PARATU 16
16
Lodu Remi Jàmangu Njala
1La hambeli metida da madua da anana i Harungu, ba dawàngu epi panda mbuhana i MIRI, i MIRI napanii-nya i Muha, 2“Patàka-nya na ayamu i Harungu, ba mbulungu la rehi pa-kawuku-a bàdi hi pekuna patama la Rowa Mahupu Matua na pa-padirangu wàngu tera dimbaku, ba lai nudu ba ku-pawuwangu wikinggu daa la karumangu la pinu ndàbi Pàti Pa-ràndingu. Nyuna i Harungu jàka napangga-ya na pareta nuna, napa nameti. 3Mbulungu ba wàngu pahunggu maraku wàngu kamboka hapi mini nduma kameti maraku jàmangu njala, dàngu heu mbimbi bumbu nduma kameti maraku patunu-a bàdi, hi pekuna i Harungu patama-nya na Rowa Mahupu Matua,” wàna.
4Na-pangalangu-na lupangu-ma bàdi i Harungu naeti wànja da kalaratu yiada. Ba ndedi natama-nya na Rowa Mahupu Matua lupangu naihu-mapa bàdi ka namangu papaki paki ratu, nu na kalembi, na hakalaki kababa, na boru bànggi dàngu tera lenju, mbuu ndàbada tera linangu-ha.
5Hàla lupangu-ma na banjaru Ihirailu ka nawua-nya i Harungu dua ngiu kamàmbi bumbu nduma kameti maraku jàmangu njala, dàngu heu mbimbi bumbu nduma kameti maraku patunu. 6Lupangu-ma i Harungu nahunggu maraku wàngu heu hapi mini nduma kameti maraku jàmangu njala nduma wikina nyuna dàngu nduma kuru umana. 7Da dua ngiu kamàmbi bumbu da ma-pawelingu la banjaru Ihirailu, lupangu nangàndi-maha bàdi la hangga pindu Maüna i MIRI. 8Lai nu lupangu-ma natungu undi ba nawàngu dàmbu watu, na hau patungu tandaya “tangguna i MIRI” wàna, dàngu na haui “tangguna i Ahahilu”#Ahahilu: Na tamu yiana la hilu Imbarani nda papi-anya jàka nggàra wàna talànga wanguna tamu wàndi akatu ma-ngiangu la maràda telangu-ya. wàna. 9Na kamàmbi na panggàna pindi ndumana i MIRI lupangu-ma hunggu maraku wànya nduma jàmangu njala. 10Na kamàmbi na panggàna pindi ndumana i Ahahilu, lupangu-ma pahangga kaluri-nya lai MIRI, hàla ka yauluya la maràda telangu ndumana i Ahahilu, ka podahu-ha da njalana na banjaru Ihirailu.
11Ba nahàla-ka i Harungu pahunggu maraku wànya na hapi mini nduma kameti maraku jàmangu njala nduma wikina nyuna dàngu nduma kuru umana, 12lupangu-ma napiti kanai epi welingu la ngia pawotu maraku hi napinu wànya wàla epi, dàngu dua upu dupa kangudahu, hàla ka nangàndi-ha la Rowa Mahupu Matua. 13Lupangu-ma natunu-ya na dupa la hangga Pàti Pa-ràndingu ka lupa na-panggàbalu-nya kutungu-na na ndàbi Pàti Pa-ràndingu, ka àmbu peku ita-nanya paraïna i Harungu, nadu jàka naita-ya, napa nameti. 14Hàla lupangu-ma napiti hawutu ria hapi i Harungu, tàka ka na-paiharu wànya wua limana nuna na ria la hanggana na ndàbi Pàti Pa-ràndingu dàngu ka na-papihu wundangu pa-paiharu-nya la hanggana na Pàti Paràndingu.
