HOHIA 9
9
Na hukungu nduma Ihirailu pa-bobaru-ya
1Ha dimi banjaru Ihirailu, àmbi mbabu-dunjapa da lodu - lodu bokulu-mi hama tuna na banjaru hawiangu. Mbàda dunjaku-minyaka na Alami dàngu ndai tuturu-a lai Nyuna. La nimbihu ngia pawari puruhu uhu nggàndumu,#La nimbihu ngia pawari puruhu uhu nggàndumu; Da pangia nuda ngia pa-lumungu-mbuha. idanggangu wikimi la Marapu Mbaàlu la pa-pahunda dàngu imbuhangu payema uhu nggàndumu bai kakaya ba wunda-minya welingu la marapu nuna! 2Tàka nda namandai-apa ba danjàpu-nggai uhu nggàndumu dàngu mina haitungu dàngu danjàpu-mbu napa da angguru. 3Napa nyimi, ha banjaru Ihirailu ndai ndàdiku pa-daingu-a la tana pawua-nanggai nyimi i MIRI. Lupangu-ma ibeli la Mehiru, dàngu lupangu-ma ingangu pangangu manda hida#pangangu manda hida; La kalaratu-na i Muha na-hiringu panganja da pangangu da pa-màtangu da manda hida ba wàna na anggama (tàngaru-ya la Part. 11). la Ahuru. 4La tana nuda ndai ngalangu-a pawotu tanda maraku angguru dàngu kameti maraku banda la pa-pahàmu-ya na etina i MIRI. Na pangangu-mi na-pairaku-ya nimbihu-na na tau na manganya, hama tuna pangangu da-pangangu la lii taningu. Nalingu-na nuna na pangangu mbulungu ka pambihu-ya na kambu-ma-ami; nda ana hakudu-a pangàndi la Umana i MIRI ka wotuha maraku lai nu. 5La lo - lodu bokulu huri lumungu ndai ngalangu-a pawunda ngga - nggàra ka mbabunya. 6Jàka natàka-ka na tàparu, dàngu ba pangàndi-kaika la hili hau tana, napa da ma-kanjepi welingu lai nyimi na-pauhi-nja paraï da tau Mehiru ka pameti-ha hi taninja la Mepihu! Napa natumbu-nja rii madàka dàngu rumba hi na-kawuhuku-ha da watu umami dàngu da kanaingu àmahu barami da ma-pawilingu.
7Toma-nanyaka na rehi hukungu, na rehi ngalangu limbana mbuu ndàba na pawunda. Pàda-nanyaka napa na Ihirailu! Mipanii,
“Manduba-ya na wunangu yiana na pa-runuku ngahu! Katoba-nanya!” wàmi. Hi panii timi nu rukuna ba kanjupu karaü-mingga eti dàngu ba lalu bokulu-ha da njalami.
8Na-palewa-ka i Ala ka wunangu-ka pa-panamu-nggai nyimi banjaru-na, na nyuna la nggi biaka kulaku ningu, pa-mukarungu-maminya pahiru-ka nyungga hama tuna na ma-hawurungu. La tana mangu wikina i Ala, na muhu-nggama rayatu nyuma wunangu. 9Kanjupu akatu-ya na pawunda-mi hama tuna na pawunda tau la Nggimbia.#Nggimbia: La paraingu yiana ninja da tau Ihirailu welingu la kabihu Mbanyamingu da ma-rumbaku-ya na kala wihi haàtu tau Lewi; nuna nu na-pawiti-nya na pabera dua wiki na matika pa-pamànji-ya mbutana na kabihu Mbanyamingu. (Tàngaru-ya la Hak. 19:21). Napa na-pangàda-nja da njalami i Ala, hi nahuku-nggai rukuda da njalami.
Na njala Ihirailu dàngu na limbana
10Napanii i MIRI, “La kawunga hunggu-nggunya na Ihirailu, kanjupu hawola-ka hama tuna tau mahunggu wua angguru la maràda telangu. La kawunga ita-ngguha da boku la mangilu-mi kumbaha eti hama tuna tau ma-itangu kawunga wua kapilitu. Tàka, ba dalua-ka la Palindi Piuru, pa-kiringu-danyaka palumu-nya na Mbaàlu, hi lupa da-iraku hama tuna nuna na marapu pambuha-da.
