YAHAYA 11
11
Na pa-hanganji peku
1Da wàlana i Hanganji Ndautu hama tuna na pingi ai na pambàda punggu. Ba tuna hama tuna welingu la kanjiru-na ba natumbu na kalunga bidina, tuna numbu welingu la wàlana i Ndautu napa na-kawudaku na haàtu hanganji.
2Na kuaha-na i MIRI napa na-kapipi-ya,
jia-duyaka hi na-paeti dàngu hi na-manggàna,
namàhi papiti botangu dàngu la pa-pahàra-nya;
napinya na pambuha-na i Ala hi na-karadaku-nya Nyuna.
3Pambuha-mananya la pa-manundu lai MIRI.
Nda àtalu timbangu-ana duna
dàngu nda na-palata-anya na pulu tau.
4Na ngera tau mila natimba padeni-manya,
na tau nda pa-yatangu wàngu tànji eti-mana ba na kahiri-ya;
na tau njala pa-hukungu-ya la hupu liina nyuna,
na tau akatu na pamauya.
5La ngga - nggàra bia na-paluangu lima
wàngu mola dàngu tuturu-na.
6Da ahu rumba napa da pa-angungu dàngu mbimbi,
da mahangu kadutulu da-katuda angu dàngu kamàmbi.
Da ana hapi napa daniti rumba#Da pa-haleli ndai da manda pirada: daniti rumba;Imbarani: banda pawangu mambo - mboka. la lihi ana hinga,
dàngu anakeda-a napa mapawa-nja.
7Napa da hapi dàngu da mbaruangu angu nganguda rumba,
da anada napa da-katuda pa-angungu.
Da hinga dangangu rembi hama tuna hapi.
8Jiapa na haàtu ana rara nda nggàra ehina
jàka na-pajulu la lihi kataru pa-upahungu.
9La Hiungu Tandula Matua-na i Ala,
nda ningu ma-akatu jàka ndia ma-paruha.
Napa na paraingu nambinu-nya papi wànya i Ala,
hama tuna wai mapinu-ya na tehiku.
Na banjaru pa-kahika napa nabeli
10Napa natàka na rehina ba ninya na haàtu hanganji wàlana i Ndautu na ngia pa-parànja-nanya mata paraï ba - banjaru. Napa damai lai nyuna hi dapeka-nya rihina na ngia pa-ngiangu-na. 11La lodu nuna napa i MIRI nahili handàkungui pawànya na kuaha-na ba nangàndi beliya na banjaru-na na marihi la Ahuru dàngu la Mehiru la tana - tana Pàturu, Hundangu dàngu Elàmu, la Mbambilu, Hamàtu dàngu la nu - nuha mamarau. 12Napa i MIRI na-jakarungu hau penji ndumada da banjaru. Nuna hau tandaya ba pauhi beli-nanyaka na banjaru Ihirailu dàngu Yahunda na ma-tanyalangu la mbuu ndàbana na hupu tana, hi nangàndi beliha. 13Na pa-hanganji Ihirailu napa nda nahili pakilitu-anyapa na Yahunda, tàka na Yahunda nda nahili muhu-anyapa na Ihirailu. 14Napa anguda pa-kaluluku-nya na tau Pilitingu la patama lodu dàngu la paramba-nja da banjaru la pahunga lodu. Napa da-panyàku-ha da banjaru Endumu dàngu Muapu, tàka napa na banjaru Amungu da-marubuku lai nyuda. 15Napa i MIRI na-pamihi-ya la Njobuwai Huwihu. Natuya na ngilu mbana ma-hapuputu hi lupa pihu mbungu ana luku kàrahu-ya na Luku Epuràtu, tàka hi peku pala mangu halapangu-na nimbihu-na na tau. 16Nduma banjaru-na na marihi, ninguka napa ànda bokulu la paluhu welingu la Ahuru, hama tuna la rehi luhuna na Ihirailu welingu la Mehiru.
