YAKOMBU 3
3
Na làma tau
1Angu dedi hapaelami! Àmbu natika pàku padangu na angumi nyimi na ma-mbuhangu panjadi ngguru. Kai pinya nyuta manjadi ngguru napa ba na-pajorutungu-pa na rapatu-ta nyuta welingu la tau hawiangu. 2Nyuta mbuu ndàbanda ba takàli tu manjala. Tàka na tau na manda handàkangu panjala wàngu kareuku-na, nyuna tau lundungu-ya ba namàka pa-roputu wikina. 3Jàka ta-pahàngalu-nya rapa na njara ka peku pa-tundungu-na la pambuha-nda nyuta, peku-manaka ba tawihu hàlaya na tauna. 4Piti-mbuyai na kapalu ka pangerangu wàngu. Jiapa ka nda nggiki bokulu-na nu na kapalu dàngu ka nangàndi-ya ngilu mbangatu, tàka peku biana la pawihu wànya kamudi ana ku - kudu, tundunya na pambuha-na na ma-kamudingu. 5Tuda numbu da làmanda, jiapa ka nda nggiki hama kuduna, tàka ba nda uku katadaku-ya la hau lii - hau lii bokulu.
Ngàdaya jàka nggiki hama bokulu-na na omangu na ma-mutungu paraï ruku epi ana hakudu-ana! 6Na làma hama-mana na epi. La tàda ihinda nyuta, nyuna beri mata wai akatu-ya na ma-wewaru-nya na ma-akatu la nggubulu wikinda. Wànya na epi na ma-pawelingu la epi manda mbàda, nyuna natunu hàlaya na nggubulu paluri wànda nyuta. 7Mbuu ndàbada da banda bohu hangia-hangia, da ma-hawurungu, da mabei dàngu da iyangu tamàka pa-pamopu-ha dàngu mbàda pamopu-mana-njaka paraï tau. 8Tàka na làma tau nda pamàka pa-pamopu-ya jiapa nda nggamuya. Na làma na-akatu dàngu nda pamàka pa-kuaha-ya; bai muru kabaingu pameti wànguya. 9Nyuta tawànya la pamalangu-nya i Miri na Amanda, tàka jia-mbuyai na pawàngu la paràtu-nya na angunda patau, na pa-padikangu tundunya na hadana i Ala. 10Welingu la haua ngaru daluhu da kareuku pa-malangungu wàngu dàngumbu da pa-ràtungu wàngu. Làti àmbu tuna nu bàdi. 11Màla ningu nàhu mata wai ma-handàka kabubalungu wai kàba dàngu wai paita? 12Angu dedi! Nda peku-ana da pingi ai kapilitu ba datungu wua haitungu, dàngu na pingi angguru ba natungu wua kapilitu. Na mata wai mbàru nda jia paluhu-ana wai kàba.
Na manggàna weli ditangu
13Era ningu la hongami nyimi tau ma-manggàna dàngu ma-paeti, màtawa ka na-pawuwa-ya na lurina na mahàmu dàngu ka na-paloku-ya na hangia - hangia na mahàmu, pa-kariangu màjangu dàngu manggàna etina. 14Tàka jàka mi-kapihi, mi-karaü etimi, dàngu mi-kehangu kangeha wikimi, àmbi hamemu wà-dunya na manggàna tungu nu, nadu ba timi nu panjingu njànga-minyaka na lii na ma-deningu welingu lai Ala. 15Na manggàna tungu nu nda ma-paweli ditangu-aya la awangu. Nuna ma-pawelingu la pinu tanaya, ma-pawelingu la itirungu eti tauya, dàngu ma-pawelingu lai kambàliku-ya! 16La nggiya na maningu kapihingu, na maningu huri kehangu kangeha wiki, lai nuyaka natumbu ningu na pariu-raüngu dàngu mbuu ndàbana na paruku na ma-akatu. 17Tàka na tau na maningu manggànangu na mapaweli ditangu, la kawu - wungana na-yahangu, hàla na-mbuhangu pa-papeku, nahàmu la pa-panggolu dàngu na-patundungu. Nyuna mila eti juaya dàngu na-ngalangu mahàmu la paraï la parukuna. Nyuna nda nali papa dàngu nda na-kapilandu. 18Tuba-mana na hàmu ba paraï ruku wini pekuya na pa-hàbaru-na na tau na mambuha-nya na peku!