11Na bokulu-na na Ihirailu napa na-hawurungu hi na munangu hama tuna ma-hawurungu; nda jia ningua maworu ihina, dàngu nda ningua anarara pa-habolangu. 12Tàka jàka ningukai anakeda madedi dàngu pa-pamatua napa kupiti-ha nyuda; nda haàtu-a pa-pahia-nggu paluri. Nai-a-ai nyimi, banjaru Ihirailu jàka ku-dunjaku-nggai!” wàna.
13MIRI, kuita-ha da anada ba ya - yauluha hi pameti-ha. 14Nggàraka bàdi pakarai-nggu lai Nyumu ndumada da tau nuda? Panjadi-ha kawini mbuta da tau kawini-da! Wunda-nyawa, ka àmbu peku pahuhu-daha da anada!
I MIRI nahuku-nya na Ihirailu
15Napanii i MIRI, “Mbuu ndàba na akatu-da nyuda na-pakirungu la Ngginggalu. Lai nuduka ba ku-pakiringu pa-karaü-nja eti. Ruku na pawunda-da na ma-akatu, napa kuwàngga-ha welingu la tananggu yiana. Nda kuhili mbuha-ànjapa nyuda; mbuu ndàba da liku uruda mbàda ndubaku-danggaka Nyungga. 16Da tau Ihirailu napa kuhuku-nja. Nyuda hama tuna pingi ai manda wuaya, dàngu mambàda meti amu-nanya. Nda jia ningua anada; tàka jàka ningukai anada, napa ku-pameti-ha nuda da ana pambuha-da,” wàna.
Na panii na wunangu rukuna na Ihirailu
17Napa i Ala na palumu-nggu na-tebuku-ya na banjaru-na, rukuna ba nda-dambuhangu pa-patingi-nya Nyuna. Napa da-lindingu la honga ba - banjaru.
Currently Selected:
HOHIA 9: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
HOHIA 9
9
Na hukungu nduma Ihirailu pa-bobaru-ya
1Ha dimi banjaru Ihirailu, àmbi mbabu-dunjapa da lodu - lodu bokulu-mi hama tuna na banjaru hawiangu. Mbàda dunjaku-minyaka na Alami dàngu ndai tuturu-a lai Nyuna. La nimbihu ngia pawari puruhu uhu nggàndumu,#La nimbihu ngia pawari puruhu uhu nggàndumu; Da pangia nuda ngia pa-lumungu-mbuha. idanggangu wikimi la Marapu Mbaàlu la pa-pahunda dàngu imbuhangu payema uhu nggàndumu bai kakaya ba wunda-minya welingu la marapu nuna! 2Tàka nda namandai-apa ba danjàpu-nggai uhu nggàndumu dàngu mina haitungu dàngu danjàpu-mbu napa da angguru. 3Napa nyimi, ha banjaru Ihirailu ndai ndàdiku pa-daingu-a la tana pawua-nanggai nyimi i MIRI. Lupangu-ma ibeli la Mehiru, dàngu lupangu-ma ingangu pangangu manda hida#pangangu manda hida; La kalaratu-na i Muha na-hiringu panganja da pangangu da pa-màtangu da manda hida ba wàna na anggama (tàngaru-ya la Part. 11). la Ahuru. 4La tana nuda ndai ngalangu-a pawotu tanda maraku angguru dàngu kameti maraku banda la pa-pahàmu-ya na etina i MIRI. Na pangangu-mi na-pairaku-ya nimbihu-na na tau na manganya, hama tuna pangangu da-pangangu la lii taningu. Nalingu-na nuna na pangangu mbulungu ka pambihu-ya na kambu-ma-ami; nda ana hakudu-a pangàndi la Umana i MIRI ka wotuha maraku lai nu. 5La lo - lodu bokulu huri lumungu ndai ngalangu-a pawunda ngga - nggàra ka mbabunya. 6Jàka natàka-ka na tàparu, dàngu ba pangàndi-kaika la hili hau tana, napa da ma-kanjepi welingu lai nyimi na-pauhi-nja paraï da tau Mehiru ka pameti-ha hi taninja la Mepihu! Napa natumbu-nja rii madàka dàngu rumba hi na-kawuhuku-ha da watu umami dàngu da kanaingu àmahu barami da ma-pawilingu.
