nyuna nàhu, ehingu-mama-nyaka palua la pangia na papanii-nanggama i MIRI wàmaka,” wàda.
41Na nyuna napanii i Muha, “Ka nggikina dimi nàhu hi imbuhangu papangga-ya na hupu liina i MIRI? Nda jia ngalangu-ami! 42Àmbi luadu! Napa na-pakàku-kai muhumi ba nda nakaria-anggai i MIRI. 43Bai pa-hanobaku napa dàngu tau Amaliku dàngu da tau Kanaàngu, jiangu-ma bai meti la pa-hànjalungu. Nda jia karia-ananggai i MIRI ba ndai bihudu pa-karadaku-nya Nyuna,” wànanja.
44Na nyuna datoru mbeni biapa da tau Ihirailu palua la ngabana nu na ma-palindingu, ka jiapa-kai nda na-tanggihiru welingu la ngia pa-pamaüngu i Muha dàngu na Pàti Pa-ràndingu. 45Tàka da tau Amaliku dàngu da tau Kanaàngu da ma-ngiangu lai nu da-hànjalu-ha hi da-pakàku-ha da tau Ihirailu tàka hi dayaulu-ha lundu la Hòruma.
Currently Selected:
DIHA 14: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
DIHA 14
14
Ba dahali ura dedi na banjaru Ihirailu
1Da-kanjupu-ya na rudungu ba la - ladada da tau Ihirailu ba dahii. 2Da-hoputu-nya i Muha dàngu i Harungu hi dapanii, “Marihi hàmu-kipa làti ka mbàda metinda la Mehiru jàka ndiakai la maràda telangu yiana! Màta ka tameti biawa! 3Nggàra linguna ba na-karia-nda i MIRI nu la tana nuna? Napa nyuta tameti-du la pabera tàka hi tanawa-nja da papaha dàngu da anada. Narihi hamupa làti ka tabeli bia la Mehiru!” wàda. 4Hi dapanii dàngga anguda, “Màlawa ka tapindi haàtu ma-kapipi-ta ka tabeli la Mehiru!” wàda.
5Ka marubuku-danyaka i Muha dàngu i Harungu la hangga mbutana na rayatu. 6Ka bàriku-dahaka da pakida nyuda i Yuhua anana i Nungu dàngu i Kalipu anana i Yapuni nu da tau madua welingu la malua pa-pakapilitu, paraï pa-handuka. 7Dapanii-nya mbutana na rayatu, “Na tana palua pa-kanuturu-ma nda ningu hama hàmuna. 8Jàka naora-nda eti i MIRI, napa na-karia-nda lai nu hi nawua-ndanya nyuta na tana wulu dàngu na ma-kamboka. 9Àmbu ndubaku-duya i MIRI, dàngu àmbu mangàdatu-nja da tau da mangia-nya na tana nuna, nadu ba nawàngu pamuda-ma-a ba ta-pakàku-ha napa. Na maopa-nja nyuda mbàda dunjaku-nanjaka, tàka i MIRI naangu-nda nyuta. Ba tuna, àmbu mangàdatu-du,” wàda. 10Mbutana na rayatu da-pangàdungu pa-nàhaku-nja watu ka lundu metida. Na nyuna hi jia ita bia-danya na handaraku-na i MIRI ba na-kawudaku la dita Maüna.
Ba na-hamaya-nya tungguna na banjaru i Muha
11I MIRI napanii-nya i Muha, “Lundu pirangu-mapa da tau yiada ba da ndubaku-ka Nyungga? Lundu pirangu-mapa ba nda dabihu pawaika Nyungga? Jiapakai ba dira dangu bia-haka da pa-hangàtarungu pawunda-nggu la hanggada nyuda? 12Napa ku-patàlaru-ha ba kuwàngu pa-patàkanja hidu pala. Tàka nyumu ku-panjadi-kau kawunga amana na hau banjaru marihi pa-bokulu dàngu marihi pa-kapingatu welingu lai nyuda!” wàna.