15Hàlaka nu lupangu-ma narupu-ya na kamàmbi kameti maraku jàmangu njala banjaru Ihirailu nyuna i Harungu. Nuna na ria kamàmbi lupangu-ma nangàndi-ya la Rowa Mahupu Matua, hàla ka na-paiharu-nya la hanggana na ndàbi Pàti Pa-ràndingu dàngu la hanggana nuna na Pàti, hama tuna na pambàda paloku-na kawai wàngu ria hapi mini nuna. 16Tuna nu na pawàngu ba na-hawari-ya na Rowa Mahupu Matua welingu la iraku-na na banjaru Ihirailu dàngu welingu la mbuu ndàbada da njalada. Na Maüna i MIRI lupangu hawari-maya bàdi nadu ba ninya la pahiku ngia pa-pamaüngu-na na banjaru Ihirailu dàngu na iraku-da nyuda. 17Piti welingu la rehi tama-nanya na Rowa Mahupu Matua i Harungu la pa-paloku-ya na lii hawari, lundu la rehi luhuna, àmbu ningudu haàtu daa la Maü. Ba nahàla-ka pa-paloku-ya na lii nduma wikina nyuna, nduma kuru umana dàngu nduma nggubulu-na na banjaru Ihirailu, 18lupangu-ma naluhu i Harungu ka nalua la ngia pawotu maraku kameti maraku patunu, la pa-hawari-ya nuna na ngia pawotu maraku. Lupangu-ma napiti hawutu ria hapi dàngu ria kamàmbi, hàla ka naruhi-nja da kadu la kabihu - kabihu-na na ngia pawotu maraku. 19Wàngu wua limana lupangu-ma na-paiharu-nya hawutu nuna na ria papihu wundangu la pinu ngia pawotu maraku. Wàngu patuna nu ba na-hawari-ya na ngia pawotu maraku welingu la iraku-na na banjaru Ihirailu, ka na-matua.
Na kamàmbi mitingu
20Ba nahàla-ka i Harungu pa-paloku-ya na lii hawari-ya na Rowa Mahupu Matua dàngu da pangia hawiangu la Maüna i MIRI dàngu na ngia pawotu marakuna, lupangu-ma i Harungu nahunggu maraku-nya lai MIRI na kamàmbi luri na panggàna pindi ndumana i Ahahilu.#Ahahilu: tàngaru-ya la 16:8. 21Lupangu-ma na-padambaku-nja da limana la pinu katiku-na na kamàmbi nuna ba dàngu peka ndàba-naha da njala, da njalada dàngu da papangga-na na banjaru Ihirailu. Ba tuna nu mbuu ndàbada da njalana na banjaru Ihirailu pa-paleli-njaka la katiku-na nuna na kamàmbi. Hàla na kamàmbi nuna lupangu-ma nayaulu-ya la maràda telangu paraïna haàtu na pa-patanggungu la matungu nu. 22Na kamàmbi nuna ngàndi hàla-nanjaka duna da njalana na banjaru Ihirailu la hau pangia mambila ndoku na panda ngiangu dàngu lupangu pahàla-ya la maràda telangu.
23Hàlaka nu nyuna i Harungu lupangu-ma natama la Maü, naàli-nja da paki ratuna da papaki-na ba natama la Rowa Mahupu Matua, dàngu ka na-bànjalu-ha lai nu. 24Hàla lupangu-ma naihu la hau pangia pa-patunggungu dàngu ka napaki-ha da paki wikina. Hàlaka nu, lupangu-ma naluhu dàngu ka nahunggu maraku wànya na kameti maraku patunu nduma jàmangu njala nduma wikina nyuna dàngu ndumana na banjaru Ihirailu. 25Na mboka banda jàmangu njala lupangu-ma tunuya la ngia pawotu maraku.
