PARATU 23
23
Da lodu remi
1I MIRI nawua-nyaha i Muha 2da kalaratu yiada rukuna na mbabu anggama na pa-bobaru ba lodu bokulu rehi lumungu-ya. 3Nomu mbua loduna na rehi ràma, tàka na lodu na papihu wàna, na lodu Hangahu, jiaya na lodu hangahu na pa-panuda-nya i MIRI. La lodu nuna lupangu-ma kai pauhi la pa-lumungu dàngu àmbi ràmadu. 4Yiada-haka da lodu bokulu da pa-kawuku-na i MIRI dàngu ba lupangu pa-bobaru-ha la rehi pa-kawuku.
Na Lodu Remi Paha dàngu Roti Nda Patai Wolungu
(Di. 28:16-25)
5Na Lodu Remi Paha, na pa-mbabungu ka tembiya i MIRI, na-pakiringu ba natama-ka na lodu la tànggalu hakambulu patu la wulangu kawunga-na. 6La haromu-na, la tànggalu hakambulu lima pakiringu-nanyaka na mbabungu Roti Nda Patai Wolungu, dàngu la dalu pihu mbua lodu àmbi ngangudu roti pa-pandoi wàngu tai wolu. 7-8Nu la dalu pihu mbua lodu lupangu-ma kai wotu kameti maraku pangangu lai MIRI. La lodu kawunga-na dàngu na papihu wàna na mbabu, lupangu-ma kai pauhi kai paloku-ya na lumungu dàngu àmbi ràmadu paràma mambotu.
9-10Jàka mitàka-ka napa la tana na pawua-nanggai i MIRI, dàngu bai kalamitu-haka da ihi woka, na uhu nggàndumu kawunga honduna na pamuti-mi lupangu-ma ngàndiya la ratu. 11Hadangu harii ba hàla palodu Hangahu lupangu na ratu nawotu-ya nuna na uhu nggàndumu ka hunggu maraku pa-pajolangu lai MIRI-ya, ka nahàmu wàngu na etina i MIRI lai nyimi. 12La lodu wotu-minya nuna na uhu nggàndumu lupangu-ma iwotumbu nduma kameti maraku patunu heu ana mbimbi bumbu mahau ndauna dàngu àmbu ningu nyurana. 13Nduma hunggu maraku pangangu wotuma dàmbu kilu kanguta pa-pakorungu mina haitungu. Na wau hiritu-na nuna na hunggu maraku nahàmu wànya na etina i MIRI. Anguna yiana wotumbu hau litaru wai angguru. 14Jàka ndedi iwotuya na hunggu maraku nuna lai MIRI, àmbi ngangudu jiapa hawutu welingu nuna na uhu nggàndumu bidi, ka mamata-ya, ka pa-padarangu-ya jàka ndia ka roti-yakai. Na kalaratu yiana lupangu danunju-maya bàdi paraï mbuu ndàbada da wàla wuamu lundu nu - nu.
Na Remi Muti
(Di. 28:26-31)
15Pakiri welingu la hambeli lodu Hangahu, ba jiaya nawotu-miha lai MIRI da hondu kawunga uhu nggàndumu, lupangu-ma kai diha pihu mbua minggu lundungu. 16La lodu palima kambulu wàna, nu la hambeli lodu Hangahu na papihu wàna lupangu-ma mingàndi hunggu maraku mangejingu lai MIRI. 17Nimbihu kuru uma lupangu-ma nawotu dàmbu roti nduma hunggu maraku pa-pajolangu lai MIRI. Nimbihu roti lupangu-ma pandoi-ha welingu la dàmbu kilu kanguta kangudahu patungu tai wolu dàngu lupangu-ma wotuha lai MIRI ka hunggu maraku kawunga ihi wokaha. 18Na karia-da nuda da roti, lupangu-ma na banjaru Ihirailu nawotu pihu ngiu mbimbi mahau ndauna, heu hapi mini dàngu dua ngiu kamàmbi. Nimbihu-da àmbu ningudu nyurada dàngu lupangu-ma wotuha nduma kameti maraku patunu la MIRI, karia-da da hunggu maraku mangejingu dàngu hunggu maraku wai angguru. Na wau hiritu-da nuda da kameti maraku nahàmu wànya na etina i MIRI. 19Wotumbu heu kamàmbi bumbu nduma kameti maraku jàmangu njala, dàngu dua ngiu mbimbi bumbu mahau ndauna nduma kameti maraku papeku. 20Da roti dàngu da dua ngiu ana mbimbi nuda lupangu-ma nawotu-ha ratu ka hunggu maraku pa-pajolangu lai MIRI-ha dàngu nuda nduma ratu-haka. Da maraku nuda ma-matua-ha. 21La lodu nuna lupangu-ma kai pauhi la pa-lumungu dàngu àmbi ràmadu paràma mambotu. Na kalaratu nuna lupangu-ma danunju-ya paraï da wàla wuami lundu nu - nu, jiapa ka nda nggiha da-ngiangu ningu.