13Tàka i Muha napanii lai MIRI, “Ou MIRI, napa napii-dunya tau Mehiru na rukuna nuna! Tàka làti ba wàngu kawaha pàku dumu bau luhu ngàndi-kama welingu la Mehiru, 14dàngu napa dapeka-nja da tau la tana yiana da mbambàda ronguya ba Nyumu, MIRI mambàda angu-nggama nyuma. Mbàda rongu-mbudaka nyuda ba mbàda pa-wuwangu-muka wikimu lai nyuma bau mangilu-nggama nyuma daa la tandai karumangu la lodu, dàngu la tandai epi la rudungu. 15Jàkau pameti ndàbaya yiana na banjaru-mu, napa dapanii wàngudu da banjaru da mambàda ronguya na kawulangu-mu 16ba ruku nda duluku-dumupa pa-karia-nja la tana na pambàda njanjimu-nja, tàka hiu pameti-ya na banjaru-mu la maràda telangu. 17Jia ba tuna, MIRI, ku-kamahi-nggau pa-itangu-ya na mbihamu lai nyuma dàngu pahàra-nyawa na pambàda njanjimu. Ba mbàda panii-dumuka, 18‘Nyungga yia MIRI, nda namuda-a na mbeninggu. Ku-paitangu-ya na mbuhanggu dàngu na tuturu-nggu na mabundu làndangu. Kujàma-nya na tau na manjala dàngu na ma-ndubaku-ka. Jiapa-kai ba tuna nu da njalada da ma-kaweda napa ku-palimba-nja la a - anada dàngu la u - umbuku-da, lundu la ndalaru tailu dàngu patu, ba wàmu-duka.’ 19Nàhu, MIRI, rukuna ba ma-kanjupu pa-aïngu dàngu ma-tuturu-kau la pa-njanjingu-mu, ku-kamahi-nggau, jàma àru-kinja da njalada da tau yiada hama tuna ba mbàda jàma-munja nyuda piti welingu ba da-dunjaku-nya na Mehiru,” wàna.
20Ka hema-nanyaka i MIRI, “Tu biana duna, napa kujàma-nja da njalada hama tuna na pakarai-mu. 21Na nyuna ku-panjanjingu wànya na wikinggu, Nyungga maluri dàngu ma-hanggubu-nya yiana na pinu tana, 22ba nda haàtu-a maluri pangalangu welingu la tau yiada la patama-nya na tana pambàda njanji-nggunja da boku la mangilu-da. Nadu, ba nda dabihu pa-karadaku-ngga Nyungga, dàngu ba da-nutakungu pakama-ngga Nyungga. Tàka làti mbàda ita paku-dudanya na handaraku-nggu ba ningga, na panda tara, dàngu da pa-hangàtarungu da pawunda-nggu la Mehiru dàngu la maràda telangu. 23Ndia-a! Nda jia tama-adanya nuna na tana. Nda jia haàtu-a welingu lai nyuda, da ma-ndubaku-ka Nyungga majia diliya nuna na tana. 24-25Na nyuna nda tuna nua na atanggu i Kalipu. Nyuna duna pa-daingu tuturu-na duku lai Nyungga. Tuna nuduka napa hi ku-karia-nya la tana na pambàda njadana. Nàhu tau Kanaàngu dàngu tau Amaliku ma-ndàdiku la ma-ndidaru nuna. Tàka napa na ngabana lai nu damangu-nya ana umbuku-na i Kalipu na atanggu. Haromu lupangu-maka bàdi kai punjilungu pabeli la maràda telangu na ma-hanggangu la Njobu wai Akamba,” wàna.
