PARATU 8
8
I Muha na-katua-ya i Harungu dàngu da anana
(Lu. 29:1-37)
1I MIRI napanii-nya i Muha, 2“Paau-nya i Harungu dàngu da anana dàngu ngàndiwa paki ratu, mina lii, heu kamboka hapi mini nduma kameti maraku jàmangu njala, dua ngiu mbimbi bumbu dàngu hau mbola roti nda patai wolungu. 3Hàlaka nu, paràha-nya na banjaru Ihirailu ka na-pauhi la hangga pindu Maünggu,” wànanya.
4I Muha nanunju-ya na pareta-na i MIRI. Ba na-pauhi-ka nggubulu-na na banjaru Ihirailu la pangia lai nu, 5panii-nanyaka i Muha lai nyuda, “Na pa-paloku-nggu nàhu pareta-na i MIRI-ya,” wànanja.
6Hàla hi na-paràha-nya i Harungu dàngu da anana ka da-ndàharungu la hangga ka dabaha wikida. 7Tunaka nu hi napahau-nya paki i Harungu: kalembi kamenja, boru bànggi dàngu kalembi bokulu. Dàngu eputu#eputu; hawàla paki ba hama kalembi nda ningu limangu-ya, welingu la tera mapabe - betingu ma-kanjupu mbotu wilina. La kalembi nuna pa-hondungu-ya mboha ma-ihingu Urimu dàngu Tumimu. Nu da madàmbu-da da papi wàna na ratu jàka nggàraya na pawuku-na i MIRI Ala. “Eputu” = “kalembi ratu” ngalangu pawànda-nya.-mbu na pahondu la bànggina wàngu liku tera malijangu. 8Hàla hi na pakàna-nya ndàbi kuruna i Harungu, tàka daa la ndàbi kuru napuhi-ha da Urimu dàngu Tumimu.#Urimu dàngu Tumimu; Jiaha da madàmbu-da da pawàna na ratu la papi wànya na pawuku-na i MIRI Ala. Nda papi padeni-anya jàka wàngu panggiki hamana ba wànja nuda nu. 9Hàla hi nawotu-nya tera lenju na katiku-na i Harungu dàngu hi na-pakàna-nya ngaü àmahu rara la kaba mata terana, na manjadi tanda ba mbàda manguna i MIRI-yaka i Harungu. Mbuu ndàbada nuda na-paloku-ha i Muha nunjuya na pareta-na i MIRI lai nyuna.
10Hàla i Muha hi napiti-ya na mina lii, tàka hi nadoha-nya la Maüna i MIRI dàngu la mbuu ndàbada da pamàtu wàna. Nu ba tuna nu mbuu ndàbada pa-panudangu ndumana i MIRI-ha. 11Hawutu welingu la mina nuna na-paiharu papihu wundanya na pinu ngia pawotu maraku dàngu mbuu ndàbada da pamàtu wàna, dàngumbu la karaba dàngu na latana. Nu ba tuna nu mbuu ndàbada nuda pa-panudangu ndumana i MIRI-ha. 12Hàlaka nu hi na-katua-ya i Harungu ba nawàngu paburiya hawutu na mina lii la katiku-na i Harungu. 13Hàla hi na-paràha-nja da anana i Harungu pa-ndàharungu la hangga. Hi napahau-nja kamenja dàngu boru bànggi. Hi nawotu-nja tera lenju da katiku-da hama tuna na pareta-na i MIRI lai nyuna.