22Jàkai muti, àmbi muti-duha da uhu nggàndumu da matumbu la halinggi wokami, dàngu àmbi belidu pa-kanembu-ha da uhu nggàndumu da marihi bai hàla pamuti. Jàmanja nuda ndumada da tau mila dàngu tau weli nàmungu. I MIRI jiaya na Alami, wàna.
Na Remi Ndaungu Bidi
(Di. 29:1-6)
23-24La tànggalu hau wulangu pihu lupangu-ma mbabunya ba lodu pa-pahinggilu-ya ka hangahu. Na lodu nuna, pa-pakada wànya lingu taropitu, dàngu lupangu-ma kai pauhi la pa-lumungu. 25Wotuwa hunggu maraku pangangu lai MIRI dàngu àmbi ràmadu paràma mambotu la lodu nuna.
Na Lodu Jàmangu Njala
(Di. 29:7-11)
26-27La tànggalu hakambulu wulangu pihu, jia-yaka na lodu wunda lii jàmangu njala banjaru Ihirailu la nimbihu ndaungu. La lodu nuna lupangu-ma kai puaha dàngu kai pauhi la pa-lumungu dàngu kai wotu hunggu maraku pangangu lai MIRI. 28Àmbi ràmadu, nadu na lodu nuna jiaya na lodu jàmangu njala, ka peku ngalangu-mi jàmangu njala la hanggana i MIRI. 29Nggamu biaya na mangangu ngga - nggàra la lodu nuna, nda pahilu reki-ayapa ba anggota banjaru-na i Alaya. 30Dàngu nggamu biaya na maràma paràma la lodu nuna, i MIRI wikima duna na mahuku-nya ba nawàngu hukungu meti. 31Na kalaratu yiana nanggàna-ha mbuu ndàbada da wàla wuamu, jiapa nda nggiha da-ngiangu ningu. 32Pakiringu la tama lodu la tànggalu hiwa wulangu nuna lundu la tama lodu la tànggalu hakambulu lupangu-ma kai mbabunya hama tuna na lodu Hangahu, na lodu pa-pahinggilu ka hangahu. Lundu njàpuna na lodu la lodu nuna lupangu-ma kai puaha.
Na Remi Maü Ma-paraungu
(Di. 29:12-40)
33-34Na Remi Maü Ma-paraungu na-pakiringu la tànggalu hakambulu lima wulangu pihu dàngu pihu mbua lodu mandaina. 35-36La dalu pihu mbua lodu nuna, nimbihu lodu lupangu-ma kai wotu hunggu maraku pangangu. La lodu kawunga-na dàngu la lodu pawalu wàna lupangu-ma kai pauhi la pa-lumungu dàngu kai wotu hunggu maraku pangangu lai MIRI. Àmbi ràmadu paràma mambotu la lodu nuna.
