YAHAYA 42
42
Na atana i MIRI
1Napanii i MIRI, “Yiana-ya na atanggu na pa-pamàndu-nggu,
na tau papindi-nggu, na maliya na etinggu.
Mbàda wua-nggunyaka nyuna na kuaha-nggu,
la pangàndi-nya ma-deningu la nimbihu banjaru.
2Nda jia kaladaku-ana jàka ndia nda jia wara pa-kodungu-ana,
na talia liina nda parongu-aya nàhu la ànda.
3Na au na ma-tambàluku nda jia pata-ananya,
na epi na ma-kapidaku nda jia pàda-ananya.
Wàngu tuturu-na napa napeka-ya na ma-deningu,
4nda na ndua ndandi jàka ndia nda nambota monungu,
lupa na-ndolaku na ma-deningu la pinu tana.
Da ta - tana mamarau darinju-nya na pa-ajaru-na,” wàna.
5I Ala na-padika-nya dàngu na-wàlahu-ya na awangu;
na-làtiku-ya na pinu tana dàngu mbuu ndàbada da matumbu-nya.
Nyuna nawua-nya na tau pinu tana kayeku paluri wàngu.
Na-patàka-nya na lii yiana la atana,
6“Nyungga MIRI-ka, kupaau-nggau
dàngu kuwua-nggau waingera la pawànya na ma-deningu.
Nyumu kulonda-kau dàngu ku-kabubulu-kau
la panjadi pa-njanjingu la tau pinu tana,
dàngu harii nduma banjaru mbuu ndàbana.
7La pa-pabulangu mata tau poki,
dàngu pa-pahàla-ya na tau welingu la uma kapàtangu.
8Nyungga MIRI-ka, nuya na tamunggu;
nda jia wua-anggunya na mangunju-nggu, ka nggamu-yakadu;
na wuwanggu nda jia puli-anggunya
la kahala hada.
9Nàhu na panyura-nggu wuwa-nanyaka;
ka kupeka-ya nggàra biaya na ma-bidingu wànggu;
ba ndedipa nu natumbu
mbàda panii-nggunggai-nyaka,” wàna.
Na wiliku wotungu
10Wunda-nyawa ludu wiliku bidi, i MIRI,
wotu-nyawa Nyuna ha pinu tana nggubulu-mi!
Kanduuwa, ha tehiku#ha tehiku; Imbarani: nyimi ma-palirungu la tehiku. dàngu na ihi-muka,
da ta - tana mamarau dàngu da mangia-nya!
11Màtawa na maràda wara dàngu da paraingu ka dawotu-nya i MIRI,
màlawa na ma-mandapu la Kendàru ka dawotu-nya Nyuna!
Màtawa na ma-mandapu-nya na paraingu Hela ka dapayaa-aungu,
dàngu ka dawa - wara welingu la pinu palindi!
12Màtawa nyuda ka da pa-mangunju-ya i MIRI,
ka da-bobaru-ya Nyuna la ta - tana mamarau.
13I MIRI na-ndàharungu pa-kangaburu hama tuna na mini mbeni hanggangu,
hama tuna haàtu panjuri ma-kanjupu ringgitu pa-pabera.
Nyuna nawara pa-kayaka la pa-kangaburu,
ba na-paitangu ngia ditana hangganya na papana.
I Ala na-panjanjingu la pandula-ya na banjaru-na
14Napanii i Ala, “Mandai-maka ba ku-pakambiu wikinggu;
ndii wànggu bia dàngu ku-roputu wikinggu.
Tàka nàhu toma-nanyaka na rehina ba wànya na pawàngu,
ka ku-kaladaku hama tuna na kawini na matiki pa-paana wàngguka.
15Da palindi dàngu da tandula napa ku-pabulu-ha,
da ngara matumbu-nyaka ku-pamalaï-ha.
Da mondu luku napa ku-pambeli-ha maràda wara,#Talànga wanguna na-njenjangu ningu-mapa ba tuna yia na ihina: maràda wara; Imbarani: tana la hingi tehiku.
mbuu ndàba da tàma ku-pamihi-ha.
16Na banjaru-nggu na mapoki napa kulonda-ya
palinya na ànda na pandedi pida;
ku-kapipi-ha la ànda pandedi tandada.
Na ma-kapàtangu napa kupaharii-nja nyuda,
na ànda ma-karoba - karobaku napa ku-palinjaku-ya.