14Hàlaka nu i Muha napiti heu kamboka hapi mini nduma kameti maraku jàmangu njala. I Harungu dàngu da anana da-padambaku-nya lima la katiku-na nuna na banda. 15Hàla i Muha hi narupu-ya hi napiti hawiangu riana. Nuna na ria nadoha wànya wua limana la kadu la kabihu ngia pawotu maraku ka panudanya i Ala nuna na ngia pawotu maraku. Na ria na marihi naburi-ya la kiri ngia pawotu maraku. Tuna nu na pawàngu ba pa-matua-ya nuna na ngia pawotu maraku dàngu hi panudanya ndumana i MIRI. 16Welingu la hapi nuna na pabidi rupu, nyuna i Muha napiti ndàbaya na aparu-na na ma-kamburu-nya na ihi kambuna, da wua kadalu-na mangu mbokangu-da dàngu hangia na marihi hàmu halawàla welingu la etina. Nuda mbuu ndàbada natunu-ha la pinu ngia pawotu maraku. 17Tàka na nyuna na toluna nuna na hapi, na manula-na, na ihi kambuna na marihi pa-kariangu tanaina, jia ba tuna nggubulu-na nuna na hapi hinggilu-da da pambàda pa-hinggilu natunu-ya la hambeli ngia pa-pamaüngu hama tuna na pareta na pambàda wuana i MIRI.
18Tunaka nu i Muha napiti-ya na mbimbi bumbu nduma kameti maraku patunu, hàla i Harungu dàngu da anana hi da-padambaku-nja da limada la katiku-na nuna na mbimbi. 19I Muha narupu-ya nuna na mbimbi tàka na riana naburi-ya la patu karaha ngia pawotu maraku. 20-21Hàlaka nu i Muha hi nada - datuya nuna na banda tàka da ihi kambuna dàngu da wihina nabaha wànja wai. Na katiku-na, na mbokana, dàngu na marihi welingu la toluna nuna na mbimbi bumbu natunu-ha nduma kameti maraku patunu la pinu ngia pawotu maraku hama tuna na pareta pambàda wuana i MIRI lai nyuna. Na wau hiritu-na nuna na kameti maraku pangangu nahàmu wànya na etina i MIRI.
22Hàla i Muha hi napiti-ya na heu na mbimbi na padua wàna nduma kameti maraku katua ratu. I Harungu dàngu da anana da-padambaku-nja da limada la katiku-na nuna na mbimbi, 23hàla i Muha hi narupu-ya. Hàlaka nu hi napiti hawutu riana nuna na banda, tàka hi nadoha-nya la hupu wawa kahilu kawana-na i Harungu, la wua lima bai kawana-na, dàngu la wua wihi bai kawana-na. 24Tunaka nu hi na-paràha-nja da anana i Harungu pa-ndàharungu, hàla hi nadoha-nja hawutu ria la hupu wawa kahilu kawana-da, la wua lima bai kawana-da, lupa la wua wihi bai kawana-da. Na ria na marihi naburi-ya la patu karaha ngia pawotu maraku. 25I Muha napiti-ya na mbokana nuna na mbimbi, na kikuna na maningu mbokangu, mbuu ndàbana na aparu-na na ma-kamburu-nya na ihi kambuna, hangia na marihi hàmu halawàla welingu la etina, da wua kadalu-na dàngu mbokada, lupa na winju kawana-na. 26Welingu la mbola roti nda patai wolungu na pambàda hunggu marakungu lai MIRI, nyuna i Muha napiti hau roti timbi na pa-pandoi wàngu mina dàngu hau roti manipa. Nuda da roti natuha la pinu mboka dàngu winju kawana-na na mbimbi. 27Nggubulu-da nuda natuha la limana i Harungu dàngu da anana, hàla hi dahunggu maraku wànja ba hunggu maraku pa-pajolangu lai MIRI-ha. 28Hàlaka nu i Muha hi napiti-ha nuda da pangangu welingu lai nyuda tàka hi natunu-ha la pinu ngia pawotu maraku, papohu-nja da kameti maraku patunu nduma kameti maraku lii katua. Na wau hiritu-na nuna na kameti maraku pangangu nahàmu wànya na etina i MIRI. 29Hàla i Muha napiti-ya na kakauna nuna na mbimbi tàka hi nahunggu maraku wànya ba hunggu maraku pa-pajolangu lai MIRI-ya. Nuna ndumana i Muha-yaka welingu la mbimbi bumbu na patuu kameti maraku ndumana na lii katua ratu. Mbuu ndàbada nuda na-palaku-ha i Muha hama tumana na pareta-na i MIRI lai nyuna.