26Na tau na ma-pahàla-ya na kamàmbi ndumana i Ahahilu la maràda telangu, lupanguma nabaha-ha da pakina dàngu ka naihu ba ndedi nabeli la ngia pa-pamaüngu. 27Na hapi mini dàngu na kamàmbi nduma kameti maraku jàmangu njala, na patama ngàndi riana la Rowa Mahupu Matua nduma jàmangu njala, lupangu-ma ngàndiha la hambeli ngia pa-pamaüngu dàngu ka tunuha. Da manula-da, da toluda dàngu da ihi kambuda nuda da banda dua ngiu tunu hàla-maha bàdi. 28Na tau na matunu-ha lupangu-ma nabaha pàkuha da pakina dàngu ka naihu pàku ba ndedi nabeli la ngia pa-pamaüngu.
Na huri reminya na lodu jàmangu njala
29-31Da kalaratu yiada lupangu-ma nunjuha lundu nu - nu. La tànggalu hakambulu wulangu pihu, na tau Ihirailu dàngu na tau hangàdangu na ma-engangu la hongada lupangu-ma da-puaha dàngu pa-hiringu-ha paràma, nadu na lodu nuna ba lodu ma-kanjupu matua-ya. La lodu nuna lupangu-ma paloku-ya na lii hawari-ya na banjaru Ihirailu welingu la mbuu ndàbada da njalana, ka peku ilida. 32Na Ratu Bokulu, na pambàda katua dàngu na pa-panuda-nya i Ala la pahilu-ya na amana, lupangu-ma na-paloku-ya nuna na lii hawari. Lupangu napaki-ha da paki pa-panudangu la matungu nu, 33hàla ka na-paloku-ya na lii hawari-ya na Rowa Mahupu Matua, da pangia hawiangu la Maüna i MIRI, na ngia pawotu maraku, da ratu dàngu nggubulu-na na banjaru Ihirailu. 34Na lii yiana lupangu-ma paloku-ya handàkangu hau ndaungu la pa-hawari-ya na banjaru Ihirailu welingu la mbuu ndàbada da njalada. Nudaha da kalaratu ka nunju-maya bàdi lundu nu - nu.
I Muha nawànya hama tuna na pareta-na i MIRI lai nyuna.
Currently Selected:
PARATU 16: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PARATU 16
16
Lodu Remi Jàmangu Njala
1La hambeli metida da madua da anana i Harungu, ba dawàngu epi panda mbuhana i MIRI, i MIRI napanii-nya i Muha, 2“Patàka-nya na ayamu i Harungu, ba mbulungu la rehi pa-kawuku-a bàdi hi pekuna patama la Rowa Mahupu Matua na pa-padirangu wàngu tera dimbaku, ba lai nudu ba ku-pawuwangu wikinggu daa la karumangu la pinu ndàbi Pàti Pa-ràndingu. Nyuna i Harungu jàka napangga-ya na pareta nuna, napa nameti. 3Mbulungu ba wàngu pahunggu maraku wàngu kamboka hapi mini nduma kameti maraku jàmangu njala, dàngu heu mbimbi bumbu nduma kameti maraku patunu-a bàdi, hi pekuna i Harungu patama-nya na Rowa Mahupu Matua,” wàna.
4Na-pangalangu-na lupangu-ma bàdi i Harungu naeti wànja da kalaratu yiada. Ba ndedi natama-nya na Rowa Mahupu Matua lupangu naihu-mapa bàdi ka namangu papaki paki ratu, nu na kalembi, na hakalaki kababa, na boru bànggi dàngu tera lenju, mbuu ndàbada tera linangu-ha.