7Toma-nanyaka na rehi hukungu, na rehi ngalangu limbana mbuu ndàba na pawunda. Pàda-nanyaka napa na Ihirailu! Mipanii,
“Manduba-ya na wunangu yiana na pa-runuku ngahu! Katoba-nanya!” wàmi. Hi panii timi nu rukuna ba kanjupu karaü-mingga eti dàngu ba lalu bokulu-ha da njalami.
8Na-palewa-ka i Ala ka wunangu-ka pa-panamu-nggai nyimi banjaru-na, na nyuna la nggi biaka kulaku ningu, pa-mukarungu-maminya pahiru-ka nyungga hama tuna na ma-hawurungu. La tana mangu wikina i Ala, na muhu-nggama rayatu nyuma wunangu. 9Kanjupu akatu-ya na pawunda-mi hama tuna na pawunda tau la Nggimbia.#Nggimbia: La paraingu yiana ninja da tau Ihirailu welingu la kabihu Mbanyamingu da ma-rumbaku-ya na kala wihi haàtu tau Lewi; nuna nu na-pawiti-nya na pabera dua wiki na matika pa-pamànji-ya mbutana na kabihu Mbanyamingu. (Tàngaru-ya la Hak. 19:21). Napa na-pangàda-nja da njalami i Ala, hi nahuku-nggai rukuda da njalami.
Na njala Ihirailu dàngu na limbana
10Napanii i MIRI, “La kawunga hunggu-nggunya na Ihirailu, kanjupu hawola-ka hama tuna tau mahunggu wua angguru la maràda telangu. La kawunga ita-ngguha da boku la mangilu-mi kumbaha eti hama tuna tau ma-itangu kawunga wua kapilitu. Tàka, ba dalua-ka la Palindi Piuru, pa-kiringu-danyaka palumu-nya na Mbaàlu, hi lupa da-iraku hama tuna nuna na marapu pambuha-da.
11Na bokulu-na na Ihirailu napa na-hawurungu hi na munangu hama tuna ma-hawurungu; nda jia ningua maworu ihina, dàngu nda ningua anarara pa-habolangu. 12Tàka jàka ningukai anakeda madedi dàngu pa-pamatua napa kupiti-ha nyuda; nda haàtu-a pa-pahia-nggu paluri. Nai-a-ai nyimi, banjaru Ihirailu jàka ku-dunjaku-nggai!” wàna.
13MIRI, kuita-ha da anada ba ya - yauluha hi pameti-ha. 14Nggàraka bàdi pakarai-nggu lai Nyumu ndumada da tau nuda? Panjadi-ha kawini mbuta da tau kawini-da! Wunda-nyawa, ka àmbu peku pahuhu-daha da anada!
I MIRI nahuku-nya na Ihirailu
15Napanii i MIRI, “Mbuu ndàba na akatu-da nyuda na-pakirungu la Ngginggalu. Lai nuduka ba ku-pakiringu pa-karaü-nja eti. Ruku na pawunda-da na ma-akatu, napa kuwàngga-ha welingu la tananggu yiana. Nda kuhili mbuha-ànjapa nyuda; mbuu ndàba da liku uruda mbàda ndubaku-danggaka Nyungga. 16Da tau Ihirailu napa kuhuku-nja. Nyuda hama tuna pingi ai manda wuaya, dàngu mambàda meti amu-nanya. Nda jia ningua anada; tàka jàka ningukai anada, napa ku-pameti-ha nuda da ana pambuha-da,” wàna.
Na panii na wunangu rukuna na Ihirailu
17Napa i Ala na palumu-nggu na-tebuku-ya na banjaru-na, rukuna ba nda-dambuhangu pa-patingi-nya Nyuna. Napa da-lindingu la honga ba - banjaru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)