30Hàlaka nu i Muha hi napiti hawiangu welingu la mina lii katua dàngu hawiangu welingu la ria na maninya la pinu ngia pawotu maraku, hàla hi na-paiharu-nya lai Harungu dàngu da anana lupa da pakida. Wàngu patuna nu nyuna i Muha ba na-panuda-nja nyuda dàngu da pakida lai MIRI.
31Tunaka nu panii-nanyaka i Muha lai Harungu dàngu da anana, “Manahu-hawa da tolu kameti maraku la pindu Maüna i MIRI. Nunjuya na pareta-na i MIRI, lupangu-ma nyimi kai nga wànja lai nu da roti hunggu maraku lii katua da maninja la mbola. 32Da tolungu dàngu da roti da marihi lupangu mitunu panjàpu-maha bàdi. 33Pihu mbua lodumi mandaina àmbi dunjaku-dunya na pindu Maüna i MIRI lundu nanjàpu na lii katua. 34I MIRI nawua-nda pareta ka ta-palaku pangala-nya jàka nggàraya na pa-paloku-nda la lodu nàhu. Wàngu patuna nu hi jàmanja da njala-mika. 35Pihu mbua lodu mandaina, lodu rudungu, lupangu-ma mi-ndàdiku la hangga pindu Maü, kai paloku-ya jàka nggàraya na lii pareta-na i MIRI. Jàka ndai wànya nuna, nyimi napa imeti. Nunaya na pareta-na i MIRI lai nyungga,” wànanja. 36Hàla i Harungu dàngu da anana danunju hàla-maha mbuu ndàbada da pareta-na i MIRI la ngaruna i Muha.
Currently Selected:
PARATU 8: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PARATU 8
8
I Muha na-katua-ya i Harungu dàngu da anana
(Lu. 29:1-37)
1I MIRI napanii-nya i Muha, 2“Paau-nya i Harungu dàngu da anana dàngu ngàndiwa paki ratu, mina lii, heu kamboka hapi mini nduma kameti maraku jàmangu njala, dua ngiu mbimbi bumbu dàngu hau mbola roti nda patai wolungu. 3Hàlaka nu, paràha-nya na banjaru Ihirailu ka na-pauhi la hangga pindu Maünggu,” wànanya.
4I Muha nanunju-ya na pareta-na i MIRI. Ba na-pauhi-ka nggubulu-na na banjaru Ihirailu la pangia lai nu, 5panii-nanyaka i Muha lai nyuda, “Na pa-paloku-nggu nàhu pareta-na i MIRI-ya,” wànanja.
6Hàla hi na-paràha-nya i Harungu dàngu da anana ka da-ndàharungu la hangga ka dabaha wikida. 7Tunaka nu hi napahau-nya paki i Harungu: kalembi kamenja, boru bànggi dàngu kalembi bokulu. Dàngu eputu#eputu; hawàla paki ba hama kalembi nda ningu limangu-ya, welingu la tera mapabe - betingu ma-kanjupu mbotu wilina. La kalembi nuna pa-hondungu-ya mboha ma-ihingu Urimu dàngu Tumimu. Nu da madàmbu-da da papi wàna na ratu jàka nggàraya na pawuku-na i MIRI Ala. “Eputu” = “kalembi ratu” ngalangu pawànda-nya.-mbu na pahondu la bànggina wàngu liku tera malijangu. 8Hàla hi na pakàna-nya ndàbi kuruna i Harungu, tàka daa la ndàbi kuru napuhi-ha da Urimu dàngu Tumimu.#Urimu dàngu Tumimu; Jiaha da madàmbu-da da pawàna na ratu la papi wànya na pawuku-na i MIRI Ala. Nda papi padeni-anya jàka wàngu panggiki hamana ba wànja nuda nu. 9Hàla hi nawotu-nya tera lenju na katiku-na i Harungu dàngu hi na-pakàna-nya ngaü àmahu rara la kaba mata terana, na manjadi tanda ba mbàda manguna i MIRI-yaka i Harungu. Mbuu ndàbada nuda na-paloku-ha i Muha nunjuya na pareta-na i MIRI lai nyuna.
