YERIMIA 46
46
Na kàkuna na Mehiru la Kàrakemihu
1I MIRI napanii-ngga nyungga rukuda da banjaru, 2pakiringu na Mehiru. Napanii-ngganya rukuna i Neku na hanganji Mehiru, na pa-pakàku la Kàrakemihu lihi Luku Epuràtu paraïna i Nembukatunehàru hanganji Mbambilu la ndaungu papatu wàna na pareta-na i Yuyakimu, hanganji Yahunda. Yiana-ya na papanii-na i MIRI rukuna nuna, 3-4“Da parawira Mehiru dawara-nya na pa-wolakungu hawaritu la pambada, ‘Padàka-ha da nimbumi! Hauwa kalembi bàhi dàngu tuuwa nggubi waja! Hawaritu-ha da temingu dàngu tamawa la angu pamba! Nyimi, pamba li la njara, wotuha da hela! Kaliti-ha da njarami, ndàharangu kai pa-hànjalungu!’ wàda.
5Tàka Nyungga, MIRI, kuita-ha nyuda da-kandulingu paraï pa-mangàdatu. Da panjuri-da pa-pakàku-ha hi dapalai paraï pa-mangàdatu dàngu nda nggilaku-da la kajia. 6Da ma-ànjaru nda damàka pawala wikida, dàngu da mambeni hanggangu nda damara-a welingu la muhu. Da-tunjuru hi danjoru hu dia, la hingi Luku Epuràtu. 7-8Nggamuya nàmu na mahei hama tuna na wai Luku Nilu, hama tuna luku maiwa pahupu hingingu-ya? Nu jia-duyaka na tana Mehiru. Na mapanii, ‘Napa ku-hadangu hi ku-kuaha-ya na pinu tana. Napa ku-patàlaru-ha da paraingu hamanai da ma-mandapu-nja. 9Parimbungu-wa, ha njara! Nggàduku-wa ha kareta! Ndàharungu-wa ha ma-kaborangu matanggu ngàndi temingu welingu la Hundangu dàngu Limbia. Dàngu nyimimbu ha mamàhi papana welingu la tana Lindia,’ ” wàna.
10Tàka nyungga Yerimia kupanii ba jia-yaka yiana na loduna i MIRI Ala Mahupu-jangga dàngu Mahupu-mbiha; la lodu nuna tungu-nanya hilu la mbuu ndàbada da muhuna. Na hapanda-na nanganja nyuda lundu mbihuna, dàngu naunu-nja da riada lundu dirana. Na lodu yiana i MIRI Mahupu-mbiha rupu-nanjaka da kameti-na hu dia, la hingi Luku Epuràtu. 11Ha ma-mandapu-nya na Mehiru, milua-wa pahimbu muru la Nggiliatu!#Nggiliatu: tàngaru-ya la 8:22. Tàka jiapa-kai ba tuna nda ningua muru ma-pahàmu-kai nyimi. 12Na hadamu na ma-pamakiangu anguna, napi hàla-manyaka ba - banjaru. Na kaladaku-mu narongu-mayaka la nggubulu pinu tana. Na panjuri haàtu na-hakimbatu ningui la haàtui, hi da-kawàra njoru patiri nggubulungu la tana.
Na tàkana i Nembukatunehàru
13Ba jiaya na tàkana i Nembukatunehàru hanganji Mbambilu la pa-hànjalu-ya na Mehiru, i MIRI napanii-ngga nyungga, 14“Ha Yerimia, pakada-nyawa na lii langu yiana la parai - paraingu Mehiru nu la Mepihu, la Mikundulu dàngu la Tàhapanihu, ‘Rimangu-wa la pa-pajàrungu wikimi nadu mbuu ndàbada da mangumi napa ba pa-pamolu-nja la pabera. 15Nggikina na Apihu, na marapu-mi na ma-kapàru hi mbàda palaina? Nadu i MIRI ba mbàda talu-duna-nyaka nyuna!’ wàna. 16Dadangu da tanatara-mi napa da ma-hembangu hi danjoru. Nyuda dapanii dàngga anguda, ‘Màla ka tabeli la banjaru-nda ka peku maranda welingu la hapanda muhu,’ wàda.