Nunaya na pawunda-nggu lai nyuda,
dàngu napa Nyungga ku-patutu hàlanya.
17Na tau na mawaiha da kahala hada marapu
dàngu ba dapeka ba jiaha da alada,
napa pa-paakangu dàngu pa-pamakia-ha,” wàna.
Na Ihirailu nda nabihu ka ajaru-ya
18Napanii i MIRI, “Patingingu ha dimi tau kawanga!
Tàngaru-wa dimi ha mapoki!
19Nggamuya na marihi poki welingu la Ihirailu atanggu?
Nggamuya na marihi kawanga welingu la tau pa-palewa-nggu?
20Ha Ihirailu, dangu paita-mu ba tuna nyumu ndau eti wàanya,
na kahilu-mu na-habonga tàka nyumu ndau patingingu-a,” wàna.
21I MIRI, na-orangu la pa-pamànangu;
na-mbuhangu ka tembiya dàngu ka ma-humbaru-nya na ukuna.
22Ba tuna nuna na banjaru pambàda ramba pa-mbutangu-yaka;
pa-tahangu la kuru - kurungu la unu tanaha,
nyuda payàpa-ha dàngu papàtu-ha la uma kapàtangu.
Da-hambeta ba rambanja,
dàngu nda ningua mamàka pa-pahàla-ha.
23Nggamu la hongami ma-mbuhangu parongu-ya na rukuna yiana,
dàngu maeti wànya piti welingu nàhu?
24Nggamu ma-pakata-nya na Ihirailu ka ramba-nya?
Ka nda i MIRI wikia?
Lai Nyuna-maka na ngia panjala-nda,
ba nda taluri tundunya na pareta-na,
dàngu ba nda takiku-nya na pa-ajaru-nanda.
25Hi na-pawiti-nya ka ta-handepa-ya na hànggana Nyuna na ma-mbàringu,
tàka hi taita-ya na injana na rukuna na pabera na ma-wirungu.
Na hànggana natunu-ya na Ihirailu hama tuna epi,
ba tuna nda ta-kapata-aya dàngu nda ta-papekangu-a welingu la pambàda eranda.
Currently Selected:
YAHAYA 42: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 42
42
Na atana i MIRI
1Napanii i MIRI, “Yiana-ya na atanggu na pa-pamàndu-nggu,
na tau papindi-nggu, na maliya na etinggu.
Mbàda wua-nggunyaka nyuna na kuaha-nggu,
la pangàndi-nya ma-deningu la nimbihu banjaru.
2Nda jia kaladaku-ana jàka ndia nda jia wara pa-kodungu-ana,
na talia liina nda parongu-aya nàhu la ànda.
3Na au na ma-tambàluku nda jia pata-ananya,
na epi na ma-kapidaku nda jia pàda-ananya.
Wàngu tuturu-na napa napeka-ya na ma-deningu,
4nda na ndua ndandi jàka ndia nda nambota monungu,
lupa na-ndolaku na ma-deningu la pinu tana.
Da ta - tana mamarau darinju-nya na pa-ajaru-na,” wàna.
5I Ala na-padika-nya dàngu na-wàlahu-ya na awangu;
na-làtiku-ya na pinu tana dàngu mbuu ndàbada da matumbu-nya.
Nyuna nawua-nya na tau pinu tana kayeku paluri wàngu.
Na-patàka-nya na lii yiana la atana,
6“Nyungga MIRI-ka, kupaau-nggau
dàngu kuwua-nggau waingera la pawànya na ma-deningu.
Nyumu kulonda-kau dàngu ku-kabubulu-kau
la panjadi pa-njanjingu la tau pinu tana,
dàngu harii nduma banjaru mbuu ndàbana.
7La pa-pabulangu mata tau poki,
dàngu pa-pahàla-ya na tau welingu la uma kapàtangu.
8Nyungga MIRI-ka, nuya na tamunggu;
nda jia wua-anggunya na mangunju-nggu, ka nggamu-yakadu;
na wuwanggu nda jia puli-anggunya
la kahala hada.
9Nàhu na panyura-nggu wuwa-nanyaka;
ka kupeka-ya nggàra biaya na ma-bidingu wànggu;
ba ndedipa nu natumbu
mbàda panii-nggunggai-nyaka,” wàna.