Currently Selected:
YAKOMBU 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAKOMBU 3
3
Na làma tau
1Angu dedi hapaelami! Àmbu natika pàku padangu na angumi nyimi na ma-mbuhangu panjadi ngguru. Kai pinya nyuta manjadi ngguru napa ba na-pajorutungu-pa na rapatu-ta nyuta welingu la tau hawiangu. 2Nyuta mbuu ndàbanda ba takàli tu manjala. Tàka na tau na manda handàkangu panjala wàngu kareuku-na, nyuna tau lundungu-ya ba namàka pa-roputu wikina. 3Jàka ta-pahàngalu-nya rapa na njara ka peku pa-tundungu-na la pambuha-nda nyuta, peku-manaka ba tawihu hàlaya na tauna. 4Piti-mbuyai na kapalu ka pangerangu wàngu. Jiapa ka nda nggiki bokulu-na nu na kapalu dàngu ka nangàndi-ya ngilu mbangatu, tàka peku biana la pawihu wànya kamudi ana ku - kudu, tundunya na pambuha-na na ma-kamudingu. 5Tuda numbu da làmanda, jiapa ka nda nggiki hama kuduna, tàka ba nda uku katadaku-ya la hau lii - hau lii bokulu.
Ngàdaya jàka nggiki hama bokulu-na na omangu na ma-mutungu paraï ruku epi ana hakudu-ana! 6Na làma hama-mana na epi. La tàda ihinda nyuta, nyuna beri mata wai akatu-ya na ma-wewaru-nya na ma-akatu la nggubulu wikinda. Wànya na epi na ma-pawelingu la epi manda mbàda, nyuna natunu hàlaya na nggubulu paluri wànda nyuta. 7Mbuu ndàbada da banda bohu hangia-hangia, da ma-hawurungu, da mabei dàngu da iyangu tamàka pa-pamopu-ha dàngu mbàda pamopu-mana-njaka paraï tau. 8Tàka na làma tau nda pamàka pa-pamopu-ya jiapa nda nggamuya. Na làma na-akatu dàngu nda pamàka pa-kuaha-ya; bai muru kabaingu pameti wànguya. 9Nyuta tawànya la pamalangu-nya i Miri na Amanda, tàka jia-mbuyai na pawàngu la paràtu-nya na angunda patau, na pa-padikangu tundunya na hadana i Ala. 10Welingu la haua ngaru daluhu da kareuku pa-malangungu wàngu dàngumbu da pa-ràtungu wàngu. Làti àmbu tuna nu bàdi. 11Màla ningu nàhu mata wai ma-handàka kabubalungu wai kàba dàngu wai paita? 12Angu dedi! Nda peku-ana da pingi ai kapilitu ba datungu wua haitungu, dàngu na pingi angguru ba natungu wua kapilitu. Na mata wai mbàru nda jia paluhu-ana wai kàba.
Na manggàna weli ditangu
13Era ningu la hongami nyimi tau ma-manggàna dàngu ma-paeti, màtawa ka na-pawuwa-ya na lurina na mahàmu dàngu ka na-paloku-ya na hangia - hangia na mahàmu, pa-kariangu màjangu dàngu manggàna etina. 14Tàka jàka mi-kapihi, mi-karaü etimi, dàngu mi-kehangu kangeha wikimi, àmbi hamemu wà-dunya na manggàna tungu nu, nadu ba timi nu panjingu njànga-minyaka na lii na ma-deningu welingu lai Ala. 15Na manggàna tungu nu nda ma-paweli ditangu-aya la awangu. Nuna ma-pawelingu la pinu tanaya, ma-pawelingu la itirungu eti tauya, dàngu ma-pawelingu lai kambàliku-ya! 16La nggiya na maningu kapihingu, na maningu huri kehangu kangeha wiki, lai nuyaka natumbu ningu na pariu-raüngu dàngu mbuu ndàbana na paruku na ma-akatu. 17Tàka na tau na maningu manggànangu na mapaweli ditangu, la kawu - wungana na-yahangu, hàla na-mbuhangu pa-papeku, nahàmu la pa-panggolu dàngu na-patundungu. Nyuna mila eti juaya dàngu na-ngalangu mahàmu la paraï la parukuna. Nyuna nda nali papa dàngu nda na-kapilandu. 18Tuba-mana na hàmu ba paraï ruku wini pekuya na pa-hàbaru-na na tau na mambuha-nya na peku!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)