17Wua-nyawa tamu bidi na hanganji Mehiru, ‘I tanggu kariwatu na manda lu tanggidangu,’ wàminya. 18Nyungga Ala maluri, Nyungga Hanganji-ka, MIRI Mahupu-mbiha. Hama tuna na Palindi Tamburu, na ma-kahuluku la manggawa palindi - palindi, dàngu na Palindi Kàramilu na ma-kahuluku la dita pinu tehiku, tuna nu na kapàru-na nyuna na mamai pa-hànjalu-kau nyumu. 19Hawa - wanjiru-wa dimi, ma-mandapu-nya la Mehiru, ka tanawa-nggai dàngu ka laku ngàndikai! Na Mepihu napa kanànda-yaka, pangia malinggitu-yaka ba nda ningu mangia-nya. 20Na Mehiru hama ana hapi mbokaya, tàka nangguma-nya paraïna walabau muru weli diangu. 21Jiapa da tanatara pahewa-na nda da-duluku-mbu hama tuna ana hapi ma-tanyàbilu-ya. Nda damàka-a nyuda pa-patorungu. Mbuu ndàbada da-punjilungu hi dapalai ka peku marada. Na lodu hukungu-da tàka-nanyaka; jia-mayaka na rehi nggàna-naha pa-tàlaru wàngu. 22Nawala wikina na Mehiru ba dàngu kahiriku-na hama tuna ularu, nadu da tanatara muhu ba mareni-ama-daka. Da-nàhaku wànya kataka hama tuna na tau na mapunggu ai 23dàngu na ma-pawaila-nya na omangu mbànitu na manda peku palumbu làpahu-nya. Na tanatara muhu nda pataü-aya, darihi dangu welingu la kabala. Nyungga, MIRI, kupanii. 24Na ma-mandapu-nya na Mehiru papamakia-ha napa nadu ba na-pakàku-duhaka paraï banjaru weli diangu. Nyungga MIRI mambàda panii,” wàna.
25I MIRI Mahupu-mbiha, Ala Ihirailu, napanii, “Napa kuhuku-nya Nyungga na Amungu na marapu welingu la Tembi, papohu-nya nggubulu-na na Mehiru dàngu da marapu dàngu da hanganji-da. Na hanganji Mehiru dàngu mbuu ndàbada da tau da mawotu-nya nyuna 26napa ku-pakata-nya lai Nembukatunehàru hanganji Mbambilu dàngu da tanatara da ma-mbuhangu pa-pameti-ha. Tàka la malamiri, na Mehiru napa nahilu ngianya hama tuna welingu. Nyungga, MIRI, mambàda panii,” wàna.
I MIRI napa na-pahàla-ya na banjaru-na
27“Ha banjaru-nggu Ihirailu, àmbi mangàdatu!
Ha atanggu Yakupu, àmbu kandàndaku!
Napa ku-pahàla-kai nyimi dàngu da wàla wuami
welingu la tana ma-maliru, la ngia pa-tanawangu-mi.
Napa nyimi mibeli
dàngu mi-ngiangu la tanami dàngu mànjaku-mi.
Napa nyimi miluri dàngu mambiru-mi;
nda ningua paràka pa-mangàdatu-mi.
28Jia-duya àmbi mangàdatu-du, ha banjaru-nggu,
napa kumai pa-pahàla-kai nyimi.
Da banjaru, na ngia pa-paihanggu-nggai,
napa ku-patàlaru-ha mbuu ndàbada,
ba tuna nyimi nda tunggu-nggai nua.
Tubana, napa ndai hinggilu-a welingu la hukungu
tàka na hukungu-nggu lai nyimi namola dàngu pa-namatungu la pawàngu.
Nyungga, MIRI, mambàda panii,” wàna.