Na wiliku wotungu
10Wunda-nyawa ludu wiliku bidi, i MIRI,
wotu-nyawa Nyuna ha pinu tana nggubulu-mi!
Kanduuwa, ha tehiku#ha tehiku; Imbarani: nyimi ma-palirungu la tehiku. dàngu na ihi-muka,
da ta - tana mamarau dàngu da mangia-nya!
11Màtawa na maràda wara dàngu da paraingu ka dawotu-nya i MIRI,
màlawa na ma-mandapu la Kendàru ka dawotu-nya Nyuna!
Màtawa na ma-mandapu-nya na paraingu Hela ka dapayaa-aungu,
dàngu ka dawa - wara welingu la pinu palindi!
12Màtawa nyuda ka da pa-mangunju-ya i MIRI,
ka da-bobaru-ya Nyuna la ta - tana mamarau.
13I MIRI na-ndàharungu pa-kangaburu hama tuna na mini mbeni hanggangu,
hama tuna haàtu panjuri ma-kanjupu ringgitu pa-pabera.
Nyuna nawara pa-kayaka la pa-kangaburu,
ba na-paitangu ngia ditana hangganya na papana.
I Ala na-panjanjingu la pandula-ya na banjaru-na
14Napanii i Ala, “Mandai-maka ba ku-pakambiu wikinggu;
ndii wànggu bia dàngu ku-roputu wikinggu.
Tàka nàhu toma-nanyaka na rehina ba wànya na pawàngu,
ka ku-kaladaku hama tuna na kawini na matiki pa-paana wàngguka.
15Da palindi dàngu da tandula napa ku-pabulu-ha,
da ngara matumbu-nyaka ku-pamalaï-ha.
Da mondu luku napa ku-pambeli-ha maràda wara,#Talànga wanguna na-njenjangu ningu-mapa ba tuna yia na ihina: maràda wara; Imbarani: tana la hingi tehiku.
mbuu ndàba da tàma ku-pamihi-ha.
16Na banjaru-nggu na mapoki napa kulonda-ya
palinya na ànda na pandedi pida;
ku-kapipi-ha la ànda pandedi tandada.
Na ma-kapàtangu napa kupaharii-nja nyuda,
na ànda ma-karoba - karobaku napa ku-palinjaku-ya.
Nunaya na pawunda-nggu lai nyuda,
dàngu napa Nyungga ku-patutu hàlanya.
17Na tau na mawaiha da kahala hada marapu
dàngu ba dapeka ba jiaha da alada,
napa pa-paakangu dàngu pa-pamakia-ha,” wàna.
Na Ihirailu nda nabihu ka ajaru-ya
18Napanii i MIRI, “Patingingu ha dimi tau kawanga!
Tàngaru-wa dimi ha mapoki!
19Nggamuya na marihi poki welingu la Ihirailu atanggu?
Nggamuya na marihi kawanga welingu la tau pa-palewa-nggu?
20Ha Ihirailu, dangu paita-mu ba tuna nyumu ndau eti wàanya,
na kahilu-mu na-habonga tàka nyumu ndau patingingu-a,” wàna.
21I MIRI, na-orangu la pa-pamànangu;
na-mbuhangu ka tembiya dàngu ka ma-humbaru-nya na ukuna.
22Ba tuna nuna na banjaru pambàda ramba pa-mbutangu-yaka;
pa-tahangu la kuru - kurungu la unu tanaha,
nyuda payàpa-ha dàngu papàtu-ha la uma kapàtangu.
Da-hambeta ba rambanja,
dàngu nda ningua mamàka pa-pahàla-ha.
23Nggamu la hongami ma-mbuhangu parongu-ya na rukuna yiana,
dàngu maeti wànya piti welingu nàhu?
24Nggamu ma-pakata-nya na Ihirailu ka ramba-nya?
Ka nda i MIRI wikia?
Lai Nyuna-maka na ngia panjala-nda,
ba nda taluri tundunya na pareta-na,
dàngu ba nda takiku-nya na pa-ajaru-nanda.
25Hi na-pawiti-nya ka ta-handepa-ya na hànggana Nyuna na ma-mbàringu,
tàka hi taita-ya na injana na rukuna na pabera na ma-wirungu.
Na hànggana natunu-ya na Ihirailu hama tuna epi,
ba tuna nda ta-kapata-aya dàngu nda ta-papekangu-a welingu la pambàda eranda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)