37Nuda-duhaka da lodu bokulu anggama da pa-kawuku-na i MIRI dàngu lupangu-ma kai pakada-nya. La mbabu-minja nuda lupangu-ma kai tembiya i MIRI bai wàngu pa-pauhi la pa-lumungu dàngu la pawotu hunggu maraku pangangu, hunggu maraku patunu, hunggu maraku mangejingu, kameti maraku banda dàngu hunggu maraku wai angguru, tudana na ràka pawàngu la nimbihu lodu. 38Da lodu da pa-mbabungu nuda jia-haka da pabonja la lodu - lodu Hangahu-ka, jia ba tuna nuda da hunggu maraku jiaha da pabonja la hunggu da pakàli wotumi, la hunggu maraku pa-lundungu panjanji jàka ndia la hunggu maraku wàngu eti wikimi da pawotu-mi lai MIRI.
39Ba hàlaka pamuti pakiringu la tànggalu hakambulu lima wulangu pihu, lupangu-ma kai patumbu-ya na mbabu pihu mbua lodu mandaina. Na lodu kawunga-na dàngu na pawalu wàna jiaha da lodu pa-pahinggilu ka hangahu. 40La lodu kawunga-na lupangu-ma kai pàpuha da wua ai malàngga da mahàmu halawàla la wokami, dàngumbu ruu wola dàngu lai ai marumbingu, hàla pakiringu-wa pambabu mbaha eti la patembi wànya i MIRI Alami. 41Nuna na mbabu lupangu kai pangala-nya la dalu pihu mbua lodu. Na kalaratu nuna lupangu-ma da-paloku-ya paraï da wàla wuami lundu nu - nu. 42Pihu mbua lodu mandaina nggubulu-na na banjaru Ihirailu lupangu-ma na-ngiangu la maü ma-paraungu, 43ka peku pidanya da wàla wuami ba na-paràha-nya na banjaru Ihirailu paraïna i MIRI ka da-ngiangu la maü da maràka ada, ba jiaya na karia-nanja paluhu welingu la Mehiru. Nyuna MIRI Ala-minya.
44Tuna nu i Muha ba na-patàka-nya la banjaru Ihirailu da kalaratu rukuna na huri paloku-ha da pa-mbabungu ka tembi wànya i MIRI.
Currently Selected:
PARATU 23: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PARATU 23
23
Da lodu remi
1I MIRI nawua-nyaha i Muha 2da kalaratu yiada rukuna na mbabu anggama na pa-bobaru ba lodu bokulu rehi lumungu-ya. 3Nomu mbua loduna na rehi ràma, tàka na lodu na papihu wàna, na lodu Hangahu, jiaya na lodu hangahu na pa-panuda-nya i MIRI. La lodu nuna lupangu-ma kai pauhi la pa-lumungu dàngu àmbi ràmadu. 4Yiada-haka da lodu bokulu da pa-kawuku-na i MIRI dàngu ba lupangu pa-bobaru-ha la rehi pa-kawuku.
Na Lodu Remi Paha dàngu Roti Nda Patai Wolungu
(Di. 28:16-25)
5Na Lodu Remi Paha, na pa-mbabungu ka tembiya i MIRI, na-pakiringu ba natama-ka na lodu la tànggalu hakambulu patu la wulangu kawunga-na. 6La haromu-na, la tànggalu hakambulu lima pakiringu-nanyaka na mbabungu Roti Nda Patai Wolungu, dàngu la dalu pihu mbua lodu àmbi ngangudu roti pa-pandoi wàngu tai wolu. 7-8Nu la dalu pihu mbua lodu lupangu-ma kai wotu kameti maraku pangangu lai MIRI. La lodu kawunga-na dàngu na papihu wàna na mbabu, lupangu-ma kai pauhi kai paloku-ya na lumungu dàngu àmbi ràmadu paràma mambotu.
