YAHAYA 38
38
I Hanganji Hihikia ba nahidu dàngu ba na-mandangu beli
(2 Hang. 20:1-11; 2 L Nd. 32:24-26)
1La manggawa-na na rehi nuna handauni-nanyaka hidu i Hihikia, natika pameti-ka amangu. I Wunangu Yahaya anana i Amuhu, na-tadalu-ya nyuna dàngu hi napanii, “I MIRI na-pangàndi-nggau langu ka pekuna nyumu tamu umbu kau pa-lànyapu ndàbaya na pa-paloku, nadu nyumu tamu umbu napa ba ndau mandangu-apa. Nda namandai-apa nyumu tamu umbu ba meti-munyaka,” wànanya.
2Pambelingu-nanyaka i Hihikia la dindingu hi na-hamayangu, 3“MIRI, namu àruya, nyungga yia ba kuata lai Nyumu ba dàngu tuturu dàngu tànji eti-manggu. Nyungga naingu-mana ba ku-pamukarungu la patundu-nya na pambuha-mu,” wàna. Hàlaka nu hii pa-manaürungu-nanyaka.
4Ba na-hàlaka palaku i Yahaya, i MIRI na-paràha-nya 5pabeli lai Hihikia dàngu la pa-patàka-nya na lii yiana, “Nyungga, MIRI, Ala palumu-na i Ndautu na boku la mangilu-mu, ku-rongu-yaka na hamayangu-mu dàngu kuita-mahaka da wai matamu. Napa kubonja-ya hakambulu lima mbua ndaungu na ndaungu lurimu. 6Napa Nyungga ku-pahàla-kau nyumu dàngu na paraingu Yeruhali welingu la hanganji Ahuru. Na paraingu yiana napa daingu-mana duku ba ku-katindi-ya,” wàna.
Hàla, paràhangu-nanyaka tau i Yahaya paperi-nya wua kapilitu pambàda pamija la manggàri-na i Hihikia ka napuli. I Hanganji Hihikia na-paàrangu, “Nggàra-yaka na tandana ba na-pamàlaru-ka napa i MIRI dàngu ba peku hili luanggu-pa la Umana i Miri?” wàna.#Da ndalaru 21 dàngu 22 pa-pahenakungu-ha lai yiana la njonga ndalaru 6 dàngu 7.
7Nahema i Yahaya, “Yiana-ya na tanda na pawua-nanggau i MIRI tamu umbu, ba na-pahàra-nya na paràndi-na. 8Na tanda la njàmu mata lodu pa-pandoi-na i Hanganji Ahàhu, napa i MIRI na-pawiti-nya hi na-kandulingu hakambulu walaku na ma-pamaü,” wànanya. Ka kandulingu-nanyaka na mamaü hakambulu walaku.
9Ba na-mandangu-ka i Hihikia, tulihu-nanyaka na wiliku wotungu yiana,
10“Kupanii, hina-apa padua taunggu, lupangu-maka bàdi kulaku,
ba ku-panjàpu-ya na rihi luringgu la parai tau meti.
11Kupanii, nda kuhili ita-ayapa i MIRI la pinu tana,
jàka ndia la pa-itangu tau la pinu tana yiana.
12Ba nambota-ka na luringgu jia-yaka na rehi pa-kawuku-ngga,
hama tuna maü ma-pawangu pa-nyànggaru;
hama tuna tera palota la ngia pa-tinungu;
kukaka-ya i Ala panjàpu-nanyaka na luringgu.#Talànga wanguna na-njenjangu ningu-mapa ba tuna yia na ihina: kukaka-ya ... na luringgu.
13Maru - rudunggu ba ku-kaladaku paraï pa-katiu,
da ringgu beri pa-karunggutu-naha heu hinga;
kukaka-ya i Ala panjàpu-nanyaka na luringgu.#La lawiti Imbarani-na nda na-lohangu-a jàka nggàra wàna na ndalaru yiana.
14Na nggorunggu namàli dàngu nda na-duluku,
hama kulundiha-ka ba kukanguu.
Da-mayila da matanggu paraï pa-tangara la awangu,
MIRI pahàla àruka la handuka-nggu yiana.
15Ka nggàra wànggu-aka? Yiana rukuna i MIRI-ya;
nda peku katuda-nggu paraï pa-hawina.
16Dou MIRI, wuangga luri
rukuna na pulumu dàngu na paruku-mu,
màtawa ka kuluri ndumamu Nyumua.#La lawiti Imbarani-na nda na-lohangu-a jàka nggàra wàda da ndalaru 15 dàngu 16.
17Na mayila-nggu napa na-pambeli-ya mànjaku,
Nyumu mu-pahàla-ka#Da pa-haleli ndai da manda pirada: mu-pahàla-ka; Imbarani: ma-milangga eti. welingu la manjurangu;
da njalanggu mbàda jàma hàla-munjaka.
18La kaliungu tau meti nda ningua mawotu-nggau Nyumu,
na tau meti nda napeku la pamonu-nya na tuturu-mu.
19Mbulungu tau luria mawotu-nggau Nyumu,
hama tuna ba tunggu nu la lodu nàhu.
Da ina amada dapeka-nja da anada
ba nda uku tuturu-kau Nyumu, dou MIRI.
20MIRI Nyumu ma-pamàlaru-ka,
jiaya hi mawunda-nggau ludu wotungu la Umamu
ba ma-kàritu jungga,
la ngala lurima,” wàna.#Da ndalaru 21 dàngu 22 pa-pahenakungu-ha ba hàla pa-ndalaru 6 dàngu 7.