10Hàla i Muha hi napiti-ya na mina lii, tàka hi nadoha-nya la Maüna i MIRI dàngu la mbuu ndàbada da pamàtu wàna. Nu ba tuna nu mbuu ndàbada pa-panudangu ndumana i MIRI-ha. 11Hawutu welingu la mina nuna na-paiharu papihu wundanya na pinu ngia pawotu maraku dàngu mbuu ndàbada da pamàtu wàna, dàngumbu la karaba dàngu na latana. Nu ba tuna nu mbuu ndàbada nuda pa-panudangu ndumana i MIRI-ha. 12Hàlaka nu hi na-katua-ya i Harungu ba nawàngu paburiya hawutu na mina lii la katiku-na i Harungu. 13Hàla hi na-paràha-nja da anana i Harungu pa-ndàharungu la hangga. Hi napahau-nja kamenja dàngu boru bànggi. Hi nawotu-nja tera lenju da katiku-da hama tuna na pareta-na i MIRI lai nyuna.
14Hàlaka nu i Muha napiti heu kamboka hapi mini nduma kameti maraku jàmangu njala. I Harungu dàngu da anana da-padambaku-nya lima la katiku-na nuna na banda. 15Hàla i Muha hi narupu-ya hi napiti hawiangu riana. Nuna na ria nadoha wànya wua limana la kadu la kabihu ngia pawotu maraku ka panudanya i Ala nuna na ngia pawotu maraku. Na ria na marihi naburi-ya la kiri ngia pawotu maraku. Tuna nu na pawàngu ba pa-matua-ya nuna na ngia pawotu maraku dàngu hi panudanya ndumana i MIRI. 16Welingu la hapi nuna na pabidi rupu, nyuna i Muha napiti ndàbaya na aparu-na na ma-kamburu-nya na ihi kambuna, da wua kadalu-na mangu mbokangu-da dàngu hangia na marihi hàmu halawàla welingu la etina. Nuda mbuu ndàbada natunu-ha la pinu ngia pawotu maraku. 17Tàka na nyuna na toluna nuna na hapi, na manula-na, na ihi kambuna na marihi pa-kariangu tanaina, jia ba tuna nggubulu-na nuna na hapi hinggilu-da da pambàda pa-hinggilu natunu-ya la hambeli ngia pa-pamaüngu hama tuna na pareta na pambàda wuana i MIRI.
18Tunaka nu i Muha napiti-ya na mbimbi bumbu nduma kameti maraku patunu, hàla i Harungu dàngu da anana hi da-padambaku-nja da limada la katiku-na nuna na mbimbi. 19I Muha narupu-ya nuna na mbimbi tàka na riana naburi-ya la patu karaha ngia pawotu maraku. 20-21Hàlaka nu i Muha hi nada - datuya nuna na banda tàka da ihi kambuna dàngu da wihina nabaha wànja wai. Na katiku-na, na mbokana, dàngu na marihi welingu la toluna nuna na mbimbi bumbu natunu-ha nduma kameti maraku patunu la pinu ngia pawotu maraku hama tuna na pareta pambàda wuana i MIRI lai nyuna. Na wau hiritu-na nuna na kameti maraku pangangu nahàmu wànya na etina i MIRI.