9-10Jàka mitàka-ka napa la tana na pawua-nanggai i MIRI, dàngu bai kalamitu-haka da ihi woka, na uhu nggàndumu kawunga honduna na pamuti-mi lupangu-ma ngàndiya la ratu. 11Hadangu harii ba hàla palodu Hangahu lupangu na ratu nawotu-ya nuna na uhu nggàndumu ka hunggu maraku pa-pajolangu lai MIRI-ya, ka nahàmu wàngu na etina i MIRI lai nyimi. 12La lodu wotu-minya nuna na uhu nggàndumu lupangu-ma iwotumbu nduma kameti maraku patunu heu ana mbimbi bumbu mahau ndauna dàngu àmbu ningu nyurana. 13Nduma hunggu maraku pangangu wotuma dàmbu kilu kanguta pa-pakorungu mina haitungu. Na wau hiritu-na nuna na hunggu maraku nahàmu wànya na etina i MIRI. Anguna yiana wotumbu hau litaru wai angguru. 14Jàka ndedi iwotuya na hunggu maraku nuna lai MIRI, àmbi ngangudu jiapa hawutu welingu nuna na uhu nggàndumu bidi, ka mamata-ya, ka pa-padarangu-ya jàka ndia ka roti-yakai. Na kalaratu yiana lupangu danunju-maya bàdi paraï mbuu ndàbada da wàla wuamu lundu nu - nu.
Na Remi Muti
(Di. 28:26-31)
15Pakiri welingu la hambeli lodu Hangahu, ba jiaya nawotu-miha lai MIRI da hondu kawunga uhu nggàndumu, lupangu-ma kai diha pihu mbua minggu lundungu. 16La lodu palima kambulu wàna, nu la hambeli lodu Hangahu na papihu wàna lupangu-ma mingàndi hunggu maraku mangejingu lai MIRI. 17Nimbihu kuru uma lupangu-ma nawotu dàmbu roti nduma hunggu maraku pa-pajolangu lai MIRI. Nimbihu roti lupangu-ma pandoi-ha welingu la dàmbu kilu kanguta kangudahu patungu tai wolu dàngu lupangu-ma wotuha lai MIRI ka hunggu maraku kawunga ihi wokaha. 18Na karia-da nuda da roti, lupangu-ma na banjaru Ihirailu nawotu pihu ngiu mbimbi mahau ndauna, heu hapi mini dàngu dua ngiu kamàmbi. Nimbihu-da àmbu ningudu nyurada dàngu lupangu-ma wotuha nduma kameti maraku patunu la MIRI, karia-da da hunggu maraku mangejingu dàngu hunggu maraku wai angguru. Na wau hiritu-da nuda da kameti maraku nahàmu wànya na etina i MIRI. 19Wotumbu heu kamàmbi bumbu nduma kameti maraku jàmangu njala, dàngu dua ngiu mbimbi bumbu mahau ndauna nduma kameti maraku papeku. 20Da roti dàngu da dua ngiu ana mbimbi nuda lupangu-ma nawotu-ha ratu ka hunggu maraku pa-pajolangu lai MIRI-ha dàngu nuda nduma ratu-haka. Da maraku nuda ma-matua-ha. 21La lodu nuna lupangu-ma kai pauhi la pa-lumungu dàngu àmbi ràmadu paràma mambotu. Na kalaratu nuna lupangu-ma danunju-ya paraï da wàla wuami lundu nu - nu, jiapa ka nda nggiha da-ngiangu ningu.
22Jàkai muti, àmbi muti-duha da uhu nggàndumu da matumbu la halinggi wokami, dàngu àmbi belidu pa-kanembu-ha da uhu nggàndumu da marihi bai hàla pamuti. Jàmanja nuda ndumada da tau mila dàngu tau weli nàmungu. I MIRI jiaya na Alami, wàna.
Na Remi Ndaungu Bidi
(Di. 29:1-6)
23-24La tànggalu hau wulangu pihu lupangu-ma mbabunya ba lodu pa-pahinggilu-ya ka hangahu. Na lodu nuna, pa-pakada wànya lingu taropitu, dàngu lupangu-ma kai pauhi la pa-lumungu. 25Wotuwa hunggu maraku pangangu lai MIRI dàngu àmbi ràmadu paràma mambotu la lodu nuna.
