YAHAYA 36
36
Na tau Ahuru ba na-pangàdu-nya na Yeruhali
(2 Hang. 18:13-27; 2 L Nd. 32:1-19)
1La ndaungu pa-hakambulu patu wàna ba na-pareta i Hihikia hanganji Yahunda, da parai - paraingu Yahunda da maningu tindingu na-kaluluku-nja hi natalu-ha paraïna i Hànaheripu, hanganji Ahuru. 2Hàlaka nu hi na-palewa-ya na ngora tanatara majangga pànggatu-na welingu la Lakihu la Yeruhali dàngu tanatara dangu la pa-karuhi-ya i Hanganji Hihikia ka natamaï. Ba datàka la paraingu nuna hi damaü la woka na ma-tamungu Woka Matanggu baha, la lihi londa wai weli ditangu la ma-patàmangu. 3Tàka da tau madua haàtu la hanganji Hihikia damai tomaya na ngora tanatara Ahuru. Nu da tau madua haàtu jiaha i Eliyakimu anana i Hilikia na kapala kuru uma hanganji, i Hepuna na mini tulihu nanggara, dàngu i Yowàhu anana i Ahawàpu na mini tulihu la uma hanganji. 4Na ngora tanatara Ahuru napanii-nja nyuda, “Patàka-nya lai Hihikia yiana na puluna na hanganji Ahuru, ‘Nggikina hi mu-pàdangu wikimu bau kapingatu? 5Bau rekiya na pulungu jua-a peku hilu-nanya na kahili dàngu na kapàru tanatara? Nggamu-yaka nu na pamonu-mu hiu toru mbeni palawa-nya na Ahuru? 6Deningu bau monunya na pa-ndulangu-na na Mehiru? Tàka nuna beri hama tuna ba tokungu wàngu pola ilahu; – napa na tokungu nuna nambata hi na-kajuku-ya na limamu. Tuna nuduka na hanganji Mehiru la mbuu ndàbana na tau na ma-monungu lai nyuna,’ ” wàna.
7Na pangalangu-na na ngora tanatara Ahuru napanii, “Jàka ndia talànga wanguna mipanii nyimi, ba monu-minya i MIRI Alami? Ba na-wuangu pareta i Hihikia jàka na-lumungu na tau la Yahunda dàngu la Yeruhali ka mbulungu la hangga ngia pawotu maraku la Yeruhali-a, màla ka nda jia-aha nu da ngia pawotu maraku dàngu da ngia palumu-nya i MIRI-ma da pa-patàlaru-na? 8Nàhu nyungga kuwànya na tamuna na hanganji Ahuru kutoru mbeni ka ta-pahewangu, nu jàka wuanggai dua rata ngiu njara, jiangu-maka duna ba nda ningu tau hama dangu tungu nu lai nyimi ma-kaliti-ha nuda da njara. 9La palawa-nja da ngora tanatara Ahuru da mangia wawa halawàla-a, nyimi na nda ràka papa-mbudanggai. Ba tuna nyimi monu-minya na Mehiru napa na ma-pangàndi-nggai kareta pabera dàngu pamba la njara! 10Bai rekiya ba ma-kaluluku-nya na paraimi dàngu nda pa-ndulangu-na i MIRI-a? I MIRI wikima duna na ma-paràha-nggama la pa-kaluluku-nya dàngu la pa-palàjaru-ya,” wàna.
11Hàla danapa-ya i Eliyakimu, i Hepuna dàngu i Yowàhu nu na ngora tanatara Ahuru, “Umbu, panii bia làti la hilu Aràmu bau panii dà-nggama, mapi-manya. Àmbu wàngudu hilu Imbarani, napa dapi-dunya paraï da rayatu dita la pinu kangeli paraingu,” wàda.
12Nahema nu na ngora tanatara Ahuru, “Àmbi kaka-duya na hanganji Ahuru hi na-palewa-ka nyungga la pa-patàka-nya yiana mbuu ndàbana nda mbulungu lai nyimi dàngu la hanganji-mi. Nyungga panii dànggunya na rayatu-mbu na ma-mandapu dita la pinu kangeli, napa tiangu da angumi panganja da tai wikimi dàngu paunu-nja da wai palinju wikimi,” wàna.