5Hàla lupangu-ma na banjaru Ihirailu ka nawua-nya i Harungu dua ngiu kamàmbi bumbu nduma kameti maraku jàmangu njala, dàngu heu mbimbi bumbu nduma kameti maraku patunu. 6Lupangu-ma i Harungu nahunggu maraku wàngu heu hapi mini nduma kameti maraku jàmangu njala nduma wikina nyuna dàngu nduma kuru umana. 7Da dua ngiu kamàmbi bumbu da ma-pawelingu la banjaru Ihirailu, lupangu nangàndi-maha bàdi la hangga pindu Maüna i MIRI. 8Lai nu lupangu-ma natungu undi ba nawàngu dàmbu watu, na hau patungu tandaya “tangguna i MIRI” wàna, dàngu na haui “tangguna i Ahahilu”#Ahahilu: Na tamu yiana la hilu Imbarani nda papi-anya jàka nggàra wàna talànga wanguna tamu wàndi akatu ma-ngiangu la maràda telangu-ya. wàna. 9Na kamàmbi na panggàna pindi ndumana i MIRI lupangu-ma hunggu maraku wànya nduma jàmangu njala. 10Na kamàmbi na panggàna pindi ndumana i Ahahilu, lupangu-ma pahangga kaluri-nya lai MIRI, hàla ka yauluya la maràda telangu ndumana i Ahahilu, ka podahu-ha da njalana na banjaru Ihirailu.
11Ba nahàla-ka i Harungu pahunggu maraku wànya na hapi mini nduma kameti maraku jàmangu njala nduma wikina nyuna dàngu nduma kuru umana, 12lupangu-ma napiti kanai epi welingu la ngia pawotu maraku hi napinu wànya wàla epi, dàngu dua upu dupa kangudahu, hàla ka nangàndi-ha la Rowa Mahupu Matua. 13Lupangu-ma natunu-ya na dupa la hangga Pàti Pa-ràndingu ka lupa na-panggàbalu-nya kutungu-na na ndàbi Pàti Pa-ràndingu, ka àmbu peku ita-nanya paraïna i Harungu, nadu jàka naita-ya, napa nameti. 14Hàla lupangu-ma napiti hawutu ria hapi i Harungu, tàka ka na-paiharu wànya wua limana nuna na ria la hanggana na ndàbi Pàti Pa-ràndingu dàngu ka na-papihu wundangu pa-paiharu-nya la hanggana na Pàti Paràndingu.
15Hàlaka nu lupangu-ma narupu-ya na kamàmbi kameti maraku jàmangu njala banjaru Ihirailu nyuna i Harungu. Nuna na ria kamàmbi lupangu-ma nangàndi-ya la Rowa Mahupu Matua, hàla ka na-paiharu-nya la hanggana na ndàbi Pàti Pa-ràndingu dàngu la hanggana nuna na Pàti, hama tuna na pambàda paloku-na kawai wàngu ria hapi mini nuna. 16Tuna nu na pawàngu ba na-hawari-ya na Rowa Mahupu Matua welingu la iraku-na na banjaru Ihirailu dàngu welingu la mbuu ndàbada da njalada. Na Maüna i MIRI lupangu hawari-maya bàdi nadu ba ninya la pahiku ngia pa-pamaüngu-na na banjaru Ihirailu dàngu na iraku-da nyuda. 17Piti welingu la rehi tama-nanya na Rowa Mahupu Matua i Harungu la pa-paloku-ya na lii hawari, lundu la rehi luhuna, àmbu ningudu haàtu daa la Maü. Ba nahàla-ka pa-paloku-ya na lii nduma wikina nyuna, nduma kuru umana dàngu nduma nggubulu-na na banjaru Ihirailu, 18lupangu-ma naluhu i Harungu ka nalua la ngia pawotu maraku kameti maraku patunu, la pa-hawari-ya nuna na ngia pawotu maraku. Lupangu-ma napiti hawutu ria hapi dàngu ria kamàmbi, hàla ka naruhi-nja da kadu la kabihu - kabihu-na na ngia pawotu maraku. 19Wàngu wua limana lupangu-ma na-paiharu-nya hawutu nuna na ria papihu wundangu la pinu ngia pawotu maraku. Wàngu patuna nu ba na-hawari-ya na ngia pawotu maraku welingu la iraku-na na banjaru Ihirailu, ka na-matua.