Currently Selected:
YERIMIA 46: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 46
46
Na kàkuna na Mehiru la Kàrakemihu
1I MIRI napanii-ngga nyungga rukuda da banjaru, 2pakiringu na Mehiru. Napanii-ngganya rukuna i Neku na hanganji Mehiru, na pa-pakàku la Kàrakemihu lihi Luku Epuràtu paraïna i Nembukatunehàru hanganji Mbambilu la ndaungu papatu wàna na pareta-na i Yuyakimu, hanganji Yahunda. Yiana-ya na papanii-na i MIRI rukuna nuna, 3-4“Da parawira Mehiru dawara-nya na pa-wolakungu hawaritu la pambada, ‘Padàka-ha da nimbumi! Hauwa kalembi bàhi dàngu tuuwa nggubi waja! Hawaritu-ha da temingu dàngu tamawa la angu pamba! Nyimi, pamba li la njara, wotuha da hela! Kaliti-ha da njarami, ndàharangu kai pa-hànjalungu!’ wàda.
5Tàka Nyungga, MIRI, kuita-ha nyuda da-kandulingu paraï pa-mangàdatu. Da panjuri-da pa-pakàku-ha hi dapalai paraï pa-mangàdatu dàngu nda nggilaku-da la kajia. 6Da ma-ànjaru nda damàka pawala wikida, dàngu da mambeni hanggangu nda damara-a welingu la muhu. Da-tunjuru hi danjoru hu dia, la hingi Luku Epuràtu. 7-8Nggamuya nàmu na mahei hama tuna na wai Luku Nilu, hama tuna luku maiwa pahupu hingingu-ya? Nu jia-duyaka na tana Mehiru. Na mapanii, ‘Napa ku-hadangu hi ku-kuaha-ya na pinu tana. Napa ku-patàlaru-ha da paraingu hamanai da ma-mandapu-nja. 9Parimbungu-wa, ha njara! Nggàduku-wa ha kareta! Ndàharungu-wa ha ma-kaborangu matanggu ngàndi temingu welingu la Hundangu dàngu Limbia. Dàngu nyimimbu ha mamàhi papana welingu la tana Lindia,’ ” wàna.
10Tàka nyungga Yerimia kupanii ba jia-yaka yiana na loduna i MIRI Ala Mahupu-jangga dàngu Mahupu-mbiha; la lodu nuna tungu-nanya hilu la mbuu ndàbada da muhuna. Na hapanda-na nanganja nyuda lundu mbihuna, dàngu naunu-nja da riada lundu dirana. Na lodu yiana i MIRI Mahupu-mbiha rupu-nanjaka da kameti-na hu dia, la hingi Luku Epuràtu. 11Ha ma-mandapu-nya na Mehiru, milua-wa pahimbu muru la Nggiliatu!#Nggiliatu: tàngaru-ya la 8:22. Tàka jiapa-kai ba tuna nda ningua muru ma-pahàmu-kai nyimi. 12Na hadamu na ma-pamakiangu anguna, napi hàla-manyaka ba - banjaru. Na kaladaku-mu narongu-mayaka la nggubulu pinu tana. Na panjuri haàtu na-hakimbatu ningui la haàtui, hi da-kawàra njoru patiri nggubulungu la tana.
Na tàkana i Nembukatunehàru
13Ba jiaya na tàkana i Nembukatunehàru hanganji Mbambilu la pa-hànjalu-ya na Mehiru, i MIRI napanii-ngga nyungga, 14“Ha Yerimia, pakada-nyawa na lii langu yiana la parai - paraingu Mehiru nu la Mepihu, la Mikundulu dàngu la Tàhapanihu, ‘Rimangu-wa la pa-pajàrungu wikimi nadu mbuu ndàbada da mangumi napa ba pa-pamolu-nja la pabera. 15Nggikina na Apihu, na marapu-mi na ma-kapàru hi mbàda palaina? Nadu i MIRI ba mbàda talu-duna-nyaka nyuna!’ wàna. 16Dadangu da tanatara-mi napa da ma-hembangu hi danjoru. Nyuda dapanii dàngga anguda, ‘Màla ka tabeli la banjaru-nda ka peku maranda welingu la hapanda muhu,’ wàda.
