YAHAYA 14
14
Kabeli welingu la ngia pa-wàrungu
1I MIRI napa namila-nya eti na banjaru-na, dàngu hi nahili pindi beliya la pamangu-nya. Nyuna napa nahili bànjalu beliha la tana wikida nyuda. Na tau hangàdangu napa nàmunya dàngu hi da-engangu lai nu anguda nyuda. 2Dangu banjaru napa mandula-ya na banjaru Ihirailu la pa-kabeli la tana na pawua-nanja nyuda i MIRI, dàngu lai nu napa da ba - banjaru nuda da-paatangu wikida la Ihirailu. Na Ihirailu napa na-tanawa-nja da tau da mambàda tanawa-nja nyuda dàngu hi da-pareta-ha nyuda da mambàda roduku-nja nyuda.
Na hanganji Mbambilu la parai tau meti
3I MIRI napa na-pahàla-ya na banjaru Ihirailu welingu la hiduna dàngu la hanggàri-na, dàngu welingu la paràma mbotu na pa-pabukungu-ha nyuda. 4Jàka nalaku-nyaka nuna i MIRI, napa nyuda da paaka-nya na hanganji Mbambilu,
“Na hanganji mbàringu nanjoru-ka! Nyuna nda namàka-apa la pa-parodukungu. 5I MIRI mbàda kanjupu-nanyaka na pareta-da da makuaha - kuaha akatu 6da mawàngu mbenida ba da-roduku-nja da ba - banjaru dàngu ba nua naingu-na na pa-mayila-naha. 7La malamiri la nggubulu pinu tana napa mandangu dàngu nambiru-nanyaka, hi nalundu mbaha eti nimbihu-na na tauka. 8Da pingi eru dàngu da pingi kajuu Limbanongu da-hawola-ka nadu ba nanjoru-ka na hanganji na ma-mbàringu dàngu ba hambàda-yaka, nda ningu-apa ma-paràhangu tau papunggu-ha nyuda!
9La parai tau meti mbàda rimangu-manaka la panggepi-ya na hanganji Mbambilu. Ka pawàla-danyaka da ndewada da tau maningu kuahangu àmangu la pinu tana, dàngu da ndewada da hanganji hadangu-danyaka welingu la kanjàka hanganji-da. 10Nyuda mbuu ndàbada warangu-danyaka, ‘Ha! Nyumu nàhu hama-ma-andaka, bau malijangu nda ningu màkamu! 11Àmangu nyumu ba tembi wànggau lingu jungga, tàka nàhu nyumu ninggauka la mahàna-na la parai tau meti. Da ana kataru jia-haka da nggala katuda-mu dàngu da ngeli jia-haka da hinggi lumburu-mu,’ wàdanya.
12Ha, hanganji Mbambilu, àmangu nyumu kandunu marai romu-kau na ma-hanggilangu, tàka nàhu nyumu kanabu-munya-ka welingu la awangu! Àmangu nyumu mu-taluha da ba - banjaru, tàka nàhu nyumu pa-tòkungu-kauka la tana. 13Mukita etinu nyumu pahei la awangu, dàngu la pa-bànjalu-ya na kanjàka hanganji-mu la pinu kandunu majangga halawàla! Bau kakaya nyumu peku mandapu-mu pa-hanganji la pinu palindi mbara dia, pangia-da da ndewa - ndewa ba da-pauhi. 14Na paniimu nyumu napa muhei la kahuluku karumangu dàngu nadedi-kau Mahupu-jangga. 15Tàka ba tuna, nyumu papuha-kauka la njuruku marihi manjolungu la parai tau meti.
16Nyuda da maninja lai nu napa da-tàngaru dàngu da-kandura-kau. Nyuda napa da-paàrangu, ‘Yiana jia-yaka yia na tau na ma-kàduku-nya na pinu tana dàngu na ma-pariu raünja da pahanganji - pahanganji? 17Nyunaka na ma-palàjaru-ha da parai - paraingu dàngu na ma-panjilu-nya na pinu tana hi nadedi maràda wara? Jiaya yiana yia na manda kàli pahàla-ha da tanawangu-na jàka ndia ka napuli-nja pabeli?’ wàda.