I MIRI nahuku-nya na banjaru Ihirailu rukuna ba da-hoputu
26I MIRI napanii-nya i Muha dàngu i Harungu, 27“Lundu pirangu-mapa bàdi ba da-hoputu yiada da tau akatu pa-katanggaru ka Nyungga? Hoda-nggunyaka parongu-ya nahali-da ura dedi. 28Màta ka tuna yia bàdi bai hemaha nyuda: Napanii i MIRI, ‘Kuhara wànya na wikunggu na maluri ba ku-palua-nggai lima napa, pa-namatu-nya na-pakarai wikimi. Nyungga yia, MIRI mambàda panii. 29Mbàda hoputu-miki lai Nyungga. Jia ba tuna napa imeti hi da-taneparu da metimi la maràda telangu yiana. 30Hinggilu-da i Kalipu dàngu i Yuhua, nda haàtu-mbupa napa la hongami nyimi da marihi welingu la dua kambulu ndaungu lurida matama-nya na tana pambàda njanji-nggunggai nyimi. 31Pa-tanawangu-ha napa da anama wàmi. Na nyuna napa ku-karia-nja la tana na pa-tulaku-mi nyimi, hi tana paraingu wiki-danya nuna na tana. 32Tàka nyimi napa imeti la maràda telangu yiana. 33Napa patu kambulu ndaungu mandaina ba da-lindingu la maràda telangu da anami. Rukuna ba ndai tuturu, napa da mayila da anami, hi lupa nameti na ma-malamiri dehi lai nyimi. 34Patu kambulu ndaungu mandaina, napa bai pàdanya da injada da njalami; hau ndaungu nduma nimbihu lodu welingu la patu kambulu lodu na pa-kanuturu wàminya nuna na tana. Napa ipiinya nggiki-ina na papàda-mi jàka ku-ndubaku-kai nyimi! 35Ku-harangu ba jiangu-ma napa kuwunda-ya nuna lai nyimi, tau akatu ma-pahamangu la pa-ndubaku-ka Nyungga. La maràda telangu yiana napa imeti ningu nyimi mbuu ndàbami. Nyungga yia, MIRI mambàda panii,’ ” wàna.
36-37Da tau pambàda palewa-na i Muha pa-kanuturu-ya nuna na tana, dabeli ngàndi pulungu mànda pa-deningu, hi kiri hoputu wànguda da tau Ihirailu lai MIRI. Tuna nuduka nyuda hi nahuku-nja i MIRI hi kiri metida la panyaki. 38Welingu la tau hakambulu madua da malua pa-kapilitu, didi-aha i Yuhua dàngu i Kalipu da ma-padaingu paluri.
Na kawunga pitingu ba hadanya nuna na tana
(Bel. 1:41-46)
39Ba na-patàka-nyaka i Muha la banjaru Ihirailu na papanii-na i MIRI, ka ringu langu-nanyaka nuna na banjaru ba dàngu hawina-na. 40La haromu-na la mbaru hada rudungu, hawa - waritu danyaka nyuda pa-kandekalu la pinu palindi. Dapanii nyuda, “Deningu-mana ba mbàda njala-maka. Na nyuna nàhu, ehingu-mama-nyaka palua la pangia na papanii-nanggama i MIRI wàmaka,” wàda.
41Na nyuna napanii i Muha, “Ka nggikina dimi nàhu hi imbuhangu papangga-ya na hupu liina i MIRI? Nda jia ngalangu-ami! 42Àmbi luadu! Napa na-pakàku-kai muhumi ba nda nakaria-anggai i MIRI. 43Bai pa-hanobaku napa dàngu tau Amaliku dàngu da tau Kanaàngu, jiangu-ma bai meti la pa-hànjalungu. Nda jia karia-ananggai i MIRI ba ndai bihudu pa-karadaku-nya Nyuna,” wànanja.
44Na nyuna datoru mbeni biapa da tau Ihirailu palua la ngabana nu na ma-palindingu, ka jiapa-kai nda na-tanggihiru welingu la ngia pa-pamaüngu i Muha dàngu na Pàti Pa-ràndingu. 45Tàka da tau Amaliku dàngu da tau Kanaàngu da ma-ngiangu lai nu da-hànjalu-ha hi da-pakàku-ha da tau Ihirailu tàka hi dayaulu-ha lundu la Hòruma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)