13Tunaka nu na ngora tanatara jangga panggatu-na na ndolaku hi nawara la hilu Imbarani, “Rongu! Patingi-nya na puluna na hanganji Ahuru, 14‘Àmbi bihudu ba na-panyonga-kai i Hihikia, nyuna nda namàka-a pa-pamara-kai nyimi! 15Àmbi rongu-duya ba na-pamanda-nggai la pa-monungu lai MIRI. Àmbi kaka-duya i MIRI napa na-pamara-kai jàka ndia ba na-pabeta-nya na tanatara Ahuru la pawàhi-ya na paraimi. 16Àmbi rongu-duya i Hihikia! Nyungga, hanganji Ahuru ku-kamahi-nggai kai luhu welingu la paraingu dàngu kai tamaï. Napa nyimi pekuna bai ngangu wua angguru la woka wikimi, dàngu bai pàdanja hàmuda da wua kapilitu la kapilitu wikimi, dàngu bai unungu wai la humuru wikimi, 17lupa tomaya ba ku-paleli-nggai la hau paraingu na ma-paeru na paraingu wikimi. Lai nu ningu woka angguru ngia pa-ngalangu-mi angguru, ningu woka uhu nggàndumu ngia pa-ngalangu-mi kanguta pangami. 18Àmbi ronguya i Hihikia! Nyuna panyonga-nanggai ba napanii, i MIRI napa na ma-pamara-kai. Ningu nu marapu banjaru hawiangu ma-pamara-ya na paraina welingu la kuaha-nggu nyungga? 19Nggihaka da marapu tana Hamàtu dàngu Àrapàtu? Nggihaka da marapu Hepàrawaïmu? Ningu nu mamai pa-pamara-ya na Hamaria? 20Ngga marapu-ya nu na mambàda handàkangu pa-pahàla-ya na tanana welingu la kuaha-nggu? Nda na-ngalangu-a i MIRI pa-pamara-ya na Yeruhali!’ ” wàna.
21Ba darongu-ya nuna, da mangia-nya la Yeruhali nda dahema-a, nadu ba mbàda wuangu-naka pareta i Hanganji Hihikia ka dakandii bia. 22Tàka nyuda i Eliyakimu, i Hepuna dàngu i Yowàhu bàriku-danjaka da pakida tanda handuka-da. Hàla lua-danyaka pa-patàka-nya na hanganji jàka nggàra wàna na ngora tanatara Ahuru nuna.
Currently Selected:
YAHAYA 36: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 36
36
Na tau Ahuru ba na-pangàdu-nya na Yeruhali
(2 Hang. 18:13-27; 2 L Nd. 32:1-19)
1La ndaungu pa-hakambulu patu wàna ba na-pareta i Hihikia hanganji Yahunda, da parai - paraingu Yahunda da maningu tindingu na-kaluluku-nja hi natalu-ha paraïna i Hànaheripu, hanganji Ahuru. 2Hàlaka nu hi na-palewa-ya na ngora tanatara majangga pànggatu-na welingu la Lakihu la Yeruhali dàngu tanatara dangu la pa-karuhi-ya i Hanganji Hihikia ka natamaï. Ba datàka la paraingu nuna hi damaü la woka na ma-tamungu Woka Matanggu baha, la lihi londa wai weli ditangu la ma-patàmangu. 3Tàka da tau madua haàtu la hanganji Hihikia damai tomaya na ngora tanatara Ahuru. Nu da tau madua haàtu jiaha i Eliyakimu anana i Hilikia na kapala kuru uma hanganji, i Hepuna na mini tulihu nanggara, dàngu i Yowàhu anana i Ahawàpu na mini tulihu la uma hanganji. 4Na ngora tanatara Ahuru napanii-nja nyuda, “Patàka-nya lai Hihikia yiana na puluna na hanganji Ahuru, ‘Nggikina hi mu-pàdangu wikimu bau kapingatu? 5Bau rekiya na pulungu jua-a peku hilu-nanya na kahili dàngu na kapàru tanatara? Nggamu-yaka nu na pamonu-mu hiu toru mbeni palawa-nya na Ahuru? 6Deningu bau monunya na pa-ndulangu-na na Mehiru? Tàka nuna beri hama tuna ba tokungu wàngu pola ilahu; – napa na tokungu nuna nambata hi na-kajuku-ya na limamu. Tuna nuduka na hanganji Mehiru la mbuu ndàbana na tau na ma-monungu lai nyuna,’ ” wàna.