Currently Selected:
YAHAYA 38: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 38
38
I Hanganji Hihikia ba nahidu dàngu ba na-mandangu beli
(2 Hang. 20:1-11; 2 L Nd. 32:24-26)
1La manggawa-na na rehi nuna handauni-nanyaka hidu i Hihikia, natika pameti-ka amangu. I Wunangu Yahaya anana i Amuhu, na-tadalu-ya nyuna dàngu hi napanii, “I MIRI na-pangàndi-nggau langu ka pekuna nyumu tamu umbu kau pa-lànyapu ndàbaya na pa-paloku, nadu nyumu tamu umbu napa ba ndau mandangu-apa. Nda namandai-apa nyumu tamu umbu ba meti-munyaka,” wànanya.
2Pambelingu-nanyaka i Hihikia la dindingu hi na-hamayangu, 3“MIRI, namu àruya, nyungga yia ba kuata lai Nyumu ba dàngu tuturu dàngu tànji eti-manggu. Nyungga naingu-mana ba ku-pamukarungu la patundu-nya na pambuha-mu,” wàna. Hàlaka nu hii pa-manaürungu-nanyaka.
4Ba na-hàlaka palaku i Yahaya, i MIRI na-paràha-nya 5pabeli lai Hihikia dàngu la pa-patàka-nya na lii yiana, “Nyungga, MIRI, Ala palumu-na i Ndautu na boku la mangilu-mu, ku-rongu-yaka na hamayangu-mu dàngu kuita-mahaka da wai matamu. Napa kubonja-ya hakambulu lima mbua ndaungu na ndaungu lurimu. 6Napa Nyungga ku-pahàla-kau nyumu dàngu na paraingu Yeruhali welingu la hanganji Ahuru. Na paraingu yiana napa daingu-mana duku ba ku-katindi-ya,” wàna.
Hàla, paràhangu-nanyaka tau i Yahaya paperi-nya wua kapilitu pambàda pamija la manggàri-na i Hihikia ka napuli. I Hanganji Hihikia na-paàrangu, “Nggàra-yaka na tandana ba na-pamàlaru-ka napa i MIRI dàngu ba peku hili luanggu-pa la Umana i Miri?” wàna.#Da ndalaru 21 dàngu 22 pa-pahenakungu-ha lai yiana la njonga ndalaru 6 dàngu 7.
7Nahema i Yahaya, “Yiana-ya na tanda na pawua-nanggau i MIRI tamu umbu, ba na-pahàra-nya na paràndi-na. 8Na tanda la njàmu mata lodu pa-pandoi-na i Hanganji Ahàhu, napa i MIRI na-pawiti-nya hi na-kandulingu hakambulu walaku na ma-pamaü,” wànanya. Ka kandulingu-nanyaka na mamaü hakambulu walaku.
9Ba na-mandangu-ka i Hihikia, tulihu-nanyaka na wiliku wotungu yiana,
10“Kupanii, hina-apa padua taunggu, lupangu-maka bàdi kulaku,
ba ku-panjàpu-ya na rihi luringgu la parai tau meti.
11Kupanii, nda kuhili ita-ayapa i MIRI la pinu tana,
jàka ndia la pa-itangu tau la pinu tana yiana.
12Ba nambota-ka na luringgu jia-yaka na rehi pa-kawuku-ngga,
hama tuna maü ma-pawangu pa-nyànggaru;
hama tuna tera palota la ngia pa-tinungu;
kukaka-ya i Ala panjàpu-nanyaka na luringgu.#Talànga wanguna na-njenjangu ningu-mapa ba tuna yia na ihina: kukaka-ya ... na luringgu.
13Maru - rudunggu ba ku-kaladaku paraï pa-katiu,
da ringgu beri pa-karunggutu-naha heu hinga;
kukaka-ya i Ala panjàpu-nanyaka na luringgu.#La lawiti Imbarani-na nda na-lohangu-a jàka nggàra wàna na ndalaru yiana.
14Na nggorunggu namàli dàngu nda na-duluku,
hama kulundiha-ka ba kukanguu.
Da-mayila da matanggu paraï pa-tangara la awangu,
MIRI pahàla àruka la handuka-nggu yiana.
15Ka nggàra wànggu-aka? Yiana rukuna i MIRI-ya;
nda peku katuda-nggu paraï pa-hawina.
16Dou MIRI, wuangga luri
rukuna na pulumu dàngu na paruku-mu,
màtawa ka kuluri ndumamu Nyumua.#La lawiti Imbarani-na nda na-lohangu-a jàka nggàra wàda da ndalaru 15 dàngu 16.
17Na mayila-nggu napa na-pambeli-ya mànjaku,
Nyumu mu-pahàla-ka#Da pa-haleli ndai da manda pirada: mu-pahàla-ka; Imbarani: ma-milangga eti. welingu la manjurangu;
da njalanggu mbàda jàma hàla-munjaka.
18La kaliungu tau meti nda ningua mawotu-nggau Nyumu,
na tau meti nda napeku la pamonu-nya na tuturu-mu.
19Mbulungu tau luria mawotu-nggau Nyumu,
hama tuna ba tunggu nu la lodu nàhu.
Da ina amada dapeka-nja da anada
ba nda uku tuturu-kau Nyumu, dou MIRI.
20MIRI Nyumu ma-pamàlaru-ka,
jiaya hi mawunda-nggau ludu wotungu la Umamu
ba ma-kàritu jungga,
la ngala lurima,” wàna.#Da ndalaru 21 dàngu 22 pa-pahenakungu-ha ba hàla pa-ndalaru 6 dàngu 7.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)