Na kamàmbi mitingu
20Ba nahàla-ka i Harungu pa-paloku-ya na lii hawari-ya na Rowa Mahupu Matua dàngu da pangia hawiangu la Maüna i MIRI dàngu na ngia pawotu marakuna, lupangu-ma i Harungu nahunggu maraku-nya lai MIRI na kamàmbi luri na panggàna pindi ndumana i Ahahilu.#Ahahilu: tàngaru-ya la 16:8. 21Lupangu-ma na-padambaku-nja da limana la pinu katiku-na na kamàmbi nuna ba dàngu peka ndàba-naha da njala, da njalada dàngu da papangga-na na banjaru Ihirailu. Ba tuna nu mbuu ndàbada da njalana na banjaru Ihirailu pa-paleli-njaka la katiku-na nuna na kamàmbi. Hàla na kamàmbi nuna lupangu-ma nayaulu-ya la maràda telangu paraïna haàtu na pa-patanggungu la matungu nu. 22Na kamàmbi nuna ngàndi hàla-nanjaka duna da njalana na banjaru Ihirailu la hau pangia mambila ndoku na panda ngiangu dàngu lupangu pahàla-ya la maràda telangu.
23Hàlaka nu nyuna i Harungu lupangu-ma natama la Maü, naàli-nja da paki ratuna da papaki-na ba natama la Rowa Mahupu Matua, dàngu ka na-bànjalu-ha lai nu. 24Hàla lupangu-ma naihu la hau pangia pa-patunggungu dàngu ka napaki-ha da paki wikina. Hàlaka nu, lupangu-ma naluhu dàngu ka nahunggu maraku wànya na kameti maraku patunu nduma jàmangu njala nduma wikina nyuna dàngu ndumana na banjaru Ihirailu. 25Na mboka banda jàmangu njala lupangu-ma tunuya la ngia pawotu maraku.
26Na tau na ma-pahàla-ya na kamàmbi ndumana i Ahahilu la maràda telangu, lupanguma nabaha-ha da pakina dàngu ka naihu ba ndedi nabeli la ngia pa-pamaüngu. 27Na hapi mini dàngu na kamàmbi nduma kameti maraku jàmangu njala, na patama ngàndi riana la Rowa Mahupu Matua nduma jàmangu njala, lupangu-ma ngàndiha la hambeli ngia pa-pamaüngu dàngu ka tunuha. Da manula-da, da toluda dàngu da ihi kambuda nuda da banda dua ngiu tunu hàla-maha bàdi. 28Na tau na matunu-ha lupangu-ma nabaha pàkuha da pakina dàngu ka naihu pàku ba ndedi nabeli la ngia pa-pamaüngu.
Na huri reminya na lodu jàmangu njala
29-31Da kalaratu yiada lupangu-ma nunjuha lundu nu - nu. La tànggalu hakambulu wulangu pihu, na tau Ihirailu dàngu na tau hangàdangu na ma-engangu la hongada lupangu-ma da-puaha dàngu pa-hiringu-ha paràma, nadu na lodu nuna ba lodu ma-kanjupu matua-ya. La lodu nuna lupangu-ma paloku-ya na lii hawari-ya na banjaru Ihirailu welingu la mbuu ndàbada da njalana, ka peku ilida. 32Na Ratu Bokulu, na pambàda katua dàngu na pa-panuda-nya i Ala la pahilu-ya na amana, lupangu-ma na-paloku-ya nuna na lii hawari. Lupangu napaki-ha da paki pa-panudangu la matungu nu, 33hàla ka na-paloku-ya na lii hawari-ya na Rowa Mahupu Matua, da pangia hawiangu la Maüna i MIRI, na ngia pawotu maraku, da ratu dàngu nggubulu-na na banjaru Ihirailu. 34Na lii yiana lupangu-ma paloku-ya handàkangu hau ndaungu la pa-hawari-ya na banjaru Ihirailu welingu la mbuu ndàbada da njalada. Nudaha da kalaratu ka nunju-maya bàdi lundu nu - nu.
I Muha nawànya hama tuna na pareta-na i MIRI lai nyuna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)