7Na pangalangu-na na ngora tanatara Ahuru napanii, “Jàka ndia talànga wanguna mipanii nyimi, ba monu-minya i MIRI Alami? Ba na-wuangu pareta i Hihikia jàka na-lumungu na tau la Yahunda dàngu la Yeruhali ka mbulungu la hangga ngia pawotu maraku la Yeruhali-a, màla ka nda jia-aha nu da ngia pawotu maraku dàngu da ngia palumu-nya i MIRI-ma da pa-patàlaru-na? 8Nàhu nyungga kuwànya na tamuna na hanganji Ahuru kutoru mbeni ka ta-pahewangu, nu jàka wuanggai dua rata ngiu njara, jiangu-maka duna ba nda ningu tau hama dangu tungu nu lai nyimi ma-kaliti-ha nuda da njara. 9La palawa-nja da ngora tanatara Ahuru da mangia wawa halawàla-a, nyimi na nda ràka papa-mbudanggai. Ba tuna nyimi monu-minya na Mehiru napa na ma-pangàndi-nggai kareta pabera dàngu pamba la njara! 10Bai rekiya ba ma-kaluluku-nya na paraimi dàngu nda pa-ndulangu-na i MIRI-a? I MIRI wikima duna na ma-paràha-nggama la pa-kaluluku-nya dàngu la pa-palàjaru-ya,” wàna.
11Hàla danapa-ya i Eliyakimu, i Hepuna dàngu i Yowàhu nu na ngora tanatara Ahuru, “Umbu, panii bia làti la hilu Aràmu bau panii dà-nggama, mapi-manya. Àmbu wàngudu hilu Imbarani, napa dapi-dunya paraï da rayatu dita la pinu kangeli paraingu,” wàda.
12Nahema nu na ngora tanatara Ahuru, “Àmbi kaka-duya na hanganji Ahuru hi na-palewa-ka nyungga la pa-patàka-nya yiana mbuu ndàbana nda mbulungu lai nyimi dàngu la hanganji-mi. Nyungga panii dànggunya na rayatu-mbu na ma-mandapu dita la pinu kangeli, napa tiangu da angumi panganja da tai wikimi dàngu paunu-nja da wai palinju wikimi,” wàna.
13Tunaka nu na ngora tanatara jangga panggatu-na na ndolaku hi nawara la hilu Imbarani, “Rongu! Patingi-nya na puluna na hanganji Ahuru, 14‘Àmbi bihudu ba na-panyonga-kai i Hihikia, nyuna nda namàka-a pa-pamara-kai nyimi! 15Àmbi rongu-duya ba na-pamanda-nggai la pa-monungu lai MIRI. Àmbi kaka-duya i MIRI napa na-pamara-kai jàka ndia ba na-pabeta-nya na tanatara Ahuru la pawàhi-ya na paraimi. 16Àmbi rongu-duya i Hihikia! Nyungga, hanganji Ahuru ku-kamahi-nggai kai luhu welingu la paraingu dàngu kai tamaï. Napa nyimi pekuna bai ngangu wua angguru la woka wikimi, dàngu bai pàdanja hàmuda da wua kapilitu la kapilitu wikimi, dàngu bai unungu wai la humuru wikimi, 17lupa tomaya ba ku-paleli-nggai la hau paraingu na ma-paeru na paraingu wikimi. Lai nu ningu woka angguru ngia pa-ngalangu-mi angguru, ningu woka uhu nggàndumu ngia pa-ngalangu-mi kanguta pangami. 18Àmbi ronguya i Hihikia! Nyuna panyonga-nanggai ba napanii, i MIRI napa na ma-pamara-kai. Ningu nu marapu banjaru hawiangu ma-pamara-ya na paraina welingu la kuaha-nggu nyungga? 19Nggihaka da marapu tana Hamàtu dàngu Àrapàtu? Nggihaka da marapu Hepàrawaïmu? Ningu nu mamai pa-pamara-ya na Hamaria? 20Ngga marapu-ya nu na mambàda handàkangu pa-pahàla-ya na tanana welingu la kuaha-nggu? Nda na-ngalangu-a i MIRI pa-pamara-ya na Yeruhali!’ ” wàna.
21Ba darongu-ya nuna, da mangia-nya la Yeruhali nda dahema-a, nadu ba mbàda wuangu-naka pareta i Hanganji Hihikia ka dakandii bia. 22Tàka nyuda i Eliyakimu, i Hepuna dàngu i Yowàhu bàriku-danjaka da pakida tanda handuka-da. Hàla lua-danyaka pa-patàka-nya na hanganji jàka nggàra wàna na ngora tanatara Ahuru nuna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)