18Mbuu ndàbada da hanganji-da da ba - banjaru patani pa-bokulungu-ha la pinu tana da-mahuru la retida nimbihu-da, 19tàka nyumu nda ningua retimu; na metimu pa-wàrungu hama tuna kalunga na pa-tulaku, na-pitaku-nya metida da ma-patarangu da ma-hanggubalu la pabera, tàka hi kawuka papohu-nja nyuda la liangu kubu watu, hama tuna meti banda pakali - lijakungu. 20Nyumu mbàda pa-làjaru-munyaka na paraimu dàngu mu-pameti-haka da angu banjaru wikimu. Rukuna nuna-duka nyumu hi nda patani-nggau hama tuna da angumu pa-hanganji hawiangu. Nda haàtu ndoku welingu la kuru umamu na ma-akatu na pa-pamara. 21Na tobu wàlahu palu rengga pakiringu-mayaka! Da anamu mini napa dameti ruku njalada da boku la mangilu-da. Nda haàtu-apa napa welingu lai nyuda ma-pareta la pinu tana jàka ndia ma-pahadangu parai - paraingu,” wàdanya.
I Ala napa na-palàjaru-ya na Mbambilu
22I MIRI na Mahupu-mbiha napanii, “Nyungga napa ku-làndahu-nya la Mbambilu, hàla hi ku-pamolu-nya. Nda haàtu-mbu napa pa-pamara, anakeda nda ningumbu napa pa-paluri-nggu. Nyungga, MIRI, mambàda panii, wàna. 23La Mbambilu napa kutuya ramuku pangia-da da wàngi. Na Mbambilu napa ku-podahu pambila-ya. Nyungga Mahupu-mbiha mambàda panii,” wàna.
I Ala napa na-palàjaru-ya la Ahuru
24I MIRI Mahupu-mbiha na-harangu-ka, “Na pambàda pakaka-nggu jiangu-ma ba palaku-ya. 25Da tau Ahuru la Ihirailu na tananggu napa ku-palàjaru-ha, dàngu da maninja la palindi - palindi-nggu napa kukali - lijaku-nja. Napa ku-pahàla-ya na banjaru-nggu welingu la kapidihu-ha dàngu welingu la buku patuu lerada da tau Ahuru. 26Yiana-yaka na pa-pakaka-nggu ndumana na pinu tana; na pungunggu na-pajola-ka la pahuku-nya na ba - banjaru,” wàna. 27I MIRI Mahupu-mbiha mbàda bota-mana-nyaka la patuna nu. Na punguna na-pajola-nyaka la pa-hukungu, dàngu nda ningua haàtu mamàka pa-pabeta-nya.
I Ala na na-palàjaru-ya na tau Pilitingu
28Yiana-yaka na lii langu na pa-pakadangu la ndaungu metina i Hanganji Ahàhu.
29Ha banjaru Pilitingu, na palu panunggalu na pawàngu ba panunggalu-nggau nambataka. Tàka àmbu nggaüru wàdunya, nadu jàka nameti na heu na ularu, na ularu na marihi akatu nàmu-nyapa na mahilu-ya, dàngu na tilu ularu napa na-wàkahu-nya na nangga hawurungu. 30Napa nyimi na-handauni-kai rimba nda palàda dàngu mbuu ndàbana na tau na marihi pa-pameti-ha. Tàka da tau mila halawàla la banjaru-na i MIRI napa da-ngalangu pangangu, dàngu da tau nda payatangu napa daluri mambiru.
31Padudurungu-wa, dàngu warawa la pakarai pa-ndulangu, ha parai - paraingu Pilitingu! Màtawa kai riu raü hàla paraï pa-mangàdatu! Na kutungu kumburu tana na-hambutalu-ka weli diangu tandana ba nàmunya na pamba muhu, nda ningua haàtu ma-wudutu la honga-da nyuda.
32Nggàra-yaka na hema na pawua-ndanja da papalewa welingu la banjaru Pilitingu? Napa i MIRI na-pahada-nya la Hiungu dàngu na banjaru-na na ma-mayila napa na-kahiri-ya, màta ka wàndanja.