Na Lodu Jàmangu Njala
(Di. 29:7-11)
26-27La tànggalu hakambulu wulangu pihu, jia-yaka na lodu wunda lii jàmangu njala banjaru Ihirailu la nimbihu ndaungu. La lodu nuna lupangu-ma kai puaha dàngu kai pauhi la pa-lumungu dàngu kai wotu hunggu maraku pangangu lai MIRI. 28Àmbi ràmadu, nadu na lodu nuna jiaya na lodu jàmangu njala, ka peku ngalangu-mi jàmangu njala la hanggana i MIRI. 29Nggamu biaya na mangangu ngga - nggàra la lodu nuna, nda pahilu reki-ayapa ba anggota banjaru-na i Alaya. 30Dàngu nggamu biaya na maràma paràma la lodu nuna, i MIRI wikima duna na mahuku-nya ba nawàngu hukungu meti. 31Na kalaratu yiana nanggàna-ha mbuu ndàbada da wàla wuamu, jiapa nda nggiha da-ngiangu ningu. 32Pakiringu la tama lodu la tànggalu hiwa wulangu nuna lundu la tama lodu la tànggalu hakambulu lupangu-ma kai mbabunya hama tuna na lodu Hangahu, na lodu pa-pahinggilu ka hangahu. Lundu njàpuna na lodu la lodu nuna lupangu-ma kai puaha.
Na Remi Maü Ma-paraungu
(Di. 29:12-40)
33-34Na Remi Maü Ma-paraungu na-pakiringu la tànggalu hakambulu lima wulangu pihu dàngu pihu mbua lodu mandaina. 35-36La dalu pihu mbua lodu nuna, nimbihu lodu lupangu-ma kai wotu hunggu maraku pangangu. La lodu kawunga-na dàngu la lodu pawalu wàna lupangu-ma kai pauhi la pa-lumungu dàngu kai wotu hunggu maraku pangangu lai MIRI. Àmbi ràmadu paràma mambotu la lodu nuna.
37Nuda-duhaka da lodu bokulu anggama da pa-kawuku-na i MIRI dàngu lupangu-ma kai pakada-nya. La mbabu-minja nuda lupangu-ma kai tembiya i MIRI bai wàngu pa-pauhi la pa-lumungu dàngu la pawotu hunggu maraku pangangu, hunggu maraku patunu, hunggu maraku mangejingu, kameti maraku banda dàngu hunggu maraku wai angguru, tudana na ràka pawàngu la nimbihu lodu. 38Da lodu da pa-mbabungu nuda jia-haka da pabonja la lodu - lodu Hangahu-ka, jia ba tuna nuda da hunggu maraku jiaha da pabonja la hunggu da pakàli wotumi, la hunggu maraku pa-lundungu panjanji jàka ndia la hunggu maraku wàngu eti wikimi da pawotu-mi lai MIRI.
39Ba hàlaka pamuti pakiringu la tànggalu hakambulu lima wulangu pihu, lupangu-ma kai patumbu-ya na mbabu pihu mbua lodu mandaina. Na lodu kawunga-na dàngu na pawalu wàna jiaha da lodu pa-pahinggilu ka hangahu. 40La lodu kawunga-na lupangu-ma kai pàpuha da wua ai malàngga da mahàmu halawàla la wokami, dàngumbu ruu wola dàngu lai ai marumbingu, hàla pakiringu-wa pambabu mbaha eti la patembi wànya i MIRI Alami. 41Nuna na mbabu lupangu kai pangala-nya la dalu pihu mbua lodu. Na kalaratu nuna lupangu-ma da-paloku-ya paraï da wàla wuami lundu nu - nu. 42Pihu mbua lodu mandaina nggubulu-na na banjaru Ihirailu lupangu-ma na-ngiangu la maü ma-paraungu, 43ka peku pidanya da wàla wuami ba na-paràha-nya na banjaru Ihirailu paraïna i MIRI ka da-ngiangu la maü da maràka ada, ba jiaya na karia-nanja paluhu welingu la Mehiru. Nyuna MIRI Ala-minya.
44Tuna nu i Muha ba na-patàka-nya la banjaru Ihirailu da kalaratu rukuna na huri paloku-ha da pa-mbabungu ka tembi wànya i MIRI.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)