22Hàla i Muha hi napiti-ya na heu na mbimbi na padua wàna nduma kameti maraku katua ratu. I Harungu dàngu da anana da-padambaku-nja da limada la katiku-na nuna na mbimbi, 23hàla i Muha hi narupu-ya. Hàlaka nu hi napiti hawutu riana nuna na banda, tàka hi nadoha-nya la hupu wawa kahilu kawana-na i Harungu, la wua lima bai kawana-na, dàngu la wua wihi bai kawana-na. 24Tunaka nu hi na-paràha-nja da anana i Harungu pa-ndàharungu, hàla hi nadoha-nja hawutu ria la hupu wawa kahilu kawana-da, la wua lima bai kawana-da, lupa la wua wihi bai kawana-da. Na ria na marihi naburi-ya la patu karaha ngia pawotu maraku. 25I Muha napiti-ya na mbokana nuna na mbimbi, na kikuna na maningu mbokangu, mbuu ndàbana na aparu-na na ma-kamburu-nya na ihi kambuna, hangia na marihi hàmu halawàla welingu la etina, da wua kadalu-na dàngu mbokada, lupa na winju kawana-na. 26Welingu la mbola roti nda patai wolungu na pambàda hunggu marakungu lai MIRI, nyuna i Muha napiti hau roti timbi na pa-pandoi wàngu mina dàngu hau roti manipa. Nuda da roti natuha la pinu mboka dàngu winju kawana-na na mbimbi. 27Nggubulu-da nuda natuha la limana i Harungu dàngu da anana, hàla hi dahunggu maraku wànja ba hunggu maraku pa-pajolangu lai MIRI-ha. 28Hàlaka nu i Muha hi napiti-ha nuda da pangangu welingu lai nyuda tàka hi natunu-ha la pinu ngia pawotu maraku, papohu-nja da kameti maraku patunu nduma kameti maraku lii katua. Na wau hiritu-na nuna na kameti maraku pangangu nahàmu wànya na etina i MIRI. 29Hàla i Muha napiti-ya na kakauna nuna na mbimbi tàka hi nahunggu maraku wànya ba hunggu maraku pa-pajolangu lai MIRI-ya. Nuna ndumana i Muha-yaka welingu la mbimbi bumbu na patuu kameti maraku ndumana na lii katua ratu. Mbuu ndàbada nuda na-palaku-ha i Muha hama tumana na pareta-na i MIRI lai nyuna.
30Hàlaka nu i Muha hi napiti hawiangu welingu la mina lii katua dàngu hawiangu welingu la ria na maninya la pinu ngia pawotu maraku, hàla hi na-paiharu-nya lai Harungu dàngu da anana lupa da pakida. Wàngu patuna nu nyuna i Muha ba na-panuda-nja nyuda dàngu da pakida lai MIRI.
31Tunaka nu panii-nanyaka i Muha lai Harungu dàngu da anana, “Manahu-hawa da tolu kameti maraku la pindu Maüna i MIRI. Nunjuya na pareta-na i MIRI, lupangu-ma nyimi kai nga wànja lai nu da roti hunggu maraku lii katua da maninja la mbola. 32Da tolungu dàngu da roti da marihi lupangu mitunu panjàpu-maha bàdi. 33Pihu mbua lodumi mandaina àmbi dunjaku-dunya na pindu Maüna i MIRI lundu nanjàpu na lii katua. 34I MIRI nawua-nda pareta ka ta-palaku pangala-nya jàka nggàraya na pa-paloku-nda la lodu nàhu. Wàngu patuna nu hi jàmanja da njala-mika. 35Pihu mbua lodu mandaina, lodu rudungu, lupangu-ma mi-ndàdiku la hangga pindu Maü, kai paloku-ya jàka nggàraya na lii pareta-na i MIRI. Jàka ndai wànya nuna, nyimi napa imeti. Nunaya na pareta-na i MIRI lai nyungga,” wànanja. 36Hàla i Harungu dàngu da anana danunju hàla-maha mbuu ndàbada da pareta-na i MIRI la ngaruna i Muha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)