Currently Selected:
YAHAYA 14: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 14
14
Kabeli welingu la ngia pa-wàrungu
1I MIRI napa namila-nya eti na banjaru-na, dàngu hi nahili pindi beliya la pamangu-nya. Nyuna napa nahili bànjalu beliha la tana wikida nyuda. Na tau hangàdangu napa nàmunya dàngu hi da-engangu lai nu anguda nyuda. 2Dangu banjaru napa mandula-ya na banjaru Ihirailu la pa-kabeli la tana na pawua-nanja nyuda i MIRI, dàngu lai nu napa da ba - banjaru nuda da-paatangu wikida la Ihirailu. Na Ihirailu napa na-tanawa-nja da tau da mambàda tanawa-nja nyuda dàngu hi da-pareta-ha nyuda da mambàda roduku-nja nyuda.
Na hanganji Mbambilu la parai tau meti
3I MIRI napa na-pahàla-ya na banjaru Ihirailu welingu la hiduna dàngu la hanggàri-na, dàngu welingu la paràma mbotu na pa-pabukungu-ha nyuda. 4Jàka nalaku-nyaka nuna i MIRI, napa nyuda da paaka-nya na hanganji Mbambilu,
“Na hanganji mbàringu nanjoru-ka! Nyuna nda namàka-apa la pa-parodukungu. 5I MIRI mbàda kanjupu-nanyaka na pareta-da da makuaha - kuaha akatu 6da mawàngu mbenida ba da-roduku-nja da ba - banjaru dàngu ba nua naingu-na na pa-mayila-naha. 7La malamiri la nggubulu pinu tana napa mandangu dàngu nambiru-nanyaka, hi nalundu mbaha eti nimbihu-na na tauka. 8Da pingi eru dàngu da pingi kajuu Limbanongu da-hawola-ka nadu ba nanjoru-ka na hanganji na ma-mbàringu dàngu ba hambàda-yaka, nda ningu-apa ma-paràhangu tau papunggu-ha nyuda!
9La parai tau meti mbàda rimangu-manaka la panggepi-ya na hanganji Mbambilu. Ka pawàla-danyaka da ndewada da tau maningu kuahangu àmangu la pinu tana, dàngu da ndewada da hanganji hadangu-danyaka welingu la kanjàka hanganji-da. 10Nyuda mbuu ndàbada warangu-danyaka, ‘Ha! Nyumu nàhu hama-ma-andaka, bau malijangu nda ningu màkamu! 11Àmangu nyumu ba tembi wànggau lingu jungga, tàka nàhu nyumu ninggauka la mahàna-na la parai tau meti. Da ana kataru jia-haka da nggala katuda-mu dàngu da ngeli jia-haka da hinggi lumburu-mu,’ wàdanya.
12Ha, hanganji Mbambilu, àmangu nyumu kandunu marai romu-kau na ma-hanggilangu, tàka nàhu nyumu kanabu-munya-ka welingu la awangu! Àmangu nyumu mu-taluha da ba - banjaru, tàka nàhu nyumu pa-tòkungu-kauka la tana. 13Mukita etinu nyumu pahei la awangu, dàngu la pa-bànjalu-ya na kanjàka hanganji-mu la pinu kandunu majangga halawàla! Bau kakaya nyumu peku mandapu-mu pa-hanganji la pinu palindi mbara dia, pangia-da da ndewa - ndewa ba da-pauhi. 14Na paniimu nyumu napa muhei la kahuluku karumangu dàngu nadedi-kau Mahupu-jangga. 15Tàka ba tuna, nyumu papuha-kauka la njuruku marihi manjolungu la parai tau meti.
16Nyuda da maninja lai nu napa da-tàngaru dàngu da-kandura-kau. Nyuda napa da-paàrangu, ‘Yiana jia-yaka yia na tau na ma-kàduku-nya na pinu tana dàngu na ma-pariu raünja da pahanganji - pahanganji? 17Nyunaka na ma-palàjaru-ha da parai - paraingu dàngu na ma-panjilu-nya na pinu tana hi nadedi maràda wara? Jiaya yiana yia na manda kàli pahàla-ha da tanawangu-na jàka ndia ka napuli-nja pabeli?’ wàda.