Currently Selected:
YAHAYA 11: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 11
11
Na pa-hanganji peku
1Da wàlana i Hanganji Ndautu hama tuna na pingi ai na pambàda punggu. Ba tuna hama tuna welingu la kanjiru-na ba natumbu na kalunga bidina, tuna numbu welingu la wàlana i Ndautu napa na-kawudaku na haàtu hanganji.
2Na kuaha-na i MIRI napa na-kapipi-ya,
jia-duyaka hi na-paeti dàngu hi na-manggàna,
namàhi papiti botangu dàngu la pa-pahàra-nya;
napinya na pambuha-na i Ala hi na-karadaku-nya Nyuna.
3Pambuha-mananya la pa-manundu lai MIRI.
Nda àtalu timbangu-ana duna
dàngu nda na-palata-anya na pulu tau.
4Na ngera tau mila natimba padeni-manya,
na tau nda pa-yatangu wàngu tànji eti-mana ba na kahiri-ya;
na tau njala pa-hukungu-ya la hupu liina nyuna,
na tau akatu na pamauya.
5La ngga - nggàra bia na-paluangu lima
wàngu mola dàngu tuturu-na.
6Da ahu rumba napa da pa-angungu dàngu mbimbi,
da mahangu kadutulu da-katuda angu dàngu kamàmbi.
Da ana hapi napa daniti rumba#Da pa-haleli ndai da manda pirada: daniti rumba;Imbarani: banda pawangu mambo - mboka. la lihi ana hinga,
dàngu anakeda-a napa mapawa-nja.
7Napa da hapi dàngu da mbaruangu angu nganguda rumba,
da anada napa da-katuda pa-angungu.
Da hinga dangangu rembi hama tuna hapi.
8Jiapa na haàtu ana rara nda nggàra ehina
jàka na-pajulu la lihi kataru pa-upahungu.
9La Hiungu Tandula Matua-na i Ala,
nda ningu ma-akatu jàka ndia ma-paruha.
Napa na paraingu nambinu-nya papi wànya i Ala,
hama tuna wai mapinu-ya na tehiku.
Na banjaru pa-kahika napa nabeli
10Napa natàka na rehina ba ninya na haàtu hanganji wàlana i Ndautu na ngia pa-parànja-nanya mata paraï ba - banjaru. Napa damai lai nyuna hi dapeka-nya rihina na ngia pa-ngiangu-na. 11La lodu nuna napa i MIRI nahili handàkungui pawànya na kuaha-na ba nangàndi beliya na banjaru-na na marihi la Ahuru dàngu la Mehiru la tana - tana Pàturu, Hundangu dàngu Elàmu, la Mbambilu, Hamàtu dàngu la nu - nuha mamarau. 12Napa i MIRI na-jakarungu hau penji ndumada da banjaru. Nuna hau tandaya ba pauhi beli-nanyaka na banjaru Ihirailu dàngu Yahunda na ma-tanyalangu la mbuu ndàbana na hupu tana, hi nangàndi beliha. 13Na pa-hanganji Ihirailu napa nda nahili pakilitu-anyapa na Yahunda, tàka na Yahunda nda nahili muhu-anyapa na Ihirailu. 14Napa anguda pa-kaluluku-nya na tau Pilitingu la patama lodu dàngu la paramba-nja da banjaru la pahunga lodu. Napa da-panyàku-ha da banjaru Endumu dàngu Muapu, tàka napa na banjaru Amungu da-marubuku lai nyuda. 15Napa i MIRI na-pamihi-ya la Njobuwai Huwihu. Natuya na ngilu mbana ma-hapuputu hi lupa pihu mbungu ana luku kàrahu-ya na Luku Epuràtu, tàka hi peku pala mangu halapangu-na nimbihu-na na tau. 16Nduma banjaru-na na marihi, ninguka napa ànda bokulu la paluhu welingu la Ahuru, hama tuna la rehi luhuna na Ihirailu welingu la Mehiru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)