17Wua-nyawa tamu bidi na hanganji Mehiru, ‘I tanggu kariwatu na manda lu tanggidangu,’ wàminya. 18Nyungga Ala maluri, Nyungga Hanganji-ka, MIRI Mahupu-mbiha. Hama tuna na Palindi Tamburu, na ma-kahuluku la manggawa palindi - palindi, dàngu na Palindi Kàramilu na ma-kahuluku la dita pinu tehiku, tuna nu na kapàru-na nyuna na mamai pa-hànjalu-kau nyumu. 19Hawa - wanjiru-wa dimi, ma-mandapu-nya la Mehiru, ka tanawa-nggai dàngu ka laku ngàndikai! Na Mepihu napa kanànda-yaka, pangia malinggitu-yaka ba nda ningu mangia-nya. 20Na Mehiru hama ana hapi mbokaya, tàka nangguma-nya paraïna walabau muru weli diangu. 21Jiapa da tanatara pahewa-na nda da-duluku-mbu hama tuna ana hapi ma-tanyàbilu-ya. Nda damàka-a nyuda pa-patorungu. Mbuu ndàbada da-punjilungu hi dapalai ka peku marada. Na lodu hukungu-da tàka-nanyaka; jia-mayaka na rehi nggàna-naha pa-tàlaru wàngu. 22Nawala wikina na Mehiru ba dàngu kahiriku-na hama tuna ularu, nadu da tanatara muhu ba mareni-ama-daka. Da-nàhaku wànya kataka hama tuna na tau na mapunggu ai 23dàngu na ma-pawaila-nya na omangu mbànitu na manda peku palumbu làpahu-nya. Na tanatara muhu nda pataü-aya, darihi dangu welingu la kabala. Nyungga, MIRI, kupanii. 24Na ma-mandapu-nya na Mehiru papamakia-ha napa nadu ba na-pakàku-duhaka paraï banjaru weli diangu. Nyungga MIRI mambàda panii,” wàna.
25I MIRI Mahupu-mbiha, Ala Ihirailu, napanii, “Napa kuhuku-nya Nyungga na Amungu na marapu welingu la Tembi, papohu-nya nggubulu-na na Mehiru dàngu da marapu dàngu da hanganji-da. Na hanganji Mehiru dàngu mbuu ndàbada da tau da mawotu-nya nyuna 26napa ku-pakata-nya lai Nembukatunehàru hanganji Mbambilu dàngu da tanatara da ma-mbuhangu pa-pameti-ha. Tàka la malamiri, na Mehiru napa nahilu ngianya hama tuna welingu. Nyungga, MIRI, mambàda panii,” wàna.
I MIRI napa na-pahàla-ya na banjaru-na
27“Ha banjaru-nggu Ihirailu, àmbi mangàdatu!
Ha atanggu Yakupu, àmbu kandàndaku!
Napa ku-pahàla-kai nyimi dàngu da wàla wuami
welingu la tana ma-maliru, la ngia pa-tanawangu-mi.
Napa nyimi mibeli
dàngu mi-ngiangu la tanami dàngu mànjaku-mi.
Napa nyimi miluri dàngu mambiru-mi;
nda ningua paràka pa-mangàdatu-mi.
28Jia-duya àmbi mangàdatu-du, ha banjaru-nggu,
napa kumai pa-pahàla-kai nyimi.
Da banjaru, na ngia pa-paihanggu-nggai,
napa ku-patàlaru-ha mbuu ndàbada,
ba tuna nyimi nda tunggu-nggai nua.
Tubana, napa ndai hinggilu-a welingu la hukungu
tàka na hukungu-nggu lai nyimi namola dàngu pa-namatungu la pawàngu.
Nyungga, MIRI, mambàda panii,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)