18Mbuu ndàbada da hanganji-da da ba - banjaru patani pa-bokulungu-ha la pinu tana da-mahuru la retida nimbihu-da, 19tàka nyumu nda ningua retimu; na metimu pa-wàrungu hama tuna kalunga na pa-tulaku, na-pitaku-nya metida da ma-patarangu da ma-hanggubalu la pabera, tàka hi kawuka papohu-nja nyuda la liangu kubu watu, hama tuna meti banda pakali - lijakungu. 20Nyumu mbàda pa-làjaru-munyaka na paraimu dàngu mu-pameti-haka da angu banjaru wikimu. Rukuna nuna-duka nyumu hi nda patani-nggau hama tuna da angumu pa-hanganji hawiangu. Nda haàtu ndoku welingu la kuru umamu na ma-akatu na pa-pamara. 21Na tobu wàlahu palu rengga pakiringu-mayaka! Da anamu mini napa dameti ruku njalada da boku la mangilu-da. Nda haàtu-apa napa welingu lai nyuda ma-pareta la pinu tana jàka ndia ma-pahadangu parai - paraingu,” wàdanya.
I Ala napa na-palàjaru-ya na Mbambilu
22I MIRI na Mahupu-mbiha napanii, “Nyungga napa ku-làndahu-nya la Mbambilu, hàla hi ku-pamolu-nya. Nda haàtu-mbu napa pa-pamara, anakeda nda ningumbu napa pa-paluri-nggu. Nyungga, MIRI, mambàda panii, wàna. 23La Mbambilu napa kutuya ramuku pangia-da da wàngi. Na Mbambilu napa ku-podahu pambila-ya. Nyungga Mahupu-mbiha mambàda panii,” wàna.
I Ala napa na-palàjaru-ya la Ahuru
24I MIRI Mahupu-mbiha na-harangu-ka, “Na pambàda pakaka-nggu jiangu-ma ba palaku-ya. 25Da tau Ahuru la Ihirailu na tananggu napa ku-palàjaru-ha, dàngu da maninja la palindi - palindi-nggu napa kukali - lijaku-nja. Napa ku-pahàla-ya na banjaru-nggu welingu la kapidihu-ha dàngu welingu la buku patuu lerada da tau Ahuru. 26Yiana-yaka na pa-pakaka-nggu ndumana na pinu tana; na pungunggu na-pajola-ka la pahuku-nya na ba - banjaru,” wàna. 27I MIRI Mahupu-mbiha mbàda bota-mana-nyaka la patuna nu. Na punguna na-pajola-nyaka la pa-hukungu, dàngu nda ningua haàtu mamàka pa-pabeta-nya.
I Ala na na-palàjaru-ya na tau Pilitingu
28Yiana-yaka na lii langu na pa-pakadangu la ndaungu metina i Hanganji Ahàhu.
29Ha banjaru Pilitingu, na palu panunggalu na pawàngu ba panunggalu-nggau nambataka. Tàka àmbu nggaüru wàdunya, nadu jàka nameti na heu na ularu, na ularu na marihi akatu nàmu-nyapa na mahilu-ya, dàngu na tilu ularu napa na-wàkahu-nya na nangga hawurungu. 30Napa nyimi na-handauni-kai rimba nda palàda dàngu mbuu ndàbana na tau na marihi pa-pameti-ha. Tàka da tau mila halawàla la banjaru-na i MIRI napa da-ngalangu pangangu, dàngu da tau nda payatangu napa daluri mambiru.
31Padudurungu-wa, dàngu warawa la pakarai pa-ndulangu, ha parai - paraingu Pilitingu! Màtawa kai riu raü hàla paraï pa-mangàdatu! Na kutungu kumburu tana na-hambutalu-ka weli diangu tandana ba nàmunya na pamba muhu, nda ningua haàtu ma-wudutu la honga-da nyuda.
32Nggàra-yaka na hema na pawua-ndanja da papalewa welingu la banjaru Pilitingu? Napa i MIRI na-pahada-nya la Hiungu dàngu na banjaru-na na ma-mayila napa na-kahiri-ya, màta ka wàndanja.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)